Efɛzenya 2:5 - Nouveau Testament bété de Gagnoa

⁵ 'Ɛza, -anye -wa "ku- 'awɔ -anyɛɛ 'nyinyonoli 'na gbo "me -wɛ, Klise "bhaa 'na "kukoleɛ "me, 'ɔ 'je- -anye zikpɛ kɔ. 'Diɛɛ, 'a 'po- Lagɔ 'na "nɛneko 'ylime.

Efɛzenya 2:5 Iomraidhean Croise

Luke 15:24

"Naa- 'neɛ yu -ɔ -ko dɛne, 'ɔ "ku nɛ, "ne 'ɔ yi -lɔ glɔ-. 'Ɔ -bhli nɛ "ne 'e yu -lɔ yle. "Ne 'wa yi -lɔ -jajo -no -ku 'ci.

Zezu Kli 'na 'Denaade ‑ye Zaa kɛle‑ ne lɛ 5:21

-See To sɛ -glukonya glu "ne 'ɔ 'nyoa zikpɛ -wɛ, sɔbhɔ 'ɔ yowli "nyɛ me -lɔ 'nyakpa 'na -ye 'ɔ -wa -wɛ zikpɛ.

Zezu Kli 'na 'Denaade ‑ye Zaa kɛle‑ ne lɛ 6:63

Zuzu Wlewle 'nyɛ -lɔ zikpɛ. 'Nyɔkpɔ 'ɔyikɔ "ne 'bhɛle- "ne 'ɔ "kɛ -bɛɛ' no. Weli -ye 'e -bhulɛle 'anye -wɛ -noɔ -lɔ Zuzu 'wlewle "ne zikpɛ "bhaa yɛ.

Nonoli 15:11

'Bhɔ! -Ye -a -kɛ 'dleku ne lɛ : -Anyinɛnyɔ Zezu 'na -jɔlo "fu 'ye 'ɔ "nyɛ -lɔ 'anye 'wɔ "bhaa -anye!»

Wlomɛnya 16:20

-Dee "kuwɔtɔ Lagɔ "kɛ Sata 'anyɛɛ 'bhozɔ wlɛle "ne -la "me tlo. Anyinɛnyɔ Zezu 'na -jɔlo ko 'anye "ku!

Wlomɛnya 3:24

'Ɔnɛɛ 'nɛnekoylime, Lagɔ "zoa- -lɔ "fu "meŋwinɛlenya, Zezu Kli, -ɔ 'di- 'wanɛɛ 'nyinyonoli 'na 'galu -wɛ "me.

Wlomɛnya 4:16

'Ɛnɛɛ 'ylime, 'dlekukɛleɛ "me 'wa ylele -lɔ -li -nyɔ 'na weli Lagɔ -ple -wɛ, "ne -ye 'wa 'nyɛ 'diɛɛ "fu -wɛ yɛ -lɔ. Zaa, "ɛ weli -ye Lagɔ -ple -wɛ, Ablame 'na ŋeyi 'klekle nɛ yɛ -lɔ. 'Ɛ "ne -kɛ -wa "zo -Lɔ 'plome 'wayikɔ -wɛ nɛ -yɛ, -mɔ, 'ɛ -noɔ -me -kɛ -wa -kɛ 'dleku sɛgbɛɛ Ablame, -anye 'klekle 'na 'to nɛ yɛ.

Wlomɛnya 5:10

'Diɛɛ, -sɔɔdɛku, -a -noɔ nɛ Lagɔ 'na -gblenya 'waa -wɛ, 'ɔ -selia -anye 'gbo 'ɔyi "bhaa 'ɔ Yowli 'na 'kwiɛ "me, 'ɔ -selia kɛ 'se -la -anye 'gbo 'ɔyi "bhaa za, -a -kɛ 'dleku -gbɔ Lagɔ yi 'lelee -anye 'fuɔ 'ɔ Yowli 'na zikpɛ "me.

Wlomɛnya 5:6

'Diɛɛ, -sɔɔdɛku, -a "ne nɛ -ayi 'bhɛle- -wɛ, Klise "ku- 'nyakpa -nyɛnyea za, -dee Lagɔ 'dile- -wɛ yɛ -lɔ.

Wlomɛnya 5:8

-Mɔ, -see Lagɔ -tua -anye 'ɔnɛɛ -waleɛ 'ylime ne lɛ: Klise "ku- -anyɛɛ za, 'ɛ -ko "ɛ -soɔ, "ne -a -noɔ -na nɛ -mlɛ 'nyinyonolinonya 'waa.

Wlomɛnya 8:2

Sɛko -wɛ, Zuzu Wlewle 'na -Lɔ, -ɛ "nyɛ zikpɛ Zezu Kli "me, -sɛ -ame 'nyinyonoli 'na -Lɔ "ne 'kwiɛ 'na 'galu 'yli.

Efɛzenya 2:1

-Watɔ -ce, 'a "ku- 'awɔ 'anyɛɛ "nyɛnye za, "ne -anyɛɛ 'nyinyonoli za.

Efɛzenya 2:8

"Naa-, -a -yle 'popoɛ Lagɔ 'na "nɛneko 'ylime, 'dlekukɛleɛ -ko 'anye "me zɛ. -Mɔ, 'anye 'ye 'ɛ 'na -kɛ "me 'bhale-, Lagɔ 'je -lɔ 'anye "ɛ 'popoɛ -wɛ kɔ.

Efɛzenya 5:14

"Naa-, -ɛ 'wlo zɔ 'klekle -wɛ, zle "ku 'ye 'ɛ yi -lɔ, 'ɛza 'wa no -lɔ nɛɛ: Glɔ! -Eyi -mɔ 'ŋɔŋo- -wɛ. "Sɔ "ku -glukonya 'glɛme, -se Klise "kɛ -eyi 'ɔnɛɛ zle "ku -lea.

Kolɔsenya 2:13

'Anye, 'a "ku- 'awɔ 'anyɛɛ 'nyinyonoli 'na gbo "me, "ne 'a "ne 'awɔ 'lelee "ku diɔ- zɛ. -Mɔ, 'ɛ -ko sɔbhɔ "ne Lagɔ 'nyɛ- 'anye zikpɛ Klise "me, "ne 'ɔ 'tale- -anye 'klekle 'na 'nyinyonoli 'na gbo 'yi,

Tite 2:11

"Naa-, Lagɔ tua 'ɔnɛɛ -waleɛ -ɛ "kɛ 'nyakpa 'klekle 'fuɔ -wɛ 'ylime.

Tite 3:5

"Ne 'ɔ yi -lɔ -anye fuɔ, 'ɛ "ne -kɛ -anyɛɛ -li 'na -li -ye -a no -ayigɛsɛ -wɛ za yɛ. -Mɔ, -see 'ɔ -kɛ -nyezedle za yɛ -lɔ. 'Ɔnɛɛ -ye 'ɔ -gwɛlele -anye "kusɔ -wɛ "zoa- -lɔ -anye 'wlele. "Ne Lagɔ yi -lɔ -anye zikpɛ 'na 'lele 'nyɛ Zuzu Wlewle "me.

'Ylikloylɛleweli 22:21

Anyinɛnyɔ Zezu "pɔ 'anye 'ŋu 'klekle!