Efɛzenya 3:10 - Nouveau Testament bété de Gagnoa

¹⁰ Zaa -Dɛmeda, Lagɔgligbɛ za, "nɔgɔ "me 'na "cifia "ne -wa -kɛ 'bhɛloɛ -wɛ yi Lagɔ 'na "nanoɛ yibhlele-. "Ɛ "nanoɛ -wɛ -see Lagɔ -sloɛ -wɛ -zu kpɛnyee.

Efɛzenya 3:10 Iomraidhean Croise

Wlomɛnya 11:33

Lagɔ 'kpɔ 'diɛɛ! 'Ɔnɛɛ 'ylimeyamaleɛ, "ne 'ɔnɛɛ 'dlepɔsɛ tlo 'diɛɛ "me kpɛnyee, 'nyɔkpɔ "ne 'bhɛle- "ne 'ɔ "kɛ 'ɔnɛɛ 'dlepɔsɛ yibhlele-, 'nyɔkpɔ "ne 'bhɛle "ne 'ɔ "kɛ 'ɔnɛɛ -ye 'ɔ no -wɛ "me 'no. Lagɔbɔgo nɛɛ:

Wlomɛnya 8:38

"Naa-, 'diɛɛ, 'e -kɛ 'dleku gbligbli, -bɛɛ' 'na -vinɛ "ne 'bhɛle- "ne 'ɛ "kɛ -anye Lagɔ 'na -waleɛ -ye 'ɔ -tua -anye 'ylime Anyinɛnyɔ Zezu Kli "me 'ylime -seselia. 'Ɛ "zo 'kwiɛ, zikpɛ, "nɔgɔzilia, zuzu 'wɔ, -zeka "ne 'zegbɛ, -ye -a -gɛ 'yli, "ne -ye -a "ne 'yli -gɛ -wɛ, "ne -wa -kɛ 'bhɛloɛ -wɛ, "ne "nɔgɔ "me 'na 'bhɛloɛ, "ne dodo ne "ku 'na 'bhɛloɛ, 'ɛ -nyɛ 'wlɛwlɛli 'klekle "bhaa, -bɛɛ' "ne 'bhɛle "ne 'ɛ "kɛ -anye -nyɛ Lagɔ "bhaa 'na -waleɛ 'ylime -seselia!

1 Kolɛtenya 1:24

-Mɔ, -ye Lagɔ -tɔ -wɛ, 'wa -noɔ zufonya 'wa 'oo, "ne 'wa "ne zufonya 'wa 'oo, 'wanɛɛ dɛku, Klise -noɔ -lɔ Lagɔ 'na 'bhɛloɛ "ne 'ɔnɛɛ 'ylimeyamaleɛ yɔ.

1 Kolɛtenya 2:7

-Anye, -a -sloa Lagɔ 'na 'ylimeyamaleɛ -ɛ zizɔ- 'awɔ "ku -wɛ. -Mɔ, zikpɛ "ne 'awɔ -le, "ne Lagɔ 'sɛa -lɔ lɔbhɔ 'ɛ 'ylimeyamaleɛ ne -se 'ɛ -kɛ -anye 'ŋlu 'kwa.

Efɛzenya 1:21

"Cifia 'na 'kamaleɛ 'klekle, "ne 'bhɛloɛ 'klekle, 'kwɛmetamaleɛ 'klekle, 'kamalenya "yitia 'klekle, -soɔ 'ye Klise gblua- -lɔ 'wlime. 'Ɔ 'gbli- -ɛ -le "kle -wɛ 'kwlɛ 'wlime, 'ɛ "ne -kɛ -zeka 'na zikpɛ ne 'ɛyikɔ yɛ, -mɔ, zikpɛ 'na -ɛ "kɛ 'lelee yi -wɛ -ko -me -kɛ 'bhle.

Efɛzenya 1:23

Lagɔgligbɛ -noɔ -lɔ Klise 'na ku yɛ. 'Ɛyi "me 'ye Klise -ko -lɔ gou, "ne 'ɔyi, Lagɔ 'yiɛ 'ɔyigɛsɛ 'nabhɛ "ku gou.

Efɛzenya 1:3

-A 'kwa Lagɔ 'ŋlu Anyinɛnyɔ Zezu Kli 'ɔ To! 'Ɔ 'pɔ- -anye 'ŋu "ne 'ɔ 'nyɛ- -anye Zuzu Wlewle 'na 'ŋupɛɛ 'klekle, "nɔgɔ "me Klise "me.

Efɛzenya 1:8

'Diɛɛ, Lagɔ 'yiɛle- -anye 'ɔnɛɛ "nɛne "ku. 'Ɔ 'nyɛ- -anye "nanoɛ "ne 'ylimeyamaleɛ 'klekle.

Efɛzenya 6:12

'Bhɔ, 'nyakpa "bhaa "ne -a -gba "kɛ -kɛ 'gwe. -Mɔ, zuzu -nyɛnyea 'na 'bhɛloɛ -ɛ -ŋnɛ kpɛnyee -wɛ "bhaa yɛ -lɔ. -Wa -kɛ 'bhɛloɛ "ne 'wa 'kamalea "ne -wa -su 'sabo -titiɛ "me zikpɛ -wɛ 'waa -lɔ, zuzu -nyɛnyea -wa -ko "nɔgɔ -nyɛ dodo "bhaa 'na gbanyede -wɛ "bhaa "ne -a 'gwe -lɔ.

Kolɔsenya 1:16

"Naa-, 'ɔyi "me 'ye Lagɔ 'wlɛle- -lɔ -li 'klekle, "nɔgɔ "me, "ne Dodo ne "ku, -li 'na -ɛ -gɔ 'yli, "ne -ɛ "ne 'yli -gɔ -wɛ, -wa 'tɛ- 'kwɛme, "ne zuzu -wa 'kamalea, "ne -wa -kɛ 'bhɛloɛ -wɛ. -Ɔ 'wlɛ- -lɔ 'klekle, "ne 'ɔ 'bhe- -lɔ.

Kolɔsenya 2:10

"Ne 'anye Klise 'na zikpɛ 'ye 'a -ko -lɔ "me gou. 'Ɔyi -ɔɔ -noɔ -kamaleɛ "ne 'bhɛloɛ 'klekle 'na "cifi yɔ -wɛ.

Kolɔsenya 2:15

Lagɔ -sɛ zuzu -wɛ 'wɔ 'na 'bhɛloɛ -nyɛ 'wanɛɛ -kamaleɛ "bhaa kɔ. "Ne 'ɔ yua -lɔ -glɔnya 'ylime -tua sɛgbɛɛ -jiɛnya. 'Ɔ Yowli 'na gluzɔ -wlo "tɛnye -wɛ "me.

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.

1 Piɛle 1:12

-Ye Lagɔ -sloa ne lɛ: 'De -ye 'wa -sɛ 'awɔ -wɛ "ne nɛ 'wanɛɛ yɛ, -mɔ, 'anye nɛ yɛ -lɔ. -Dɛmeda, -wa -sɛle 'anye 'Denaade -wɛ -blialea 'ɛ 'de ne 'du, 'ɛ -nyɛ Zuzu Wlewle -ɔ 'bhale "nɔgɔ "me 'na 'bhɛloɛ "bhaa. "Ne 'ɛ weli ne, "nɔgɔzilia 'wayi -gɛsɛ 'wa 'yɔbhɔ -gbɔ 'wa 'cɛ yibhlele- -me kpɛnyee.

1 Piɛle 3:22

'Ɔ 'gblɛ- "nɔgɔ "me, 'ɔ 'gli- Lagɔ 'na lilikwlɛ -gbɔsɔ "ku. -Dɛmeda, 'ɔ -kɛ 'bhɛloɛ "ne 'ɔ zi "nɔgɔzilia 'klekle -nyɛ zuzu 'klekle -wa 'kamalea "ne -wa -kɛ 'bhɛloɛ -wɛ "bhaa "ku.