Efɛzenya 4:14 - Nouveau Testament bété de Gagnoa

¹⁴ -A -ka -la nyeanyea -yua "me yilile-. 'A -ka -la gɔlo 'tekeyi -ye jinyɛ 'na -gbɔkɔle 'sile -moɔ 'klekle -wɛ 'wlole. 'Dlepɔsɛ -gbeyi -ka -la -anye "moɔ 'klekle kɔme sɛgbɛɛ 'pepe glɛ gɔlo "bhuɛyi 'kwlɛ. 'Nyakpa -ka -la -anye 'wanɛɛ 'yo -wɛ 'wɔ "me wlɛle.

Efɛzenya 4:14 Iomraidhean Croise

Matie 11:7

'Wa glɛ lɛ lɔbhɔ keyi cuu ne, "ne Zezu yi -lɔ Zaa 'na "kukoweli "ɛ -zakpɛ -wɛ bhulɛle-. 'Ɔ nɛɛ: «-Ye 'a -me nɛ bhɔ "ɛ 'kɔsɛku 'ylɛ -ka 'a? "Zeezu -ye 'pepe zuzua "me -wɛ bha?

Matie 24:11

'Nyakpa 'na -wa -noɔ "guɔkwɔmenya -gbeyia 'waa -wɛ yi 'ce yi "ne 'wa yi 'ce 'nyakpa -kwleyia ylo no.

Matie 24:24

"Naa-, 'nyakpa yi 'wayi Ŋwlɛŋwlɛnya la, "ne "guɔkwɔmenya -gbeyia yi yi, "ne 'wa yi zɛzɛ "yitɛ "pɔ. "Ɛ zɛzɛ yi 'kpɔmale- kpɛnyee 'na 'ylime 'ɛnɛɛ 'bhɛloɛ 'ɛ yi nɛ -kɛ 'nyakpa -ye Lagɔ -sɛ lɔbhɔ 'nabhɛ -wɛ 'kwlɛ bhlia-.

Nonoli 23:21

Zaa, 'toa "kɛ 'dleku -kɛle, -mɔ, 'nyakpa 'na 'glo "sɔ -ko -kɛ -gwe "ku -wa zligbɔle -kɛ Lagɔ "ku nɛɛ: «'Wa -ka li, 'wa -ka "nɔmɔ Pɔle -namlɛ "ku; 'Wa 'di- kɛ weli 'wli "ku "bhuɔ, -neɛ' "kuŋunuɛ 'wa -wo -kɛ -da -lɔ.»

1 Kolɛtenya 12:2

Bhlɛme, 'a "ne nɛ Lagɔ -yi. 'A -yi sɛ -gbɔ gu -ɛ "ne 'di gbo -wɛ 'na 'pɛɛ -wɛ "ku 'ye 'a -ko -me nɛ -lɔ, 'a "ne nɛ 'bhɛle- "ne 'a "koa nɛ 'ayi kɔ 'tɔtɔle-.

1 Kolɛtenya 14:20

-Nyɔsɔwanye, 'a "kɛ 'dle 'pɔ ne, 'a te yua 'nasɛ 'dle 'pɔ. "Nyɛnye 'ye 'a -gba "kɛ no, 'a "zoa- 'ayi yua 'lelea, -mɔ 'dlepɔ dɛku, 'a "zoa- 'ayi "yitia.

1 Kolɛtenya 3:19

"Naa-, dodo ne "ku 'na 'nyakpa 'na 'ylimeyamaleɛ, Lagɔ 'na dɛku "kukwɛ yɛ -lɔ. 'Ɛnɛɛ za sɛne 'ye 'ɛ kɛleɔ- -lɔ Lagɔbɔgo "me nɛɛ: «'Ylimeyamalenya 'na yowlɛ-gbotu -ye 'wa -ci, 'ɛyi 'ye Lagɔ "saloa -lɔ nu.»

2 Kolɛtenya 2:17

Lagɔ 'na 'Denaade -ye -a sɛ -wɛ, -a -na kɛ no -gbɔ 'wa "kɛ -anye 'dlasi "nyɛ -see 'nyakpa -kwleyia sɛ -wɛ. -Anye, 'gbaa 'ye -a bhulɛ -lɔ Lagɔ za, Lagɔ 'yliku, Klise 'na "kulɔbhɔnya 'nasɛ.

2 Kolɛtenya 4:2

Li -ɛ -le 'zu "ku "ne 'nyakpa nole 'diɛɛ "me -wɛ, -a 'bhɛ- 'beku. -A kɛ Lagɔ 'na 'Denaade -sɛ ne, -a "ne 'plɛle- -kplɛkplɛ "me. -Mɔ, -anye gbɛklɛklɛ "me 'ye -a bhulɛle -lɔ -se 'nyakpa 'klekle "kɛ 'sɛ yibhlele- -gbɔ -ye -a bhulɛ -wɛ gbɛklɛklɛ yɛ -lɔ.

Galatenya 3:1

'Anye Galate 'na 'nyakpa -wa "ne "nɛ- 'kplokplo, -ɔ 'pɔ- 'bhɔ 'anye "ɛwɛ 'wlime 'a? "Ne 'anye, 'wa 'tua- 'se 'anye -see Zezu Kli -kule klowa "klo -wɛ 'ylime ne!

Efɛzenya 6:11

'A 'libhi Lagɔ 'na togwekosu 'klekle "ku, -se 'a "kɛ -kɛ Sata 'na ylonoli 'yliku 'nyenyi.

1 Timote 3:6

-Eyi -mɔɔ no -gbɔ -e "kɛ Lagɔgligbɛɛ slu -wɛ, te -kɛ 'klecɛ -lele "zo, 'ɛ "kɛ sɔbhɔ yɛ ne, 'ɔ yi -kɛ 'ɔyi "ku zia. 'Ɛ "mɔ -kɛ sɔbhɔ yɛ ne, -see gbo -lu zuzu -nyɛnye -wɛ, gbo yu -kɛ sɔbhɔ lu -me.

2 Timote 1:15

-E -yi sɛ -gbɔ -wa 'bhale Azi -glɔ 'klekle "ku -wɛ 'bhale- -ame "me, "ɛ "zo Fizɛle "ne Elemozɛne.

2 Timote 3:13

-Mɔ, 'nyakpa -gbeyia, Yowlɛnya yi 'ce "nyɛnye -no -za kɔ me -me ne 'yiɛ. 'Wa yi 'ce 'nyakpa ylo no. -Mɔ, 'wa yua 'ce 'lelee ylo no me.

2 Timote 4:3

-Mɔ, lɔbhɔ yi 'ce ylɛ "ne -bedia -ka 'ce -diɛnadiɛ 'na sloaweli -wɛ 'yukwli 'fo. 'Wa yi -ye 'wa 'yɔbhɔ -wɛ gɛle, "ne 'wa yi 'wayi slonya -gbagboa yɔko lale, -se 'wayi -wɛ "koa -ye 'wa no gbɔ 'wa "kɛ 'yukwli 'fo -wɛ bhulɛle-.

Eblenya 13:9

'A te -kɛ "ku 'ŋunu-, -se 'wa te -kɛ 'anye ylo no, -se 'wa te -kɛ 'anye weli 'na -vinɛ 'na 'kwleyi 'wlime "zo. Lagɔ 'na "nɛnekoɛ kɛ -anye 'kwɛme "tamalea- ne, 'ɛ 'nɛne "ne 'ɛ -zi lilɛ 'na gbɛ "ku pɛɛ "ku. -Mɔ, lilɛ 'na gbɛ "ku pɛɛ -na 'ce -zɛ -wa -kɛ kɔ -wɛ -bɛɛ' no.

Zake 1:6

'Ɔ zlɛle- -kɛ 'dlekukɛleɛ "me. -Mɔ, 'dlebhɛ 'to 'ce 'lɔbhɔ, "naa-, -ye 'dlebhɛ lɔbhɔ -wɛ -ko sɛgbɛɛ jinyɛ 'na -gbɔkɔle -ye pepe zuzua "me "ne 'ɛ pɛ "nɔgɔ "ku -wɛ.

Zake 3:4

'A wolo- -me 'lelee jinyɛ "klo 'na bato -wɛ 'wɔ "ku! 'Ɛ 'kpɔ- "ne -pepe "yitɛ 'sɛ -lɔ bhulɛ "me. 'Ɛ -ko "ɛ soɔ, "ne -su -cibhɛ 'tekeyi 'ziɛ -lɔ "me, "ne -ɔ su 'ɛ 'wli -wɛ kɔmele -lɔ de 'ɔ -wa -wɛ.

2 Piɛle 2:18

'Diɛɛ, 'wanɛɛ bhulɛweli mɛne- 'yukwli "me, -mɔ 'ɛ "ne -bɛɛ' "me -ko, "ne 'wa lale -lɔ 'wayi 'nyakpa -wa 'bha- zikpɛ -nyɛnye 'lele "ku 'beku "ku -wɛ lo. 'Ɛnɛɛ za, 'wanɛɛ nyɔkpɔsɛ 'na 'dlepɔsɛ -nyɛnye "me 'wa

1 Zaa 2:19

"Ɛ 'nyakpa -wɛ, -anyɛɛ -gligbɛ "me 'wa 'bhale -lɔ, -mɔ, 'wa "ne nɛ -a "nowlia 'waa, -mɔ. 'Wa kɛ nɛ -anyɛɛ -gligbɛnya 'waa ne, 'wa yi nɛ -anye 'glɛme to-. -Dɛmeda, 'ɛ -ko gbɛklɛklɛ: "Ɛ 'nyakpa -wɛ "ne nɛ -anyɛɛ -gligbɛnya 'waa.

1 Zaa 2:26

-Ye 'e no nɛ -gbɔ 'e "kɛ 'anye "ku 'kɛle -wa no -gbɔ 'wa "kɛ 'anye ylo no -wɛ za -wɛ -lɔ.

1 Zaa 4:1

'Na 'dleglɛ -titoa nye, 'a te 'se -wa no nɛɛ: «Zuzu Wlewle -ko -anye "me» -wɛ 'dleku kɛle-. -Mɔ, 'a woloa -kɛ "me 'tee, -se 'a "kɛ -kɛ 'sɛ yibhlele- -gbɔ Lagɔ Zuzu -ko -diɛnadiɛ "ɛ 'nyakpa -wɛ "me. "Naa- "guɔkwɔmenya -gbeyia 'na 'kwleyia yiɛ- -kɛ zikpɛ ne "ku.

Zude 1:12

'Wanɛɛ lɔbhɔkoɛ -nyimɔ 'anye 'klecɛnya 'na 'ŋwɛnɛsɛ 'na 'gɔme liliɛ. Lɔbhɔ -wɛ, 'wa li "ne 'wa -nɔmɔ "ne 'ɛ 'ple- lɔbhɔ, "ne 'ɛ "noa 'zu "ku -le, 'wayi kɔ 'wa 'pɔ -lɔ "ku 'dle. 'Wa -ko sɛgbɛɛ 'ŋu -kɔbhɔ 'ylime "ne 'ɛ "ne -lɔbhɔ "ne -pepe kɔme -lɔ "ɛ "nɔgɔjatlɛ -wɛ. 'Wa -ko sɛgbɛɛ su -ɛ "ne 'ɛnɛɛ 'tlo dɛku bhuɛ 'yli -ko, "ne 'ɛ -bhli lɛ "ne 'ɛ "ku- lɛ gou.

'Ylikloylɛleweli 19:20

'Wa 'sa- "ɛ nɛmɛ -wɛ -nyɛ "guɔkwɔmenyɔ -gbeyi "bhaa, "ɛ "guɔkwɔmenyɔ -gbeyi ne 'pɔle nɛ "ɛ nɛmɛ -wɛ 'yli "ku zɛzɛ. -Se 'ɔ "kɛ 'wa -yle "ɛ nɛmɛ -wɛ 'na 'be, "ne -wa "zo- nɛ 'ɔnɛɛ 'yuslokpo -wɛ ylo no. 'Wa 'pɔ- "ɛ nɛmɛ -wɛ "ne "guɔkwɔmenyɔ -gbeyi -kosu -gbagbo -dee -biŋu 'siɛle yɔko -wɛ "me.