Efɛzenya 4:18 - Nouveau Testament bété de Gagnoa

¹⁸ 'Wa "ne 'no -ɛ -ko gbɛklɛklɛ -wɛ "me, "ne 'wa "ne Lagɔ 'na zikpɛ -ye 'ɔ 'nyɛ -wɛ "me -ko -me. "Naa-, 'wa "ne -yi. Sɛko -wɛ, 'wanɛɛ 'dle 'gbɔ- "ku zɛ.

Efɛzenya 4:18 Iomraidhean Croise

Matie 13:15

"Naa-, "ɛ 'nyakpa -wɛ 'gba- 'wanɛɛ 'yukwli "ku -se 'wa te -kɛ gbo 'no, 'wa 'gba- 'wanɛɛ 'yli "ku -se 'wa te -kɛ siɛ 'ye, sɛko -wɛ, 'wa "ne 'yɔbhɔ -gbɔ 'wa kɛ kɔ 'bheliɔ- -se 'e "koa yamalea-!

Malke 3:5

"Ne 'ɔ yua -lɔ "kɛlesɛ 'ylime 'glole- 'klekle. 'Dle 'gbapelo "me -see 'wa 'tɛ- 'yukwli "me -wɛ za. "Ne 'ɔ yi -lɔ "ɛ sɔyɔkobhlinyɔ -wɛ bhulɛle- nɛɛ: «Glo -neɛ' sɔ -wɛ "me.» 'Ɔ 'cɛ "me 'glo ne, 'ɔnɛɛ sɔ -yamale.

Zezu Kli 'na 'Denaade ‑ye Zaa kɛle‑ ne lɛ 12:40

«Lagɔ 'gba- 'wanɛɛ 'yli "ku, "ne 'ɔ yi -lɔ 'wanɛɛ "nanoɛ- "ku "gba, -se 'wanɛɛ 'yli te -kɛ 'siɛ "ye, "ne 'wanɛɛ "nanoɛ te -kɛ -bɛɛ' "me 'no. Lagɔ nɛɛ, -ɛwɛza 'wa glɛ -lɔ -ame "klo, -see "koa yamalea-!»

Nonoli 17:30

"Tɛnye 'na -ye 'nyakpa "ne 'awɔ -ye 'wa no -yi -wɛ, Lagɔ "ne 'awɔ 'gbo 'di, 'dle 'ye 'ɔ 'piɛ- 'awɔ -lɔ "bhle zɛ. -Dɛmeda, 'ɔ la dodo ne "ku 'na 'nyakpa 'klekle -gbɔ 'wa 'bhelia- 'wanɛɛ zikpɛ kɔ.

Nonoli 3:17

-Nyɔɔsɔ 'wanye, 'anye, "ne 'anyɛɛ "cifia 'wɔ "bhaa, 'e -yi sɛ -gbɔ 'a "ne sɛ -yi za, 'a 'lɔbhɔ- -lɔ Zezu.

Wlomɛnya 1:28

'Wa "ne 'yɔbhɔ -gbɔ 'wa "kɛ -kɛ 'se Lagɔ yibhlele- za, Lagɔ "taloa- 'yi "ne 'wa yi -lɔ 'wanɛɛ 'dlepɔsɛ -nyɛnye -wɛ gɛlele-, "ne 'wa no -lɔ -ye 'nyɔkpɔ -ka no -wɛ.

Wlomɛnya 11:25

-Nyɔsɔwanye, Lagɔ 'na diɛweli -ɛ zizɔ- lɛ "ku ne, 'e 'cɛ 'anye sloa, -se 'a te kɛ 'dle 'pɔ -gbɔ 'ylimeyamalenya 'ye 'a -noɔ. Izlayɛleyua 'na -bedia "ne 'bhɛle- 'wa 'cɛ "me 'no, "ne 'ɛyi -wɛ yi 'ce "me -gwlɛ -kaa, "ne -wa "ne zufonya 'waa -wɛ "kɛ -lɔ Lagɔ lo 'yli-.

Wlomɛnya 11:7

-See 'ɛ sɛ bhɔ zɔ 'a? -Ye Izlayɛleyua 'tɛle 'siɛ -wɛ, 'wa "ne -yle, -mɔ, -ye Lagɔ -tɔ 'awɔ -wɛ -yle -lɔ "ɛ -ye 'wa 'tɛle 'awɔ 'siɛ -wɛ. -Bedia "ne 'awɔ 'ɛnɛɛ "me 'no -gbo 'ŋunu-. Lagɔ "tamaloa- 'yukwli "me -see 'wa te -kɛ "me 'no -wɛ.

Wlomɛnya 2:19

-E -kɛ 'dleku -gbɔ -e yi 'yligbeyinya 'yuku gɛle-, "ne -e yi 'nyakpa 'na -wa -ko titiɛ "me -wɛ 'na -zle "zo,

1 Kolɛtenya 1:21

"Naa-, zikpɛ ne "ku 'na 'nyakpa -nyɛ 'wanɛɛ 'ylimeyamaleɛ "bhaa "ne Lagɔ 'na 'ylimeyamaleɛ yibhlele-. 'Ɛza, Lagɔ -ylɛle -lɔ 'Denaade -ye 'wa la "kukwɛ -wɛ "me -se 'ɔ "kɛ -wa -kɛ 'dleku -wɛ 'fuɔ.

1 Kolɛtenya 2:8

Dodo ne "ku 'na "yitia 'na 'glɛme 'na -bholo "ne "ɛ 'ylimeyamaleɛ ne -yibhlele, 'wa 'cɛ nɛ -yibhlele ne, 'wa kɛ 'awɔ Anyinɛnyɔ, 'Ŋlumenyɔ klowa "klo kole-.

2 Kolɛtenya 3:14

-Mɔ, 'wanɛɛ 'wugɔŋo gbɔ- "ku -dɛme -na zɛ. 'Wa kɛ mɛnenoɛ -gɔgɔ 'na "bɔgo "me zɛle ne, 'ɛ -ko sɛgbɛɛ "ɛ lokwi -pɛɛ -wɛ wale- 'wanɛɛ 'klo "ku 'yiɛ. -Mɔ, -sɔɔdɛku 'nyɔkpɔ -nyɛ Klise "bhaa 'wa -kole "ku -wɛ, 'ye "ɛ lokwi -pɛɛ -wɛ bhɔ -lɔ "klo.

2 Kolɛtenya 4:4

"ne -wa "ne Lagɔ 'na weli 'dleku -kɛ, Sata, dodo ne "ku 'na lagɔ gba- 'wanɛɛ "nɛnoɛ "ku. 'Ɛza, 'wa "ne zle -ɛ -ko 'Denaade "me, "ne 'ɛ -noɔ Klise 'na 'ŋlu 'na -ylo yɛ -wɛ 'yli -gɛ. 'Ɔyi, -ɔ -noɔ Lagɔ 'na 'wlole yɔ -wɛ.

Galatenya 4:8

'Watɔ -ce, 'a "ne 'awɔ Lagɔ -yi, 'ɛza, 'a -noɔ 'awɔ -lɔ zikpɛ ne "ku 'na -li -wɛ 'wɔ, -ɛ "ne -diɛnadiɛ Lagɔ yɛ -wɛ 'na 'juyua 'waa.

Efɛzenya 2:1

-Watɔ -ce, 'a "ku- 'awɔ 'anyɛɛ "nyɛnye za, "ne -anyɛɛ 'nyinyonoli za.

Efɛzenya 2:12

'A yibhlele- -kɛ 'sɛ -gbɔ 'ɛ "tɛnye -wɛ "me, 'a 'tlole- 'awɔ -kɛ Klise dɛ, "ne 'a -noɔ 'awɔ -lɔ 'lowlinya 'waa, 'a "ne nɛ Izlayɛleyua 'glɛme -ko; "ne Lagɔ 'na 'mɛnenoɛ -nyɛ 'ɔnɛɛ weli -ye 'ɔ ple -wɛ, 'ɛ "ne nɛ 'anye -nɛ yɛ, 'a -ko nɛ "ɛ dodo ne "ku -wɛ 'a "ne nɛ -bɛɛ' 'dle tɛle- "ne 'a "ne nɛ Lagɔ -yi.

Kolɔsenya 1:21

'Anye, -watɔ 'ce, lowlinya 'ye 'a -noɔ nɛ -lɔ Lagɔ za, 'a -noɔ nɛ 'ɔnɛɛ -gblenya 'waa. "Naa-, 'a 'pɔ nɛ 'dle -gbɔ 'a "kɛ nɛ "nyɛnye no, "ne 'a no nɛ 'yiɛ!

1 Tesalonikenya 4:5

Zaa, 'a te se 'anyɛɛ 'dle 'na -ye 'ɛ 'yɔbhɔ -wɛ "ku zia sɛgbɛɛ 'nyakpa 'na -wa "ne "zo Lagɔ -wɛ.

Eblenya 5:2

Bɔbɔnyɔ "yitɔ 'ɔyi 'nabhɛ 'ɔ -kɛ 'kwɛme-yɔleɛ -kwleyi. 'Ɔ 'bhɛle- "ne 'ɔ "kɛ 'wa ne -bɛɛ' -yi "ne -wa 'to 'gbi -wɛ "me 'no.

Eblenya 9:7

-Mɔ bɔbɔnyɔ "yitɔ, 'ɔyikɔ -plɛ -lɔ -cibhɛ 'na "sɔnɛ -wɛ "me, "ku -bholo -kpee 'ylobɛ "me. 'Ɔ -su dlu, 'ɔ "kɛ bɔbɔ 'ɔyi-gɛsɛ za "ne 'nyakpa -wa "ne 'sɛ -yi 'na "nyɛnye 'ye 'wa -no -wɛ 'na 'nyinyonoli za.

Zake 4:4

'A "ne bhɔ sɛ -yi -gbɔ: -E kɛ zikpɛ ne "ku 'na -li -wa, Lagɔ 'ye -e "ne -lɔ -wa. "Naa-, -ɔ kɛ no -gbɔ zikpɛ ne "ku 'na -li 'ye 'ɔ -wa, Lagɔ 'na 'gblenyɔ 'ye 'ɔ -noɔ -lɔ.

1 Piɛle 1:14

'A "zo Lagɔ 'plome, 'a -namlɛ Zezu yibhlele- 'na 'dlepɔsɛ -nyɛnye -ye 'a -kɛ 'awɔ -watɔ -wɛ, 'a 'tale- 'yi.

1 Zaa 2:11

-Mɔ, 'ɔ -gble 'ɔ "nɔwli -wɛ titiɛ "me 'ye 'ɔ -ko -lɔ, "ne 'ɔ 'nɔŋo -lɔ titiɛ "me, "ne 'ɔ "ne -dee 'ɔ me -yi, titiɛ 'wlɔ- 'yli.