Efɛzenya 3:8 - Nouveau Testament bété de Gagnoa

⁸ -Ame Pɔle, 'mɔɔ -noɔ -lɔ 'klecɛnya 'klekle 'na 'glɛme 'na yu yɔ. -Mɔ 'ɛ -ko "ɛ -soɔ "ne 'e -yle lɛ -jɔlo ne: 'E "kɛ -wa "ne zufonya 'waa -wɛ Klise 'na -klɔgbɔ -ɛ "ne "nenidɛ -kɛ -wɛ 'na 'de -sɛle.

Efɛzenya 3:8 Iomraidhean Croise

Luke 14:22

"Ne 'ɔnɛɛ "kulɔbhɔnyɔ yi -lɔ yi, 'ɔ nɛɛ: "Bhenyɔ -ye -e -bhulɛ -wɛ 'e -no. -Mɔ 'glidɛ -ko -na lɔbhɔ.

Zezu Kli 'na 'Denaade ‑ye Zaa kɛle‑ ne lɛ 1:16

'A -gɛyli, 'ɔ -wamale -anye 'na 'ylime, -anye 'klekle -a -yle -jɔlo, -jɔlo 'na 'kwleyi.

Nonoli 5:41

"Ɛ "kɔlepɔnya, 'ŋwɛnɛ 'lɔbhoa "ne 'wa yi -lɔ "ɛ gbobhle-zejilɛ "ku 'bha- "naa-, -see 'wa -zua nɛ 'nyɛze Zezu 'na 'tɔ "me -wɛ "kpɔmaloa- nɛ "ku.

Nonoli 9:15

"Ne Anyinɛnyɔ yi -lɔ Ananiase bhulɛle- nɛɛ: «Me, yle "bhle "ɛ 'nyɔkpɔ -wɛ, "naa- 'mɔɔ -sɔ -lɔ lɔbhɔ -dudu, -se 'ɔ "kɛ 'na 'tɔ -glɔ -ɛ "ne -ame -yi -wɛ "ne "bhle 'na -klɔgbɔnya -nyɛ Izlayɛleyua" "bhaa sloa-.

Wlomɛnya 11:33

Lagɔ 'kpɔ 'diɛɛ! 'Ɔnɛɛ 'ylimeyamaleɛ, "ne 'ɔnɛɛ 'dlepɔsɛ tlo 'diɛɛ "me kpɛnyee, 'nyɔkpɔ "ne 'bhɛle- "ne 'ɔ "kɛ 'ɔnɛɛ 'dlepɔsɛ yibhlele-, 'nyɔkpɔ "ne 'bhɛle "ne 'ɔ "kɛ 'ɔnɛɛ -ye 'ɔ no -wɛ "me 'no. Lagɔbɔgo nɛɛ:

Wlomɛnya 12:10

'A -wale -anyɛɛ 'dle 'klekle zɔ -see "nowlia -nyɛ "nɔyoa "bhaa -wale -wɛ. 'Anye -na "zo 'ce 'alua 'plome tɛɛ.

Wlomɛnya 2:4

Lagɔ -ko 'nɛne kpɛnyee, "ne 'ɔ 'piɛ "bhle 'dle kpɛnyee, "ne 'ɔ -yi wosɛ. 'Ɛ "ne no bhɔ -eyi -bɛɛ'? -E "ne bhɔ sɛ -yi -gbɔ Lagɔ 'na "nɛnekoɛ yi 'gbɔ "ne -neɛ' zikpɛ yi kɔ 'bheliɔ-?

1 Kolɛtenya 1:30

"Naa-, 'ɔ gbɔ -lɔ "ne Klise Zezu "bhaa -a yi -lɔ "ku 'kole-, "ne Klise yi -lɔ -anyɛɛ dɛku 'ylimeyamaleɛ -ɛ 'bhale Lagɔ "me -wɛ "zo. "Ne 'ɔyi "me, Lagɔ yi -lɔ -anye "meŋwinɛlenya "zoa-, "ne -a yi -lɔ 'wlewle ko, "ne 'ɔ yi -lɔ -anye 'nyinyonoli 'na 'galu 'yli -sɛ.

1 Kolɛtenya 15:9

-Ame Pɔle, Zezu 'na "kɔlepɔnyɔ 'na 'tekeyi -nɔ 'ye 'e -noɔ -lɔ. 'Neɛ 'tɔ "ne -mlɛ -kɛ 'kɔle -tɔ 'nabhɛ "ku -ŋwa, sɛko -wɛ, 'e -gbapea -kɛ Lagɔgligbɛ kpɛnyee zɛ.

1 Kolɛtenya 2:9

"Naa-, sɛne 'ye 'ɛ -kɛle -lɔ Lagɔbɔgo "me nɛɛ: «-Li 'na -bedi -ko lɔbhɔ -ye 'yli "ne 'ye-. -Ye 'yukwli "ne 'no-, "ne -ye dodo ne "ku 'na 'nyakpa -na 'ce -zɛ "ku 'dlepɔ. Zaa, 'ɛ soɔ 'na -li -wɛ, Lagɔ -sɛ -lɔ lɔbhɔ -wa -kɛ 'ɔnɛɛ 'ŋwɛnɛ "me -wɛ za.»

Galatenya 1:16

"Ne 'ɔ yi -lɔ -ame 'ɔ yowli 'yliklo ylalea- -se 'e "kɛ 'ɔnɛɛ "ku 'na 'Denaade -wa "ne Zufonya 'waa -wɛ -sɛle. Zaa, 'e "ne 'se 'nyɔkpɔ lo 'yɔbhɔ- -gbɔ 'ɔ "zo -ame 'de "me.

Galatenya 2:8

Lagɔ "zoa- Piɛle Zufonya 'na "kɔlepɔnyɔ, "ne 'ɔ yi -lɔ -ame -wa "ne Zufonya 'waa -wɛ 'na "kɔlepɔnya "zoa-.

Efɛzenya 2:7

Sɔbhɔ "ku, 'ye 'ɔ -tua -lɔ -anye 'ɔnɛɛ "nɛnekoɛ 'ylime Klise Zezu "me, Lagɔ 'yɔbhɔ -gbɔ 'ɔ "kɛ -anye 'ɔnɛɛ "nɛnekoɛ -ɛ "ne wɔkɔle -bɛɛ' -kɛ -wɛ 'ylime -tua -godogodo 'na dɛ.

Efɛzenya 3:1

-Ame, Pɔle, Zezu Kli 'na -jiɛnyɔ 'ye 'e -noɔ -lɔ, 'anye -wa "ne Zufonya 'waa -wɛ 'na 'ylime.

Efɛzenya 3:16

'E bhubhɔ -se 'ɔ "kɛ 'anye 'kwɛme 'tamalea. 'Ɔnɛɛ Zuzu za, 'ɔnɛɛ 'ŋlumeɛ 'kpɔ kpɛnyee zɛ. 'Ɛ -kɛ sɔbhɔ -ko ne, 'a yi 'ce 'kwɛmetamale -klecɛnya "zo,

Efɛzenya 3:19

'A yi 'ce Klise 'na -waleɛ, -ɛ -ple -li 'klekle -ye 'wa "kɛ yibhlele- -wɛ yɔko "me, yibhlele-. 'A yi 'ce Lagɔ 'na zikpɛ 'klekle -yle, "ne 'ɔ yi 'ce 'anye "me 'glile- gou.

Efɛzenya 3:2

'Diɛɛ, 'a 'no- "me, libhɔ -ye Lagɔ 'na 'dle -wɔtɔ -za, 'ɔ no -gbɔ 'e no 'anyɛɛ za, -se -ye 'ɔ no -gbɔ -ɛ "kɛ -noɔ -wɛ "kɛ 'yli 'wlole-.

Filiponya 2:3

'A kɛ -bɛɛ' no ne, 'a 'te lɔbhɔzowugɔŋ "me nole-, -se 'a 'te 'lelee "kuziwugɔŋ "me nole-. -Mɔ, 'a 'kwlialea- 'ayi "ku, -se 'a "pɔ 'dle -gbɔ 'alua 'kpɔ- "ne 'wa -zi 'anye "ku.

Filiponya 4:19

'Neɛ Lagɔ yi 'anye -li 'klekle -ye 'a 'yɔbhɔ -wɛ kɔ 'je, Anyinɛnyɔ 'ŋlumenyɔ Zezu Kli 'na 'tɔ "me, "naa-, -Klɔgbɔnyɔ "yitɔ yɔ -lɔ, 'ɔnɛɛ -klɔgbɔ "ne nɛnidɛ -kɛ.

Kolɔsenya 1:27

'Ɔ 'yɔbhɔ nɛ -gbɔ 'ɔ "koa -ɛ 'nunadleku ne 'na "kpɔmalesɛ, "ne -klɔgbɔpɔsɛ 'sloa-. "Ɛ -ɛ 'nunadleku ne 'nyakpa 'klekle -nɛ yɛ -lɔ, 'ɛɛ ne lɛ: Klise -ko 'anye -jijɛku "ne 'ɔyi "me, 'a -kɛ 'dleku -gbɔ 'a yi Lagɔ 'na 'ŋlumeɛ 'na dɛ "ye.

1 Timote 1:13

-Mɔ, 'ɛ -ko sɔbhɔ "ne 'e 'ylu 'awɔ, "ne 'e -ziɔ 'awɔ 'nyɛze, "ne 'e -no 'awɔ kpokpo -li. -Mɔ, Lagɔ pɔ- 'na 'nyɛzedle. 'E no 'awɔ 'ɛ soɔ, -mɔ, 'e "ne 'awɔ -ye 'e no 'awɔ -wɛ -yi. "Naa-, 'e "ne 'awɔ Klise 'dleku -kɛ zɛ.

1 Timote 1:15

Weli -ye -a "kɛ 'dleku kɛle- "ne -ye 'nyakpa 'klekle "kɛ 'kɔsa ne lɛ: Zezu Kli -yi zikpɛ ne "ku -se 'ɔ "kɛ "nyinyonolinonya 'fuɔ. "Ne -ame, 'mɔɔ -noɔ -lɔ "nyinyonolinonya 'na tɛtɛnɔ yɔ.

1 Timote 2:7

"Ne Lagɔ yi -lɔ -ame "guɔkwɔmenyɔ "ne Zezu 'na "kɔlepɔnyɔ "zoa- -gbɔ 'e me -se 'e 'cia 'nyakpa -na -wa "ne Zufonya -waa -wɛ, 'dlekukɛlesɛ -nyɛ gbɛklɛklɛ "bhaa, gbɛklɛklɛ 'ye 'e bhulɛ -lɔ. 'E -na yowlɛ.

2 Timote 1:11

Lagɔ "zoa- -ame Zezu 'na "kɔlepɔnyɔ, -se 'e "kɛ 'Denaade -glɔnya -sɛle, -se 'e "koa sloa.

'Ylikloylɛleweli 3:18

-Ɛwɛɛ za, 'e "zo -eyi 'de "me -gbɔ 'pea- -ame -badlɛ kɔ -ye -kosu "zoa- 'wlele -wɛ, -se -e "kɛ -klɔgbɔnyɔ "zo. 'Pea- "koti 'fɛɛ -se -e 'cɛ "me 'pla-, 'wa te 'neɛ 'wludiɔnɔ 'ylime 'ye, -se zu te -kɛ -eyi 'lɔbhɔ. 'Pea- 'yli "me 'pɛle -nyakpo -se 'e "kɛ 'siɛ 'ye 'tee.