Efɛzenya 2:12 - Nouveau Testament bété de Gagnoa

¹² 'A yibhlele- -kɛ 'sɛ -gbɔ 'ɛ "tɛnye -wɛ "me, 'a 'tlole- 'awɔ -kɛ Klise dɛ, "ne 'a -noɔ 'awɔ -lɔ 'lowlinya 'waa, 'a "ne nɛ Izlayɛleyua 'glɛme -ko; "ne Lagɔ 'na 'mɛnenoɛ -nyɛ 'ɔnɛɛ weli -ye 'ɔ ple -wɛ, 'ɛ "ne nɛ 'anye -nɛ yɛ, 'a -ko nɛ "ɛ dodo ne "ku -wɛ 'a "ne nɛ -bɛɛ' 'dle tɛle- "ne 'a "ne nɛ Lagɔ -yi.

Efɛzenya 2:12 Iomraidhean Croise

Luke 1:72

'Ɔ -tua 'ɔnɛɛ -see 'ɔ -ko "nɛne -wɛ -a 'to 'wɔ 'ylime, "ne 'ɔnɛɛ 'dle yi -lɔ 'ɔnɛɛ mɛneloɛ 'wlewle "ku sibhɔ.

Zezu Kli 'na 'Denaade ‑ye Zaa kɛle‑ ne lɛ 10:16

'E -kɛ wlia 'na vinoa -wa "ne "ɛ -pi ne "me -ko -me -wɛ. 'Wayi -wɛ 'e yua 'lelee slu- -me, "ne 'wa yi 'neɛ weli 'yukwli fo. Lɔbhɔ 'na dɛku, wlia 'na -zakpɛ yi 'ce -bholo yle, "ne 'wanɛɛ 'yukugɛlenyɔ "kɛ 'ce 'lelee -lɔ -bholo -kpee yle.

Zezu Kli 'na 'Denaade ‑ye Zaa kɛle‑ ne lɛ 15:5

'Mɔɔ -noɔ -lɔ 'vinye -su yɔ, "ne 'anye -noɔ -lɔ 'ɛnɛɛ klɛ 'waa. -Ɔ -ko -ame "me, "ne -ye 'e -ko "me -wɛ, 'ɔ yi bhi 'na "kwleyi tlo, "naa-, 'ɛ "mɔ -ame yɔ, 'a "ne 'bhɛle- "ne 'a "kɛ -bɛɛ' no.

Zezu Kli 'na 'Denaade ‑ye Zaa kɛle‑ ne lɛ 4:22

'Anye Samali 'na 'nyakpa, -ye 'a "ne -yi 'ye 'a bɔbɔ -lɔ, -mɔ -anye Zufonya, -ye -a -yi 'ye 'a bɔbɔ -lɔ. "Naa- 'popoɛ, Zufonya "me 'ye 'ɛ 'bhale -lɔ.

Nonoli 2:39

"Naa-, 'anye "ne 'anyɛɛ yua za Lagɔ -ple -lɔ weli. 'Ɔ -ple -me 'lelee "ɛ weli -wa tlo dɛ -wɛ za "ne -ye Anyinɛnyɔ Lagɔ "kɛ 'ce la 'klekle -wɛ za.»

Nonoli 28:20

-Ɛwɛza, 'e la -lɔ 'anye, -se -a "kɛ 'de "ku "zolea-. -Diɛɛ- yɛ -lɔ. 'A -yi -se Izlayɛleyua 'na 'Fuɔnyɔ 'ye 'wa "tɛle 'dle -noɔ -lɔ Zezu 'ye 'wa 'wo yɔ. 'Ɛnɛɛ za, 'wa 'gbɛtele -lɔ -ame 'gɔgɔ nu.»

Nonoli 3:25

'Anye -noɔ -lɔ "guɔkwɔmenya 'na yua 'waa. "Ne Lagɔ -nyɛ 'a To 'wɔ "bhaa -mɛnele -lɔ. -Dee 'ɔ -bhulɛle 'awɔ Ablame -gbɔ: 'Neɛ yua 'na yua za, 'e yi 'ce dodo ne "ku 'na -gligbɛ 'klekle 'ŋu 'pɔ.

Wlomɛnya 9:8

-Se "ɛ weli -wɛ sɛ zɔ ne lɛ: Yua -ye 'widi -nyɛ 'ŋɔnɔ "bhaa 'wa -gwɛle -wɛ 'wa "ne Lagɔ 'na yua 'waa. -Mɔ, Lagɔ 'na weli -ye 'ɔ -ple 'na yua -wɛ -noɔ -lɔ Lagɔ 'na yua gbaa 'waa.

Galatenya 4:8

'Watɔ -ce, 'a "ne 'awɔ Lagɔ -yi, 'ɛza, 'a -noɔ 'awɔ -lɔ zikpɛ ne "ku 'na -li -wɛ 'wɔ, -ɛ "ne -diɛnadiɛ Lagɔ yɛ -wɛ 'na 'juyua 'waa.

Efɛzenya 2:19

-Ɛwɛza, 'a "ne -da 'lowlinya 'waa, "ne 'a "ne -da pleplenya 'waa. -Mɔ, Lagɔ 'na -gligbɛnya 'ye 'a -ko me -lɔ 'glɛme. Lagɔ 'na -gligbɛnya 'ye 'a -noɔ -lɔ.

Efɛzenya 4:18

'Wa "ne 'no -ɛ -ko gbɛklɛklɛ -wɛ "me, "ne 'wa "ne Lagɔ 'na zikpɛ -ye 'ɔ 'nyɛ -wɛ "me -ko -me. "Naa-, 'wa "ne -yi. Sɛko -wɛ, 'wanɛɛ 'dle 'gbɔ- "ku zɛ.

Kolɔsenya 1:21

'Anye, -watɔ 'ce, lowlinya 'ye 'a -noɔ nɛ -lɔ Lagɔ za, 'a -noɔ nɛ 'ɔnɛɛ -gblenya 'waa. "Naa-, 'a 'pɔ nɛ 'dle -gbɔ 'a "kɛ nɛ "nyɛnye no, "ne 'a no nɛ 'yiɛ!

Kolɔsenya 1:27

'Ɔ 'yɔbhɔ nɛ -gbɔ 'ɔ "koa -ɛ 'nunadleku ne 'na "kpɔmalesɛ, "ne -klɔgbɔpɔsɛ 'sloa-. "Ɛ -ɛ 'nunadleku ne 'nyakpa 'klekle -nɛ yɛ -lɔ, 'ɛɛ ne lɛ: Klise -ko 'anye -jijɛku "ne 'ɔyi "me, 'a -kɛ 'dleku -gbɔ 'a yi Lagɔ 'na 'ŋlumeɛ 'na dɛ "ye.

Kolɔsenya 1:5

"Naa-, 'a "tɛle -ye Lagɔ -sɛ lɔbhɔ 'anyɛɛ za "nɔgɔ "me -wɛ 'dle. -Ye 'Denaade -ɛ -noɔ gbɛklɛklɛ -weli yɛ -ylɛ 'anyɛɛ -moɔ -wɛ, 'ɛɛ -gbɔ -lɔ "ne 'a yi -lɔ "ɛ 'dletɛleɛ ne yibhlele-.

1 Tesalonikenya 4:13

-Nyɔsɔwanye, -a 'yɔbhɔ -gbɔ -a "kɛ 'anye -wa "ku- -wɛ 'na "kukoweli bhulɛle- gbɛklɛklɛ, -se 'a te -kɛ "klo "nyɛne sɛgbɛɛ 'nyakpa 'na -wa "ne 'dletɛleɛ -kɛ kpolokpolo.

1 Tesalonikenya 4:5

Zaa, 'a te se 'anyɛɛ 'dle 'na -ye 'ɛ 'yɔbhɔ -wɛ "ku zia sɛgbɛɛ 'nyakpa 'na -wa "ne "zo Lagɔ -wɛ.

2 Tesalonikenya 2:16

-Se Anyinɛnyɔ Zezu Kli, 'ɔyigɛsɛ "ne -a To Lagɔ, -ɔ -wa -anye, -ɔ 'nyɛ- -anye -jɔlo, 'ylime siɛ- 'na -ɛ -ka lɛ "kubhiɛ -nyɛ 'dletɛleɛ "namanɔ "bhaa.

1 Timote 1:1

-Ame, Pɔle, Zezu Kli 'na "kɔlepɔnyɔ 'ye 'e -noɔ -lɔ, sɛko -wɛ, Lagɔ, -ɔ -noɔ -anyɛɛ "fuɔnyɔ yɔ, "ne Klise Zezu -ye -a "tɛle 'dle -wɛ -no -lɔ -gbɔ 'e "zo.

Eblenya 11:34

'Wa 'nyimɔ- -kosu -gbagbo, -jijigbɛlɛ "noa 'lɔbhɔ-. Gu 'lɔbhoa- "ne 'wanɛɛ 'kwɛme "tamale-, togwe dɛku, 'wa "tamale- "me, "ne "slojanya -fɔtɔloa nu.

Eblenya 6:18

Welipleɛ "ne zligbɔzligbɛ, -li "sɔ 'na 'ye 'wa -ka kɔ 'bhelia- yɛ -lɔ. Lagɔ -ple weli "ne 'ɔ zligbɔ, zaa 'ɔ "ne 'wlɛ yo. 'Ɛyi -wɛ "tamalea- -lɔ -anye 'kwɛme kpɛnyee, 'ɛza -a 'bha- -lɔ -li 'klekle 'beku -se -a "kɛ 'dletɛleɛ -ye 'ɔ 'je- -anye kɔ -wɛ kɔ 'sa.

Eblenya 8:6

Zezu, 'ɔyi, libhɔ -ye 'ɔ no -wɛ 'kpɔ- "ne 'ɛ -zi "kle 'na bɔbɔnya -nɛ "ku. "Naa-, 'ɔyi 'ɔɔ -ko -lɔ 'nyakpa -nyɛ Lagɔ "bhaa 'na jijɛ "ku 'mɛnenoɛ -lele "me. "Ɛ 'mɛnenoɛ -lele -wɛ, welipleɛ -ɛ -zi "ku -wɛ 'ye 'ɛ 'gli- -lɔ "ku.

1 Piɛle 1:21

Klise "me 'ye 'a -kɛ -lɔ Lagɔ 'dleku, -ɔ 'goliɔ- 'kwiɛ "me, "ne 'ɔ 'nyɔ- -lɔ 'ŋlumeɛ. 'Ɛnɛɛ za 'a "zo -lɔ 'anyɛɛ 'dlekukɛleɛ "ne 'anyɛɛ 'dletɛleɛ Lagɔ "me.

1 Piɛle 1:3

-A 'dile Lagɔ lo keyi, Anyinɛnyɔ Zezu Kli 'ɔ To! 'Ɔnɛɛ "nɛnekoɛ "yitɛ "me, 'ɔ -gwɛlele -anye "kusɔ, Zezu Kli 'na -gluzɔwloɛ "me. 'Ɛneɛɛ za -a -kɛ 'dletɛleɛ 'na -ɛ -ka lɛ "kubhiɛ ne,

1 Piɛle 3:15

-Mɔ, 'a yibhlele- 'dlezɔ sɛ nɛɛ Klise, 'ɔyikɔ -bholo -ko -lɔ 'wlewle, "ne 'ɔ -noɔ -lɔ Anyinɛnyɔ yɔ. 'Wa kɛ 'anye lo 'yɔbhɔ -gbɔ sɔɔbɛɛza 'a 'tɛlo- bhɔ 'dle, 'a te "me 'cece -se 'a "koa zɔ 'sibhalea-.

1 Zaa 3:3

-Wa "tɛle- -ɛwɛ 'dle Klise "me -wɛ "zoa 'wayi 'wlele -see 'ɔyi 'ɔɔ -ko 'wlele -wɛ.