Efɛzenya 3:9 - Nouveau Testament bété de Gagnoa

⁹ 'E -yle -me 'lelee -jɔlo -se 'e "kɛ -gbɛklɛklɛ 'nyakpa 'klekle 'sloa, -se Lagɔ 'wlolea 'ɔnɛɛ 'diɛɛ weli 'yli -wɛ. 'Ɔyi, Lagɔ, -ɔ noɔ -li 'klekle 'na 'wlɛnyɔ yɔ -wɛ zizi- 'awɔ 'ɔnɛɛ 'diɛɛ weli 'ɔyi "me -godogodo 'ce.

Efɛzenya 3:9 Iomraidhean Croise

Matie 10:27

'Ɛza, -ye 'e -bhulɛle 'anye titiɛ "me -wɛ, 'a bhulɛle- zle "ku, "ne -ye 'wa 'ŋuŋwale 'anye -wɛ, 'a 'nyegbe -bhuduwliji, -se 'a "kpa "me -se 'a "kɛ 'ɛnɛɛ 'de -sɛ.

Matie 13:35

-Se "guɔkwɔmenyɔ 'na -ye 'ɔ -bhulɛ -wɛ "kɛ -kɛ 'yli 'wlole: 'E kɛ nuɛ "ku -vulu, nunɛ 'e "koa 'ce -lɔ "pɔle, -see zikpɛ "mɔ 'awɔ 'wlo 'na -ɛ zizɔ- "ku -wɛ, 'e yi 'ce 'ɛnɛɛ weli bhulɛ-.

Matie 25:34

"Ne -klɔgbɔnyɔ "kɛ 'ce -lɔ -wa -ko lilikwlɛ "ku -wɛ bhulɛle- nɛɛ: 'Anye -ye -a To Lagɔ 'pɔ- 'ŋu -wɛ, 'a yi, 'e 'je 'anye 'Kamalezikpɛ -ye Lagɔ 'jijalea- 'wli zikpɛ 'na "kucidɛku 'anyɛɛ za -wɛ kɔ.

Matie 28:19

'A me -glɔ 'klekle "ku, -se 'a bhulɛle- 'nyakpa 'neɛ "kukoweli, -se 'wa "kɛ 'neɛ gɛlenya "zo. 'A 'nyoa- batɛme To, Yu "ne Zuzu Wlewle 'na 'tɔ "me.

Luke 24:47

'Ɔnɛɛ 'tɔ "me 'wa yi 'nyakpa bhulɛle- -se 'wa "kɛ kɔ 'bheliɔ-, -se 'wanɛɛ 'nyinyonoli 'na gbo "kɛ 'yi 'taleɔ- -glɔ 'klekle "ku, 'ɛ 'bhale- Zeluzalɛme.

Zezu Kli 'na 'Denaade ‑ye Zaa kɛle‑ ne lɛ 10:30

-Ame -nyɛ -ame To "bhaa, -bholo 'ye -a -yle -lɔ.»

Zezu Kli 'na 'Denaade ‑ye Zaa kɛle‑ ne lɛ 5:17

Lɔbhɔ 'ye- Zezu -bhulɛloa -lɔ nɛɛ: «-Ame To no -nazɛ libhɔ, "ne -ame 'e no me 'lelee libhɔ.»

Zezu Kli 'na 'Denaade ‑ye Zaa kɛle‑ ne lɛ 5:19

"Ne Zezu yua -lɔ "kusɔ bhulɛle- nɛɛ: «Gbɛklɛklɛ 'ye bhulɛle -kɛ -lɔ 'anye: 'Nyɔkpɔ Yowli "ne 'bhɛle, "ne 'ɔ "kɛ 'ɔyigɛsɛ -bɛɛ' no; "Naa- sɛko -wɛ, -ye To no, "ne yu 'ye- 'ylime -wɛ, 'ɛyi 'ye yu no me -lɔ.»

Nonoli 15:18

'Ɔ -gbɔ "ne 'wa -yibhlele "ɛ -li -wɛ. -Sɔbhɔ 'ye -ɛ -ko 'ce -lɔ -godogodo.»

Wlomɛnya 11:25

-Nyɔsɔwanye, Lagɔ 'na diɛweli -ɛ zizɔ- lɛ "ku ne, 'e 'cɛ 'anye sloa, -se 'a te kɛ 'dle 'pɔ -gbɔ 'ylimeyamalenya 'ye 'a -noɔ. Izlayɛleyua 'na -bedia "ne 'bhɛle- 'wa 'cɛ "me 'no, "ne 'ɛyi -wɛ yi 'ce "me -gwlɛ -kaa, "ne -wa "ne zufonya 'waa -wɛ "kɛ -lɔ Lagɔ lo 'yli-.

1 Kolɛtenya 2:7

-Anye, -a -sloa Lagɔ 'na 'ylimeyamaleɛ -ɛ zizɔ- 'awɔ "ku -wɛ. -Mɔ, zikpɛ "ne 'awɔ -le, "ne Lagɔ 'sɛa -lɔ lɔbhɔ 'ɛ 'ylimeyamaleɛ ne -se 'ɛ -kɛ -anye 'ŋlu 'kwa.

Efɛzenya 1:4

-Sɔɔdɛku zikpɛ -namlɛ 'wlɔ- -wɛ, Lagɔ -tɔ -anye Zezu Kli "me, -se -a "kɛ 'wlewle ko, -se 'ɔyi 'yliku, -a te -kɛ 'nuɔsɔbhɔledɛ kɛle-, -se -a "kɛ 'ɔnɛɛ -waleɛ "me ko.

Efɛzenya 3:2

'Diɛɛ, 'a 'no- "me, libhɔ -ye Lagɔ 'na 'dle -wɔtɔ -za, 'ɔ no -gbɔ 'e no 'anyɛɛ za, -se -ye 'ɔ no -gbɔ -ɛ "kɛ -noɔ -wɛ "kɛ 'yli 'wlole-.

Efɛzenya 6:19

'A bhubhɔ -me 'lelee 'neɛ za, -se Lagɔ "kɛ -ame 'ɔnɛɛ weli nu "zo. -Se 'e "kɛ 'yliku "tamale- -se 'e "kɛ -ɛ -ko 'diɛɛ "me 'Denaade za -wɛ -sɛ.

Kolɔsenya 1:23

-Mɔ, 'a "tamale- "me 'dlekukɛleɛ "me. 'A te 'se 'Denaade 'guɔ 'ylile-: 'Ɛyi -ye -a "tɛle- -lɔ 'dle. 'Wa -sɛle -wa -ko dodo ne "ku 'klekle -wɛ 'de, 'a 'no -me "me, "ne -ame Pɔle, 'e yi -lɔ "ɛ 'Denaade ne 'na "kulɔbhɔnyɔ "zo.

Kolɔsenya 1:26

"Ɛ bhulɛweli ne, -ɛ 'nunadleku -ɛ zizɔle- 'ce -godogodo ŋeyi 'klekle 'ylime -wɛ yɛ -lɔ. -Dɛmeda, Lagɔ -tuɛ -wa -noɔ 'ɔnoa 'waa -wɛ 'ylime gbɛklɛklɛ.

Kolɔsenya 3:3

'Diɛɛ, "kwiɛ 'ye 'a -ylɛle -lɔ "me, "ne 'anyɛɛ zikpɛ zizɔ- Klise "me Lagɔ kɔ.

Kolɔsenya 4:3

'A 'bhubhɔ -me 'lelee -anyɛɛ za, -se Lagɔ "kɛ -kɛ -gbɔ -se 'a "kɛ -kɛ 'ɔnɛɛ 'Denaade sɛ, -se 'a "kɛ 'ɔnɛɛ diɛweli gbɛklɛklɛ 'piɛ-. 'Ɛ diɛweli -wɛ Zezu Kli 'na "kukoweli yɛ -lɔ. 'Ɛ weli -wɛ za 'e -ko -lɔ -zeka -jiɛ "me.

2 Tesalonikenya 2:13

'Ɛ kɛ -anye 'waa, -a yi -godogodo Lagɔ bhɛle 'anyɛɛ za, Anyinɛnyɔ 'na -wawayuanye, "naa- Lagɔ -sɛ 'awɔ 'anye lɔbhɔ -dee zikpɛ 'ci 'awɔ "ku -ce, 'a 'po-, "naa-, Zuzu Wlewle -wɛle 'anye, sɛko -wɛ 'a -kɛle gbɛklɛklɛ 'dleku zɛ.

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.

2 Timote 1:9

Lagɔ 'fuɔ- -anye, "ne 'ɔ yi -lɔ -anye la- -se -a "kɛ 'ɔnoa "zo. -Anyɛɛ -ye -a no -wɛ za 'ɛ "ne -kɛ -noɔ, -mɔ, 'ɔyigɛsɛ 'yɛbhɛ -lɔ -gbɔ 'ɛ ko sɔbhɔ. Fu 'ye 'ɔ 'je- -lɔ -anye kɔ Zezu Kli "me, -sɔɔdɛku 'wa -na zikpɛ 'wlɛ- -wɛ.

2 Timote 4:17

-Mɔ, Anyinɛnyɔ "bhaa -a -kole "ku za, 'ɔ "tamalea- -ame 'kwɛme. "Ne 'e yi -lɔ Anyinɛnyɔ 'na 'Denaade sloa-. 'Nyakpa 'klekle -wa "ne Zufonya 'waa -wɛ no- "me. 'Ɛ -sɛ -lɔ -ame gbi 'nu.

Tite 1:2

-Se 'wa "kɛ zikpɛ 'na -ɛ -ka "kubhiɛ, "ne Lagɔ -ɔ "ne yo -kɛ no -gbɔ 'ɔ "kɛ -anye kɔ 'je -wɛ 'dleku kɛle- -godogodo -dee 'wa -na 'awɔ zikpɛ 'wlɛ -wɛ.

1 Piɛle 1:20

Lagɔ -namlɛ zikpɛ 'wlɛ "ne 'ɔ yu -lɔ -tɔ, "ne 'anyɛɛ 'nɛne 'na 'ylime, 'ɔ yu -la -lɔ -dɛme 'nyakpa sloa-, bebhiɛle "tɛnye ne "me.

'Ylikloylɛleweli 13:8

Dodo ne "ku 'na 'nyakpa 'klekle yu 'ce "zo, -mɔ nyɔ 'wɔ 'na 'tɔ kɛleɔ- zikpɛbɔgo "me -see zikpɛ "mɔ 'awɔ 'wlo "ne "bhle -ko -me. "Ɛ "bɔgo ne, 'bhlɛbhlɛyu -ye 'wa 'lɔbhɔ- bɔbɔ -za "ne 'ɔ yi "ku -wɛ 'bhe- -lɔ.

'Ylikloylɛleweli 14:6

"Ne 'e 'ye- 'lelee "nɔgɔzilɔ 'na -vinɔ 'ylime -ɔ 'blule "nɔgɔ -didigba "me. 'Ɔ -su 'Denaade 'na -ɛ -ka lɛ "kubhiɛ ne, -se 'ɔ 'cɛ dodo klekle, -glɔ 'klekle, -gbɔgbɔgbo 'klekle "ne 'nyakpa 'klekle -sɛle.

'Ylikloylɛleweli 17:8

"Ɛ nɛmɛ -ye 'e 'ye- 'ylime -wɛ -le 'awɔ, -mɔ, 'ɔ "ne -la -le, 'ɔ yi "kuduku 'bha "ne 'ɔ yi -dee 'ɔ "kɛ "kubhiɛle- -wɛ me. "Ne dodo ne "ku 'na konya -nyɔ 'wanɛɛ 'tɔ "ne zikpɛbɔgo ne "me kɛleɔ- "kucidɛku -wɛ, 'wa kɛ "ɛ nɛmɛ -wɛ 'ylime 'ye-, 'ɛ yua geji "ku -sɛ, "naa-, 'ɔ -le 'awɔ, -mɔ, 'ɔ "ne -la -le, 'ɔ yi 'ce "kusɔ yi.

'Ylikloylɛleweli 4:11

«Anyinɛnyɔ -anyɛɛ Lagɔ, -e -kɛ -bhlegbi "me -zosɛ, -e -kɛ 'ŋlumesɛ "ne 'bhɛloɛ. -Mɔɔ 'wlɛ -lɔ -li 'klekle, -e 'yɔbhɔ- -gbɔ 'ɛ 'lele-, "ne 'ɛ yi -lɔ 'wlɔ-.»