Efɛzenya 2:15 - Nouveau Testament bété de Gagnoa

¹⁵ "Ne 'ɔ yi -lɔ Moyize 'na -Lɔ -nyɛ 'ɔnɛɛ gbagbɛ "ne gbɛ "bhaa "ku bhia-. "Ne -wa -noɔ Zufonya 'waa "ne -wa "ne Zufonya 'waa -wɛ "bhaa, Klise yua -lɔ 'nyakpa -lelea -bholo "zoa- 'ɔyi 'wɔ "bhaa 'na "kukoleɛ "me. 'Soɔ -ye 'ɔ 'nɛme- -lɔ "kuwɛtɛ.

Efɛzenya 2:15 Iomraidhean Croise

2 Kolɛtenya 5:17

'Za, 'nyɔkpɔ -nyɛ Klise "bhaa 'wa "kɛ "ku -kole ne, "lele 'ye 'ɔ "zo -lɔ. "Naa-, -ɛ -noɔ "gɔgɔ yɛ -wɛ "ku 'ye 'ɛ -bhiɛ -lɔ, "ne -ɛ -noɔ "lele yɛ -wɛ -ko -lɔ lɔbhɔ.

Galatenya 3:10

"Naa-, -wa zɛle -Lɔ 'na 'plomezoɛ "ku -wɛ, -wa -bhleɔ "ku, "naa-, sɛne 'ye 'ɛ 'kɛleɔ- -lɔ Lagɔbɔgo "me -gbɔ: «'Nyɔkpɔ 'na -ɔ "ne -ɛ 'kɛleɔ -Lɔ 'na "bɔgo "me -wɛ 'klekle kɔ kɛ -godogodo, 'ɔ yi 'ce "ku bhleɔ-.»

Galatenya 3:28

-Dɛmeda, "meseseliɛ "ne -da -le, Zufonyɔ 'oo, Glɛkeyu 'oo, 'juyu 'oo, -ɔ "ne 'juyu yɔ 'oo, 'widi "ne 'ŋɔnɔ 'oo, 'anye 'klekle -bholo 'ye 'a -zo -da -lɔ Klise Zezu "me.

Galatenya 6:15

-E "diɔ- "ku 'oo -e "ne "ku "diɔ- 'oo, 'ɛyi -wɛ "ne -bɛɛ' "me -ko! -Mɔ -ɛ -ko -bɛɛ' "me 'pa- -lɔ -gbɔ: Lagɔ "zoa- -anye 'nyakpa -lelea.

Efɛzenya 2:10

'Diɛɛ, Lagɔ -no -lɔ -anye, 'ɔ 'wlɛ- -lɔ -anye, Klise Zezu "me, -se -a "kɛ -kɛ -li 'na -li no, -li 'na -li -ye 'ɔ -sɛ 'awɔ lɔbhɔ "kle -wɛ no.

Efɛzenya 2:14

'Diɛɛ, 'ɔyi, 'ɔ 'nɛme -lɔ -anye "kuwɛtɛ. Zufonya "ne -wa "ne Zufonya 'waa -wɛ "bhaa, 'ɔ "zoa- 'nyakpa -bholo. -Ye Klise 'je- 'ɔnɛɛ zikpɛ kɔ klowa "klo -wɛ, -pi -ɛ gbɔ nɛ "ne -a "ne nɛ 'ŋwɛnɛ "me -kɛkɛle "ne 'ɛ 'selia -anye 'ylime -wɛ 'ye 'ɔ -wlɛ -lɔ.

Efɛzenya 2:16

-Ye 'ɔ "kule- klowa "klo -wɛ, Zufonya "ne -wa "ne Zufonya 'waa -wɛ 'ye 'ɔ "zo- -lɔ 'wli, ku -bholo -kpee "me, "ne 'ɔ yua -lɔ Lagɔ "bhaa gbo 'selia-. -Ye 'ɔ "kule- klowa "klo -wɛ 'ye 'ɔ -bhiale -lɔ gbo -ɛ -gbɔ nɛ "ne 'wa 'gblegblele nɛ -wɛ "ku.

Efɛzenya 4:16

Klise za, "ɛ ku -wɛ 'klekle -glɛglɛle -lɔ "ne 'ɛ "zo -lɔ -bholo. 'Jeleadɛme 'na 'gbagbo gbɔ -lɔ "ne "ɛ ku "zo -lɔ -bholo, "ne "ɛ ku 'na -cibhɛ -bholo kɛ 'ɛnɛɛ libhɔ no ne, "ɛ ku 'kpɔmale "ne -waleɛ "me 'ɛ me -lɔ 'yuku.

Kolɔsenya 2:14

-Anyɛɛ 'gɛgbo 'ye 'ɔ "titli- -lɔ "ku, 'gɛgbo -ye -a libhi- nɛ "ku, "ne 'ɛ yelea nɛ -anye gbo -gbagbɛ 'na 'kɔkɛleɛ "me -wɛ, 'ɛnɛɛ "bɔgo 'ye 'ɔ -kole -lɔ klowa "klo.

Kolɔsenya 2:20

Klise "bhaa 'gɔme 'ye 'a "kule- -lɔ, "ne dodo ne "ku 'na 'bhɛloɛ "ne -la -bɛɛ' "me -ko 'anyɛɛ dɛku. -Mɔ, 'a no sɛgbɛɛ "ɛ -ɛwɛ 'wɔ 'na zikpɛ 'ye 'a -ko -namlɛ "ku ne. Sɔɔbɛɛza, 'a "zo bhɔ "ɛ -gbagbɛ ne 'wɔ 'plome 'a:

Kolɔsenya 3:10

"Ne 'ɛ -ko sɛgbɛɛ 'koti -lele 'ye 'a -pla "me. "Ne 'ɔ 'wlole -lɔ 'ɔnɛɛ 'wlɛnyɔ 'yiɛ. 'Ɛ "kɛ -lɔ -gbɔ "ne 'a "kɛ -lɔ Lagɔ yibhlele- -tiaa.

Kolɔsenya 3:11

-Dɛmeda, zufonyɔ "ne -da -le, Glɛkeyu "ne -da -le, "kudiɔnyɔ "ne -da -le, -ɔ "ne "ku diɔ- "ne -da -le. Lowlinya "ne -da -le, 'kwlɛnya "ne -da -le. 'Juyua "ne kɔyelenya "ne -da -le. -Mɔ, Klise -le -lɔ, 'ɔ -noɔ -lɔ 'klekle yɔ, "ne 'ɔ -ko -lɔ 'klekle "me.

Kolɔsenya 3:15

Klise 'na "kuwɛtɛ ko 'anye 'dlezɔ! "Kuwɔtɛ -wɛ za Lagɔ la- -lɔ 'anye, -se 'a "kɛ "ku- -bholo "zo. 'A 'bhɛle- Lagɔ -godogodo.

Eblenya 7:16

'Ɔ "ne bɔbɔnyɔ yɔ -see -Lɔ no -gbɔ -ɛ ylɛle -wɛ, "ne bɔbɔnya 'na -gligbɛ "ku 'ye 'ɔ -na 'bhale. 'Ɔ "zo- bɔbɔnyɔ, 'bhɛloɛ zikpɛ 'na -ɛ -ka 'ce "kubhiɛ -wɛ "me.

Eblenya 8:13

Lagɔ kɛ 'mɛnenoɛ -lele 'na weli bhulɛ ne, "ɛ tɛtɛ -nɛ -wɛ 'ye 'ɔ "zoa- -lɔ gɔgɔ, "ne -ɛ -gwlɛ "ne 'ɛ "zo- gɔgɔ -wɛ yi -la "kubhiɛ -ka yi.

Eblenya 9:23

Soɔ 'ye 'wa kɛ "nɔgɔ "me 'na -li 'na 'didale 'wlele pla- ne, lɔbhɔ 'na dɛku "nɔgɔ "me 'na -li 'na 'wlelezoɛ 'na bɔbɔli yi "ku zi.