Efɛzenya 2:3 - Nouveau Testament bété de Gagnoa

³ 'Watɔ -ce, -anye 'lelee, -a ko -me 'awɔ "ɛ 'nyakpa -wɛ 'glɛme, -sɔɔdɛku -a -gɛlele 'awɔ -anyɛɛ 'dlepɔsɛ -nyɛnye -wɛ. -A "zo 'awɔ -anyɛɛ -kosɛ -nyɛ 'dlepɔsɛ -nyɛnye -wɛ "bhaa 'plome. "Ɛ -anyɛɛ 'nyɔkpɔ -kosɛ 'na 'ylime, Lagɔ yi nɛ -anye 'kɛle yɔko 'pɔle -wawɛ 'nasɛ.

Efɛzenya 2:3 Iomraidhean Croise

Malke 4:19

-mɔ 'wanɛɛ 'wli -zu zikpɛ ne "ku 'na -li 'klekle 'na mɔ kpɛnyee: "Bhle 'na -klɔgbɔ -ɛ no ylo -wɛ, "ne 'wanɛɛ 'dle 'yɔbhɔ dodo ne "ku 'na -li 'klekle. -Ɛwɛ 'klekle ploa -lɔ "me "ne 'ɛ wale -lɔ Lagɔweli "ku. -Ɛwɛza Lagɔweli "ne 'bhɛle- "ne 'ɛ "kɛ bhi tlo.

Zezu Kli 'na 'Denaade ‑ye Zaa kɛle‑ ne lɛ 1:13

"Ne 'wa yi -lɔ "ɛ Lagɔ 'na yua "zo. 'Nyakpa 'ɛ -na kɔ 'bhale-; 'Ɛ "ne -see 'ŋɔnɔ -nyɛ 'widi "bhaa 'wa 'gwɛle yu -wɛ yɛ. -Mɔ, Lagɔ "zoa- -da -lɔ 'ɔnɛɛ yua.

Zezu Kli 'na 'Denaade ‑ye Zaa kɛle‑ ne lɛ 8:44

Sata -noɔ -lɔ 'a 'to yɔ, "ne 'a 'yɔbhɔ -gbɔ 'a "kɛ 'a 'to 'na -ye 'ɔ 'yɔbhɔ -wɛ no, -see 'ɛ 'bhale- "kucidɛku -ce, 'ɔyi 'nyakpa -lɔbhɔnyɔ yɔ -lɔ. "Ne 'ɔ "ne gbaa "me -ko, "naa-, gbɛklɛklɛ "no "me -ko zɛ. "Ne 'ɔ kɛ bhulɛ-, yo 'na -kpakpɛ yɛ -lɔ, "Naa- yonyɔ yɔ -lɔ, "ne 'ɔɔ 'wlɛ- -lɔ yo.

Nonoli 14:16

'Gɔgɔ "me 'ɔ 'tale- 'awɔ 'ɔnɛɛ 'nyakpa yi "ne 'wa yi 'awɔ -lɔ -gwe 'na -ye 'wa -wa -wɛ bhli.

Wlomɛnya 1:24

'Ɛza, Lagɔ "taloa- -lɔ 'yi "ne 'wa yi -lɔ -li -nyɛnye -ye 'wa 'yɔbhɔ -wɛ no. "Ne "ɛ -soɔ, 'wayigɛsɛ 'na ku 'wa pla -lɔ 'fe zusɛ.

Wlomɛnya 11:30

-Watɔ -ce, 'a "ne 'awɔ Lagɔ 'plome "zo-, -dɛmeda, Lagɔ 'pɔ- 'anyɛɛ 'nyɛzedle, sɛko -wɛ, zufonya -sɛ 'awɔ Lagɔ 'plome zɛ.

Wlomɛnya 13:14

-Mɔ 'a -didale Anyinɛnyɔ Zezu Kli 'na nonoli. -Se 'anyɛɛ 'dlepɔsɛ -nyɛnye te kɛ 'anye "nyɛnye lo kɔmelea-.

Wlomɛnya 2:14

-Wa "ne zufonya 'waa -wɛ, "ne Moyize 'na -Lɔ -yi, 'ɛ -ko sɔbhɔ "ne -bedia no -Lɔ 'na -ye 'ɛ 'yɔbhɔ -wɛ. "Ɛ 'nyakpa -wɛ "ne -Lɔ -kɛ, 'wayigɛsɛ -noɔ -lɔ 'wanɛɛ -lɔ 'waa.

Wlomɛnya 5:10

'Diɛɛ, -sɔɔdɛku, -a -noɔ nɛ Lagɔ 'na -gblenya 'waa -wɛ, 'ɔ -selia -anye 'gbo 'ɔyi "bhaa 'ɔ Yowli 'na 'kwiɛ "me, 'ɔ -selia kɛ 'se -la -anye 'gbo 'ɔyi "bhaa za, -a -kɛ 'dleku -gbɔ Lagɔ yi 'lelee -anye 'fuɔ 'ɔ Yowli 'na zikpɛ "me.

Wlomɛnya 5:9

-Dɛmenadɛ ne "ku, 'ɔnɛɛ klowa "klo 'na 'kwiɛ -wɛ "zoa- -lɔ -anye "meŋwinɛlenya. Zaa, -a -kɛ 'dleku -gbɔ Klise yi -anye 'fuɔ, "ne Lagɔ yi 'lelee -anyɛɛ 'kɛle 'yi 'tale-.

Wlomɛnya 6:12

Zaa, 'nyinyonoli "ne -la 'anyɛɛ ku -ɛ "kɛ "ku -wɛ 'bhɛle-, "ne 'a -kɛ -la -li -nyɛnye -ye 'anyɛɛ ku 'yɔbhɔ nɛ -wɛ 'na nonoɛ 'plome "zo.

Wlomɛnya 7:18

'Diɛɛ, 'e -yi sɛ, "nɛne "ne -ame "me -ko, sɛne 'ye 'e no -lɔ -gbɔ 'e "kɛ lɛ nɛɛ -ame, 'mɔɔ "ne "me 'tɛ- ne. 'Neɛ -dɛku, -li 'na -li 'na 'yɛbhɛyɛbhɛɛ, 'e 'bhɛle-, -mɔ, 'e "kɛ -li 'na -li no -wɛ, 'e "ne 'bhɛle-.

Wlomɛnya 9:22

Lagɔ 'yɔbhɔ -gbɔ 'ɔ "kɛ 'ɔnɛɛ 'kɛle -nyɛ 'ɔnɛɛ 'bhɛloɛ "bhaa 'tua. -Mɔ, "ɛ 'nyakpa -ye 'ɔ "kɛ nɛ 'kɛle yɔko 'pɔle-, "ne 'ɔ "koa nɛ gbo 'lua- -wɛ, 'ɔ -yibhlele 'wanɛɛ -slusɛ 'dle 'na "bhle 'piɛ- "me.

1 Kolɛtenya 4:7

Zaa, -ɔ 'kpɔmalea bhɔ -eyi "ku -elua 'yliku 'a? -Ye -e -kɛ 'klekle -wɛ, Lagɔ 'je- -lɔ -eyi kɔ, 'ɛ "ne bhɔ sɔbhɔ yɛ? Zaa, -e 'cɛ -yle ne, sɔɔbɛɛza -e zia bhɔ -eyi "ku sɛgbɛɛ -e "ne -yle 'a?

2 Kolɛtenya 7:1

'Titoa -awale 'wanye, Lagɔ -plele 'se -anye weli kɔ, za, -a 'gwegwele kɔ -se -anyɛɛ ku -nyɛ 'dle "bhaa "kɛ 'wlele plɛ. -A -ya 'gu Lagɔ -gɛ, -se -a "kɛ -anyɛɛ 'wleleplɛɛ kɔ bhiɛ.

Galatenya 3:22

"Naa-, Lagɔbɔgo nɛɛ -glɔnya 'klekle 'nyinyonoli 'gblua- -lɔ 'wlime. Lagɔ 'na weli -ye 'ɔ -ple -wɛ "kɛ nɛ -lɔ 'yli 'wlole 'dlekukɛlenya 'klekle za, 'wanɛɛ Zezu Kli 'na 'dlekukɛle -ylime.

Efɛzenya 2:2

'A -ko 'awɔ 'nyinyonoli "me -sɔɔdɛku 'a -gɛlele 'awɔ dodo ne "ku 'na kosɛ -wɛ. 'A "zo 'awɔ zuzu -nyɛnyea 'na "cifi -ɔ -ko dodo -nyɛ "nɔgɔ "bhaa 'na -jijɛku -wɛ 'plome. "Ɛ "cifi -wɛ, Sata, 'ɔɔ -ko -lɔ -dɛme 'na 'nyakpa -wa "ne "zo Lagɔ 'plome -wɛ 'na zikpɛ "me.

Efɛzenya 4:22

Zaa, 'a yi 'anyɛɛ -watɔ 'na zikpɛ -ce 'yi 'tale-. -Watɔ -ce, 'a -wa nɛ 'dlepɔsɛ -nyɛnye -ɛ no ylo, "ne 'ɛ lɔbhɔ nɛ 'anye "ku -wɛ. Zaa, -se 'a -ko 'awɔ -watɔ -ce, 'a 'tale -sɔbhɔ 'yi sɛgbɛɛ "koti -gɔgɔ.

Kolɔsenya 1:21

'Anye, -watɔ 'ce, lowlinya 'ye 'a -noɔ nɛ -lɔ Lagɔ za, 'a -noɔ nɛ 'ɔnɛɛ -gblenya 'waa. "Naa-, 'a 'pɔ nɛ 'dle -gbɔ 'a "kɛ nɛ "nyɛnye no, "ne 'a no nɛ 'yiɛ!

1 Tesalonikenya 4:13

-Nyɔsɔwanye, -a 'yɔbhɔ -gbɔ -a "kɛ 'anye -wa "ku- -wɛ 'na "kukoweli bhulɛle- gbɛklɛklɛ, -se 'a te -kɛ "klo "nyɛne sɛgbɛɛ 'nyakpa 'na -wa "ne 'dletɛleɛ -kɛ kpolokpolo.

1 Tesalonikenya 5:6

Zaa, 'a -ya te -kɛ ŋɔŋo -wawɛ 'nasɛ, -mɔ, -a ple 'yli, -se -a ko lɔbhɔ, -se -a 'slu- -ayi 'tee.

1 Timote 6:9

-Mɔ, 'nyakpa 'na -wa no -gbɔ 'wa "kɛ -klɔgbɔ "pɔ -wɛ, "mebeamɔ 'wa bhlile -lɔ. Nonoli -kwleyi -nyɛnye soa- -gbotu 'nasɛ, "ne 'ɛ nyimoa -lɔ, "ne 'ɛ 'kɔmoa -lɔ 'kwiɛ 'na -gwe "ku.

Tite 3:3

"Ne -anye 'lelee, bhlɛme, -a "ne 'awɔ "nɛ-, 'kpokponya 'ye -a -noɔ 'awɔ -lɔ, "kwlɛ -a -bhli 'awɔ -lɔ, -li 'klekle -ɛ "ne 'nɛne -wɛ 'ye -a no nɛ -lɔ, "ne -a -noɔ 'awɔ -lɔ konyinɛnya 'waa, "ne -a tu 'awɔ -lɔ -alua 'na -li "ku, "ne -a -gblegblele 'awɔ -lɔ, "ne -a no 'awɔ -lɔ -li -nyɛnye.

1 Piɛle 1:14

'A "zo Lagɔ 'plome, 'a -namlɛ Zezu yibhlele- 'na 'dlepɔsɛ -nyɛnye -ye 'a -kɛ 'awɔ -watɔ -wɛ, 'a 'tale- 'yi.

2 Piɛle 2:14

'Wa biɛ 'yli gbo -zlɛ -za, 'wanɛɛ 'dle "ne bɔ 'nyinyonoli -nodɛ. "Ne 'wa 'tetile -lɔ -wa "ne 'dlekukɛleɛ "me tɛle- -wɛ 'wayi lo. 'Nyakpa 'na -wa -kɛ 'dlasi 'na 'ŋwɛnɛ "me kpɛnyee 'waa -lɔ. -Kpilɛkpilɛnya 'waa -lɔ!

2 Piɛle 2:18

'Diɛɛ, 'wanɛɛ bhulɛweli mɛne- 'yukwli "me, -mɔ 'ɛ "ne -bɛɛ' "me -ko, "ne 'wa lale -lɔ 'wayi 'nyakpa -wa 'bha- zikpɛ -nyɛnye 'lele "ku 'beku "ku -wɛ lo. 'Ɛnɛɛ za, 'wanɛɛ nyɔkpɔsɛ 'na 'dlepɔsɛ -nyɛnye "me 'wa

1 Zaa 2:16

"Naa-, zikpɛ "me 'na -ye 'wa ylele "bhle ne lɛ: 'Dlepɔsɛ -nyɛnye -ɛ -ko -ɔkɔkokɔko "me -wɛ, -ye -a -gɛ 'yli -wɛ 'na to -lɛbhɛ, "ne bhabhɛ -ɛ 'bhale -klɔgbɔ "me -wɛ. -Ɛwɛ 'klekle To "me 'ye 'ɛ -na 'bhale-, -mɔ zikpɛ "me 'ye 'ɛ 'bhale- -lɔ.

1 Zaa 2:8

'Ɛ -ko sɔbhɔ, "ne 'e 'kɛle lɛ "ɛ gbagbɛ -lele ne za 'anye "ku, -ɛ -noɔ lɛ 'diɛɛ 'lele yɛ Zezu "me "ne 'ɛ "kɛ lɛ sɔbhɔ 'anye "me ko -me ne. "Naa-, titiɛ 'ple "ne -diɛnadiɛ 'na zle le -lɔ.