Efɛzenya 3:20 - Nouveau Testament bété de Gagnoa

²⁰ Lagɔ nole -anye libhɔ "me 'ɔnɛɛ 'bhɛloɛ "me. "Ne -a "kɔ -bɛɛ' -zlɛ, 'ɔ 'bhɛle 'ɔ 'cɛ lɔbhɔ 'plea! 'Ɔnɛɛ 'bhɛloɛ ple- wɔkɔsɛ 'klekle yɔko "me!

Efɛzenya 3:20 Iomraidhean Croise

Matie 3:9

-Mɔ, 'a te -kɛ no -gbɔ nɛɛ: -Anye, Ablame 'na yua 'na yua 'ye -a -noɔ -lɔ. Sɛne 'ye 'e bhulɛle lɛ 'anye nɛɛ: 'Tiyi ne, -ye 'a 'wolo dɛne "ku ne, Lagɔ 'yi Ablame 'na yua 'na yua "zoa-!

Zezu Kli 'na 'Denaade ‑ye Zaa kɛle‑ ne lɛ 10:10

'Winyɔ yi 'wiyli -za, 'wli "ku -di -za "ne li -nyimɔ -za 'ɛyikɔ. -Mɔ, -ame 'e -yi -se 'nyakpa "kɛ zikpɛ yle, -se 'ɛ "kɛ lɔbhɔ 'ple.

Wlomɛnya 16:25

Lagɔ me 'ŋlu! 'Ɔ -kɛ 'bhɛloɛ -se 'ɔ "kɛ 'anye "me "tamalea- 'Denaade -ye 'e 'sɛle 'anye Zezu Kli za -wɛ "me. "Ɛ 'Denaade ne "me, Lagɔ 'sloa 'ɔnɛɛ diɛweli -ɛ zizɔ- nɛ "ku -godogodo -wɛ 'dɛ.

Wlomɛnya 4:21

'Ɔ -kɛ nɛ -bɛɛ' -bholo 'dleku: Weli -ye Lagɔ -ple -wɛ, 'ɔ -kɛ 'bhɛloɛ -se 'ɔ 'cɛ no.

1 Kolɛtenya 2:9

"Naa-, sɛne 'ye 'ɛ -kɛle -lɔ Lagɔbɔgo "me nɛɛ: «-Li 'na -bedi -ko lɔbhɔ -ye 'yli "ne 'ye-. -Ye 'yukwli "ne 'no-, "ne -ye dodo ne "ku 'na 'nyakpa -na 'ce -zɛ "ku 'dlepɔ. Zaa, 'ɛ soɔ 'na -li -wɛ, Lagɔ -sɛ -lɔ lɔbhɔ -wa -kɛ 'ɔnɛɛ 'ŋwɛnɛ "me -wɛ za.»

2 Kolɛtenya 9:8

Lagɔ kɛ 'bhɛloɛ -se 'ɔ "kɛ 'anye -li 'klekle -ɛ 'nɛne -wɛ 'wliku mana. "Ne 'a yi -li 'klekle -ye 'a 'yɔbhɔ -wɛ kɛle-, "ne 'ɛ yi lɔbhɔ 'ple 'klekle, "ne 'a yi -nazɛ lɔbhɔ -sɛ, "ne 'a yi -li 'na -ɛ 'nɛne 'klekle -wɛ no yiɛ.

Efɛzenya 1:19

'A yi 'ce 'ɔnɛɛ 'bhɛloɛ "yitɛ -ye 'ɔ 'pɔ -anye -wa -kɔ 'dleku -wɛ za yibhlele-. "Ɛ 'bhɛloɛ -wɛ 'nabhɛ 'ye Lagɔ -nole -lɔ 'kwɛmetamaleɛ "yitɛ "me.

Efɛzenya 3:7

Lagɔ 'na "nɛne -ko -za, 'ɔ -gbɔ "ne 'e "zo- "ɛ 'Denaade -wɛ 'na "kulɔbhɔnyɔ. 'Ɔnɛɛ nonoli 'na 'bhɛloɛ za yɛ -me -lɔ -tiaa.

Kolɔsenya 1:29

'Ɛza, 'e no -lɔ libhɔ, "ne 'e "tɔtɔle -lɔ 'ayikɔ Klise -ɔ -ko -ame "me 'ɔnɛɛ 'bhɛloɛ "bhaa -wɛ za.

1 Timote 1:14

-Mɔ, 'neɛ -dɛku, Anyinɛnyɔ 'na 'dlekunamaleɛ 'kpɔmale- "yitɛ "ku. Zaa, -Dɛmeda, 'e -kɛ 'dleku, "ne 'e -kɛ 'lelee 'ŋwɛnɛ -ɛ 'bhale Zezu Kli "me -wɛ "me.

Eblenya 11:19

-Mɔ, Ablame 'pɔ- 'dle nɛɛ: Lagɔ 'bhɛle- 'ɔ "kɔ 'golia-. 'Ɛza, Lagɔ 'jo- -lɔ kɔ, sɛgbɛɛ gluzɔ 'ye 'ɔ 'wlo-.

Eblenya 7:25

-Ɛwɛza, 'ɔ "kɛ -lɔ -wa 'nyiɔ Lagɔ yɔko -wɛ 'fuɔ -godogodo 'ɔnɛɛ 'kwɛle-kwɛleɛ "me. "Naa-, Zezu -yɛ 'gbligbli -godogodo, 'ɔ yi 'wanɛɛ za Lagɔ bhubhɔ -godogodo.

Zake 4:12

Lagɔ -bholo -kpee -ɔ 'nyɛ -Lɔ, "ne -ɔ -noɔ gbobhlenyɔ yɔ, 'ɔyi -bholo -kpee 'bhɛle- -lɔ "ne 'ɔ "kɛ 'nyɔkpɔ fuɔ "ne 'ɔ "kɔ 'kwiɛ "me 'piɛ. -Mɔ, -eyi -mɔɔ bhlele -eluyu gbo -wɛ, -se -e libhi bhɔ -eyi "ku 'a?

2 Piɛle 1:11

'Diɛɛ, Lagɔ yi 'anyɛɛ za 'kamalezikpɛ -ɛ "ne lɛ "nenidɛ -kɛ 'na -gbanuɛgwe "ku vulu- gbɛklɛklɛ, Anyinɛnyɔ, "ne -anyɛɛ 'Fuɔnyɔ Zezu Kli 'na 'kamale zikpɛ.

Zude 1:24

-A -kwa Lagɔ -bholo -kpee 'ŋlu, -ɔ 'fuɔ -anye Zezu Kli Anyinɛnyɔ "me! 'Ɔ yi -gbɔ "ne 'a -ka 'nyinyonoli "me 'bhlile-, 'ɔ yi -gbɔ "ne 'a -ka 'nuɔsɔbhɔledɛ kɛle-, 'ŋwɛnɛ -lɛbhɛ "me, 'ɔyi 'yliku, 'ɔnɛɛ 'ŋlu "me. 'Ɔ 'bhe- -lɔ 'ŋlumeɛ, "kuziɛ, 'bhɛloɛ "ne -kamaleɛ, -dɛme "ne -godogodo! Amɛn!