Efɛzenya 4:16 - Nouveau Testament bété de Gagnoa

¹⁶ Klise za, "ɛ ku -wɛ 'klekle -glɛglɛle -lɔ "ne 'ɛ "zo -lɔ -bholo. 'Jeleadɛme 'na 'gbagbo gbɔ -lɔ "ne "ɛ ku "zo -lɔ -bholo, "ne "ɛ ku 'na -cibhɛ -bholo kɛ 'ɛnɛɛ libhɔ no ne, "ɛ ku 'kpɔmale "ne -waleɛ "me 'ɛ me -lɔ 'yuku.

Efɛzenya 4:16 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 15:5

'Mɔɔ -noɔ -lɔ 'vinye -su yɔ, "ne 'anye -noɔ -lɔ 'ɛnɛɛ klɛ 'waa. -Ɔ -ko -ame "me, "ne -ye 'e -ko "me -wɛ, 'ɔ yi bhi 'na "kwleyi tlo, "naa-, 'ɛ "mɔ -ame yɔ, 'a "ne 'bhɛle- "ne 'a "kɛ -bɛɛ' no.

Wlomɛnya 12:4

"Naa-, -anyɛɛ ku 'na -dawli zu, "ne 'ɛyi 'klekle libhɔ -bhele 'ye 'ɛ -na no.

1 Kolɛtenya 10:17

-See "fɔlɔ -yle -bholo "ne -a lile 'gɔme -wɛ, sɔbhɔ -anyɛɛ ku -yle me 'lele -lɔ -bholo. "Naa-, "fɔlɔ -bholo -wɛ 'ye -a li -lɔ zɛ.

1 Kolɛtenya 13:13

-Dɛmeda, -li ta -ko -lɔ lɔbhɔ 'yiɛ. 'Dlekukɛleɛ, 'dletɛleɛ, "ne 'ŋwɛnɛmekɛleɛ. -Mɔ, 'ɛyi ta -kpɔ 'glɛme 'na -ɛ 'kpɔ -wɛ -noɔ -lɔ 'ŋwɛnɛmekɛleɛ yɛ.

1 Kolɛtenya 8:1

Ɛ kɛ 'Nɛmea -ye 'wa -bɔbɔle "fu 'na lagɔ -wɛ 'na weli yɛ, 'diɛɛ yɛ -lɔ, «-A -yi 'klekle» -se 'a -gbɔ -wɛ. -Mɔ 'ɛ soɔ 'na -li 'na yibhleyibhleleɛ 'nyɛ -lɔ bhabhɛ. -Mɔ, -waleɛ "tamalea -lɔ Lagɔgligbɛ "me 'na konya "me.

Galatenya 5:22

-Mɔ, Zuzu Wlewle 'na -ye 'ɔ 'nyɛ ne lɛ: -Waleɛ, 'ŋwɛnɛ, "kuwɔteɛ, 'dlebhlepiɛ, "nɛnekoɛ, "kulɔbhɔɛ, -alua 'na 'dlekukɛleɛ,

Galatenya 5:6

'Nyɔkpɔ -nyɛ Klise Zezu "bhaa 'wa "kɛ "ku -kole ne, 'ɔ 'diɔ- "ku 'oo, 'ɔ "ne "ku 'diɔ- 'oo, 'ɛ "ne -bɛɛ' "me -ko! -Mɔ, 'ɛnɛɛ 'ɛ zi lɛ "ku -noɔ -lɔ -gbɔ -a 'tua -anyɛɛ 'dlekukɛleɛ 'na -se -a -wɔ -wɛ 'ylime.

Efɛzenya 1:4

-Sɔɔdɛku zikpɛ -namlɛ 'wlɔ- -wɛ, Lagɔ -tɔ -anye Zezu Kli "me, -se -a "kɛ 'wlewle ko, -se 'ɔyi 'yliku, -a te -kɛ 'nuɔsɔbhɔledɛ kɛle-, -se -a "kɛ 'ɔnɛɛ -waleɛ "me ko.

Efɛzenya 3:17

Klise 'ko 'anye 'dlezɔ 'dlekukɛleɛ "me! 'E 'yɔbhɔ -gbɔ 'a mi -kpulu -se 'a kɛlekɛlele kɔ -se 'anyɛɛ -waleɛ "tamale- "me.

Efɛzenya 3:7

Lagɔ 'na "nɛne -ko -za, 'ɔ -gbɔ "ne 'e "zo- "ɛ 'Denaade -wɛ 'na "kulɔbhɔnyɔ. 'Ɔnɛɛ nonoli 'na 'bhɛloɛ za yɛ -me -lɔ -tiaa.

Efɛzenya 4:12

"Ɛ 'nyɛnyɛ -bɛɛ' -wɛ "me, Klise 'yɔbhɔ -gbɔ 'ɔ "kɛ -wa -noɔ Lagɔ -noa 'waa -wɛ -sloa. 'Ɛ -kɛ -soɔ -ko, 'wa "kɛ 'klecɛ libhɔ no -se Lagɔgligbɛ -ɛ -noɔ Klise -nɛ yɛ -wɛ "kɛ 'yuku "me.

Efɛzenya 4:15

-Mɔ, -a kɛ gbɛklɛklɛ bhulɛ -waleɛ "me ne, -a yi -li 'klekle "me 'kpɔmale Klise 'nasɛ, 'ɔyi -ɔ -noɔ ku 'na 'wli yɔ -wɛ za.

Filiponya 1:9

-Se 'e bhubhɔ 'anyɛɛ za ne lɛ: 'Anyɛɛ -see 'a -kɛkɛle 'ŋwɛnɛ "me -wɛ, 'ɛ 'kpɔmale- 'yiɛ, -se 'a "kɛ -li 'na "me -seseliasɛ yibhlele-, -se 'a "kɛ -li "me 'no 'tee.

Kolɔsenya 2:19

'Wa "ne Klise -ɔ -noɔ ku 'na 'wli yɔ -wɛ 'glɛ -glɛ. "Ne "ɛ 'wli -wɛ -su -lɔ "ɛ ku -wɛ 'klekle. 'Ɛ -gbɔ -lɔ "ne -a 'bha -lɔ bhulɛ "me 'tee, Lagɔ 'kpamalea -lɔ "ɛ ku -wɛ "ku -se 'ɔ 'yɔbhɔ -wɛ.

Kolɔsenya 2:2

'E 'yɔbhɔ -gbɔ 'wa "tamale 'dleku, -se 'wa -kole "ku 'ŋwɛnɛsɛ, -se 'wanɛɛ "nanoɛ 'kpɔmale-, -se 'wa "kɛ Lagɔ 'na -ɛ zizɔ- "ku -wɛ yibhlele-, Klise -noɔ -lɔ -ɛ zizɔ- "ku -wɛ yɔ,

1 Tesalonikenya 1:3

-A To Lagɔ 'yliku, -anyɛɛ 'dle sibhɔ 'ce 'anye "ku 'yiɛ. -Ɛɛ, 'anyɛɛ 'dletɛleɛ 'tɛ- "me, 'anyɛɛ -waleɛ gbɔ -lɔ "ne 'a no -lɔ -ɛwɛ 'wɔ, "naa-, Anyinɛnyɔ Zezu Kli 'na -see 'a -kɔ 'dleku -wɛ 'tɛ- "me kpɛnyee.

1 Tesalonikenya 2:13

'A -gɛ 'yli, sɔɔbɛɛza -a 'bhɛle Lagɔ -godogodo -wɛ, -noɔ -lɔ nɛɛ: -Sɔɔdɛku -a -sloa 'anye Lagɔweli -wɛ, 'a no- "me. 'A "ne -kɛ 'nyɔkpɔsɛ "ku "me no-, -mɔ, Lagɔweli 'nasɛ 'ye 'a no- -lɔ "me, "naa-, Lagɔweli yɛ -lɔ 'diɛɛ, 'ɛ nole -lɔ 'anye libhɔ "me.

1 Tesalonikenya 3:12

Anyinɛnyɔ 'kpɔmalea- 'ŋwɛnɛ -ye 'a -kɛ 'alua za, "ne 'nyakpa 'klekle za "me -wɛ "ku 'yiɛ! "Ɛ -waleɛ -wɛ 'ɛ 'wlole- -kɛ -see -anye -a -wa 'anye -wɛ!

2 Tesalonikenya 1:3

-Nyɔsɔwanye, -a yi 'ce 'anyɛɛ za Lagɔ bhɛle- 'yiɛ, "ne -a -ka 'diɔle-. 'Ɛ -ŋwa sɔbhɔ, sɛko -wɛ, 'anyɛɛ 'dlekukɛleɛ "tamale- "me 'yiɛ, "ne -waleɛ -ye -ɔkɔkokɔko -kɛ 'ɔluyu za "me -wɛ 'kpɔmale-.

1 Timote 1:5

"Ɛ -ye 'e no -gbɔ no -wɛ, 'ɛ -noɔ -lɔ nɛɛ: 'Anyɛɛ -waleɛ "kɛ 'kpɔmale 'anye 'glɛme. "Ɛ -waleɛ -wɛ 'ɛ 'bhale- -kɛ 'dle -wɔtɔ "me, "ne 'diɛɛ 'na 'dlekukɛleɛ "me.

1 Piɛle 1:22

Gbɛklɛklɛ 'plome -zo za, 'a "zo- 'wlele, -se 'a "kɛ 'a "nowlia -wa -noɔ 'klecɛ 'waa -wɛ 'wamale-. 'A wama- -wamale kpɛnyee 'dle 'na 'dle kɔ.

1 Zaa 4:16

"Ne -anye, -a -yibhlele Lagɔ 'na -waleɛ -ye 'ɔ -kɛ -anyɛɛ za "me -wɛ, "ne -a -kɛle 'ɛ -waleɛ -wɛ 'dleku. Lagɔ -waleɛ yɔ -lɔ. -Waleɛ kɛ 'nyɔkpɔ "me -ko ne, 'ɔ -ko Lagɔ "me "ne Lagɔ -ko "me.