Efɛzenya 2:16 - Nouveau Testament bété de Gagnoa

¹⁶ -Ye 'ɔ "kule- klowa "klo -wɛ, Zufonya "ne -wa "ne Zufonya 'waa -wɛ 'ye 'ɔ "zo- -lɔ 'wli, ku -bholo -kpee "me, "ne 'ɔ yua -lɔ Lagɔ "bhaa gbo 'selia-. -Ye 'ɔ "kule- klowa "klo -wɛ 'ye 'ɔ -bhiale -lɔ gbo -ɛ -gbɔ nɛ "ne 'wa 'gblegblele nɛ -wɛ "ku.

Efɛzenya 2:16 Iomraidhean Croise

Wlomɛnya 5:10

'Diɛɛ, -sɔɔdɛku, -a -noɔ nɛ Lagɔ 'na -gblenya 'waa -wɛ, 'ɔ -selia -anye 'gbo 'ɔyi "bhaa 'ɔ Yowli 'na 'kwiɛ "me, 'ɔ -selia kɛ 'se -la -anye 'gbo 'ɔyi "bhaa za, -a -kɛ 'dleku -gbɔ Lagɔ yi 'lelee -anye 'fuɔ 'ɔ Yowli 'na zikpɛ "me.

Wlomɛnya 6:6

-A 'no 'ɛyi ne "me 'tee: -See -a -ko nɛ -watɔ -ce, 'ɛyi -wɛ -koleɔ klowa "klo Klise "bhaa, zaa, 'nyinyonoli -ɛ -ko nɛ -anye 'nabhɛ "me -wɛ -bhiɛ "ku. Zaa, -a "ne -kɛ -la 'nyinyonoli 'na 'juyua 'waa.

Wlomɛnya 8:3

Moyize 'na -Lɔ "ne nɛ 'bhɛle- "ne 'ɛ "kɛ -ɛwɛ no, sɛko -wɛ, 'nyɔkpɔ 'na kosɛ "ne "me 'tɛ-, -mɔ, Lagɔ -no. 'Ɔ 'lebhe- 'ɔ Yowli, "ne 'ɔ yi -lɔ 'nyinyonolinonya 'na ku "ku 'libhi, -se 'ɔ "kɛ 'wanɛɛ 'nyinyonoli 'na 'galu 'di. Lɔbhɔ 'ye Lagɔ -luale -lɔ 'nyinyonoli -ɛ ko 'nyɔkpɔ "me -wɛ gbo.

Wlomɛnya 8:7

'Diɛɛ, 'nyakpa "kɛ 'wayigɛsɛ 'na 'dlepɔsɛ -gɛlele, Lagɔ 'na -gblenya 'waa -lɔ, 'wayi -wɛ, 'wa "ne "zo Lagɔ 'na -Lɔ 'plome, 'wanɛɛ -dɛku, 'ɛ "ne 'bhɛle gou.

1 Kolɛtenya 10:17

-See "fɔlɔ -yle -bholo "ne -a lile 'gɔme -wɛ, sɔbhɔ -anyɛɛ ku -yle me 'lele -lɔ -bholo. "Naa-, "fɔlɔ -bholo -wɛ 'ye -a li -lɔ zɛ.

Galatenya 2:20

'E -yɛ, -mɔ, -ame, "mɔ "ne -la -yɛ, Klise -yɛ -la -lɔ -ame "me. -Dɛmenadɛ "ku, 'neɛ zikpɛ -ye 'e -ko -la -dɛme "ku ne, Lagɔ 'na 'Yu 'na 'dlekukɛleɛ "me 'ye 'e -sule -lɔ 'neɛ zikpɛ, 'ɔyi -ɔ -wa -ame, "ne -ɔ -ple 'ɔnɛɛ zikpɛ 'neɛ za -wɛ.

Efɛzenya 2:15

"Ne 'ɔ yi -lɔ Moyize 'na -Lɔ -nyɛ 'ɔnɛɛ gbagbɛ "ne gbɛ "bhaa "ku bhia-. "Ne -wa -noɔ Zufonya 'waa "ne -wa "ne Zufonya 'waa -wɛ "bhaa, Klise yua -lɔ 'nyakpa -lelea -bholo "zoa- 'ɔyi 'wɔ "bhaa 'na "kukoleɛ "me. 'Soɔ -ye 'ɔ 'nɛme- -lɔ "kuwɛtɛ.

Efɛzenya 3:6

'Denaade za, -wa "ne zufonya 'waa -wɛ -nyɛ zufonya "bhaa 'dlile -li "bhle 'gɔme Klise 'na "ku-koleɛ "me. Ku -bholo 'wa "zo- -da -lɔ, Lagɔ 'na weli -ye 'ɔ -plele Zezu Kli "me -wɛ, 'wa -ko -me 'ɛnɛɛ didi "me.

Efɛzenya 4:4

Ku -yle -bholo -kpee, "ne Zuzu Wlewle -yle -bholo -kpee. Lagɔ la- -me 'lelee 'anye 'dletɛleɛ -bholo -kpee "ku.

Kolɔsenya 2:14

-Anyɛɛ 'gɛgbo 'ye 'ɔ "titli- -lɔ "ku, 'gɛgbo -ye -a libhi- nɛ "ku, "ne 'ɛ yelea nɛ -anye gbo -gbagbɛ 'na 'kɔkɛleɛ "me -wɛ, 'ɛnɛɛ "bɔgo 'ye 'ɔ -kole -lɔ klowa "klo.

Kolɔsenya 3:15

Klise 'na "kuwɛtɛ ko 'anye 'dlezɔ! "Kuwɔtɛ -wɛ za Lagɔ la- -lɔ 'anye, -se 'a "kɛ "ku- -bholo "zo. 'A 'bhɛle- Lagɔ -godogodo.