Efɛzenya 2:10 - Nouveau Testament bété de Gagnoa

¹⁰ 'Diɛɛ, Lagɔ -no -lɔ -anye, 'ɔ 'wlɛ- -lɔ -anye, Klise Zezu "me, -se -a "kɛ -kɛ -li 'na -li no, -li 'na -li -ye 'ɔ -sɛ 'awɔ lɔbhɔ "kle -wɛ no.

Efɛzenya 2:10 Iomraidhean Croise

Matie 5:16

"Ɛ sɛbhele -wɛ, 'anyɛɛ zle lea- -me 'nyakpa "ku, -se 'wa "kɛ 'anyɛɛ -li 'na -li -ye 'a no -wɛ 'ylime 'ye, -se 'wa "kɛ -a To Lagɔ -ɔ -ko "nɔgɔ "me -wɛ 'ŋlu kwa-.

Zezu Kli 'na 'Denaade ‑ye Zaa kɛle‑ ne lɛ 3:21

-Mɔ, -ɔ no -ye Lagɔ 'yɔbhɔ -wɛ, zle "ku 'ye 'ɔ me -lɔ; -Se, -ye 'ɔ no -wɛ "kɛ 'yli pleɔ- gbɛklɛklɛ, -se 'nyakpa 'cɛ 'ylime 'ye -gbɔ 'ɔ "zo Lagɔ 'plome.

Nonoli 9:31

"Ɛ "tɛnye -wɛ "me, Lagɔgligbɛ -wɔtɔ nɛ "ku Zude, Galile, "ne Samali -glɔ "me. Lagɔ 'na gɛlenya -kole 'awɔ "ku, Anyinɛnyɔ 'na 'plomezoɛ "me. "Ne Zuzu Wlewle gbɔ 'awɔ "ne Lagɔ 'na gɛlenya zimale 'awɔ 'yiɛ.

Nonoli 9:36

'Du -ye 'wa la Zafa -wɛ, "bhle 'ye Zezu 'na -gɛleŋɔnɔ -bholo -ko -me 'awɔ -lɔ. 'Ɔ 'pa- 'awɔ -lɔ Tabita. Glɛɛke -gbo "me, "ɛ Tabita -wɛ 'pa- -lɔ «Dɔkaase.» 'Ɛ sɛ zɔ nɛɛ: «'Le.» "Ɛ 'ŋɔnɔ -wɛ no 'awɔ -li 'na -li, "ne 'ɔ 'kwɛle 'awɔ 'nyɛzenya.

Wlomɛnya 8:1

-Dɛmeda, -wa -nyɛ Zezu Kli "bhaa 'wa -kole "ku -wɛ, 'wa -koa -da gbo lua-.

Wlomɛnya 8:29

"Naa-, -ye Lagɔ -tɔ "kle "kucidɛku -wɛ, 'ɔ 'yɔbhɔ- "ɛ "kucidɛ 'ce "ku -gbɔ 'wa 'wlole 'ɔ Yowli, -se 'ɔ Yowli "kɛ -gligbɛ "yitɛ "ku 'na tɛtɛyu "zo.

1 Kolɛtenya 3:9

"Naa-, 'gɔme 'ye -a nole -lɔ Lagɔ 'na libhɔ. "Ne 'anye -noɔ -lɔ Lagɔ 'na 'lɛɛ 'waa. 'Anye -noɔ 'lelee -lɔ Lagɔ 'na -bhudu 'waa.

2 Kolɛtenya 5:17

'Za, 'nyɔkpɔ -nyɛ Klise "bhaa 'wa "kɛ "ku -kole ne, "lele 'ye 'ɔ "zo -lɔ. "Naa-, -ɛ -noɔ "gɔgɔ yɛ -wɛ "ku 'ye 'ɛ -bhiɛ -lɔ, "ne -ɛ -noɔ "lele yɛ -wɛ -ko -lɔ lɔbhɔ.

2 Kolɛtenya 5:5

-Ɔ -sɛ lɔbhɔ -anye "ɛ zikpɛ ne za ne, Lagɔ yɔ -lɔ. 'Ɔ 'nyɛ -lɔ -anye Zuzu Wlewle, 'ɛ -noɔ tɛtɛ -bɛɛ' 'na "namanɔ -ye -a "kɔ "me ylele- yɛ.

2 Kolɛtenya 9:8

Lagɔ kɛ 'bhɛloɛ -se 'ɔ "kɛ 'anye -li 'klekle -ɛ 'nɛne -wɛ 'wliku mana. "Ne 'a yi -li 'klekle -ye 'a 'yɔbhɔ -wɛ kɛle-, "ne 'ɛ yi lɔbhɔ 'ple 'klekle, "ne 'a yi -nazɛ lɔbhɔ -sɛ, "ne 'a yi -li 'na -ɛ 'nɛne 'klekle -wɛ no yiɛ.

Galatenya 6:15

-E "diɔ- "ku 'oo -e "ne "ku "diɔ- 'oo, 'ɛyi -wɛ "ne -bɛɛ' "me -ko! -Mɔ -ɛ -ko -bɛɛ' "me 'pa- -lɔ -gbɔ: Lagɔ "zoa- -anye 'nyakpa -lelea.

Efɛzenya 1:1

-Ame, Pɔle, Zezu Kli 'na "kɔlepɔnyɔ 'ye 'e -noɔ -lɔ, sɛko -wɛ, Lagɔ 'yɛbhɛ -lɔ zɛ. 'Wlewlea "ne -wa tɛle- Zezu Kli 'dle Efɛze -wɛ 'ye 'e 'kɛle lɛ "ku.

Efɛzenya 1:4

-Sɔɔdɛku zikpɛ -namlɛ 'wlɔ- -wɛ, Lagɔ -tɔ -anye Zezu Kli "me, -se -a "kɛ 'wlewle ko, -se 'ɔyi 'yliku, -a te -kɛ 'nuɔsɔbhɔledɛ kɛle-, -se -a "kɛ 'ɔnɛɛ -waleɛ "me ko.

Efɛzenya 2:13

-Mɔ, -dɛmeda Klise Zezu "me, 'anye -wa tlo nɛ dɛ -wɛ, 'a "ne -la dɛ tlo-, Klise 'na 'dlu 'na 'siɛsluɛ "me.

Efɛzenya 2:15

"Ne 'ɔ yi -lɔ Moyize 'na -Lɔ -nyɛ 'ɔnɛɛ gbagbɛ "ne gbɛ "bhaa "ku bhia-. "Ne -wa -noɔ Zufonya 'waa "ne -wa "ne Zufonya 'waa -wɛ "bhaa, Klise yua -lɔ 'nyakpa -lelea -bholo "zoa- 'ɔyi 'wɔ "bhaa 'na "kukoleɛ "me. 'Soɔ -ye 'ɔ 'nɛme- -lɔ "kuwɛtɛ.

Efɛzenya 2:2

'A -ko 'awɔ 'nyinyonoli "me -sɔɔdɛku 'a -gɛlele 'awɔ dodo ne "ku 'na kosɛ -wɛ. 'A "zo 'awɔ zuzu -nyɛnyea 'na "cifi -ɔ -ko dodo -nyɛ "nɔgɔ "bhaa 'na -jijɛku -wɛ 'plome. "Ɛ "cifi -wɛ, Sata, 'ɔɔ -ko -lɔ -dɛme 'na 'nyakpa -wa "ne "zo Lagɔ 'plome -wɛ 'na zikpɛ "me.

Efɛzenya 2:6

-A -nyɛ Klise Zezu "bhaa, 'ɔ 'sɛ -anye -glukonya 'glɛme "ne 'ɔyi "bhaa 'lelee 'ɔ yi -lɔ -anye "nɔgɔ "me 'jilɛ.

Efɛzenya 4:1

-Ye 'e 'yɔbhɔle 'anye lo "ne 'e piɛle "ku ne lɛ, -ame 'mɔɔ -ko -jiɛ "me Anyinɛnyɔ za -wɛ: Anyinɛnyɔ 'na 'laweli -ye 'a 'no- "me -wɛ, 'a 'nɔŋo "ku.

Efɛzenya 4:24

'A "zo 'nyɔkpɔ -lele sɛgbɛɛ 'koti -lele 'ye 'a -pla "me. "Ɛ 'nyɔkpɔ -lele ne 'wlɔ -see Lagɔ 'yɔbhɔ -wɛ. Gbɛklɛklɛ zoɔ "me 'ŋwinɛlenyɔ "ne 'wlewle.

Filiponya 1:6

'E -kɛ -bɛɛ' -bholo 'dleku, 'ɛɛ -noɔ -lɔ nɛɛ: Lagɔ -ɔ 'ci- "ɛ libhɔ "namanɔ 'anye 'glɛme "ku ne, 'ɔ 'yi no -kaa, "ne 'ɛ "kɛ 'ce -lɔ Zezu Kli 'na yizle 'wlizɔ bhiɛle-.

Filiponya 2:13

"Naa-, Lagɔ gbɔ "ne 'a no -li 'na -ɛ 'nɛno 'gɛ -wɛ.

Kolɔsenya 1:10

Lɔbhɔ 'na dɛku, 'a yi 'ce Anyinɛnyɔ 'na -se 'ɔ 'yɔbhɔ -wɛ ko, "ne 'a yi 'ce -li 'na -ɛ 'nɛno -gɛ 'klekle -wɛ no, "ne 'a yi 'ce bhi tlo, "ne 'a yi 'ce Lagɔ yibhlele- 'yiɛ.

Kolɔsenya 3:10

"Ne 'ɛ -ko sɛgbɛɛ 'koti -lele 'ye 'a -pla "me. "Ne 'ɔ 'wlole -lɔ 'ɔnɛɛ 'wlɛnyɔ 'yiɛ. 'Ɛ "kɛ -lɔ -gbɔ "ne 'a "kɛ -lɔ Lagɔ yibhlele- -tiaa.

2 Tesalonikenya 2:17

'Ɔ 'dɛpe 'anye, 'ɔ 'tamalea 'anye 'kwɛme 'anyɛɛ nonoli "namanɔ "ne 'anyɛɛ bhulɛweli "me.

1 Timote 2:10

-Mɔ, 'wanɛɛ -kosɛ "me 'ye 'wa "kɛ -lɔ 'wanɛɛ "nanoɛ yibhlele-, "ne 'wa "kɛ -lɔ 'ŋwenea 'na 'wa -kɛ Lagɔ 'na 'ŋwɛnɛ "me -wɛ yibhlele- -me 'lelee.

1 Timote 5:10

-Glɔnya -yibhlele sɛ -gbɔ 'nɛne -ko 'ŋɔnɔ yɔ -lɔ. 'Ɔ bhoa- 'ɔnɛɛ yua 'tee. -Wa yu "ku plɛ ka -wɛ, 'ɔ soa- 'tee. 'Ɔ -wɛle 'klecɛnya 'bho yɔko. 'Ɔ -kwɛle "nyɛzenya, "ne 'ɔ -no -li 'klekle -ɛ 'nɛne -wɛ.

1 Timote 5:25

Soɔ -li 'na "namanɔ 'yeɔ -lɔ 'ylime bhobhlo. "Ne 'ɛnɛɛ -ɛ 'yeɔ 'ylime bhobhlo -wɛ "ne 'bhɛle- "ne 'ɛ "kɛ "ku zizɔ-.

1 Timote 6:18

'Nyoa 'de -gbɔ 'wa no -li 'na -li 'nyakpa 'wli -se 'wanɛɛ 'nɛnoɛ zimale-. 'Wa nyɛle 'walua 'dlewɛtɛ "me. 'Wa yibhlele- dli sɛ.

2 Timote 2:21

Zaa, 'nyɔkpɔ 'na -ɔ 'bha- sloasɛ -nyɛnye 'na -gwe "ku -wɛ, -ko sɛgbɛɛ 'baa 'na 'ye 'wa dlile "me -jajo no -zle. 'Wa yu 'ce kulɛ "Bhenyɔ za. 'Naa-, 'ɔyi 'wa ylɛle -lɔ "me "ne 'wa no -lɔ -li 'na -ɛ 'nɛne 'klekle -wɛ.

2 Timote 3:17

Lagɔbɔgo gbɔ -lɔ "ne Lagɔnyɔ no -lɔ -li 'klekle -ɛ "ne 'nuɔsɔbhɔledɛ -kɛ -wɛ.

Tite 2:14

'Ɔ -ple 'ɔnɛɛ zikpɛ -anyɛɛ za, -se -anyɛɛ 'nyinyonoli 'na gbo "kɛ bhiɛ. 'Ɔ 'yɔbhɔ nɛ -gbɔ 'ɔ "kɛ nɛ -anye -zakpɛ -bholo "me 'wlewle "zoa-. 'Nyakpa -wa "kɛ 'ɔnoa "zo- -wɛ, -wa -ko lɔbhɔ -godogodo -se -wa "kɛ -li 'na -li no.

Tite 2:7

-Li 'klekle "me, -tua -neɛ' -kosɛ "namanɔ 'nyakpa 'ylime. 'Ɛ -noɔ -lɔ -gbɔ ko 'tee, -se -neɛ' sloasɛ ko 'tee.

Tite 3:1

Luɔle 'wayi 'klekle 'dle -gbɔ 'wa 'kwlialea- 'wayi "ku, "cifia "ne 'kamalenya 'yliku, 'wa "zo 'plome, -se 'wa no -li 'na -li.

Tite 3:14

"Nowlia -nyɛ "nɔyoa 'wɔ -wa -noɔ 'klecɛnya -waa -wɛ, 'wa ciɛ -li 'na -li 'na nonoɛ, -se 'wa "kɛ 'walua kwɛle- 'wa kɛ kplɛkplɛɛ "me -ko ne, -mɔ, 'wa te "fu 'sɔ "me plaplalea-.

Tite 3:8

"Ɛ weli ne, 'ɛ -kɛ 'dleku kɛle- -sɛ. 'Ɛza, 'e 'yɔbhɔ -lɔ -gbɔ 'fo 'yukwli 'tee, -se 'nyakpa 'klekle 'na -wa -kɛ Lagɔ 'dleku -wɛ "kɛ 'wayi "kɔ 'tɔtɔle- -se 'wa "kɛ -li 'na -li no. -Bɛɛ' 'na -bɛɛ' -ɛ "kɛ 'nyakpa 'klekle kwɛle- yɛ -lɔ.

Eblenya 10:24

-A 'kwɛle-kwɛlele- -se 'kwɛme "kɛ -anye "tamale- -se -a "kɛ wale-, -se -a "kɛ -li 'na -li no.

Eblenya 13:21

"Ɛ Lagɔ -wɛ, 'ɔ gbɔ -se -a "kɛ -godogodo -li 'na -li no, -see 'ɔ 'yɔbhɔ -wɛ! Lagɔ ylɛle- Zezu Kli "me, -se -a "kɛ -ye 'ɔ 'yɔbhɔ -wɛ no, Zezu 'bhe- -lɔ 'ŋlumeɛ -godogodo! Amɛn!

1 Piɛle 2:12

-Wa "ne Lagɔ -yi -wɛ -glɛme, 'a slu- 'ayi 'tee. Lɔbhɔ 'na dɛku, 'wa kɛ 'anyɛɛ "ku 'na weli -nyɛnye bhulɛ -gbɔ 'a no "nyɛnye ne, 'wa yi 'ce 'anyɛɛ -li -namanɔ -ye 'a no -wɛ 'ylime 'ye, "ne -zle Lagɔ -kɛ 'wanɛɛ zipkɛ "me -plɛ, 'wa yu 'ce 'ŋlu 'kwa-.

1 Zaa 1:7

Lagɔ zle 'ye 'ɔ -noɔ -lɔ. Zaa, -anye 'lelee -a kɛ zle "ku 'nɔŋo-, -alua "bhaa -a -kole "ku, "ne 'ɔ yowli Zezu 'na 'dlu sɛ -anye 'nyinyonoli "me "ne 'ɛ "zoa -anye 'wlele.

1 Zaa 2:6

"Ne 'nyɔkpɔ -kɛ no nɛɛ: «Lagɔ "bhaa -a -kole "ku» 'ɔ slu kɛ 'ɔnɛɛ zikpɛ Zezu Kli 'nasɛ.