Efɛzenya 3:12 - Nouveau Testament bété de Gagnoa

¹² Sɛko -wɛ, Klise "bhaa -a -kole "ku "ne -a -kɔ 'dleku. Zaa, -a yele- kɔ -se -a "kɛ Lagɔ yɔko "nyiɔ 'dlekukɛleɛ "me.

Efɛzenya 3:12 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 14:6

"Ne Zezu yu -lɔ no nɛɛ: «-Ame 'mɔɔ -noɔ -lɔ -gwe -nyɛ gbɛklɛklɛ "ne zikpɛ "bhaa yɔ. 'Nyɔkpɔ "ne 'bhɛle- 'ɔ "kɛ To yle, 'ɔ "mɔ -ame "me -ylɛle.

Wlomɛnya 3:22

'Nyɔkpɔ 'na -ɔ -kɛ Zezu Kli 'dleku -wɛ, Lagɔ "zoɔ- "menwinɛlenyɔ. "Naa-, Lagɔ "ne 'gbezi 'nyakpa "me.

Wlomɛnya 5:2

Zezu "me, -a -kɛ 'dleku, -a yi Lagɔ 'na -jɔlo yle. "Ɛ -jɔlo -wɛ "me 'ye -a -ko -lɔ. -Ɛ -le -anye 'ŋwana "ku -noɔ -lɔ nɛɛ -a -kɛ 'dleku -gbɔ -a yi Lagɔ 'na 'ŋlu yle -me.

2 Kolɛtenya 3:4

"Ɛ weli -wɛ 'ye -a tɛle- -lɔ 'dle gbligbli Lagɔ 'yliku Klise 'na 'tɔ "me.

Efɛzenya 2:18

"Naa-, -a "kɛ Klise "me ylɛle, -e -noɔ Zufonyɔ yɔ 'oo -e "ne Zufonyɔ yɔ 'oo, -a 'bhɛle -se -a "kɛ To Lagɔ yɔko 'nyiɔ Zuzu Wlewle -bholo -kpee "me.

Eblenya 10:35

Zaa, 'anyɛɛ 'dletɛleɛ te "me yɔle-, 'ɛɛ "kɛ -lɔ gbɔ "ne 'a "kɛ -lɔ 'anyɛɛ "peɛleɛ "yitɛ yle.

Eblenya 3:6

-Mɔ, -dɛmeda, -ye Klise no -wɛ, -see 'ɔ -noɔ yu yɔ -wɛ za yɛ -lɔ, "ne 'ɔ -su Lagɔ 'na -bhudu 'na 'wli. 'Ɔnɛɛ -bhudu -wɛ, -anye 'waa -lɔ, -a kɛ -kɛ 'dlekutamaleɛ kɔ -kɛle "ne -a kɛ -kɛ -ye -a tɛle- 'dle -wɛ "me zligbɔle-.

1 Piɛle 3:18

"Naa-, Klise 'ɔyigɛsɛ "ku- "ku -bholo, 'nyakpa 'na 'nyinyonoli za. 'Ɔyi, -ɔ "ne 'nyinyonoli -no -wɛ "ku- -wa -no "nyɛnye -wɛ 'na 'ylime, -se 'ɔ "kɛ 'anye Lagɔ 'na -gwe "ku 'sibha-. Klise, 'wa 'lɔbhɔ- "ne 'ɔ "ku-, "ne Zuzu Wlewle yu -lɔ golia-.

1 Zaa 2:28

'Diɛɛ, 'na yua nye, Klise "bhaa 'a kole- "ku. Lɔbhɔ 'na dɛku, -zle 'ɔ kɛ 'ce -yi, 'dlekutamaleɛ yi -anye "ku yiɛ. "Ɛ -zle -wɛ zu -ka 'ce -anye lɔbhɔ 'ɔyi 'yliku.

1 Zaa 3:21

'Na 'dleglɛ -titoa nye, 'dle "mɔ -anye gbo bhlele- ne, Lagɔ 'yliku, -anyɛɛ 'dle 'pe- "bhle -vlee