Efɛzenya 3:18 - Nouveau Testament bété de Gagnoa

¹⁸ Sɔbhɔ za, 'a 'bhɛle -se 'a "kɛ Klise 'na -waleɛ 'na -se 'ɛ -le "klo, -se 'ɛ tlo, -se 'ɛ -to "ku "ne -se 'ɛ tlo "me -wɛ "me 'no 'wlewlea 'klekle "bhaa.

Efɛzenya 3:18 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 15:13

-Waleɛ 'na -ɛ gbɔ "ne 'nyɔkpɔ 'bhale 'ɔnɛɛ zikpɛ "me 'ɔ 'titoa za -wɛ, 'ɛɛ -noɔ -lɔ -waleɛ 'na -ɛ zi "ku yɛ.

Wlomɛnya 10:3

'Wa "ne -see Lagɔ "zoa 'nyakpa "meŋwinɛlenya -wɛ 'na weli "me 'no-, 'wa -tɛle -see 'nyakpa "kɛ 'wanɛɛ "meŋwinɛlesɛ slu klepaa -wɛ 'siɛ. -Soɔ 'wa -sɛ -lɔ Lagɔ 'na -gwe -ye 'ɔ bhli "ne 'ɔ ŋwinɛlea- 'nyakpa "me -wɛ 'na lo.

2 Kolɛtenya 13:13

Anyinɛnyɔ Zezu Kli 'pɔ 'anye 'ŋu! 'Nyakpa 'na wamaleɛ -ye Lagɔ "zo- 'anye 'dlezɔ -wɛ "ne Zuzu Wlewle "bhaa 'a 'kole- "ku 'klekle!

Galatenya 2:20

'E -yɛ, -mɔ, -ame, "mɔ "ne -la -yɛ, Klise -yɛ -la -lɔ -ame "me. -Dɛmenadɛ "ku, 'neɛ zikpɛ -ye 'e -ko -la -dɛme "ku ne, Lagɔ 'na 'Yu 'na 'dlekukɛleɛ "me 'ye 'e -sule -lɔ 'neɛ zikpɛ, 'ɔyi -ɔ -wa -ame, "ne -ɔ -ple 'ɔnɛɛ zikpɛ 'neɛ za -wɛ.

Galatenya 3:13

"Ne "kubhleɛ -ye -Lɔ 'nɛme -anye "ku -wɛ, Klise 'di- 'ɛnɛɛ 'galu "yitɛ "ku. -Anyɛɛ za 'wa -bholo -lɔ "ku. "Naa-, Lagɔbɔgo "me sɛne 'ye 'ɛ 'kɛleɔ- -lɔ: «'Nyɔkpɔ -ye 'wa -gbɛtele su 'vli -wɛ, 'ɔyi 'ye- "kubhleɛ 'sa -lɔ kɔ.»

Efɛzenya 1:10

-Ɛ "kɛ -noɔ -wɛ, Lagɔ 'yɔbhɔ nɛ -gbɔ 'ɔ 'cɛ yli -ye 'ɔ -sɛ lɔbhɔ -wɛ "me nole. 'Ɔ "kɛ -ɛ -ko "nɔgɔ "me 'klekle, "ne dodo ne "ku 'wli 'yabha-, "cifi -bholo -kpee, Klise zɔ.

Efɛzenya 1:15

-Ye 'e 'ciɛ- ne lɛ: 'A -kɛ Anyinɛnyɔ Zezu 'dleku, "ne 'a -wa 'ɔnɛɛ 'nyakpa 'klekle -wa -kɔ 'dleku -wɛ. 'Ɛnɛɛ za, 'e -yibhlele 'awɔ 'bhle sɛ 'ce,

Efɛzenya 3:19

'A yi 'ce Klise 'na -waleɛ, -ɛ -ple -li 'klekle -ye 'wa "kɛ yibhlele- -wɛ yɔko "me, yibhlele-. 'A yi 'ce Lagɔ 'na zikpɛ 'klekle -yle, "ne 'ɔ yi 'ce 'anye "me 'glile- gou.

Kolɔsenya 1:4

-Ye -a 'no- 'anyɛɛ dɛku ne lɛ: 'A -kɛ Zezu Kli 'dleku, "ne 'a -wa -wa -noɔ Lagɔ -noa 'waa 'klekle -wɛ.

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.

'Ylikloylɛleweli 3:21

-See -ame, 'e 'to- 'wli "ku "ne 'e yi -a To yɔko 'gli -ka me 'ɔnɛɛ -klɔgbɔ-gbɔglo "ku -wɛ, sɔbhɔ 'ye -ɔ -to 'wli "ku -wɛ, 'e "kɔ 'ce 'lelee -lɔ -ayi yɔko 'jilɛ 'neɛ -klɔgbɔ-gbɔglo "ku.