Efɛzenya 3:16 - Nouveau Testament bété de Gagnoa

¹⁶ 'E bhubhɔ -se 'ɔ "kɛ 'anye 'kwɛme 'tamalea. 'Ɔnɛɛ Zuzu za, 'ɔnɛɛ 'ŋlumeɛ 'kpɔ kpɛnyee zɛ. 'Ɛ -kɛ sɔbhɔ -ko ne, 'a yi 'ce 'kwɛmetamale -klecɛnya "zo,

Efɛzenya 3:16 Iomraidhean Croise

Matie 6:13

Te -kɛ -anye 'yi 'tale- -se -a te -kɛ "mebeamɔ bhlile-, "naa-, -mɔɔ 'bhe- -lɔ kamaleɛ, 'bhɛloɛ "ne 'ŋlumeɛ -dɛme "ne -godogodo 'na dɛ. -Mɔ, -sɛ -anye sata 'wlime.»

Wlomɛnya 2:29

'Nyɔkpɔ kɛ zufonyɔ gbaa yɔ ne 'dlezɔ 'ye 'ɔ -noɔle -lɔ. "Ne "kudiɛ -gbaa 'dlezɔ yɛ -lɔ. Zuzu Wlewle "me 'ye 'ɛ 'bhale- -lɔ. -Mɔ, gbagbɛ -ɛ 'kɛleɔ -wɛ "me 'ye 'ɛ -na 'bhale-. Zufonyɔ gbaa, 'nyakpa 'na 'ŋlukwɛɛ 'ye 'ɔ -na yle, -mɔ, Lagɔ -nɛ 'ye 'ɔ yle -lɔ.

Wlomɛnya 7:22

'Neɛ 'dlezɔ, Lagɔ 'na -Lɔ -le -ame 'ŋwana "ku.

Wlomɛnya 9:23

-Mɔ -wawɛ, 'ɔ -tua -see 'ɔ -kɛ 'nyɛzedle 'ylime. 'Ɔ 'yɔbhɔ nɛ -gbɔ 'wa yibhlele- 'ɔnɛɛ 'ŋlu "yitɛ, 'ɔ -jijaloa 'wli "kle -se 'wa "kɛ "ɛ 'ŋlu -wɛ yle.

1 Kolɛtenya 16:13

'A 'gɛle- 'ylime, -se 'anyɛɛ 'dlekukɛleɛ "tamale "me! 'A "tamale 'dleku, -se 'a "tamale "me!

2 Kolɛtenya 12:9

-Mɔ, sɛne 'ye 'ɔ -bhulɛle -lɔ -ame -gbɔ: «'Nɛne -ye 'e no -eyi -wɛ, 'ɛ "neni doɔ. -Neɛ' 'kwɛme -yɔleɛ "me 'ye 'wa 'yeme -lɔ 'neɛ 'bhɛloɛ.» -See 'e "ne "me 'tɛ- 'na "ku 'ye 'e "kɛ -lɔ -ayi zia, -see Klise 'na 'bhɛloɛ "kɛ -ame "ku -ko 'yiɛ.

2 Kolɛtenya 4:16

'Ɛnɛɛ za 'kwɛme "ne -lɔ -anye yɔle-. -Anyɛɛ ku kɛ se zlo- -ce, -ɛ -ko -anye "me -wɛ "zo 'lele -se zle ze 'yiɛ -wɛ.

Efɛzenya 1:18

'Ɔ vulu 'anyɛɛ 'dle "ku -se 'a "kɛ 'ɔnɛɛ zle 'ylime 'ye. 'Ɛ kɛ -soɔ -ko, 'a yi 'ce 'dletɛleɛ -ye 'ɔ 'je 'anye kɔ -sɔɔdɛku, 'ɔ la 'anye -wɛ yibhlele-. 'A yi 'ce -klɔgbɔ-li 'na "namanɔ -ye 'ɔ -sɛ lɔbhɔ -wa -noɔ 'ɔnoa 'waa -wɛ za yibhlele-.

Efɛzenya 1:7

Klise "me, 'ɔnɛɛ 'dlu -ɛ -slu 'siɛ -wɛ "me, "nyɛnye 'bha- -anye 'wlime "ne -anyɛɛ 'nyinyonoli 'na gbo "taleɔ- 'yi, Lagɔ 'na "nɛnekoɛ 'kpɔ kpɛnyee 'na 'ylime!

Efɛzenya 2:7

Sɔbhɔ "ku, 'ye 'ɔ -tua -lɔ -anye 'ɔnɛɛ "nɛnekoɛ 'ylime Klise Zezu "me, Lagɔ 'yɔbhɔ -gbɔ 'ɔ "kɛ -anye 'ɔnɛɛ "nɛnekoɛ -ɛ "ne wɔkɔle -bɛɛ' -kɛ -wɛ 'ylime -tua -godogodo 'na dɛ.

Efɛzenya 3:15

'Ɔnɛɛ 'ylime 'ye -gligbɛ 'klekle -yle -lɔ 'tɔ "nɔgɔ "me "ne dodo ne "ku.

Efɛzenya 3:8

-Ame Pɔle, 'mɔɔ -noɔ -lɔ 'klecɛnya 'klekle 'na 'glɛme 'na yu yɔ. -Mɔ 'ɛ -ko "ɛ -soɔ "ne 'e -yle lɛ -jɔlo ne: 'E "kɛ -wa "ne zufonya 'waa -wɛ Klise 'na -klɔgbɔ -ɛ "ne "nenidɛ -kɛ -wɛ 'na 'de -sɛle.

Efɛzenya 6:10

'A "tamale 'kwɛme Anyinɛnyɔ 'na "ku -koleɛ "me, "ne 'ɔnɛɛ 'bhɛloɛ "yitɛ "me.

Filiponya 4:13

'E 'bhɛle- 'e "kɛ -li 'klekle no, Anyinɛnyɔ -ɔ 'nyɛ -ame 'kwɛmetamaleɛ -wɛ za.

Filiponya 4:19

'Neɛ Lagɔ yi 'anye -li 'klekle -ye 'a 'yɔbhɔ -wɛ kɔ 'je, Anyinɛnyɔ 'ŋlumenyɔ Zezu Kli 'na 'tɔ "me, "naa-, -Klɔgbɔnyɔ "yitɔ yɔ -lɔ, 'ɔnɛɛ -klɔgbɔ "ne nɛnidɛ -kɛ.

Kolɔsenya 1:11

Lagɔ 'na 'bhɛloɛ "yitɛ yi 'ce 'anye -li 'klekle za 'kwɛme "tamalea-. Lɔbhɔ 'na dɛku, 'a yi 'ce 'lelee "me "tamale-, "ne 'a yi 'ce 'dleku "tamaleɛ yle 'anye 'klekle -wɛ za. 'Ŋwɛnɛ sɛku,

Kolɔsenya 1:27

'Ɔ 'yɔbhɔ nɛ -gbɔ 'ɔ "koa -ɛ 'nunadleku ne 'na "kpɔmalesɛ, "ne -klɔgbɔpɔsɛ 'sloa-. "Ɛ -ɛ 'nunadleku ne 'nyakpa 'klekle -nɛ yɛ -lɔ, 'ɛɛ ne lɛ: Klise -ko 'anye -jijɛku "ne 'ɔyi "me, 'a -kɛ 'dleku -gbɔ 'a yi Lagɔ 'na 'ŋlumeɛ 'na dɛ "ye.

Kolɔsenya 2:2

'E 'yɔbhɔ -gbɔ 'wa "tamale 'dleku, -se 'wa -kole "ku 'ŋwɛnɛsɛ, -se 'wanɛɛ "nanoɛ 'kpɔmale-, -se 'wa "kɛ Lagɔ 'na -ɛ zizɔ- "ku -wɛ yibhlele-, Klise -noɔ -lɔ -ɛ zizɔ- "ku -wɛ yɔ,

2 Timote 4:17

-Mɔ, Anyinɛnyɔ "bhaa -a -kole "ku za, 'ɔ "tamalea- -ame 'kwɛme. "Ne 'e yi -lɔ Anyinɛnyɔ 'na 'Denaade sloa-. 'Nyakpa 'klekle -wa "ne Zufonya 'waa -wɛ no- "me. 'Ɛ -sɛ -lɔ -ame gbi 'nu.

Eblenya 11:34

'Wa 'nyimɔ- -kosu -gbagbo, -jijigbɛlɛ "noa 'lɔbhɔ-. Gu 'lɔbhoa- "ne 'wanɛɛ 'kwɛme "tamale-, togwe dɛku, 'wa "tamale- "me, "ne "slojanya -fɔtɔloa nu.

1 Piɛle 3:4

'Anyɛɛ nanoɛ zizɔle- -kɛ 'anye 'nabhɛ "me. 'Dlewɔtɛ, -zigbadlekɛleɛ, "nanoɛ 'na -ye Lagɔ 'kwa 'ŋlu -wɛ -lɔ, 'ɛyi -wɛ 'tɛ- -lɔ 'kpɛ "ku Lagɔ 'yliku, "ne 'ɛyi -wɛ "ne bhiɛ "ku kplokplo.