Efɛzenya 4:13 - Nouveau Testament bété de Gagnoa

¹³ Zaa, 'gɔme, -a yi 'ce 'dlekukɛleɛ -bhele, "ne Lagɔ Yowli 'na yibhleleɛ -bhele -yle 'je 'je. 'Ɛ kɛ 'bhiɛ -ka me ne, -a yi 'klecɛnya "yitia "zo, "ne -a yi Klise 'na -dee 'ɔ -gɛ -wɛ -ylɛ.

Efɛzenya 4:13 Iomraidhean Croise

Matie 11:27

-Ame To 'je- -ame -li 'klekle kɔ. 'Nyɔkpɔ "ne yu -yi, 'ɛ "mɔ To yɔ, "ne 'nyɔkpɔ "ne To -yi, 'ɛ "mɔ yu yɔ, "ne 'ɛ "mɔ -ye yu 'yɔbhɔ -gbɔ 'ɔ "kɛ 'ɔ To 'ylime tua -wɛ yɔ.

Zezu Kli 'na 'Denaade ‑ye Zaa kɛle‑ ne lɛ 1:16

'A -gɛyli, 'ɔ -wamale -anye 'na 'ylime, -anye 'klekle -a -yle -jɔlo, -jɔlo 'na 'kwleyi.

Zezu Kli 'na 'Denaade ‑ye Zaa kɛle‑ ne lɛ 16:3

'Wa yi sɔbhɔ no, "naa-, 'wa "ne To Lagɔ -yibhlele "ne 'wa "ne 'lelee -ame -yibhlele -me.

Zezu Kli 'na 'Denaade ‑ye Zaa kɛle‑ ne lɛ 17:21

'E bhubhɔ -se 'wayi 'klekle 'wa "kɛ -bholo "zo! To, -see -e -ko -ame "me, "ne -ame 'e -ko -eyi "me -wɛ, "ɛ sɛbhele -wɛ 'wayi 'klekle "kɛ -bholo "zo -anye "me, -se -glɔnya "kɛ 'dleku kɛle- -gbɔ -eyi -mɔɔ -lebhe -lɔ -ame.

Zezu Kli 'na 'Denaade ‑ye Zaa kɛle‑ ne lɛ 17:3

"Ɛ zikpɛ 'na -ɛ -ka "kubhiɛ -wɛ -noɔ -lɔ nɛɛ: 'Wa yibhlele- -eyi, -eyi -mɔɔ -noɔ -diɛnadiɛ 'na Lagɔ yɔ -wɛ, -se 'wa yibhlele- -me 'lelee Zezu Kli -ye -e -lebhe -wɛ.

Zezu Kli 'na 'Denaade ‑ye Zaa kɛle‑ ne lɛ 6:69

"Ne -anye, -a -kɛ 'dleku, "ne -a -yi sɛ -gbɔ -eyi, Lagɔ 'na Yu -ɔ -ko 'Wlewle 'ye -e -noɔ -lɔ.»

Nonoli 4:32

"Ɛ 'dlekukɛlenya 'na -zakpɛ -wɛ 'na 'dle "ne 'wanɛɛ 'dlepɔsɛ -yle 'awɔ -bholo. 'Nyɔkpɔ "ne no 'awɔ nɛɛ: «-Ɛne, 'neɛ yɛ -lɔ!» -Mɔ, 'wanɛɛ -li 'klekle dɛbhele 'wa "zo nɛ -lɔ.

1 Kolɛtenya 1:10

-Nyɔsɔwanye, 'e 'bhubhɔ 'anye Anyinɛnyɔ Zezu Kli 'na 'tɔ "me -gbɔ 'a bhulɛ- sɛbhele 'klekle. -Se 'a te "me 'dliɔdliɔle-! -Mɔ 'a kole "ku, -se 'a kɛle "wugɔŋo -bhele, 'ɛ -nyɛ 'dlepɔsɛbhele "bhaa.

1 Kolɛtenya 14:20

-Nyɔsɔwanye, 'a "kɛ 'dle 'pɔ ne, 'a te yua 'nasɛ 'dle 'pɔ. "Nyɛnye 'ye 'a -gba "kɛ no, 'a "zoa- 'ayi yua 'lelea, -mɔ 'dlepɔ dɛku, 'a "zoa- 'ayi "yitia.

1 Kolɛtenya 2:6

"Naa-, 'ɛ soɔ 'na 'ylimeyamaleɛ -wɛ 'ye -a sloa -lɔ 'klecɛnya 'na -wa 'ya 'klecɛzoɛ "me 'gwlɛ 'dlekukɛleɛ "me -wɛ. -Mɔ, "ɛ 'ylimeyamaleɛ ne, 'ɛ "ne dodo ne "ku 'na 'ylimeyamaleɛ yɛ, "ne 'ɛ "ne dodo ne "ku 'na "yitia 'na 'ylimeyamaleɛ -ye 'wa "kɛ 'ce "ku 'bhia -wɛ yɛ.

2 Kolɛtenya 4:6

Lagɔ nɛɛ: Zle le titiɛ 'jijɛku. 'Ɔyi -bhele -wɛ -le -lɔ -anye 'dlezɔ. 'Ɔ "kɛ gbɔ -se -a "kɛ Lagɔ 'na 'ŋlu -ɛ le Klise 'na "klo -wɛ yibhlele-.

Galatenya 4:19

Zaa, 'na yua nye, 'e 'gbapele "kusɔ 'anyɛɛ za, sɛgbɛɛ 'ŋɔnɔ gwɛle. "Ne 'ɛ yi "me 'gwlɛ -kaa, "ne 'a -kɛ -lɔ Klise 'na kosɛ "ku 'libhi 'anye "me.

Efɛzenya 1:17

'E 'yɔbhɔle Anyinɛnyɔ Zezu Kli 'na Lagɔ, To -ɔ 'bhe- lɛ 'ŋlumeɛ -gbɔ 'ɔ 'nyɛ 'anye 'ylimeyamaleɛ. -Se 'ɔ "kɛ 'anye Lagɔ 'ylime -tua, -se 'a "kɔ -diɛnadiɛ yibhlele-.

Efɛzenya 1:23

Lagɔgligbɛ -noɔ -lɔ Klise 'na ku yɛ. 'Ɛyi "me 'ye Klise -ko -lɔ gou, "ne 'ɔyi, Lagɔ 'yiɛ 'ɔyigɛsɛ 'nabhɛ "ku gou.

Efɛzenya 2:15

"Ne 'ɔ yi -lɔ Moyize 'na -Lɔ -nyɛ 'ɔnɛɛ gbagbɛ "ne gbɛ "bhaa "ku bhia-. "Ne -wa -noɔ Zufonya 'waa "ne -wa "ne Zufonya 'waa -wɛ "bhaa, Klise yua -lɔ 'nyakpa -lelea -bholo "zoa- 'ɔyi 'wɔ "bhaa 'na "kukoleɛ "me. 'Soɔ -ye 'ɔ 'nɛme- -lɔ "kuwɛtɛ.

Efɛzenya 4:12

"Ɛ 'nyɛnyɛ -bɛɛ' -wɛ "me, Klise 'yɔbhɔ -gbɔ 'ɔ "kɛ -wa -noɔ Lagɔ -noa 'waa -wɛ -sloa. 'Ɛ -kɛ -soɔ -ko, 'wa "kɛ 'klecɛ libhɔ no -se Lagɔgligbɛ -ɛ -noɔ Klise -nɛ yɛ -wɛ "kɛ 'yuku "me.

Efɛzenya 4:3

'A 'tɛle -godogodo "kukoleɛ 'siɛ Zuzu Wlewle "me, -ɔ "zoa lɛ 'anye -bholo, "ne 'ɔ 'nyɛ -lɔ 'anye "kuwɛtɛ.

Efɛzenya 4:5

Anyinɛnyɔ -yle -bholo -kpee, 'dlekukɛleɛ -yle -bholo -kpee, batɛme -yle -bholo -kpee.

Filiponya 3:10

-Bɛɛ' 'na -ye 'e 'yɔbhɔ -wɛ -yle -bholo -kpee: 'E "kɛ Zezu Kli yibhlele- 'tee, "ne 'bhɛloɛ -ɛ -gbɔ "ne 'ɔ yi gluzɔ 'wlo -wɛ. -See Klise 'ye- 'kle -wɛ, 'e yi sɔbhɔ 'na "kle 'ye -gbo 'ŋunu -me. "Naa-, 'e 'yɔbhɔ -gbɔ 'e "kɛ 'ɔnɛɛ sɛ "ku me.

Filiponya 3:8

"Ɛ -ɛwɛ 'klekle ne, 'ɛ -ko -ame 'yliku sɛgbɛɛ -bɛɛ' 'na -ye 'e 'pɔ- 'kwlɛ "me Anyinɛnyɔ Zezu Kli za -wɛ. "Ɛ -ye 'e -yibhlele Anyinɛnyɔ Zezu Kli -wɛ, 'ɛ 'kpɔ- "ne 'ɛ -zi -li 'klekle "ku. Zezu Kli za, 'e 'bhale- -li 'klekle "me. 'E 'wolo -da "ku sɛgbɛɛ -didi, -se Klise 'ɔyikɔ "kɛ -bɛɛ' 'na 'ye 'e "kɛ yle -wɛ "zo.

Kolɔsenya 1:28

"Ɛ Klise ne 'na 'de 'ye -a sɛ -lɔ. "Ne -a "zo -lɔ -ɔkɔkokɔko 'de "me, "ne -a 'sloɛ -lɔ "nane sɛku, -see 'wayi 'klekle "kɛ Klise "me "gɔbhɔle.

Kolɔsenya 2:2

'E 'yɔbhɔ -gbɔ 'wa "tamale 'dleku, -se 'wa -kole "ku 'ŋwɛnɛsɛ, -se 'wanɛɛ "nanoɛ 'kpɔmale-, -se 'wa "kɛ Lagɔ 'na -ɛ zizɔ- "ku -wɛ yibhlele-, Klise -noɔ -lɔ -ɛ zizɔ- "ku -wɛ yɔ,

Eblenya 5:14

-Mɔ, "yitia, lilɛ 'na -ɛ 'tɛ- "ku -wɛ 'wa li -lɔ, 'wa -yi -bɛɛ' 'nasɛ, 'wanɛɛ 'dlepɔsɛ -sua "ne 'wa ciɛ- -li 'na -ɛ 'nɛne "ne -ɛ "ne 'nɛne -wɛ 'na "me -seselia -sɛ.

2 Piɛle 1:4

"Ɛ 'ŋlu -nyɛ 'bhɛloɛ ne "me, Lagɔ -plele -anye -bɛɛ' 'na "yitɛ -ɛ 'tɛ- 'kpɛ "ku -wɛ 'na weli kɔ. Zaa, 'a kɛ "ɛ -bɛɛ' -wɛ -yle ne, 'a yi 'ce zikpɛ -ɛ 'zu- ne "me 'na -bɛɛ' 'na -ɛnɛɛ to lɔbhɔ 'anye -wɛ "me 'bha, "ne Lagɔ 'ɔyigɛsɛ "bhaa 'a yi "ku kole-.

2 Piɛle 3:18

Zezu Kli 'na wamaleɛ "ne 'ɔnɛɛ yibhleleɛ, Anyinɛnyɔ, -anyɛɛ 'Fuɔnyɔ, 'kpɔmale- 'anye "me. 'Ɔɔ 'bhe- -lɔ 'ŋlu -dɛme ne "ne -godogodo! Amɛn!

1 Zaa 5:20

-A -yi sɛ, Lagɔ 'na 'Yu -yi. 'Ɔ 'nyɛ -anye 'nɛnoɛ -se -a kɛ -diɛnadiɛ 'na Lagɔ yibhlele-, "ne "ɛ -diɛnadiɛ 'na Lagɔ -wɛ "bhaa -a -kole "ku 'ɔ Yowli Zezu Kli "me. 'Ɔyi, 'ɔ -noɔ -lɔ -diɛnadiɛ 'na Lagɔ yɔ, "ne 'ɔ -noɔ 'lelee -lɔ zikpɛ -ɛ -ka "kubhiɛ -wɛ yɔ.