Efɛzenya 2:20 - Nouveau Testament bété de Gagnoa

²⁰ "Naa-, 'a -ko sɛgbɛɛ -bhudu -ye 'wa 'sɔbhɔle "kɔlepɔnya "ne "guɔkwɔmenya "klo -wɛ 'na -tikpɛ, Zezu Kli 'nabhɛ -ko sɛgbɛɛ 'ɛnɛɛ 'gwegwe "me 'na 'tiyi.

Efɛzenya 2:20 Iomraidhean Croise

Matie 16:18

"Ne -ame 'e bhulɛle -eyi nɛɛ: 'Tiyi 'ye -e -noɔ -lɔ, "ne "ɛ 'tiyi -wɛ "klo 'ye 'e "kɛ 'ce -lɔ 'neɛ "me bhubhɔle-bhudu 'sɔbhɔle, "ne 'kwiɛ 'na 'bhɛloɛ -ka 'ce -eyi -bɛɛ' no.

Matie 21:42

"Ne Zezu yua -lɔ bhulɛle- nɛɛ: «'A -zɛle -lalɛce welicibhɛ ne Lagɔbɔgɔ "me "me. 'Tiyi 'na -ye -bhudusɔbhɔnya 'pɔ- 'kwlɛ "me -wɛ, 'ɛɛ "zo- -da -lɔ -bhudu 'na jijɛtiyi. Anyinɛnyɔ Lagɔ -no -lɔ "ɛ -ɛwɛ 'klekle. -Bɛɛ' 'na -ɛ 'nɛne -anyɛɛ dɛku yɛ -lɔ.»

1 Kolɛtenya 12:28

Lagɔgligbɛ "me 'na 'tɛtɛnoa -ye Lagɔ 'nyɛ 'glidɛ -wɛ 'pa- -lɔ "kɔlepɔnya, "sɔɔnoa 'pa -lɔ "guɔkwɔmenya, tanoa 'pa -lɔ -wa 'sloa Lagɔweli -wɛ. "Ne 'nyakpa 'na -wa "pɔ zɛzɛ -wɛ -ko -lɔ lɔbhɔ, 'Wayi 'ye -wa 'yamalea 'nyakpa -wɛ 'pe- -lɔ keyi. 'Nyakpa 'na -wa 'kwɛle 'walua -ko, 'nyakpa -wa sloa 'walua 'tee 'na -gwe 'dɛ 'pe- -lɔ lɔbhɔ, "ne 'nyakpa 'na -wa gbɔ gbo 'na -ɛ "ne -yiɔ -ko -me lɔbhɔ.

Galatenya 2:9

Zake, Sefase "ne Zaa, 'wayi 'wa zɛle -lɔ Lagɔgligbɛ 'na "cifia "ku. 'Ɛ 'wayi -wɛ 'wa -yibhlele -lɔ Lagɔ 'na -jɔlo -ye 'ɔ 'nyɛ- -ame -wɛ, 'wa -tuɔ -lɔ -anye 'kwlɛ, -ame "ne Banabase, -se -a "kɛ 'sɛ yibhlele- -gbɔ 'wayi 'wɔ "bhaa -a -kole "ku. -Anye, -a "kɛ nɛ -lɔ -wa "ne Zufonya 'waa -wɛ lo mele- "ne 'wayi, 'wa "kɛ nɛ -lɔ -wa -noɔ Zufonya 'waa -wɛ lo mele- -me.

Efɛzenya 3:5

-Ɛ -kɛ nɛ -noɔ "ne 'ɛ -ko -diɛɛ "me ne, Lagɔ "ne 'awɔ -a 'to 'wa 'to 'wɔ 'ylime -tua. -Mɔ, -zeka, 'ɔ -tua -da 'ɔnɛɛ Zuzu "me 'ɔnɛɛ "kɔlepɔnya 'wlewlea -nyɛ "guɔkwɔmenya 'wɔ "bhaa 'ylime.

Kolɔsenya 2:7

'A 'kɛle- -kpulu 'ɔyi "me, 'a 'sɔbhɔle 'anyɛɛ zikpɛ Klise "me, 'dlekukɛleɛ -ye 'wa 'sloa- 'anye -wɛ, 'a 'kɛle- kɔ klekle, -se 'a bhɛle Lagɔ -ka -ka -ka.

1 Piɛle 2:6

"Naa-, Lagɔ-bɔgo "me, Lagɔ nɛɛ: «'A 'wolo "ku! 'E -tɔ 'tiyi 'na -ɛ -kɛ 'neɛ 'dle kɔ. 'Ɛɛ -kɛ -lɔ -bhudu kɔ sɛgbɛɛ -jijɛgblɛ, "ne 'e "zo- -lɔ Sinyɔ -du "me. -Ɔ 'cɛ 'dleku -kɛ, zu -kɔ 'lɔbhɔ.»

'Ylikloylɛleweli 21:14

"Ɛ 'du 'na 'tiyi -ye 'kpɛ 'gli- ''ku -wɛ -yle 'awɔ kogbɔ "sɔ, 'bhlɛbhlɛyu 'na "kɔlepɔnya kogbɔ "sɔ 'na 'tɔ kɛleɔ- "klo.