Efɛzenya 2:9 - Nouveau Testament bété de Gagnoa

⁹ "Ɛ 'popoɛ -wɛ 'anyɛɛ libhɔ 'ye 'ɛ 'na -kɛ "me 'bhale-, zaa, 'nyɔkpɔ te -kɛ 'ɛza 'ɔyi "ku zia-!

Efɛzenya 2:9 Iomraidhean Croise

Wlomɛnya 11:6

-Mɔ, Lagɔ 'koa -tɔ -walesɛku ne, 'ɛ "ne -kɛ -ye 'wa -no -wɛ za yɛ, sɔbhɔ 'ye 'ɛ kɛ nɛ -kɛ noɔ- ne, -a -ka nɛ Lagɔ 'na -waleɛ yle "fu.

Wlomɛnya 3:20

-Ɛwɛza, Lagɔ 'yliku, -ɔ "kɛ 'ce "me ŋwinɛle- "ne -le, -Lɔ 'na 'kɔkɛleɛ "me. "Naa-, -Lɔ, 'ɛyi, 'nyakpa -ye 'ɛ 'luɔle -lɔ 'dle -gbɔ 'wa -no 'nyinyonoli.

Wlomɛnya 4:2

'Wa "kɛ Ablame -yibhlele "meŋwinɛlenyɔ "ku ne, 'ɔnɛɛ -ye 'ɔ -no -wɛ za 'ɔ yi 'ɔyi "ku zia, -mɔ, 'ɛ "ne Lagɔ 'yliku yɛ.

Wlomɛnya 9:11

"Ɛ 'poyua -wɛ -na -nɛmlɛ gwɛleɔ-, "ne 'wa -na -nɛmlɛ "namanɔ -nyɛ "nyɛnye "bhaa no tɛtɛ "ne Lagɔ yi -lɔ Izake bhulɛle- nɛɛ: "Nɔwli "yitɔ yi "nɔwli -digbɔ "ku lɔbhɔ. Lagɔbɔgo nɛɛ: Zakɔbo 'ye 'e -wamale -lɔ, "ne 'e -gble -lɔ Ezayu. 'ɛ -ylɛle "ɛ soɔ, -se Lagɔ 'na -ye 'ɔ no -gbɔ 'ɔ "kɛ no -wɛ "kɛ 'yli 'wlole. Lagɔ -tɔ -ye 'ɔnɛɛ 'dle 'yɔbhɔ -wɛ. -Ye 'nyɔkpɔ no -wɛ 'ye 'ɔ -na "ku wolo. Lagɔ -bholo -kpee, -ɔ la -wɛ 'ye 'ɛ -ko -lɔ kɔ.

Wlomɛnya 9:16

Zaa, Lagɔ 'na "nɛnekoɛ "ne -kɛ -ye 'nyakpa 'yɔbhɔ, "ne 'ɛ "ne -kɛ -ye 'nyakpa 'yɔbhɔ "ne -ye 'wa no -wɛ za yɛ, -mɔ, Lagɔ 'na 'nyɛzedlepɛɛ -bholo -kpee za 'ɔ no -lɔ.

2 Timote 1:9

Lagɔ 'fuɔ- -anye, "ne 'ɔ yi -lɔ -anye la- -se -a "kɛ 'ɔnoa "zo. -Anyɛɛ -ye -a no -wɛ za 'ɛ "ne -kɛ -noɔ, -mɔ, 'ɔyigɛsɛ 'yɛbhɛ -lɔ -gbɔ 'ɛ ko sɔbhɔ. Fu 'ye 'ɔ 'je- -lɔ -anye kɔ Zezu Kli "me, -sɔɔdɛku 'wa -na zikpɛ 'wlɛ- -wɛ.