Efɛzenya 2:2 - Nouveau Testament bété de Gagnoa

² 'A -ko 'awɔ 'nyinyonoli "me -sɔɔdɛku 'a -gɛlele 'awɔ dodo ne "ku 'na kosɛ -wɛ. 'A "zo 'awɔ zuzu -nyɛnyea 'na "cifi -ɔ -ko dodo -nyɛ "nɔgɔ "bhaa 'na -jijɛku -wɛ 'plome. "Ɛ "cifi -wɛ, Sata, 'ɔɔ -ko -lɔ -dɛme 'na 'nyakpa -wa "ne "zo Lagɔ 'plome -wɛ 'na zikpɛ "me.

Efɛzenya 2:2 Iomraidhean Croise

Matie 11:19

'Nyɔkpɔ Yowli -yi, 'ɔ li "ne 'ɔ "nɔmɔ, "ne 'wa no 'lelee -lɔ nɛɛ: Mɛnɛmɛnɛnyɔ yɔ -lɔ, "ne 'ɔ -noɔ 'lelee -lɔ nogbinɔmɔnyɔ yɔ, 'ɔ -nyɛ -lɛposanya "ne "nyinyonolinonya "bhaa 'wa -ko -lɔ 'titoa "me. -Mɔ 'ylime 'yamaleɛ 'na nonoli "me 'wa yibhlele -lɔ 'ɛnɛɛ "me ŋwinɛleɛ.»

Matie 13:22

Yo 'na -ɛ -bhli 'kpɛcɛ "me -wɛ, 'nyɔkpɔ, -ɔ 'no- Lagɔ 'na weli "me, -mɔ dodo ne "ku 'na -li nyimɔ 'wlime, "ne 'ɔnɛɛ 'dle -glɛ -klɔgbɔ 'klekle -ɛ no ylo -wɛ glɛ, "ne 'ɛ ziɔ 'nyɔŋɔ "ku, "ne 'ɔ "ne tlo bhi yɔ -lɔ.

Matie 13:38

'Lɛɛ, zikpɛ -ye -a -ko "ku ne yɛ -lɔ, "ne yɛ "namanɔ, Lagɔ 'na 'Kamalezikpɛ "me 'na yua 'waa -lɔ, "ne "zeezu, -wa -gɛle Sata 'waa -lɔ.

Malke 4:19

-mɔ 'wanɛɛ 'wli -zu zikpɛ ne "ku 'na -li 'klekle 'na mɔ kpɛnyee: "Bhle 'na -klɔgbɔ -ɛ no ylo -wɛ, "ne 'wanɛɛ 'dle 'yɔbhɔ dodo ne "ku 'na -li 'klekle. -Ɛwɛ 'klekle ploa -lɔ "me "ne 'ɛ wale -lɔ Lagɔweli "ku. -Ɛwɛza Lagɔweli "ne 'bhɛle- "ne 'ɛ "kɛ bhi tlo.

Luke 16:8

"Ne "ɛ libhɔ 'na "bhenyɔ yi -lɔ "ɛ libhɔnonyɔ, -ɔ -no 'nyakpa ylo -wɛ 'ŋlu kwa, sɛko -wɛ nea, 'ɔ -kɛle 'neje zɛ. -Tiaa sɛku, -wa -ko titiɛ ne "me -kɛ 'neje 'wayi glɛme "ne 'wa zi -wa -ko zle "ku -wɛ "ku.»

Luke 22:31

Zezu -bhulɛle Simɔ Piɛle nɛɛ: «Simɔ, Simɔ 'fo 'yukwli, Sata 'yɔbhɔ -gbɔ 'ɔ "kɛ 'anye "me 'fo -see 'wa 'fo 'ble "me bitɛ "me -wɛ.

Zezu Kli 'na 'Denaade ‑ye Zaa kɛle‑ ne lɛ 12:31

-Dɛmeda, lɔbhɔ 'ya ylɛ, -dee 'wa "kɛ lɛ dodo ne "ku 'na 'nyakpa 'gbobhlele. -Dɛmeda ne, "kɛ -da dodo ne "ku 'na "cifi -nyɛnye zikpɛ "ku "pɔ.

Zezu Kli 'na 'Denaade ‑ye Zaa kɛle‑ ne lɛ 13:2

Zezu -nyɛ 'ɔnɛɛ gɛlenya "bhaa -ko kugbedɛku 'na lilɛ li dɛku. -Mɔ, Sata -plɛ 'awɔ Simɔ yowli Zuda Isekaliɔte 'dlezɔ "klee, -se 'ɔ "kɛ Zezu ple.

Zezu Kli 'na 'Denaade ‑ye Zaa kɛle‑ ne lɛ 13:27

-Dee 'ɔ 'jole- "ɛ "fɔlɔ -cibhɛ kɔ -wɛ 'ye Sata -plɛ -lɔ Zuda "me. "Ne Zezu yu -lɔ bhulɛle- nɛɛ: «-Ye -e "kɛ no -wɛ, 'no -vava.»

Zezu Kli 'na 'Denaade ‑ye Zaa kɛle‑ ne lɛ 14:30

'Ɛ 'bhale lɛ dɛne ne, 'e -ka -la 'anye weli 'na "kwleyi bhulɛle-. "Naa-, dodo ne "ku 'na "cifi -nyɛnye yi zɛ. 'Ɔ "ne -ame 'bhɛle-,

Zezu Kli 'na 'Denaade ‑ye Zaa kɛle‑ ne lɛ 15:19

'A kɛ nɛ zikpɛ ne "ku -noa 'waa, "bhle 'na 'nyakpa yi nɛ 'anye wamale-. -Mɔ, zikpɛ ne "ku -noa 'ye 'a "ne -noɔ. 'Mɔɔ -tɔ -lɔ 'anye "ne 'e yi -lɔ 'anye zikpɛ ne "ku 'na 'nyakpa 'glɛme -sɛ. 'Ɛza -glɔnya "ne sɔbhɔ -lɔ 'anye 'yli.

Zezu Kli 'na 'Denaade ‑ye Zaa kɛle‑ ne lɛ 16:11

"ne gbobhlelesɛ 'na dɛku, "na Sata -bhleleɔ gbo "klee.

Zezu Kli 'na 'Denaade ‑ye Zaa kɛle‑ ne lɛ 7:7

Zaa, 'anye ne, -glɔnya "ne 'bhɛle-, "ne 'wa "kɛ 'anye gble. -Mɔ, 'wa -gble -ame, "naa-, 'e nɛɛ 'wanɛɛ -li -ye 'wa no -wɛ "ne 'nɛne zɛ.

Zezu Kli 'na 'Denaade ‑ye Zaa kɛle‑ ne lɛ 8:23

"Ne Zezu yua -lɔ bhulɛle- nɛɛ: «'Anye, dodo ne "ku -noa 'ye 'a -noɔ -lɔ, -ame, "nɔgɔ "me -nɔ 'ye 'e -noɔ -lɔ. 'Anye ne, -glɔ ne zɔ -noa 'ye 'a -noɔ -lɔ, -mɔ -ame, 'e "ne -glɔ ne zɔ -nɔ yɔ.

Zezu Kli 'na 'Denaade ‑ye Zaa kɛle‑ ne lɛ 8:44

Sata -noɔ -lɔ 'a 'to yɔ, "ne 'a 'yɔbhɔ -gbɔ 'a "kɛ 'a 'to 'na -ye 'ɔ 'yɔbhɔ -wɛ no, -see 'ɛ 'bhale- "kucidɛku -ce, 'ɔyi 'nyakpa -lɔbhɔnyɔ yɔ -lɔ. "Ne 'ɔ "ne gbaa "me -ko, "naa-, gbɛklɛklɛ "no "me -ko zɛ. "Ne 'ɔ kɛ bhulɛ-, yo 'na -kpakpɛ yɛ -lɔ, "Naa- yonyɔ yɔ -lɔ, "ne 'ɔɔ 'wlɛ- -lɔ yo.

Nonoli 19:35

"Ne 'ɛ 'du -wɛ "me 'na "bɔgokɛlenyɔ yi -lɔ "ɛ 'nyakpa -wɛ 'dɛpe nɛɛ: «Efɛze 'na 'nyakpa 'nye, -glɔ 'klekle -yi -sɛ -gbɔ 'du 'ye 'wa la Efɛze -wɛ -kole -lɔ zliŋɔnɔ Atemise 'na bhubhɔbhudu "ne 'yuslokpo -ɔ 'bhale "nɔgɔ "me -wɛ "bhaa "klo!

Nonoli 5:3

Lɔbhɔ 'ye Piɛle -no -lɔ nɛɛ: «Ananiaase, sɔɔbɛɛza Sata -plɛ bhɔ soɔ -eyi 'dlezɔ 'a? -E -wlɛle Zuzu Wlewle yo yɔko. Dodo -ye -e 'pɔ- 'pɔlo "ku -wɛ 'na 'dlasi, -e zizi- 'ɛ 'cibhɛ.

Wlomɛnya 12:2

'A te zikpɛ ne "ku 'na kosɛ -nyɛnye gɛlele-, -mɔ, 'a 'tale Lagɔ 'yi -se 'ɔ "kɛ 'anyɛɛ "nɛnoɛ -nyɛ zikpɛ "bhaa kɔ 'bhelia- gou. 'Ɛɛ "kɛ -lɔ -gbɔ "ne 'a "kɛ 'ce -lɔ -ye 'ɔ -wa -wɛ yibhlele-: 'Ɛ 'nɛne, 'ɛ lo 'ŋwɛnɛ "ku, "ne 'ɛ "ne 'nuɔsɔbhɔledɛ -kɛ gou.

1 Kolɛtenya 5:10

'E "ne 'yɔbhɔ nɛ -gbɔ 'e "kɛ dodo ne "ku 'na 'gbozlɛnya 'na "kukoweli bhulɛ. 'E -na kɛ 'winya 'na "kukoweli bhulɛ, "ne -wa "ne 'ŋunu -bɛɛ' 'ple gbo, "ne -wa bɔbɔ "fu 'na lagɔ -wɛ 'na "kukoweli 'ye 'e -na -kɛ bhulɛ. 'Ɛ -kɛ nɛ -kɛ sɔbhɔ yɛ ne, 'a yi nɛ "ɛ zikpɛ ne "ku 'bha-.

1 Kolɛtenya 6:11

Soɔ 'anye 'glɛme 'na -bedia -ko 'awɔ -lɔ bhlɛme. -Mɔ, Lagɔ -sɛ 'anye 'nyinyonoli "me, "ne 'a yi -lɔ 'wlele plɛ, "ne 'ɔ yi -lɔ 'anye "me ŋwinɛlenya "zoa- Anyinɛnyɔ Zezu Kli "ne Zuzu Wlewle 'na 'tɔ "me.

2 Kolɛtenya 4:4

"ne -wa "ne Lagɔ 'na weli 'dleku -kɛ, Sata, dodo ne "ku 'na lagɔ gba- 'wanɛɛ "nɛnoɛ "ku. 'Ɛza, 'wa "ne zle -ɛ -ko 'Denaade "me, "ne 'ɛ -noɔ Klise 'na 'ŋlu 'na -ylo yɛ -wɛ 'yli -gɛ. 'Ɔyi, -ɔ -noɔ Lagɔ 'na 'wlole yɔ -wɛ.

Galatenya 1:4

"Naa-, Anyinɛnyɔ Zezu 'bhale- 'ɔnɛɛ zikpɛ "me -se 'ɔ "kɛ -anye 'fuɔ -anyɛɛ 'nyinyonoli za. 'Ɛza, 'ɔ -sɛ -lɔ -anye zikpɛ ne "ku 'na "nyɛnye "me, -se -a To Lagɔ 'yɛbhɛ -wɛ.

Efɛzenya 1:21

"Cifia 'na 'kamaleɛ 'klekle, "ne 'bhɛloɛ 'klekle, 'kwɛmetamaleɛ 'klekle, 'kamalenya "yitia 'klekle, -soɔ 'ye Klise gblua- -lɔ 'wlime. 'Ɔ 'gbli- -ɛ -le "kle -wɛ 'kwlɛ 'wlime, 'ɛ "ne -kɛ -zeka 'na zikpɛ ne 'ɛyikɔ yɛ, -mɔ, zikpɛ 'na -ɛ "kɛ 'lelee yi -wɛ -ko -me -kɛ 'bhle.

Efɛzenya 2:11

'A 'luɔle- -kɛ -watɔ 'na -see 'a 'ko nɛ -wɛ "ku! Zufonya "ku 'wa "ne 'anye 'gwɛle-. Zufonya la -lɔ 'anye -wa "ne "ku 'diɔ-, "ne 'wa la -lɔ 'wayi "kudiɔnya, -see 'wa -su "kudiɛ 'na -kpakpɛ -wɛ za.

Efɛzenya 2:13

-Mɔ, -dɛmeda Klise Zezu "me, 'anye -wa tlo nɛ dɛ -wɛ, 'a "ne -la dɛ tlo-, Klise 'na 'dlu 'na 'siɛsluɛ "me.

Efɛzenya 2:3

'Watɔ -ce, -anye 'lelee, -a ko -me 'awɔ "ɛ 'nyakpa -wɛ 'glɛme, -sɔɔdɛku -a -gɛlele 'awɔ -anyɛɛ 'dlepɔsɛ -nyɛnye -wɛ. -A "zo 'awɔ -anyɛɛ -kosɛ -nyɛ 'dlepɔsɛ -nyɛnye -wɛ "bhaa 'plome. "Ɛ -anyɛɛ 'nyɔkpɔ -kosɛ 'na 'ylime, Lagɔ yi nɛ -anye 'kɛle yɔko 'pɔle -wawɛ 'nasɛ.

Efɛzenya 4:17

'Ɛnɛɛ za, 'e bhulɛle lɛ 'anye -ɛne, "ne 'e 'totole -lɔ lɔbhɔ "me Anyinɛnyɔ 'na 'tɔ "me: 'A te 'ayi -slu sɛgbɛɛ -wa "ne "zo Lagɔ -wɛ 'nasɛ. 'Wanɛɛ 'dlepɔsɛ "ne -nɛmoa -bɛɛ' "ku.

Efɛzenya 4:22

Zaa, 'a yi 'anyɛɛ -watɔ 'na zikpɛ -ce 'yi 'tale-. -Watɔ -ce, 'a -wa nɛ 'dlepɔsɛ -nyɛnye -ɛ no ylo, "ne 'ɛ lɔbhɔ nɛ 'anye "ku -wɛ. Zaa, -se 'a -ko 'awɔ -watɔ -ce, 'a 'tale -sɔbhɔ 'yi sɛgbɛɛ "koti -gɔgɔ.

Efɛzenya 5:6

'Nyɔkpɔ te 'ce 'anye bhulɛweli -ɛ "ne -bɛɛ' "me -ko -wɛ "me ylo nole. 'Ɛwɛ 'klekle za, Lagɔ 'pɔle- -lɔ -wa 'sɛ 'ɔnɛɛ 'plome -zo -lo -wɛ 'kɛle yɔko.

Efɛzenya 5:8

'Diɛɛ, -watɔ 'na dɛku, 'a -ko 'awɔ titiɛ "me, -mɔ, -dɛmeda, Anyinɛnyɔ "bhaa "ne 'a -kole -lɔ "ku, zaa, zle "ku 'ye 'a -ko -lɔ, 'a 'slu 'ayi zle "ku 'na yua 'nasɛ.

Efɛzenya 6:12

'Bhɔ, 'nyakpa "bhaa "ne -a -gba "kɛ -kɛ 'gwe. -Mɔ, zuzu -nyɛnyea 'na 'bhɛloɛ -ɛ -ŋnɛ kpɛnyee -wɛ "bhaa yɛ -lɔ. -Wa -kɛ 'bhɛloɛ "ne 'wa 'kamalea "ne -wa -su 'sabo -titiɛ "me zikpɛ -wɛ 'waa -lɔ, zuzu -nyɛnyea -wa -ko "nɔgɔ -nyɛ dodo "bhaa 'na gbanyede -wɛ "bhaa "ne -a 'gwe -lɔ.

Kolɔsenya 1:21

'Anye, -watɔ 'ce, lowlinya 'ye 'a -noɔ nɛ -lɔ Lagɔ za, 'a -noɔ nɛ 'ɔnɛɛ -gblenya 'waa. "Naa-, 'a 'pɔ nɛ 'dle -gbɔ 'a "kɛ nɛ "nyɛnye no, "ne 'a no nɛ 'yiɛ!

2 Timote 4:10

"Naa-, Demase 'bha- -ame yɔko dodo ne "ku 'na -li za. 'Ɔ -me Tesalonike, "ne Klesase -me Galasi -glɔ "me, "ne Tite -me Dalemasi -glɔ "me.

Zake 1:27

-A To Lagɔ 'yliku 'na bɔbɔbɔboɛ gbaa ne lɛ: -A slu -kɛ "kuyua -nyɛ -kwiziŋwenea -wa -ko 'nyɛze "me -wɛ 'tee, -se -a te -kɛ dodo ne "ku 'na -li -ɛ 'pla 'fe -wɛ mamale-.

Zake 1:7

Sɔbhɔ 'na nyɔ -wɛ te 'ce 'dlepɔ -gbɔ Anyinɛnyɔ yu -ye 'ɔ "kɔ 'yɔbhɔle -wɛ kɔ 'je.

Zake 4:4

'A "ne bhɔ sɛ -yi -gbɔ: -E kɛ zikpɛ ne "ku 'na -li -wa, Lagɔ 'ye -e "ne -lɔ -wa. "Naa-, -ɔ kɛ no -gbɔ zikpɛ ne "ku 'na -li 'ye 'ɔ -wa, Lagɔ 'na 'gblenyɔ 'ye 'ɔ -noɔ -lɔ.

1 Piɛle 1:14

'A "zo Lagɔ 'plome, 'a -namlɛ Zezu yibhlele- 'na 'dlepɔsɛ -nyɛnye -ye 'a -kɛ 'awɔ -watɔ -wɛ, 'a 'tale- 'yi.

1 Piɛle 4:3

'Diɛɛ, -watɔ -ce, 'a 'yɔbhɔ 'awɔ -gbɔ 'a "kɛ 'ayi slu- sɛgbɛɛ -wa "ne "zo Lagɔ 'nasɛ. 'A -su 'awɔ 'ayi -see 'a 'yɔbhɔ 'awɔ -wɛ, 'a -noɔ 'awɔ lɔbhɔzononya 'waa, no -gbi-nɔmɔnya 'waa. 'A mlɛ 'awɔ kpɛnyee, 'a -noɔ 'awɔ nogbinɔmɔnya 'waa, 'a "zo 'awɔ "fu 'na Lagɔ, -ɛ "ne lɛ 'nɛne gou.

2 Piɛle 2:14

'Wa biɛ 'yli gbo -zlɛ -za, 'wanɛɛ 'dle "ne bɔ 'nyinyonoli -nodɛ. "Ne 'wa 'tetile -lɔ -wa "ne 'dlekukɛleɛ "me tɛle- -wɛ 'wayi lo. 'Nyakpa 'na -wa -kɛ 'dlasi 'na 'ŋwɛnɛ "me kpɛnyee 'waa -lɔ. -Kpilɛkpilɛnya 'waa -lɔ!

1 Zaa 3:10

-See 'wa yibhlele Lagɔ 'na yua "ne Sata 'na yua ne lɛ: -Wa "ne no "meŋwinɛleli 'klekle -wɛ, "ne -wa "ne 'wa "nowlia -wa -wɛ, 'wa "ne Lagɔ -noa 'waa.

1 Zaa 3:8

'Nyɔkpɔ kɛ 'nyinyonoli no, Sata -nɔ yɔ -lɔ, "naa-, "kucidɛku, Sata, 'nyinyonolinonyɔ yɔ -lɔ. -Ɛwɛza, Lagɔ Yowli -yi -lɔ -se 'ɔ "kɛ Sata 'na nonoli "ku 'bhia.

1 Zaa 4:4

'Anye, 'na yua nye, Lagɔ -noa 'ye 'a -noɔ -lɔ, "ne 'a -lu "guɔkwɔmenya -gbeyia to "me. Sɔɔbɛɛza 'a -lua to "me ne lɛ: Lagɔ Zuzu -ɛ -ko 'anye "me -wɛ -kɛ 'bhɛloɛ, "ne 'ɛ -zi zuzu -ɛ -ko zikpɛ ne "ku -wɛ "ku.

1 Zaa 5:19

-A -yi sɛ -gbɔ Lagɔ 'na yua 'ye -a -noɔ -lɔ, -mɔ glɔnya 'klekle -ko Sata 'na 'bhɛloɛ zɔ.

1 Zaa 5:4

"naa- -wa -noɔ Lagɔ 'na yua 'waa -wɛ yi zikpɛ lu. "Ne -ɛ gbɔ "ne -a lu zikpɛ -wɛ -noɔ -lɔ -anyɛɛ 'dlekukɛleɛ yɛ.

'Ylikloylɛleweli 12:9

"Ne 'wa yi -lɔ "ɛ -gbogbomɛnɛgɔ -gwli -wɛ zikpoku 'pɔ. "Ɛ -gbogbomɛnɛgɔ ne, bhlɛgɔgɔtɛbhɛ yɛ -lɔ. 'Ɔyi 'wa la me -lɔ zuzu-nyɛnyea 'na "cifi "ne Sata. 'Ɔɔ no -lɔ -glɔ ne zɔ 'na 'nyakpa 'klekle ylo. 'Wa 'pɔ- dodo "ku 'ɔnɛɛ -zilia 'wɔ "bhaa.

'Ylikloylɛleweli 13:14

Soɔ 'ye 'ɔ bhlia nɛ -lɔ dodo ne "ku 'na 'nyakpa 'kwlɛ. "Naa-, 'ɔ -yle nɛ 'bhɛloɛ -se 'ɔ "kɛ tɛtɛnɛmɛ 'yli "ku zɛzɛ "yiti 'pɔle. 'Ɔ bhulɛle zikpɛkonya -gbɔ 'wa no jinyɛ "me 'na nɛmɛ -ye 'lɔbhɔ- nɛ "kukusɛ -jijigbɛlɛ nu "ne 'ɔ -yamale nɛ -wɛ 'na yuslokponɔ.

'Ylikloylɛleweli 13:8

Dodo ne "ku 'na 'nyakpa 'klekle yu 'ce "zo, -mɔ nyɔ 'wɔ 'na 'tɔ kɛleɔ- zikpɛbɔgo "me -see zikpɛ "mɔ 'awɔ 'wlo "ne "bhle -ko -me. "Ɛ "bɔgo ne, 'bhlɛbhlɛyu -ye 'wa 'lɔbhɔ- bɔbɔ -za "ne 'ɔ yi "ku -wɛ 'bhe- -lɔ.

'Ylikloylɛleweli 16:17

"Nɔgɔzilɔ 'na gbɔɔsɔnɔ -bhlule -ɛ -ko 'ɔnɛɛ slɔ "me -wɛ "nɔgɔ "ku, "ne "mekpaweli 'bhale 'Mebɔbɔlebhudu "ne 'leyli-gbɔglo "me, 'ɛ nɛɛ: -Dɛmeda, 'ɛ -bhiɛ.

'Ylikloylɛleweli 20:2

"Ne 'ɔ yi -lɔ "ɛ -gbogbomɛnɛgɔ -wɛ "sa, "ɛ -gbogbomɛnɛgɔ -wɛ, bhlɛme 'na 'tɛbhɛ -wɛ yɔ -lɔ, zuzu -nyɛnye 'na "cifi, Sata. "Nɔgɔzilɔ yu -lɔ gwa 'ylobɛ 'na -gɛmɛnɛ -wlulu -bholo 'na dɛ (1.000).