Efɛzenya 4:11 - Nouveau Testament bété de Gagnoa

¹¹ -Ye Klise -nyɛ -wɛ ne lɛ: -Bedia "zo- "kɔlepɔnya, "guɔkwɔmenya, "ne 'Denaade 'na -sɛnya. 'Dlekukɛlenya 'na 'yukugɛlenya, "ne Lagɔweli 'na -sloanya.

Efɛzenya 4:11 Iomraidhean Croise

Matie 28:20

"Ne gbagbɛ 'klekle -ye 'e -sloa 'anye -wɛ, 'a sloa -see 'wa 'cɛ 'plome "zo -wɛ, "ne -ame, 'e -ko 'anye 'glɛme -godogodo -kaa zikpɛ 'na "kubhiɛ -zle.»

Nonoli 13:1

Atiɔse 'na Lagɔgligbɛ "me, "guɔkwɔmenya "ne Lagɔweli -sloanya -ko 'awɔ "bhle: Banabase, Simeɔ -ye 'wa la 'nyɔkpɔ -kpɔ, Silɛne 'na Lisiuse, 'du -ye 'wa la Mana 'na 'nyɔkpɔ -ɔ -nyɛ 'Kamalenyɔ "yitɔ Elode "bhaa 'wa 'nɔŋo 'awɔ 'yueja dɛku -wɛ "ne Sɔle.

Nonoli 20:28

Zaa, 'a 'slu "kɛ 'ayi 'tee, -se 'a 'slu -me "kɛ 'lelee Zuzu Wlewle 'na wlia 'ye 'ɔ -kulɛle 'anye "ku -wɛ 'tee, -se Lagɔ -gligbɛ 'ye 'ɔ sɔbhɔ- 'ɔyigɛsɛ 'ɔ yowli 'na dlu nu -wɛ "kɛ -kɛ 'anye 'fuɔ.

Nonoli 21:8

Zle -ze -wɛ, "ne -a yi -lɔ me, "ne -a yi -lɔ Sezale -glɔ "me 'sibhɔ-, "ne -a yi -lɔ 'Denaade 'na -sɛnyɔ Filipo 'na sueme me, 'nyakpa -gbɔsɔ -ye 'wa -sɛ lɔbhɔ Zeluzalɛme -wɛ 'na 'glɛme 'na -bholo yɔ -lɔ.

Wlomɛnya 12:7

'Nyɔkpɔ "kɛ "kulɔbhɔjɔlo -yle ne, 'ɔ lɔbhɔ- "ku, 'nyɔkpɔ "kɛ sloasloa -jɔlo -yle ne, 'ɔ sloa.

1 Kolɛtenya 12:4

Zuzu Wlewle -yle -bholo "ne 'ɔ 'nyɛ -lɔ -jɔlo -kwleyi.

Efɛzenya 2:20

"Naa-, 'a -ko sɛgbɛɛ -bhudu -ye 'wa 'sɔbhɔle "kɔlepɔnya "ne "guɔkwɔmenya "klo -wɛ 'na -tikpɛ, Zezu Kli 'nabhɛ -ko sɛgbɛɛ 'ɛnɛɛ 'gwegwe "me 'na 'tiyi.

Efɛzenya 3:5

-Ɛ -kɛ nɛ -noɔ "ne 'ɛ -ko -diɛɛ "me ne, Lagɔ "ne 'awɔ -a 'to 'wa 'to 'wɔ 'ylime -tua. -Mɔ, -zeka, 'ɔ -tua -da 'ɔnɛɛ Zuzu "me 'ɔnɛɛ "kɔlepɔnya 'wlewlea -nyɛ "guɔkwɔmenya 'wɔ "bhaa 'ylime.

Efɛzenya 4:8

Lagɔbɔgɔ "me, sɛ ne 'wa lɛ -lɔ nɛɛ: -Sɔɔdɛku 'ɔ 'gblɛ "nɔgɔ -didigba "me -wɛ, 'ɔ -kɔme -jiɛnya, 'ɔ -dlilea 'nyakpa -li.

2 Timote 4:5

-Mɔ, -eyi, -li 'klekle "me 'piɛle -kɛ -eyi "ku. Gbapegbapeɛ "kɛ -eyi yle ne, yibhlele- 'ɛ slusɛ, sloa 'Denaade, -se lɔbhɔ Lagɔ "ku 'tee.

Eblenya 5:12

'Anye, 'anye "kɛ nɛ -la -lɔ -dɛme Lagɔweli 'na -sloanya "yitia "zo, -mɔ, -dee 'wa "kɛ 'anye Lagɔweli 'na "kuciledɛ "me -sloa 'ye 'a -ko -la -lɔ -doɔ. Nyeteŋu 'na -nɔmɔdɛ 'ye 'a -ylɛ -lɔ, 'a "ne -la "ku tamale -lilɛ 'na lili -noa 'waa.

Zude 1:17

-Mɔ, -a -wale 'wanye, 'a 'luɔle- 'ce Anyinɛnyɔ Zezu Kli 'na weli -ye "kɔlepɔnya -bhulɛle 'awɔ 'anye -wɛ "ku.

'Ylikloylɛleweli 18:20

"Nɔgɔ "me 'na konya 'wa no 'ŋwɛnɛ, -see "ɛ 'du ne -bhiɛ "ku -wɛ za! "Ne -anye 'lelee, -wa -noɔ Lagɔ -noa 'waa -wɛ, "kɔlepɔnya, "ne "guɔkwɔmenya, 'a 'no -me 'ŋwɛnɛ, "naa-, Lagɔ -bhlelo gbo, "nyɛnye -ye 'ɔ -no 'anye -wɛ za.

'Ylikloylɛleweli 21:14

"Ɛ 'du 'na 'tiyi -ye 'kpɛ 'gli- ''ku -wɛ -yle 'awɔ kogbɔ "sɔ, 'bhlɛbhlɛyu 'na "kɔlepɔnya kogbɔ "sɔ 'na 'tɔ kɛleɔ- "klo.