Efɛzenya 2:8 - Nouveau Testament bété de Gagnoa

⁸ "Naa-, -a -yle 'popoɛ Lagɔ 'na "nɛneko 'ylime, 'dlekukɛleɛ -ko 'anye "me zɛ. -Mɔ, 'anye 'ye 'ɛ 'na -kɛ "me 'bhale-, Lagɔ 'je -lɔ 'anye "ɛ 'popoɛ -wɛ kɔ.

Efɛzenya 2:8 Iomraidhean Croise

Matie 16:17

"Ne Zezu yi -lɔ "kusɔ weli "ku "libhile, 'ɔ nɛɛ: «'ŋwɛnɛ 'lɔbhɔ 'se -eyi Simɔ, Zonase yowli, "naa-, 'nyɔkpɔ "ne -eyi 'dleku 'pɔ-, -mɔ, -ame To -ɔ -ko "nɔgɔ "me -wɛ 'pɛ- -lɔ -eyi 'dleku.

Matie 20:9

"Ne -wa 'ci 'gle 'umgbu "me "ku -wɛ yi -lɔ 'nyiɔ-, "ne 'wa yi -lɔ -ɔkɔkokɔko 'na 'tamayɛ kɔ 'je.

Malke 16:16

-Ɔ -kɛ -ame 'dleku -kɛle "ne 'wa "kɔ batɛme 'nyɛ-, 'ɔ nyɔ -wɛ "kɛ -lɔ 'po me. "Ne -ɔ "ne -ame 'dleku -kɛle -wɛ 'ɔ nyɔ -wɛ 'wa yu 'ce 'gbobhlele- "ne weli -kɔ 'ce kɔ 'namale-.

Luke 7:50

Zezu -bhulɛle "ɛ 'ŋɔnɔ nɛɛ: -Neɛ' 'dleku 'kɛleɛ 'fuɔ- -eyi. Me "kuwɛtɛ "me.

Zezu Kli 'na 'Denaade ‑ye Zaa kɛle‑ ne lɛ 3:36

'Nyɔkpɔ 'na -ɔ -kɛ Yu 'dleku -wɛ, 'ɔ yi Lagɔzikpɛ -ɛ -ka "kubhiɛ -wɛ yle. -Mɔ, 'nyɔkpɔ 'na -ɔ "ne Yu 'dleku -kɛ -wɛ, 'ɔ -ka "ɛ zikpɛ -wɛ yle -me. -Mɔ, Lagɔ 'na 'kɛle -ko 'ce "ku.

Zezu Kli 'na 'Denaade ‑ye Zaa kɛle‑ ne lɛ 4:10

"Ne Zezu yu -lɔ bhulɛle- nɛɛ: «-E kɛ nɛ Lagɔ 'na -jɔlo -yi, "ne -e kɛ nɛ -ɔ zlɛ -eyi 'ŋu -wɛ -yi, -eyi -mɔɔ "kɔ nɛ -lɔ zɛlɛ-, "ne 'ɔ "kɛ nɛ -lɔ -eyi 'ŋu 'na -ɛ 'nyɛ zikpɛ -wɛ kɔ 'je.»

Zezu Kli 'na 'Denaade ‑ye Zaa kɛle‑ ne lɛ 5:24

«-Ɛɛ, gbɛklɛklɛ 'ye 'e bhulɛle lɛ 'anye: -Ɔ kɛ 'neɛ bhulɛweli 'yukwli -fo, "ne 'ɔ kɛ To -ɔ -lebhe -ame -wɛ 'dleku -kɛ ne, 'ɛ nyɔ -wɛ -yle Lagɔ 'na 'Kamalezikpɛ -ɛ -ka "kubhiɛ -wɛ "bhuɔ. 'Ɔ -ka 'ce -la gbobhleleɔ-, -mɔ 'ɔ 'bha- "kwiɛ "me "ne 'ɔ yi -lɔ zikpɛ yle.

Zezu Kli 'na 'Denaade ‑ye Zaa kɛle‑ ne lɛ 6:35

"Ne Zezu yua -lɔ bhulɛle- nɛɛ: «"Ɛ "fɔlɔ -ɛ 'nyɛ zikpɛ -wɛ, -ame yɔ -lɔ. -Mɔ, 'nyɔkpɔ kɛ -ame -gɛle ne, ŋɔŋo -kɔ 'ce 'lɔbhɔ, "ne 'ɔ kɛ -ame 'dleku -kɛ, 'ŋuto -kɔ 'ce 'lɔbhɔ gou.

Zezu Kli 'na 'Denaade ‑ye Zaa kɛle‑ ne lɛ 6:37

'Nyakpa 'na -ye -ame To 'je- -ame kɔ 'klekle -wɛ yi 'ce 'neɛ za yi, "ne -ɔ yi 'neɛ za -wɛ, 'e -kɔ 'ce 'kwlɛ "me "pɔ.

Zezu Kli 'na 'Denaade ‑ye Zaa kɛle‑ ne lɛ 6:40

-A To 'na -ye 'ɔ 'yɔbhɔ- ne lɛ: 'Nyakpa 'na -wa 'ye Lagɔ Yowli 'ylime, "ne 'wa kɔlo 'dleku -wɛ yi 'ce Lagɔ zikpɛ 'na -ɛ -ka "kubhiɛ -wɛ yle. "Ne -ame, 'e yua 'ce glu -sɛ zikpɛ 'na "kubhiɛ -zle.»

Zezu Kli 'na 'Denaade ‑ye Zaa kɛle‑ ne lɛ 6:44

'Nyɔkpɔ -fu "ne 'bhɛle "ne 'ɔ "kɛ -ame lo yile-; -Ame To Lagɔ -ɔ -lebhe -ame -wɛ "mɔ -ame "ku lale- ne; "Naa-, 'mɔɔ "kɔ -lɔ glu -sɛ zikpɛ 'na "kubhiɛ -zle.

Zezu Kli 'na 'Denaade ‑ye Zaa kɛle‑ ne lɛ 6:65

"Ne Zezu yi -lɔ weli "ku 'libhi nɛɛ: «-Ɛwɛza 'e bhulɛle -lɔ 'anye -gbɔ: 'Nyɔkpɔ "ne 'bhɛle- "ne 'ɔ "kɛ -ame lo yili-, -ame To "mɔ 'bhɛloɛ kɔ 'je-.»

Nonoli 13:39

"Naa-, 'ɔyi, 'ɔɔ "kɛ -lɔ 'nyɔkpɔ 'na -ɔ -kɛle Zezu 'dleku -wɛ 'na 'nyinyonoli 'na 'galu 'di.

Nonoli 14:27

'Wa ylɛ lɛ Atiɔse 'du, "ne 'wa yi -lɔ Lagɔ -gligbɛ "me 'na 'nyakpa 'wli "zo, "ne 'wa yua -lɔ libhɔ 'ye 'wa -no -wɛ 'na 'de -sɛle. -Mɔ, -tiaa 'nyakpa 'na -wa "ne nɛ Lagɔ -yi, "ne 'dlekukɛleɛ -yua "me -wɛ 'na weli 'wa -bhulɛloa 'awɔ -lɔ.

Nonoli 15:11

'Bhɔ! -Ye -a -kɛ 'dleku ne lɛ : -Anyinɛnyɔ Zezu 'na -jɔlo "fu 'ye 'ɔ "nyɛ -lɔ 'anye 'wɔ "bhaa -anye!»

Nonoli 16:14

'Wanɛɛ 'glɛme 'na -bholo 'pa- 'awɔ Lidi, lokwi 'na "namanɔ -zɛle -ɛ 'tɛ- 'kpɛ "ku -wɛ 'ye 'ɔ 'pɔ 'awɔ -lɔ 'pɔlo "ku. Tiatile -du "ku 'na 'ŋuyu yɔ 'awɔ -lɔ "ne 'ɔ lɔbhɔ 'awɔ -lɔ Lagɔ "ku "plomezoɛ "me. "Ɛ 'ŋɔnɔ -wɛ -fo 'awɔ -anye 'yukwli, "naa-, Anyinɛnyɔ -vulu 'awɔ 'ɔnɛɛ 'dle "ku -se 'ɔ "kɛ 'awɔ -kɛ Pɔle 'na -ye 'ɔ bhulɛ 'awɔ -wɛ "me 'no.

Nonoli 16:31

"Ne 'wa yi -lɔ sɛne lɛ nɛɛ: «-Kɛle Anyinɛnyɔ Zezu Kli 'dleku, -se -e "kɛ 'po, -e -nyɛ -neɛ' -bhudu "me 'na -konya 'wɔ "bhaa.»

Wlomɛnya 10:14

-Mɔ, -see -e "kɛ bhɔ Anyinɛnyɔ -eyi lo lale- -e "mɔ 'dleku -kɛ 'a? "Ne -see -e kɛ bhɔ Anyinɛnyɔ 'dleku kɛle-, -e "mɔ 'ɔnɛɛ "kukoweli 'no- 'a? "Ne -see -e "kɛ bhɔ 'ɔnɛɛ "kukoweli 'no 'nyɔkpɔ "mɔ -eyi 'ɔnɛɛ 'de 'sɛle-,

Wlomɛnya 10:17

-Ye 'nyɔkpɔ 'no- "me -wɛ "zoɔ -lɔ 'dlekukɛlenyɔ "ne -ye 'ɔ 'no- "me -wɛ, Klise 'na bhulɛweli yɛ -lɔ.

Wlomɛnya 4:16

'Ɛnɛɛ 'ylime, 'dlekukɛleɛ "me 'wa ylele -lɔ -li -nyɔ 'na weli Lagɔ -ple -wɛ, "ne -ye 'wa 'nyɛ 'diɛɛ "fu -wɛ yɛ -lɔ. Zaa, "ɛ weli -ye Lagɔ -ple -wɛ, Ablame 'na ŋeyi 'klekle nɛ yɛ -lɔ. 'Ɛ "ne -kɛ -wa "zo -Lɔ 'plome 'wayikɔ -wɛ nɛ -yɛ, -mɔ, 'ɛ -noɔ -me -kɛ -wa -kɛ 'dleku sɛgbɛɛ Ablame, -anye 'klekle 'na 'to nɛ yɛ.

Wlomɛnya 4:5

'Nyɔkpɔ "mɔ 'se libhɔ no -ce, "ne 'ɔ kɛ 'dleku -kɛ -gbɔ Lagɔ 'di- 'nyinyonolinonyɔ 'na 'galu ne, "ɛ 'nyɔkpɔ -wɛ 'na 'dlekukɛleɛ 'gbɔ -lɔ "ne Lagɔ zoɔ -lɔ "meŋwinɛlenyɔ.

Wlomɛnya 9:16

Zaa, Lagɔ 'na "nɛnekoɛ "ne -kɛ -ye 'nyakpa 'yɔbhɔ, "ne 'ɛ "ne -kɛ -ye 'nyakpa 'yɔbhɔ "ne -ye 'wa no -wɛ za yɛ, -mɔ, Lagɔ 'na 'nyɛzedlepɛɛ -bholo -kpee za 'ɔ no -lɔ.

Galatenya 3:14

'Ɛ ylɛle- "ɛ soɔ, -se -wa "ne Zufonya 'waa -wɛ "kɛ Ablame 'na 'ŋupɛɛ yle -me Zezu Kli "me. Zaa, 'dlekukɛleɛ "me -a yi weli -ye Lagɔ -ple -wɛ yle me. 'Ɛ 'sɛ zɔ nɛɛ Zuzu Wlewle.

Galatenya 3:22

"Naa-, Lagɔbɔgo nɛɛ -glɔnya 'klekle 'nyinyonoli 'gblua- -lɔ 'wlime. Lagɔ 'na weli -ye 'ɔ -ple -wɛ "kɛ nɛ -lɔ 'yli 'wlole 'dlekukɛlenya 'klekle za, 'wanɛɛ Zezu Kli 'na 'dlekukɛle -ylime.

Efɛzenya 1:19

'A yi 'ce 'ɔnɛɛ 'bhɛloɛ "yitɛ -ye 'ɔ 'pɔ -anye -wa -kɔ 'dleku -wɛ za yibhlele-. "Ɛ 'bhɛloɛ -wɛ 'nabhɛ 'ye Lagɔ -nole -lɔ 'kwɛmetamaleɛ "yitɛ "me.

Efɛzenya 2:10

'Diɛɛ, Lagɔ -no -lɔ -anye, 'ɔ 'wlɛ- -lɔ -anye, Klise Zezu "me, -se -a "kɛ -kɛ -li 'na -li no, -li 'na -li -ye 'ɔ -sɛ 'awɔ lɔbhɔ "kle -wɛ no.

Efɛzenya 2:5

'Ɛza, -anye -wa "ku- 'awɔ -anyɛɛ 'nyinyonoli 'na gbo "me -wɛ, Klise "bhaa 'na "kukoleɛ "me, 'ɔ 'je- -anye zikpɛ kɔ. 'Diɛɛ, 'a 'po- Lagɔ 'na "nɛneko 'ylime.

Filiponya 1:29

Lagɔ 'nyɛ -lɔ 'anye -jɔlo, 'ɛ "ne -kɛ Klise 'na 'dlekukɛleɛ 'ɛyikɔ yɛ, -mɔ, 'a yi -kɛ 'lelee 'ɔnɛɛ za "gbape -me.

Kolɔsenya 2:12

Batɛme "me, Klise "bhaa -biɛ "me 'ye 'a -gbale -lɔ, "ne 'ɔyi "bhaa 'a yi -lɔ 'gɔme gluzɔ 'wlole. "Naa-, Lagɔ 'na 'bhɛloɛ, -ɛ -sɛ Klise -glukonya 'glɛme -wɛ -ye 'a -kɛle -lɔ 'dleku zɛ.

2 Tesalonikenya 1:9

"Ɛ 'nyakpa ne 'na -jiɛ ne lɛ: 'Wa yua 'ce "ku 'bhia- -godogodo 'na dɛ, "ne 'wa yua 'ce Anyinɛnyɔ -nyɛ 'ɔnɛɛ 'bhɛloɛ -nyɛ 'ŋlumeɛ "bhaa guɔ 'ylialea-.

Eblenya 6:4

-A wolo 'nyakpa -wa -bhlile "kusɔ 'wanɛɛ zikpɛ -gɔgɔ "me -wɛ "ku: Lagɔ 'na zle -leloa "ku. 'Wa 'ye- "nɔgɔ "me 'na -jɔlo nu "ne 'wa -yle Zuzu Wlewle.

1 Piɛle 1:5

"Ne 'anye 'nabhɛ, 'a kɛ 'dleku -kɛ, Lagɔ -ɔ -kɛ 'bhɛloɛ -kole 'anye "klo -se 'ɔ "kɛ 'anye 'fuɔ. "Ɛ 'popoɛ ne, zikpɛ 'na "kubhiɛ -zle 'ye 'wa 'cɛ 'ce -lɔ yibhlele-.