Efɛzenya 3:1 - Nouveau Testament bété de Gagnoa

¹ -Ame, Pɔle, Zezu Kli 'na -jiɛnyɔ 'ye 'e -noɔ -lɔ, 'anye -wa "ne Zufonya 'waa -wɛ 'na 'ylime.

Efɛzenya 3:1 Iomraidhean Croise

Luke 21:12

-Mɔ, "ɛ -li -wɛ 'klekle -gba "kɛ 'ce yi ne, 'wa yi 'anye "sa "ne 'wa yi 'anye 'nyɛze ziɛ-. 'Wa yi 'anye gbobhlele- "mebhubhɔlebhudu "me, 'wa yi 'anye -jiɛ "me 'pɔ. 'Neɛ 'tɔ "me 'wa yi 'anye gbobhlele- klɔgbɔnya -nyɛ "kamalenya "bhaa 'yliku.

Nonoli 21:33

"Slojayu "yitɔ -wɛ "kɛ lɔbhɔ 'nyiɔ ne, Pɔle 'ye 'ɔ 'sa -lɔ, "ne 'ɔ yi -lɔ no -gbɔ 'wa 'gbɛtelo 'gɔgɔ "sɔ nu, "ne 'ɔ yi -lɔ lo 'yɔbhɔ -gbɔ: «sɔɔnyɔ yɔ bhɔ? "Ne 'ye 'ɔ -no bhɔ?»

Nonoli 23:18

"Ne 'ɛ "slojayu yu -lɔ -gwe "ku 'kwɛle, "ne 'ɔ yu -lɔ 'ɛ 'kamalenyɔ "yitɛ "kɔ 'je! 'Ɔ nɛɛ: «-Jiɛnyɔ Pɔle 'lebhe -lɔ -ame -gbɔ 'e -nɛme -eyi 'ɛ 'teyigbɔ ne, -mɔ, weli -ko "me zɔ 'cɛ -eyi bhulɛle.»

Nonoli 26:29

"Ne Pɔle yi -lɔ -klɔgbɔnyɔ Aglipa bhulɛle- nɛɛ: «-E kɛ nɛ 'klecɛnya "zo- zle "me "ne 'watɔ, 'e bhubhɔ Lagɔ -gbɔ 'ɛ te "kɛ -eyikɔ "zo, -mɔ -wa 'fo -ame 'yukwli -zeka -wɛ, 'wa "zo -me 'klecɛnya 'neɛ -sɛne. 'E -sɛ "kɛ "bhle 'gɔgɔ -ye 'wa 'gbɛtele -ame nu 'na weli!»

Nonoli 9:15

"Ne Anyinɛnyɔ yi -lɔ Ananiase bhulɛle- nɛɛ: «Me, yle "bhle "ɛ 'nyɔkpɔ -wɛ, "naa- 'mɔɔ -sɔ -lɔ lɔbhɔ -dudu, -se 'ɔ "kɛ 'na 'tɔ -glɔ -ɛ "ne -ame -yi -wɛ "ne "bhle 'na -klɔgbɔnya -nyɛ Izlayɛleyua" "bhaa sloa-.

2 Kolɛtenya 1:6

Zaa, -a -kɛ 'gbape ne, 'anyɛɛ 'dlekutamaleɛ -nyɛ 'anyɛɛ 'popoɛ "bhaa za yɛ -lɔ. Lagɔ -kɛ -anye 'dleku "tamalea- ne, -a "kɛ 'anye 'dleku "tamalea- za yɛ -lɔ, -se 'gbapegbapeɛ 'na -ye -a yle ne kɛ 'anye yle- ne, 'a "kɛ kɛ 'ɛnɛɛ gbo 'ŋunu za yɛ -lɔ.

2 Kolɛtenya 10:1

-Ame Pɔle, -bɛɛ' -bholo 'ye 'e 'yɔbhɔle -lɔ 'anye lo Klise 'na 'dlewɔtɛ -nyɛ 'ɔnɛɛ 'dle "namanɔ "bhaa 'na 'tɔ "me, -bedia nɛɛ: 'E kɛ 'anye 'glɛme -ko ne, 'e "gu -se 'e "kɛ 'anye bhulɛle-, -mɔ, 'e kɛ 'anye 'dɛtlole- ne, lɔbhɔ 'ye 'e 'gbɔtɔle -lɔ 'anye "ku.

2 Kolɛtenya 11:23

Klise 'na "kulɔbhɔnya 'wa -noɔ bha? 'E bhulɛ sɛgbɛɛ "kukwɛnyɔ, zaa, 'wa "kɛ no -gbɔ Klise 'na "kulɔbhɔnya 'wa -noɔ ne, -ame, 'e -noɔ -me Klise 'na "kulɔbhɔnyɔ yɔ, "ne 'e -zua "ku 'klekle, 'kplɛkplɛɛ "me, -jiɛ "me, 'lɔbhɔlɛbhɛɛ "me, 'e 'siɛle- 'kwiɛ.

Galatenya 5:11

-Nyɔsɔwanye, 'e 'sɛ -na bhɔ -zɛ 'ɛ "kudi weli 'na 'de yiɛ 'a? "Ne 'ɛ "kɛ -diɛɛ yɛ, sɔɔbɛɛza 'wa -gbapea -na bhɔ -zɛ -ame 'a? 'E 'cɛ bhulɛ, Zezu 'na klowa -wɛ -ka nɛ -la 'nyɔkpɔ 'gbapea!

Galatenya 5:2

-Ame, Pɔle, 'e bhulɛle 'anye -gbɔ, 'a kɛ -kɛ 'ayi "ku 'di- ne, 'anyɛɛ dɛku, Klise "ne -la -bɛɛ' "me -ko.

Galatenya 5:24

-Wa -noɔ Klise Zezu -noa 'waa -wɛ, 'wanɛɛ 'ye 'wa 'yɔbhɔ "ne 'wanɛɛ 'dlepɔsɛ -nyɛnye -ɛ -sua nɛ -wɛ, 'wa lɛbhɛle klowa 'klo.

Efɛzenya 3:11

-Se Lagɔ -waka nɛ "kle -godogodo yɛ -lɔ. -Se 'ɔ -waka -wɛ, sɔbhɔ 'ye 'ɛ 'wlole- -lɔ 'yli Anyinɛnyɔ Zezu Kli "me.

Efɛzenya 3:13

'Ɛza 'e bhubhɔ -lɔ 'anye: -Se 'e 'gbape 'anyɛɛ za -wɛ 'te 'ce 'anye 'kwɛme 'yolia-, "ɛ 'gbapeɛ ne nyɛ -lɔ 'anye 'diɛɛ 'na 'ŋlumeɛ.

Efɛzenya 3:8

-Ame Pɔle, 'mɔɔ -noɔ -lɔ 'klecɛnya 'klekle 'na 'glɛme 'na yu yɔ. -Mɔ 'ɛ -ko "ɛ -soɔ "ne 'e -yle lɛ -jɔlo ne: 'E "kɛ -wa "ne zufonya 'waa -wɛ Klise 'na -klɔgbɔ -ɛ "ne "nenidɛ -kɛ -wɛ 'na 'de -sɛle.

Efɛzenya 4:1

-Ye 'e 'yɔbhɔle 'anye lo "ne 'e piɛle "ku ne lɛ, -ame 'mɔɔ -ko -jiɛ "me Anyinɛnyɔ za -wɛ: Anyinɛnyɔ 'na 'laweli -ye 'a 'no- "me -wɛ, 'a 'nɔŋo "ku.

Efɛzenya 6:20

'Na 'jɛ -ko -jiɛ "me ne, 'mɔɔ -noɔ -lɔ Zezu Kli 'na -lebhelebhenyɔ yɔ, "ɛ 'Denaade ne za. 'A bhubhɔ -se 'kwɛme "kɛ -ame "tamale -se 'e 'cɛ no -wɛ.

Filiponya 1:7

'Ɛ -ŋwa sɔbhɔ, -se 'e "kɛ soɔ 'anye 'klekle 'na 'ŋwɛnɛ "me 'kɛle- -wɛ. "Naa-, 'e "zo- 'anye 'neɛ 'dlezɔ. Sɛko -wɛ, Lagɔ 'na libhɔ -ye 'ɔ 'je- -ame kɔ -jɔlosɛ -wɛ, 'anye 'klekle 'a -no me. -Dɛme 'na -dee 'e -ko -jiɛ "me ne, 'a no "ɛ Lagɔ 'na libhɔ -wɛ "yiɛ. -Dee 'e -yele nɛ kɔ "ne 'e me nɛ Lagɔ 'na 'Denaade 'na 'gboziɛka -zejilɛku -wɛ, 'e -yi sɛ -gbɔ 'a -ko nɛ -ame keyi.

Kolɔsenya 1:24

-Dɛmeda, 'ŋwɛnɛ lɔbhɔ -ame -ye 'e 'gbape 'anyɛɛ za -wɛ. "Naa-, 'neɛ ku "me, 'e 'gbape -me -nazɛ Klise 'na -see 'ɔ 'gbape 'yiɛ -wɛ 'ɔnɛɛ ku za, 'ɛ sɛ zɔ nɛɛ: Lagɔgligbɛ za.

Kolɔsenya 4:18

-Ame Pɔle, 'neɛ sɔ nu 'ye 'e 'kɛle "lɛ bhɛleweli ne. 'A yibhlele- 'sɛ -gbɔ -jiɛ "me 'ye 'e -ko -lɔ! Lagɔ "pɔ 'anye 'ŋu!

Kolɔsenya 4:3

'A 'bhubhɔ -me 'lelee -anyɛɛ za, -se Lagɔ "kɛ -kɛ -gbɔ -se 'a "kɛ -kɛ 'ɔnɛɛ 'Denaade sɛ, -se 'a "kɛ 'ɔnɛɛ diɛweli gbɛklɛklɛ 'piɛ-. 'Ɛ diɛweli -wɛ Zezu Kli 'na "kukoweli yɛ -lɔ. 'Ɛ weli -wɛ za 'e -ko -lɔ -zeka -jiɛ "me.

2 Timote 1:16

Zaa, Anyinɛnyɔ 'tua 'ɔnɛɛ "nɛnekoɛ Onezifɔle 'na -gligbɛnya 'ylime. "Naa-, 'ɔ "tamalea nɛ -ame 'kwɛme 'yiɛ, "ne -ame "mɔ -ko -jiɛ "me -wɛ ne, 'e no 'zu "ku -lele.

2 Timote 1:8

Zaa, -e -gba "kɛ Anyinɛnyɔ 'na 'Denaade -nyɛ 'ɔnɛɛ 'dɛ -e 'ye- -wɛ sɛ ne, zu te -eyi lɔbhɔ. "Ne zu te 'lelee -eyi -ame "mɔ -ko -jiɛ "me ne za lɔbhɔ. Lagɔ 'na 'bhɛloɛ 'kwɛle -anye -se -a "kɛ 'gɔme 'gbapele 'ɔnɛɛ 'Denaade za.

Filemɔ 1:1

-Ame Pɔle, Zezu Kli 'na -jiɛnyɔ, "ne Timote -a "nɔwli "bhaa, -eyi, Filemɔ -a -wale, -nyɔ "bhaa -a nole libhɔ "ku ne, 'ye -a 'kɛle lɛ "bɔgo ne "ku,

Filemɔ 1:23

Epaflase -nyɔ "bhaa -a -ko -jiɛ "me Zezu Kli za -wɛ, bhɛle -eyi.

Filemɔ 1:9

-Mɔ, -waleɛ 'na 'ylime, 'e 'yɔbhɔ -gbɔ 'e "kɛ -eyi zlɛ. Sɛko -dɛme ne, -diɛɛ, -ame Pɔle, -nyɛbhlogɔgɔ 'mɔɔ -ko -dɛme -jiɛ "me Zezu Kli za ne,

'Ylikloylɛleweli 2:10

Te -kɛ 'gbapegbapeɛ -ɛ 'ylile -eyi lo -wɛ -gɛ 'gu, fo 'yukwli, Sata yi 'anyɛɛ 'glɛme 'na -bedia -jiɛ "me 'pɔ, -se 'wa "kɛ 'anye "me 'bea. 'A yi 'ce 'gbape 'yli kogbɔ 'na dɛ, -kɛle 'dletɛleɛ -kaa -neɛ' 'kwiɛ. -E 'cɛ -no, 'e yi 'ce -eyi zikpɛ 'na -ɛ -ka "kubhiɛ "nyɛ sɛgbɛɛ -klɔgbɔ-dagbulɛ.