Efɛzenya 4:1 - Nouveau Testament bété de Gagnoa

¹ -Ye 'e 'yɔbhɔle 'anye lo "ne 'e piɛle "ku ne lɛ, -ame 'mɔɔ -ko -jiɛ "me Anyinɛnyɔ za -wɛ: Anyinɛnyɔ 'na 'laweli -ye 'a 'no- "me -wɛ, 'a 'nɔŋo "ku.

Efɛzenya 4:1 Iomraidhean Croise

Nonoli 9:31

"Ɛ "tɛnye -wɛ "me, Lagɔgligbɛ -wɔtɔ nɛ "ku Zude, Galile, "ne Samali -glɔ "me. Lagɔ 'na gɛlenya -kole 'awɔ "ku, Anyinɛnyɔ 'na 'plomezoɛ "me. "Ne Zuzu Wlewle gbɔ 'awɔ "ne Lagɔ 'na gɛlenya zimale 'awɔ 'yiɛ.

Wlomɛnya 11:29

"Naa-, Lagɔ "ne libhile 'ɔnɛɛ -jɔlo -ye 'ɔ 'je kɔ -wɛ "kusɔ "ku, "ne 'ɔ "ne 'pɔ -ye 'ɔ la- -wɛ 'kwlɛ "me.

Wlomɛnya 12:1

-Nyɔsɔwanye, Lagɔ -ko "nɛne -kpɛnye -anyɛɛ za. 'Ɛza, 'e 'yɔbhɔle -lɔ 'anye -ɛne lo: 'A 'je 'ayi Lagɔ kɔ gou sɛgbɛɛ bɔbɔli 'na yɛyɛ nɛ, -ɛ -sɔ lɔbhɔ Lagɔ -nɛ "ku "ne -ye 'ɔ -wa yɛ -lɔ. -See 'a "kɔ 'diɛɛ "zo -wɛ -lɔ.

1 Kolɛtenya 4:16

Zaa, 'e 'bhubhɔ 'anye: 'A -gɛlele 'neɛ kosɛ.

2 Kolɛtenya 10:1

-Ame Pɔle, -bɛɛ' -bholo 'ye 'e 'yɔbhɔle -lɔ 'anye lo Klise 'na 'dlewɔtɛ -nyɛ 'ɔnɛɛ 'dle "namanɔ "bhaa 'na 'tɔ "me, -bedia nɛɛ: 'E kɛ 'anye 'glɛme -ko ne, 'e "gu -se 'e "kɛ 'anye bhulɛle-, -mɔ, 'e kɛ 'anye 'dɛtlole- ne, lɔbhɔ 'ye 'e 'gbɔtɔle -lɔ 'anye "ku.

2 Kolɛtenya 5:20

Zaa, Klise 'na 'tɔme 'ye -a libhi -lɔ weli "ku. 'Diɛɛ, -anye "me 'ye Lagɔ, 'ɔyigɛsɛ la -lɔ 'anye, Klise 'na 'tɔ "me, 'a 'ŋunu "ku -se 'a 'seliɔ gbo 'a -nyɛ Lagɔ "bhaa. -Ɛwɛ, 'ye -a 'yɔbhɔle -lɔ 'anye 'kwɛmetamaleɛ "me.

2 Kolɛtenya 6:1

Zaa, -anye -nyɛ Lagɔ "bhaa -wa nole libhɔ 'gɔme ne, -anye 'yɔbhɔle -lɔ 'anye -ɛne: -Jɔlo -ye Lagɔ 'je 'anye kɔ -wɛ 'a 'te nyimɔ.

Galatenya 4:12

'A no -me 'neɛ sɛne, -nyɔsɔwanye, sɛko -wɛ, 'e "zo -la sɛgbɛɛ 'anye zɛ. 'E bhubhɔ 'anye. 'A "ne -ame "nyɛnye 'na yɛ -bholo 'wli no.

Efɛzenya 2:10

'Diɛɛ, Lagɔ -no -lɔ -anye, 'ɔ 'wlɛ- -lɔ -anye, Klise Zezu "me, -se -a "kɛ -kɛ -li 'na -li no, -li 'na -li -ye 'ɔ -sɛ 'awɔ lɔbhɔ "kle -wɛ no.

Efɛzenya 3:1

-Ame, Pɔle, Zezu Kli 'na -jiɛnyɔ 'ye 'e -noɔ -lɔ, 'anye -wa "ne Zufonya 'waa -wɛ 'na 'ylime.

Efɛzenya 4:17

'Ɛnɛɛ za, 'e bhulɛle lɛ 'anye -ɛne, "ne 'e 'totole -lɔ lɔbhɔ "me Anyinɛnyɔ 'na 'tɔ "me: 'A te 'ayi -slu sɛgbɛɛ -wa "ne "zo Lagɔ -wɛ 'nasɛ. 'Wanɛɛ 'dlepɔsɛ "ne -nɛmoa -bɛɛ' "ku.

Efɛzenya 4:4

Ku -yle -bholo -kpee, "ne Zuzu Wlewle -yle -bholo -kpee. Lagɔ la- -me 'lelee 'anye 'dletɛleɛ -bholo -kpee "ku.

Efɛzenya 5:2

'A -kɛle 'ŋwɛnɛ "me, Klise 'nasɛ: 'Ɔ -wamale -anye, "ne -ɔ 'bhale- 'ɔnɛɛ zikpɛ "me 'anyɛɛ za, sɛgbɛɛ 'nyɛnyɛ -bɛɛ' "ne bɔbɔle -bɛɛ' -ɛnɛɛ 'ŋoni -le lɛ Lagɔ 'ŋwɛnɛ "ku ne.

Filiponya 1:27

Zaa, 'a ko -see Klise 'na 'Denaade 'yɔbhɔ -gbɔ 'a ko -wɛ. -Se 'e -kɛ -yi, 'e "kɛ 'ce 'anye 'ylime 'ye, "ne 'e "mɔ 'ce -yi, 'e yi 'ce "fu 'anyɛɛ weli "me 'no. "Ne 'e yi 'lelee 'sɛ yibhlele- -gbɔ 'a -kole "ku "ne 'a -wale. 'Denaade 'na -ye 'dlekukɛleɛ -nɛme -wɛ 'a -su 'tee "ne 'a nole 'lelee Lagɔlibhɔ 'dle -wɔtɔ "me.

Filiponya 3:14

'E guɔ -se 'e "kɛ -ye 'wa 'piɛ- -wɛ yle, -se 'e "kɛ -ye Lagɔ lale -anye "ku "nɔgɔ "me, Zezu Kli 'na 'tɔ "me -wɛ yle.

Kolɔsenya 1:10

Lɔbhɔ 'na dɛku, 'a yi 'ce Anyinɛnyɔ 'na -se 'ɔ 'yɔbhɔ -wɛ ko, "ne 'a yi 'ce -li 'na -ɛ 'nɛno -gɛ 'klekle -wɛ no, "ne 'a yi 'ce bhi tlo, "ne 'a yi 'ce Lagɔ yibhlele- 'yiɛ.

Kolɔsenya 2:6

'A yle Klise Zezu sɛgbɛɛ Anyinɛnyɔ, zaa, -ɔ -nyɔ "bhaa 'a 'kole "ku.

Kolɔsenya 4:12

Epaflase, -ɔ -noɔ 'anyɛɛ moɔ -nɔ yɔ -wɛ 'bhɛle 'anye. Zezu Kli 'na "kulɔbhɔnyɔ, -ɔ bhubhɔ 'anyɛɛ za, "ne 'ɔ "ne 'diɔle -wɛ yɔ -lɔ. 'Ɔ 'yɔbhɔ -gbɔ 'anyɛɛ Lagɔ zikpɛ me "klo "ku -se 'a "kɛ Lagɔ 'na -ye 'ɔ 'yɔbhɔ -wɛ yibhlele-, 'ɛɛ "kɛ -lɔ gbɔ "ne 'a "kɛ -lɔ "me "tamale-.

1 Tesalonikenya 2:12

'Ɛza, -a "zo- -lɔ 'anye 'de "me, "ne -a "tamalea- -lɔ 'anye 'kwɛme. "Ne -a yi -lɔ 'anye kɔ 'titli- -gbɔ 'a ko -see Lagɔ 'yɔbhɔ -wɛ, 'ɔyi 'ɔɔ la- -lɔ 'anye -gbɔ 'a "kɛ 'ɔnɛɛ 'Kamalezikpɛ "me plɛ, -se 'a "kɛ 'ɔnɛɛ 'ŋlumeɛ 'na 'didi "me ko -me.

2 Tesalonikenya 1:11

'Ɛnɛɛ 'ylime, -a bhubhɔ -lɔ 'anyɛɛ za 'yiɛ "ne -a "ne diɔle- -lɔ, -ye -a 'yɔbhɔle -anyɛɛ Lagɔ ne lɛ: Lagɔ gbɔ -se -a 'sa 'ɔnɛɛ 'laweli kɔ -wɛ, 'a "kɛ sɔbhɔ 'ayi slu-. -Se 'ɔ kwɛle- 'anye -ɔnɛɛ' 'bhɛloɛ "me. -Se "nɛne 'na -ye 'a no -gbɔ 'a kɛ no -wɛ, 'a 'cɛ no, 'anyɛɛ Lagɔ 'na 'dlekukɛleɛ gbɔ -se 'a "kɛ -li 'na -li no.

2 Timote 1:9

Lagɔ 'fuɔ- -anye, "ne 'ɔ yi -lɔ -anye la- -se -a "kɛ 'ɔnoa "zo. -Anyɛɛ -ye -a no -wɛ za 'ɛ "ne -kɛ -noɔ, -mɔ, 'ɔyigɛsɛ 'yɛbhɛ -lɔ -gbɔ 'ɛ ko sɔbhɔ. Fu 'ye 'ɔ 'je- -lɔ -anye kɔ Zezu Kli "me, -sɔɔdɛku 'wa -na zikpɛ 'wlɛ- -wɛ.

Tite 2:10

'Wa te -kɛ 'wiyli, -se 'wa ko -kɛ -kpee -godogodo, -see 'wanɛɛ "bhenya "koa -kɛ 'dleku -kɛle -wɛ 'nasɛ. -Se nonoli 'klekle "me, 'wa "kɛ -kɛ 'Fuɔnyɔ Lagɔ 'na sloaweli 'ŋlu kwa-.

Eblenya 13:21

"Ɛ Lagɔ -wɛ, 'ɔ gbɔ -se -a "kɛ -godogodo -li 'na -li no, -see 'ɔ 'yɔbhɔ -wɛ! Lagɔ ylɛle- Zezu Kli "me, -se -a "kɛ -ye 'ɔ 'yɔbhɔ -wɛ no, Zezu 'bhe- -lɔ 'ŋlumeɛ -godogodo! Amɛn!

Eblenya 3:1

-Nyɔsɔwanye, Lagɔ la- 'anye, zaa, 'a wolo- Zezu "ku 'tee. Lagɔ -lobho -lɔ, 'ɔ -noɔ -lɔ bɔbɔnyɔ "yitɔ nyɔ 'na Denaade -a -sɛle -glɔnya yɔ.

1 Piɛle 2:11

-A 'titoa 'wanye, 'pleplenya -nyɛ 'lowlinya "bhaa 'ye 'a -noɔ -lɔ -dodo ne "ku, zaa, 'e 'yɔbhɔ 'anye lo nɛɛ: 'A te 'dlepɔsɛ -nyɛnye 'ɛ 'gwele 'anye "me -wɛ -gɛlele.

1 Piɛle 3:9

-Ɔ no 'anye "nyɛnye 'wli -wɛ, 'a 'to "nyɛnye 'wli no -me, "ne -ɔ 'yli 'anye -wɛ 'a 'to 'yli -me. -Mɔ, 'a no -gbɔ: «Lagɔ "pɔ -eyi 'ŋu!» "Naa-, -sɔɔdɛku Lagɔ la- 'anye -wɛ, 'ɔ "kɛ 'anye 'ŋu "pɔ za yɛ -lɔ.

1 Piɛle 5:10

'Anyɛɛ 'gbapeɛ -ka "me 'gwlɛ. -Mɔ, Lagɔ -ɔ -wa 'anye -wɛ, 'ɔ la- -lɔ 'anye -se 'a "kɛ 'ɔnɛɛ 'ŋlu -ɛ "ne "nenidɛ -kɛ -wɛ 'na dɛ 'ye, Zezu Kli "bhaa 'na "kukoleɛ "me. "Naa-, 'ɔ yi gbɔ "ne 'a -ka 'nuɔsɔbhɔledɛ kɛle-, "ne 'a yi "me "tamale-, "ne 'a yi 'kwɛme "tamale-, "ne 'wa -ka 'ce -la 'anye 'siɛ 'bhle.

2 Piɛle 1:3

'Ɔnɛɛ 'bhɛloɛ "me, Lagɔ 'je- -anye -li 'klekle -ye -a "kɛ slu, "ne -a "kɔ 'dle 'tɛle, "ne -a "kɛ yamale- -wɛ kɔ. "Naa-, 'ɔ -sloa -anye -ɔ la- -anye -gbɔ -a "kɛ 'ɔnɛɛ 'ŋlu "ne 'ɔnɛɛ "nɛnekoɛ 'na dɛ 'ye.

2 Zaa 1:5

"Ne -Dɛmeda, "nɔyɔ, -ye 'e 'yɔbhɔle -eyi "me lo ne lɛ: -A wawale-! Gbagbɛ -lele 'ye 'e -na -kɛ -dɛne -eyi "ku 'kɛle, -mɔ, "kucidɛku 'na gbagbɛ -ye -a -su -wɛ yɛ -lɔ.