Efɛzenya 2:11 - Nouveau Testament bété de Gagnoa

¹¹ 'A 'luɔle- -kɛ -watɔ 'na -see 'a 'ko nɛ -wɛ "ku! Zufonya "ku 'wa "ne 'anye 'gwɛle-. Zufonya la -lɔ 'anye -wa "ne "ku 'diɔ-, "ne 'wa la -lɔ 'wayi "kudiɔnya, -see 'wa -su "kudiɛ 'na -kpakpɛ -wɛ za.

Efɛzenya 2:11 Iomraidhean Croise

Matie 20:7

"Ne 'wa yi -lɔ 'gbo 'di nɛɛ: 'Nyɔkpɔ "ne -kɛ -anye libhɔ "me "ku libhi-. "Ne 'ɔ yua -lɔ bhulɛle- nɛɛ: 'A 'mɔme- 'se 'neɛ vinyelɛ -wɛ "me.

Wlomɛnya 11:17

Izlayɛle -ko sɛgbɛɛ 'gloglo su 'na "namanɔ -nyɔ 'na 'klɛ 'na -bedi 'wa 'di- "ku. -Eyi, -e -ko sɛgbɛɛ 'kwlɛ "me 'na -suklɛ, "ne 'wa yi -lɔ -eyi 'gloglosu yɔko glɛ-. -Dɛmeda, -e 'bhɛle- -se -e "kɛ 'ŋu -ɛ 'bhale 'ɛnɛɛ -kpulu "me -wɛ "ku 'libhi me "ɛ -suklɛ -wɛ 'wɔ 'nasɛ.

Wlomɛnya 2:26

-Lalɛce: 'Nyɔkpɔ "mɔ "ku 'diɔ-, "ne 'ɔ "kɛ -Lɔ 'plome "zo ne, Lagɔ -kɔ bhɔ "ku 'wolo- sɛgbɛɛ 'nyɔkpɔ 'na -ɔ 'diɔ- "ku 'a?

Wlomɛnya 2:27

"Ɛ 'nyɔkpɔ -wɛ "ne "ku 'diɔ-, -mɔ 'ɔ "zo -Lɔ 'plome. 'Ɔyi, 'ɔɔ "kɛ 'ce -lɔ -eyi gbo 'bhlele-, -eyi -mɔɔ "ne "zo -Lɔ 'plome -wɛ. "Ne -e -kɛ kɛ "ɛ -Lɔ -ɛ 'kɛleɔ- -nyɛ "kudiɛ "bhaa kɔ.

1 Kolɛtenya 12:2

Bhlɛme, 'a "ne nɛ Lagɔ -yi. 'A -yi sɛ -gbɔ gu -ɛ "ne 'di gbo -wɛ 'na 'pɛɛ -wɛ "ku 'ye 'a -ko -me nɛ -lɔ, 'a "ne nɛ 'bhɛle- "ne 'a "koa nɛ 'ayi kɔ 'tɔtɔle-.

1 Kolɛtenya 6:11

Soɔ 'anye 'glɛme 'na -bedia -ko 'awɔ -lɔ bhlɛme. -Mɔ, Lagɔ -sɛ 'anye 'nyinyonoli "me, "ne 'a yi -lɔ 'wlele plɛ, "ne 'ɔ yi -lɔ 'anye "me ŋwinɛlenya "zoa- Anyinɛnyɔ Zezu Kli "ne Zuzu Wlewle 'na 'tɔ "me.

Galatenya 2:15

-Anye, Zufonya 'gbaa 'ye -a noɔ -lɔ, -a "ne 'du 'na -vidɛ 'na 'nyakpa -wa "ne Lagɔ 'na -Lɔ -yi -wɛ 'waa!

Galatenya 6:12

'Nyakpa 'na -wa no -gbɔ 'a "di 'ayi "ku klepaa -wɛ, 'wayi -wɛ, 'wa 'yɔbhɔ -gbɔ 'wa -soa 'tɔ 'nyakpasɛ "ku. "Naa-, 'wa 'toa -kɛ Klise 'na klowa za 'gbapea- -za 'wa no -lɔ "ɛ -soɔ.

Efɛzenya 2:2

'A -ko 'awɔ 'nyinyonoli "me -sɔɔdɛku 'a -gɛlele 'awɔ dodo ne "ku 'na kosɛ -wɛ. 'A "zo 'awɔ zuzu -nyɛnyea 'na "cifi -ɔ -ko dodo -nyɛ "nɔgɔ "bhaa 'na -jijɛku -wɛ 'plome. "Ɛ "cifi -wɛ, Sata, 'ɔɔ -ko -lɔ -dɛme 'na 'nyakpa -wa "ne "zo Lagɔ 'plome -wɛ 'na zikpɛ "me.

Efɛzenya 5:8

'Diɛɛ, -watɔ 'na dɛku, 'a -ko 'awɔ titiɛ "me, -mɔ, -dɛmeda, Anyinɛnyɔ "bhaa "ne 'a -kole -lɔ "ku, zaa, zle "ku 'ye 'a -ko -lɔ, 'a 'slu 'ayi zle "ku 'na yua 'nasɛ.

Filiponya 3:3

-Mɔ, 'wa kɛ no -gbɔ -wa 'diɔ- "ku -wɛ, -anye 'wa ga -lɔ -tiaa. "Naa-, -anye, -a lɔbhɔ Lagɔ "ku Zuzu Wlewle "me zɛ, "ne -anye -wa -ko Zezu Kli "me -wɛ, -anye zia -lɔ -ayi "ku, "ne dodo ne "ku 'na -li "me 'ye -anyɛɛ 'dlekukɛleɛ -na 'bhale-.

Kolɔsenya 1:21

'Anye, -watɔ 'ce, lowlinya 'ye 'a -noɔ nɛ -lɔ Lagɔ za, 'a -noɔ nɛ 'ɔnɛɛ -gblenya 'waa. "Naa-, 'a 'pɔ nɛ 'dle -gbɔ 'a "kɛ nɛ "nyɛnye no, "ne 'a no nɛ 'yiɛ!

Kolɔsenya 2:11

Klise "me -ye 'wa 'dile- 'lelee -lɔ 'anye "ku zɛ. "Ɛ "kudiɛ -wɛ, 'nyɔkpɔ 'na sɔ "me 'ye 'ɛ "ne -noɔ, -mɔ, Klise "me 'ye 'ɛ 'bhale -lɔ, 'ɛ -gbɔ "ne 'a no "nyɛnye -wɛ 'ye 'ɔ sɛ- -lɔ lɔbhɔ.

Kolɔsenya 2:13

'Anye, 'a "ku- 'awɔ 'anyɛɛ 'nyinyonoli 'na gbo "me, "ne 'a "ne 'awɔ 'lelee "ku diɔ- zɛ. -Mɔ, 'ɛ -ko sɔbhɔ "ne Lagɔ 'nyɛ- 'anye zikpɛ Klise "me, "ne 'ɔ 'tale- -anye 'klekle 'na 'nyinyonoli 'na gbo 'yi,

Kolɔsenya 3:11

-Dɛmeda, zufonyɔ "ne -da -le, Glɛkeyu "ne -da -le, "kudiɔnyɔ "ne -da -le, -ɔ "ne "ku diɔ- "ne -da -le. Lowlinya "ne -da -le, 'kwlɛnya "ne -da -le. 'Juyua "ne kɔyelenya "ne -da -le. -Mɔ, Klise -le -lɔ, 'ɔ -noɔ -lɔ 'klekle yɔ, "ne 'ɔ -ko -lɔ 'klekle "me.