Efɛzenya 3:21 - Nouveau Testament bété de Gagnoa

²¹ 'Ɔ 'bhe- -lɔ 'ŋlumeɛ Lagɔgligbɛ "me, "ne Zezu Kli "me. "Tenye 'klekle "me "ne -godogodo 'na dɛ! Amɛn!

Efɛzenya 3:21 Iomraidhean Croise

Matie 6:13

Te -kɛ -anye 'yi 'tale- -se -a te -kɛ "mebeamɔ bhlile-, "naa-, -mɔɔ 'bhe- -lɔ kamaleɛ, 'bhɛloɛ "ne 'ŋlumeɛ -dɛme "ne -godogodo 'na dɛ. -Mɔ, -sɛ -anye sata 'wlime.»

Luke 2:14

Lagɔ me "nɔgɔ "me 'ŋlu -se dodo ne "ku 'na konya -ye 'ɔ -wa -wɛ 'wa yle "kuwɛtɛ.

Wlomɛnya 11:36

'Diɛɛ, 'ɔyi 'ye 'ɛ 'bhale -lɔ "me 'klekle, 'ɔnɛɛ za 'ɛ -le -lɔ 'klekle, "ne 'ɔ 'bhe- -lɔ 'klekle, Lagɔ 'bhe- -lɔ 'ŋlu -godogodo! Amɛn!

Wlomɛnya 16:27

Lagɔ me 'ŋlu, 'ɔyikɔ 'ɔ 'bhe- -lɔ 'ylimeyamaleɛ! 'Ɔ 'bhe- -lɔ 'ŋlumeɛ Zezu Kli "me, -godogodo! Amɛn!

Galatenya 1:5

-A 'kwa Lagɔ 'ŋlu -godogodo 'na dɛ! Amɛn.

Efɛzenya 1:6

Zaa, 'a -ya 'dile Lagɔ lo keyi, 'ɔnɛɛ -jɔlo "yitɛ -ye 'ɔ 'nyɛ- -anye 'ɔnɛɛ -wawayu "me -wɛ za.

Efɛzenya 2:7

Sɔbhɔ "ku, 'ye 'ɔ -tua -lɔ -anye 'ɔnɛɛ "nɛnekoɛ 'ylime Klise Zezu "me, Lagɔ 'yɔbhɔ -gbɔ 'ɔ "kɛ -anye 'ɔnɛɛ "nɛnekoɛ -ɛ "ne wɔkɔle -bɛɛ' -kɛ -wɛ 'ylime -tua -godogodo 'na dɛ.

Efɛzenya 4:1

-Ye 'e 'yɔbhɔle 'anye lo "ne 'e piɛle "ku ne lɛ, -ame 'mɔɔ -ko -jiɛ "me Anyinɛnyɔ za -wɛ: Anyinɛnyɔ 'na 'laweli -ye 'a 'no- "me -wɛ, 'a 'nɔŋo "ku.

Filiponya 1:11

"Ɛ Zezu Kli yi 'anye kwɛle-, "ne 'anyɛɛ nonoli yi "me ŋwinɛle-, lɔbhɔ 'na dɛku, 'nyakpa yi Lagɔ 'ŋlu kwa, "ne 'wa yu bhlegbi "me "zo.

Filiponya 2:11

-Se 'nyakpa 'klekle "kɛ 'ce no nɛɛ: Zezu Kli -noɔ -lɔ Anyinɛnyɔ yɔ, -se -a To Lagɔ 'na 'tɔ "kɛ 'ŋlu me.

Filiponya 4:20

-A To Lagɔ me 'ŋlu -godogodo 'yiɛ! Amɛn!

2 Timote 4:18

Anyinɛnyɔ yi 'ce 'na 'galu 'di. 'Ɔ yi 'ce -ame 'fuɔ, "ne 'ɔ yi 'ce -ame 'ɔnɛɛ 'Kamalezikpɛ "me pla- -me. Anyinɛnyɔ 'bhe- -lɔ 'ŋlumeɛ -dɛme "ne -godogodo 'yiɛ. Amɛn.

Eblenya 13:21

"Ɛ Lagɔ -wɛ, 'ɔ gbɔ -se -a "kɛ -godogodo -li 'na -li no, -see 'ɔ 'yɔbhɔ -wɛ! Lagɔ ylɛle- Zezu Kli "me, -se -a "kɛ -ye 'ɔ 'yɔbhɔ -wɛ no, Zezu 'bhe- -lɔ 'ŋlumeɛ -godogodo! Amɛn!

1 Piɛle 2:5

Zaa, 'a 'nyiɔ -mo yɔko. -See 'anye 'lelee, -yɛyɛ -tiyi 'nasɛ, 'a "kɛ Zuzu Wlewle 'na -bhudu sɔbhɔ. -Se 'a "kɛ bɔbɔnya 'wlewle 'na -gligbɛ -duku 'jilɛ, -nyɔ 'na bɔbɔli 'ye Lagɔ 'sa- kɔ Zezu Kli za -wɛ.

1 Piɛle 5:11

'Ɔyi, 'ɔɔ 'bhe- -lɔ 'bhɛloɛ -godogodo. Amɛn!

2 Piɛle 3:18

Zezu Kli 'na wamaleɛ "ne 'ɔnɛɛ yibhleleɛ, Anyinɛnyɔ, -anyɛɛ 'Fuɔnyɔ, 'kpɔmale- 'anye "me. 'Ɔɔ 'bhe- -lɔ 'ŋlu -dɛme ne "ne -godogodo! Amɛn!