Efɛzenya 3:7 - Nouveau Testament bété de Gagnoa

⁷ Lagɔ 'na "nɛne -ko -za, 'ɔ -gbɔ "ne 'e "zo- "ɛ 'Denaade -wɛ 'na "kulɔbhɔnyɔ. 'Ɔnɛɛ nonoli 'na 'bhɛloɛ za yɛ -me -lɔ -tiaa.

Efɛzenya 3:7 Iomraidhean Croise

Nonoli 9:15

"Ne Anyinɛnyɔ yi -lɔ Ananiase bhulɛle- nɛɛ: «Me, yle "bhle "ɛ 'nyɔkpɔ -wɛ, "naa- 'mɔɔ -sɔ -lɔ lɔbhɔ -dudu, -se 'ɔ "kɛ 'na 'tɔ -glɔ -ɛ "ne -ame -yi -wɛ "ne "bhle 'na -klɔgbɔnya -nyɛ Izlayɛleyua" "bhaa sloa-.

Wlomɛnya 1:5

'Ɔyi "me, 'e -yle Zezu 'na "kɔlepɔnyɔ 'na "zo "zo -jɔlo. 'E "kɛ -gbɔ -se -glɔ 'klekle "ku 'na 'nyakpa -wa "ne zufonya 'waa -wɛ "kɔ 'dleku 'kɛle, -se 'wa "kɔ 'plome "zo.

Wlomɛnya 12:3

Lagɔ 'je- -ame "fu 'ɔnɛɛ -li -ɛ 'nɛne -wɛ kɔ. 'Ɛza, 'e 'bhɛle- 'e "kɛ -ɔkɔkokɔko bhulɛle- nɛɛ: 'A kɛ lɔbhɔ -ko ne, 'a te no -gbɔ 'a "kɛ 'ayi "ku zia- -see 'a "ne -ko -wɛ, -mɔ, -ɔkɔkokɔko -bhlele 'ɔyi gbo 'dlekukɛleɛ -ye Lagɔ 'jo- kɔ -wɛ "me.

Wlomɛnya 15:16

'ɔ "zoa- -ame Anyinɛnyɔ Zezu Kli 'na "kulɔbhɔnyɔ, -wa "ne zufonya 'waa -wɛ za. 'Ɔ "zo- -ame 'neɛ 'dɛ, -se 'e "kɛ 'Denaade -glɔnya -sɛle. -Se -wa "ne zufonya 'waa -wɛ "kɛ bɔbɔli -ɛ "nɛne Lagɔ -gɛ -wɛ "zo, "ne Zuzu Wlewle gbɔ -lɔ "ne "ɛ bɔbɔli -wɛ "namale -lɔ Lagɔ -gɛ.

1 Kolɛtenya 15:10

-Mɔ, Lagɔ 'na -se 'ɔ -wa -ame -wɛ za, 'e "zo- -lɔ -zeka 'nyɔkpɔ "ne 'a -gɛ -lɔ -ame 'yli, "ne 'ɔnɛɛ 'ŋwɛnɛ -wɛ yi -lɔ -ame -li 'na -li noa-, 'e -no libhɔ "ne 'ɛ -zi "kɔlepɔnya 'klekle -nɛ "ku. 'Mɔɔ "ne -kɛ "ɛ libhɔ -wɛ no, -mɔ, Lagɔ 'na -jɔlo 'gbɔ- -lɔ.

1 Kolɛtenya 3:5

Apolɔse, 'nyɔ yɔ bhɔ? "Ne Pɔle sɔɔ 'nyɔ yɔ bhɔ? -Anye, Lagɔ 'na "kulɔbhɔnya 'ye -a -noɔ -lɔ -tia. "Naa-, -anye -gbɔ za 'a "zo- -lɔ 'dlekukɛlenya. -Ɔkɔkokɔko 'na -jɔlo -ye Anyinɛnyɔ 'jo- kɔ 'na libhɔ 'ye 'ɔ -no -lɔ.

2 Kolɛtenya 3:6

'Ɔyi, 'ɔ 'nyɛ -lɔ -anye 'bhɛloɛ -se -a "kɛ mɛnenoɛ -lele 'na "kulɔbhɔnya "zo. "Ɛ mɛnenoɛ -wɛ "ne -Lɔ -ɛ kɛleɔ- -wɛ "me ko. -Mɔ, Zuzu Wlewle "me 'ye 'ɛ -ko -lɔ, "ɛ -Lɔ -ɛ kɛleɔ- -wɛ, 'kwiɛ 'ye 'ɛ 'nyɛ -lɔ. -Mɔ, Zuzu Wlewle, zikpɛ 'ye 'ɔ 'nyɛ -lɔ.

2 Kolɛtenya 4:1

Lagɔ 'na 'nyɛzedle -kɛle -za za 'ɔ no -lɔ -gbɔ -a no "ɛ libhɔ ne, zaa 'kwɛme te -kɛ -anye yɔle-.

Galatenya 2:8

Lagɔ "zoa- Piɛle Zufonya 'na "kɔlepɔnyɔ, "ne 'ɔ yi -lɔ -ame -wa "ne Zufonya 'waa -wɛ 'na "kɔlepɔnya "zoa-.

Efɛzenya 1:19

'A yi 'ce 'ɔnɛɛ 'bhɛloɛ "yitɛ -ye 'ɔ 'pɔ -anye -wa -kɔ 'dleku -wɛ za yibhlele-. "Ɛ 'bhɛloɛ -wɛ 'nabhɛ 'ye Lagɔ -nole -lɔ 'kwɛmetamaleɛ "yitɛ "me.

Efɛzenya 3:2

'Diɛɛ, 'a 'no- "me, libhɔ -ye Lagɔ 'na 'dle -wɔtɔ -za, 'ɔ no -gbɔ 'e no 'anyɛɛ za, -se -ye 'ɔ no -gbɔ -ɛ "kɛ -noɔ -wɛ "kɛ 'yli 'wlole-.

Efɛzenya 3:20

Lagɔ nole -anye libhɔ "me 'ɔnɛɛ 'bhɛloɛ "me. "Ne -a "kɔ -bɛɛ' -zlɛ, 'ɔ 'bhɛle 'ɔ 'cɛ lɔbhɔ 'plea! 'Ɔnɛɛ 'bhɛloɛ ple- wɔkɔsɛ 'klekle yɔko "me!

Efɛzenya 3:8

-Ame Pɔle, 'mɔɔ -noɔ -lɔ 'klecɛnya 'klekle 'na 'glɛme 'na yu yɔ. -Mɔ 'ɛ -ko "ɛ -soɔ "ne 'e -yle lɛ -jɔlo ne: 'E "kɛ -wa "ne zufonya 'waa -wɛ Klise 'na -klɔgbɔ -ɛ "ne "nenidɛ -kɛ -wɛ 'na 'de -sɛle.

Efɛzenya 4:16

Klise za, "ɛ ku -wɛ 'klekle -glɛglɛle -lɔ "ne 'ɛ "zo -lɔ -bholo. 'Jeleadɛme 'na 'gbagbo gbɔ -lɔ "ne "ɛ ku "zo -lɔ -bholo, "ne "ɛ ku 'na -cibhɛ -bholo kɛ 'ɛnɛɛ libhɔ no ne, "ɛ ku 'kpɔmale "ne -waleɛ "me 'ɛ me -lɔ 'yuku.

Kolɔsenya 1:29

'Ɛza, 'e no -lɔ libhɔ, "ne 'e "tɔtɔle -lɔ 'ayikɔ Klise -ɔ -ko -ame "me 'ɔnɛɛ 'bhɛloɛ "bhaa -wɛ za.

1 Tesalonikenya 2:13

'A -gɛ 'yli, sɔɔbɛɛza -a 'bhɛle Lagɔ -godogodo -wɛ, -noɔ -lɔ nɛɛ: -Sɔɔdɛku -a -sloa 'anye Lagɔweli -wɛ, 'a no- "me. 'A "ne -kɛ 'nyɔkpɔsɛ "ku "me no-, -mɔ, Lagɔweli 'nasɛ 'ye 'a no- -lɔ "me, "naa-, Lagɔweli yɛ -lɔ 'diɛɛ, 'ɛ nole -lɔ 'anye libhɔ "me.

Eblenya 13:21

"Ɛ Lagɔ -wɛ, 'ɔ gbɔ -se -a "kɛ -godogodo -li 'na -li no, -see 'ɔ 'yɔbhɔ -wɛ! Lagɔ ylɛle- Zezu Kli "me, -se -a "kɛ -ye 'ɔ 'yɔbhɔ -wɛ no, Zezu 'bhe- -lɔ 'ŋlumeɛ -godogodo! Amɛn!