Efɛzenya 3:2 - Nouveau Testament bété de Gagnoa

² 'Diɛɛ, 'a 'no- "me, libhɔ -ye Lagɔ 'na 'dle -wɔtɔ -za, 'ɔ no -gbɔ 'e no 'anyɛɛ za, -se -ye 'ɔ no -gbɔ -ɛ "kɛ -noɔ -wɛ "kɛ 'yli 'wlole-.

Efɛzenya 3:2 Iomraidhean Croise

Nonoli 13:2

'Yli -bholo "me, 'wa -ko 'awɔ Anyinɛnyɔ bhubhɔ dɛku nuɛteɛ "me, "ne Zuzu Wlewle yi -lɔ no nɛɛ: «'A -sɛ lɔbhɔ Banabase -nyɛ Sɔle "bhaa -se 'wa "kɛ libhɔ -nyɔ za 'e 'loa- -wɛ no -ka me.»

Nonoli 13:46

"Ne Pɔle -nyɛ Banabase "bhaa 'wa yua -lɔ 'dle -wɔtɛsɛ bhulɛle nɛɛ: «'Anye 'wa "kɛ nɛ -lɔ "ɛ Lagɔweli bhulɛle- tɛɛ! -Mɔ, 'a -sɛ 'ɛnɛɛ lo "ne 'a 'bhlele -lɔ 'ayigɛsɛ 'ayi gbo nɛɛ: 'A "ne 'bhɛle- "ne 'a "kɛ -zikpɛ 'na -ɛ -ka "kubhiɛ -wɛ yle. 'Ɛza, -a mele- -da -lɔ -wa "ne Lagɔ -yi -wɛ lo.

Nonoli 22:21

"Ne Anyinɛnyɔ yi -lɔ -ame bhulɛle nɛɛ: Me 'yuku -wa "ne "zo Lagɔ -wɛ 'na mɛce 'ye 'e 'lebhele -lɔ -eyi.»

Nonoli 9:15

"Ne Anyinɛnyɔ yi -lɔ Ananiase bhulɛle- nɛɛ: «Me, yle "bhle "ɛ 'nyɔkpɔ -wɛ, "naa- 'mɔɔ -sɔ -lɔ lɔbhɔ -dudu, -se 'ɔ "kɛ 'na 'tɔ -glɔ -ɛ "ne -ame -yi -wɛ "ne "bhle 'na -klɔgbɔnya -nyɛ Izlayɛleyua" "bhaa sloa-.

Wlomɛnya 1:5

'Ɔyi "me, 'e -yle Zezu 'na "kɔlepɔnyɔ 'na "zo "zo -jɔlo. 'E "kɛ -gbɔ -se -glɔ 'klekle "ku 'na 'nyakpa -wa "ne zufonya 'waa -wɛ "kɔ 'dleku 'kɛle, -se 'wa "kɔ 'plome "zo.

Wlomɛnya 11:13

-Dɛmeda, 'anye "ne zufonya 'waa -wɛ, 'anye 'ye 'e bhulɛle -lɔ. -Wa "ne zufonya 'waa -wɛ 'na Zezu 'na "kɔlepɔnyɔ 'ye 'e -noɔ -lɔ. "Ɛ libhɔ -ye 'e no ne, -ame 'ye 'ɛ 'kwa -lɔ 'ŋlu.

Wlomɛnya 12:3

Lagɔ 'je- -ame "fu 'ɔnɛɛ -li -ɛ 'nɛne -wɛ kɔ. 'Ɛza, 'e 'bhɛle- 'e "kɛ -ɔkɔkokɔko bhulɛle- nɛɛ: 'A kɛ lɔbhɔ -ko ne, 'a te no -gbɔ 'a "kɛ 'ayi "ku zia- -see 'a "ne -ko -wɛ, -mɔ, -ɔkɔkokɔko -bhlele 'ɔyi gbo 'dlekukɛleɛ -ye Lagɔ 'jo- kɔ -wɛ "me.

1 Kolɛtenya 4:1

'Wa 'wolo- -anye "ku sɛgbɛɛ Klise 'na "kulɔbhɔnya. -Anyɛɛ libhɔ -noɔ -lɔ -gbɔ -a -sɛ Lagɔ 'na 'gbɛklɛklɛweli -ɛ zizɔ- "ku -wɛ 'na 'de.

Galatenya 1:13

"Naa-, 'a no- -see 'e -su nɛ 'ayi "ku 'watɔ -wɛ 'na 'de, -sɔɔdɛku 'e -ko nɛ Zufonya 'na Lagɔgligbɛ "me -wɛ. 'A -yi -se 'e -su nɛ Lagɔgligbɛ "ku 'kpokposɛ, "ne 'e 'gbapea nɛ, "ne 'e 'yɔbhɔ nɛ -gbɔ 'e 'cɛ nɛ "ku bhia-.

Efɛzenya 1:10

-Ɛ "kɛ -noɔ -wɛ, Lagɔ 'yɔbhɔ nɛ -gbɔ 'ɔ 'cɛ yli -ye 'ɔ -sɛ lɔbhɔ -wɛ "me nole. 'Ɔ "kɛ -ɛ -ko "nɔgɔ "me 'klekle, "ne dodo ne "ku 'wli 'yabha-, "cifi -bholo -kpee, Klise zɔ.

Efɛzenya 3:7

Lagɔ 'na "nɛne -ko -za, 'ɔ -gbɔ "ne 'e "zo- "ɛ 'Denaade -wɛ 'na "kulɔbhɔnyɔ. 'Ɔnɛɛ nonoli 'na 'bhɛloɛ za yɛ -me -lɔ -tiaa.

Efɛzenya 3:8

-Ame Pɔle, 'mɔɔ -noɔ -lɔ 'klecɛnya 'klekle 'na 'glɛme 'na yu yɔ. -Mɔ 'ɛ -ko "ɛ -soɔ "ne 'e -yle lɛ -jɔlo ne: 'E "kɛ -wa "ne zufonya 'waa -wɛ Klise 'na -klɔgbɔ -ɛ "ne "nenidɛ -kɛ -wɛ 'na 'de -sɛle.

Efɛzenya 3:9

'E -yle -me 'lelee -jɔlo -se 'e "kɛ -gbɛklɛklɛ 'nyakpa 'klekle 'sloa, -se Lagɔ 'wlolea 'ɔnɛɛ 'diɛɛ weli 'yli -wɛ. 'Ɔyi, Lagɔ, -ɔ noɔ -li 'klekle 'na 'wlɛnyɔ yɔ -wɛ zizi- 'awɔ 'ɔnɛɛ 'diɛɛ weli 'ɔyi "me -godogodo 'ce.

Efɛzenya 4:21

'Ɔnɛɛ "ku 'na weli 'wa -bhulɛle bhɔ 'diɛɛ 'anye? -Se 'a -noɔ 'klecɛnya 'waa -wɛ za, 'wa -sloa -lɔ 'anye gbɛklɛklɛ -ɛ -ko Zezu "me -wɛ

Efɛzenya 4:7

Lagɔ -no -anye -li 'na -li 'wli, -mɔ, Klise wɔkɔ -ɔkɔkokɔko -nɛ.

Kolɔsenya 1:4

-Ye -a 'no- 'anyɛɛ dɛku ne lɛ: 'A -kɛ Zezu Kli 'dleku, "ne 'a -wa -wa -noɔ Lagɔ -noa 'waa 'klekle -wɛ.

Kolɔsenya 1:6

"Ɛ 'Denaade ne tlo -lɔ bhi, "ne 'ɛ 'ŋwɛne -lɔ -glɔ 'klekle "ku. "Ɛ sɛbhele -wɛ 'ye 'ɛ -ko -me -lɔ 'anyɛɛ mɛce, -se 'wa "mɔ 'awɔ 'anye Lagɔ 'na -jɔlo -de -sɛle ne, "ne -se 'a "mɔ 'awɔ "me 'no -gbɔ Lagɔ -wa 'anye 'diɛɛ.

1 Timote 1:11

"Ɛ sloaweli -wɛ, 'Denaade -ɛ sloa -anye Lagɔ 'na 'ŋlumeɛ 'dɛ -wɛ "me 'ye 'ɛ -ko -lɔ. "Ɛ Lagɔ -ɔ 'yɔbhɔ -anyɛɛ -jɔlo -wɛ, -ɔ 'tle- -lɔ -ame 'ɛ 'Denaade ne yɔko.

1 Timote 1:4

'Wa 'bha- gɔgɔ weli, "ne ŋeyi 'kwleyi 'na zɛlezɛleɛ 'beku, 'ɛ nɛme -lɔ weli 'na 'kwleyi, "ɛ -nyɛ -see Lagɔ no -gbɔ 'ɛ ko -wɛ "bhaa 'ɛ "ne "bhle yɛ. -Ɛwɛ -gbɔ -lɔ "ne 'wanɛɛ 'dlekukɛleɛ -ka -lɔ 'kpɔmale.

1 Timote 2:7

"Ne Lagɔ yi -lɔ -ame "guɔkwɔmenyɔ "ne Zezu 'na "kɔlepɔnyɔ "zoa- -gbɔ 'e me -se 'e 'cia 'nyakpa -na -wa "ne Zufonya -waa -wɛ, 'dlekukɛlesɛ -nyɛ gbɛklɛklɛ "bhaa, gbɛklɛklɛ 'ye 'e bhulɛ -lɔ. 'E -na yowlɛ.

2 Timote 1:11

Lagɔ "zoa- -ame Zezu 'na "kɔlepɔnyɔ, -se 'e "kɛ 'Denaade -glɔnya -sɛle, -se 'e "koa sloa.