Efɛzenya 3:5 - Nouveau Testament bété de Gagnoa

⁵ -Ɛ -kɛ nɛ -noɔ "ne 'ɛ -ko -diɛɛ "me ne, Lagɔ "ne 'awɔ -a 'to 'wa 'to 'wɔ 'ylime -tua. -Mɔ, -zeka, 'ɔ -tua -da 'ɔnɛɛ Zuzu "me 'ɔnɛɛ "kɔlepɔnya 'wlewlea -nyɛ "guɔkwɔmenya 'wɔ "bhaa 'ylime.

Efɛzenya 3:5 Iomraidhean Croise

Matie 13:17

Gbɛklɛklɛ 'ye 'e bhulɛle lɛ 'anye nɛɛ: "Guɔkwɔmenya 'na 'kwleyia, "ne "meŋwinɛlenya 'na 'kwleyia 'yɔbhɔ me nɛ -gbɔ -ye 'a 'ye 'ylime -wɛ, 'wa 'cɛ nɛ 'ylime 'ye me, -mɔ, 'wa "ne 'ylime 'ye-, "ne -ye 'a 'no "me -wɛ, 'wa 'cɛ nɛ "me 'no me, -mɔ, 'wa "ne "me 'no-.

Matie 20:7

"Ne 'wa yi -lɔ 'gbo 'di nɛɛ: 'Nyɔkpɔ "ne -kɛ -anye libhɔ "me "ku libhi-. "Ne 'ɔ yua -lɔ bhulɛle- nɛɛ: 'A 'mɔme- 'se 'neɛ vinyelɛ -wɛ "me.

Matie 23:34

'Ɛza, 'a 'fo 'yukwli, -ame 'e yi 'anye "guɔkwɔmenya, "nɛnenya "ne -Lɔsloanya -gwe "ku "pɔ, -mɔ, 'a yi -bedia 'lɔbhɔ "ne 'wa yi "ku, "ne 'a yi 'wawɛ klowa "klo 'kole-, "ne 'a yi -wawɛ "mebhubhɔlebhudu "me 'sɛpɔle-, "ne 'a yua 'ce "ɛ 'du -wɛ 'wɔ "me 'kpeti-.

Luke 10:24

"Naa- 'e bhulɛle 'anye nɛɛ: "Guɔkwɔmenya 'na 'kwleyia, -klɔgbɔnya 'na 'kwleyia 'yɔbhɔ me nɛ -gbɔ -ye 'a 'ye 'ylime -wɛ, 'wa 'cɛ nɛ 'ylime 'ye me, -mɔ, 'wa "ne 'ylime 'ye-, "ne -ye 'a 'no "me -wɛ, 'wa 'cɛ nɛ "me 'no me, -mɔ, 'wa "ne "me 'no-.

Luke 11:49

'Ɛza, Lagɔ 'na "nanoɛ "me 'ɔ no -lɔ nɛɛ: «'E yua 'ce "guɔkwɔmenya "ne "kɔlepɔnya -nɛme. 'Wa yi 'ce -bedia 'lɔbhɔ, "ne 'wa yi 'ce 'wawɛ 'nyɛzesɛ no.»

Zezu Kli 'na 'Denaade ‑ye Zaa kɛle‑ ne lɛ 14:26

'Bemesibhɔnyɔ, Zuzu Wlewle, -ye To "kɛ 'neɛ 'tɔ "me 'anye -gwe "ku "pɔ -wɛ, 'ɔɔ -kɛ -lɔ 'anye -li 'klekle sloa-, "ne 'ɔ "kɛ -lɔ 'anye -ye 'e -bhulɛ 'klekle -wɛ 'dleku 'sibha-.

Zezu Kli 'na 'Denaade ‑ye Zaa kɛle‑ ne lɛ 16:13

Gbaabhulɛ Zuzu kɛ -yi, gbɛklɛklɛ "me 'ye 'ɔ "kɛ -lɔ 'anye slule-. "Naa-, 'ɔ -ka -ɛ 'bhalo "me -wɛ bhulɛ-. -Mɔ, -ye 'ɔ 'no- -wɛ 'na weli 'ye 'ɔ "kɛ -lɔ bhulɛ-. "Ne 'ɔ yi 'anye -ɛ "kɛ yi -wɛ 'na 'de -sɛle.

Nonoli 10:28

"Ne 'ɔ yi -lɔ no nɛɛ: «'A yi 'se -sɛ -gbɔ Zufonyɔ -nyɛ lowlinyɔ "bhaa 'wa -ka 'titoa "me -ko, "ne 'wa -ka "ku kole- 'nabhɛ. "Naa-, 'nyɔkpɔ -lɛbhɛ yɛ -lɔ. -Mɔ, Lagɔ -bhulɛle -ame -gbɔ 'e "ne 'bhɛle- "ne 'e "kɛ no nɛɛ: 'Ɛwɛ 'pɔ- 'gbɛɛ "ku, "ne 'nyɔkpɔ 'na -ɔne "ne 'wlele -ko.

Wlomɛnya 16:25

Lagɔ me 'ŋlu! 'Ɔ -kɛ 'bhɛloɛ -se 'ɔ "kɛ 'anye "me "tamalea- 'Denaade -ye 'e 'sɛle 'anye Zezu Kli za -wɛ "me. "Ɛ 'Denaade ne "me, Lagɔ 'sloa 'ɔnɛɛ diɛweli -ɛ zizɔ- nɛ "ku -godogodo -wɛ 'dɛ.

1 Kolɛtenya 2:10

-Anye 'ye Lagɔ -tuɛ -lɔ 'ylime Zuzu Wlewle "me, "naa-, Zuzu Wlewle -yi -li 'klekle, 'ɛ kɛ 'se -ɛ -ko Lagɔ 'na 'dlezɔ -wɛ yɛ -ce.

Efɛzenya 2:20

"Naa-, 'a -ko sɛgbɛɛ -bhudu -ye 'wa 'sɔbhɔle "kɔlepɔnya "ne "guɔkwɔmenya "klo -wɛ 'na -tikpɛ, Zezu Kli 'nabhɛ -ko sɛgbɛɛ 'ɛnɛɛ 'gwegwe "me 'na 'tiyi.

Efɛzenya 3:9

'E -yle -me 'lelee -jɔlo -se 'e "kɛ -gbɛklɛklɛ 'nyakpa 'klekle 'sloa, -se Lagɔ 'wlolea 'ɔnɛɛ 'diɛɛ weli 'yli -wɛ. 'Ɔyi, Lagɔ, -ɔ noɔ -li 'klekle 'na 'wlɛnyɔ yɔ -wɛ zizi- 'awɔ 'ɔnɛɛ 'diɛɛ weli 'ɔyi "me -godogodo 'ce.

2 Piɛle 3:2

'A 'luɔle- weli -ye "guɔkwɔmenya 'wlewlea -bhulɛle 'awɔ 'anye bhlɛme "ku. 'A 'luɔle- -me -kɛ 'lelee -gbagbɛ -ye 'anyɛɛ "kɔlepɔnya -sloa 'anye -wɛ "ku: Anyinɛnyɔ, 'Fuɔnyɔ 'na -gbagbɛ yɛ -lɔ.

Zude 1:17

-Mɔ, -a -wale 'wanye, 'a 'luɔle- 'ce Anyinɛnyɔ Zezu Kli 'na weli -ye "kɔlepɔnya -bhulɛle 'awɔ 'anye -wɛ "ku.