Efɛzenya 4:10 - Nouveau Testament bété de Gagnoa

¹⁰ -Ɔ -kwli -wɛ, 'ɔ 'gblɛ- -me 'lelee -lɔ, "ne 'ɔ yi -lɔ "nɔgɔ yɔko "me 'ple, -soɔ 'ye 'ɔ -ŋwɛne -lɔ -glɔ 'klekle "ku.

Efɛzenya 4:10 Iomraidhean Croise

Matie 24:34

Gbɛklɛklɛ 'e bhulɛle lɛ 'anye, 'nyakpa ne 'na -zakpɛ -ka -na 'ple 'klekle, "ne "ɛ -li ne 'klekle "kɛ -lɔ 'yli 'wlole

Luke 24:44

"Ne Zezu yua -lɔ bhulɛle- nɛɛ: «-sɔɔdɛku 'e -ko -na nɛ 'anye 'glɛme -wɛ 'na weli -ye 'e -bhulɛle nɛ 'anye ne lɛ: -Ye 'wa kɛle- 'klekle 'neɛ za Moyize 'na gbagbɛ "me, "guɔkwɔmenyɔ "ne bhubhɔweli "me "kɛ 'yli 'wlole za yɛ -lɔ.»

Zezu Kli 'na 'Denaade ‑ye Zaa kɛle‑ ne lɛ 1:16

'A -gɛyli, 'ɔ -wamale -anye 'na 'ylime, -anye 'klekle -a -yle -jɔlo, -jɔlo 'na 'kwleyi.

Zezu Kli 'na 'Denaade ‑ye Zaa kɛle‑ ne lɛ 19:24

"Slojanya nɛɛ: «-A 'te -kɛ "me ylɛ -ylɛle, -mɔ, -a "pɛ -negbe "ku -se -ye 'ɛ kɛ "ku -bhli ne, 'ɔ 'cɛ "ku 'libhi.» Soɔ- 'ye Lagɔbɔgo "me 'na weli ne 'wlole -lɔ 'yli: «'Wayi 'glɛme, 'wa -dli 'neɛ "koti. "Ne 'wa yi -lɔ 'neɛ "kupɔ -lokwi -negbe "ku "pɔ.» "Ɛ "slojanya 'na -ye 'wa -no, 'ɛɛ -wɛ -lɔ.

Zezu Kli 'na 'Denaade ‑ye Zaa kɛle‑ ne lɛ 19:28

-Ɛwɛ 'ple- lɛ "bhuɔ ne, Zezu -yi nɛ sɛ -gbɔ Lagɔ 'na -see 'ɔ 'yɔbhɔ -wɛ, sɔbhɔ 'ye 'ɛ -ylɛle -lɔ, "ne -ɛ kɛleɔ- Lagɔbɔgo "me -wɛ "kɛ 'lelee 'yli 'wlole gou za 'ɔ yi -lɔ no nɛɛ: «'ŋuto 'lɔbhɔ -ame.»

Zezu Kli 'na 'Denaade ‑ye Zaa kɛle‑ ne lɛ 19:36

"Naa-, 'ɛ -ylɛle "ɛ soɔ, -se -ɛ kɛleɔ- Lagɔbɔgo "me -wɛ "kɛ 'yli 'wlole. Sɛne 'ɛ kɛleɔ- -lɔ nɛɛ: «'wa -ka 'ce 'ɔnɛɛ 'kwɛ 'na yɛ -bholo "kɛte.»

Nonoli 1:11

"Ne 'wa yua -lɔ bhulɛle- nɛɛ: «Galile 'na 'nyakpa, sɔɔbɛɛza 'a 'wolo bhɔ "nɔgɔ "me 'a? "Ɛ Zezu -ɔ 'bha- 'anye yɔko "ne 'ɔ yi "nɔgɔ "me "gblɛ -wɛ, -see 'a 'yo- 'ylime "ne 'ɔ yi "gblɛ -wɛ, "ɛ sɛbhele -wɛ 'ye 'a "kɔ -lɔ 'ylime 'ye "ne 'ɔ "kɛ 'ce -lɔ "kusɔ yile-.»

Nonoli 1:9

Zezu "kɛ bhulɛ- "bhuɔ ne, 'ɔnɛɛ gɛlenya 'yliku, "ne Lagɔ yu -lɔ "nɔgɔ "me "gbla, "ne "nɔgɔjatlɛ yu -lɔ "ku zizi-, "ne 'wa "no 'awɔ -da 'yli -gɛ.

Nonoli 2:33

Lagɔ -kɔmo "nɔgɔ "me 'ɔyi yɔko, lilikwɛlɛ -gbɔsɔ "ku. "Ne 'ɔ 'nyɔ- Zuzu Wlewle -nyɔ 'na weli -ye 'ɔ -bhulɛ 'awɔ -wɛ. "Ne "ɛ Zezu 'nabhɛ yi 'lelee -lɔ -anye "ɛ Zuzu Wlewle -wɛ "nyɛ -me. Sɛgbɛɛ -ye 'a -gɛ 'yli, "ne -ye 'a 'no "me -wɛ.

Nonoli 3:18

-Mɔ, "guɔkwɔmenya 'klekle 'na nuɛ "me Lagɔ -bhulɛle 'awɔ -gbɔ 'Fuɔnyɔ yi 'awɔ 'ce 'gbape. 'Ɛɛ 'wlole -lɔ doɔ 'yli.

2 Kolɛtenya 12:2

-Ame Pɔle, 'e -yi 'klecɛnyɔ -bholo. 'Ɛnɛɛ 'ylobɛ kogbɔ -mɔɔnɔ ne lɛ, Lagɔ libhi- "ɛ 'nyɔkpɔ -wɛ "ku, "ne 'ɔ -kɔmo "nɔgɔ "me. 'Ɔnɛɛ ku "bhaa yɛ "bhle -lalɛce? 'E "ne 'sɛ -yi. 'Ɛ "ne -Lalɛce 'ɔnɛɛ ku "bhaa yɛ -oo? 'E "ne 'sɛ -yi, -mɔ Lagɔ -yi sɛ.

Efɛzenya 3:19

'A yi 'ce Klise 'na -waleɛ, -ɛ -ple -li 'klekle -ye 'wa "kɛ yibhlele- -wɛ yɔko "me, yibhlele-. 'A yi 'ce Lagɔ 'na zikpɛ 'klekle -yle, "ne 'ɔ yi 'ce 'anye "me 'glile- gou.

Kolɔsenya 1:19

'Diɛɛ, Lagɔ 'glile- -ɔ Yowli "me gou, -se 'ɔ 'yɛbhɛ yɛ -lɔ.

Kolɔsenya 2:9

"Naa-, Lagɔ 'na 'bhɛloɛ 'klekle Zezu "me 'ye 'ɛ -ko -lɔ.

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.

Eblenya 4:14

-A -kɛ bɔbɔnyɔ "yitɔ, -ɔ zi "ne -ɔ -ylɛ Lagɔ yɔko: Zezu yɔ -lɔ, Lagɔ Yowli. Zaa, -anyɛɛ 'dlekukɛleɛ -a kɛle kɔ -se 'ɛ "tamale- -kɛ "me kpɛnyee.

Eblenya 7:26

Zezu -noɔ -lɔ bɔbɔnyɔ "yitɔ 'na 'ɔ "kɛ nɛ -anye 'yliku -ko -wɛ yɔ. 'Ɔ -ko 'wlewle, 'ɔ "ne gbo 'wlime -kɛ, "ne 'ɔ "ne 'nyinyonoli 'wlime -kɛ, 'ɔ -ylile 'nyinyonolinonya "guɔ, "ne Lagɔ yu -lɔ "nɔgɔ "ku jilɛ-.

Eblenya 8:1

'Ɛ weli -ye -a bhulɛle 'anye -wɛ 'na -ɛ "kɛ 'anye 'yukwli "me to- ne lɛ: -A -kɛ "ɛ -soɔ 'na bɔbɔnyɔ "yitɔ, 'ɔ 'gli- "nɔgɔ "me Lagɔ -ɔ 'bhɛle- 'klekle 'na 'leyli -gbɔglo 'na lili -kwlɛ "ku.