Efɛzenya 2:1 - Nouveau Testament bété de Gagnoa

¹ -Watɔ -ce, 'a "ku- 'awɔ 'anyɛɛ "nyɛnye za, "ne -anyɛɛ 'nyinyonoli za.

Efɛzenya 2:1 Iomraidhean Croise

Matie 8:22

Zezu -bhulɛlo nɛɛ: «Gɛle- -ame, -se 'tale- -gɛzea 'yi -se 'wa zizi- 'wanɛɛ -gɛzea.»

Luke 15:24

"Naa- 'neɛ yu -ɔ -ko dɛne, 'ɔ "ku nɛ, "ne 'ɔ yi -lɔ glɔ-. 'Ɔ -bhli nɛ "ne 'e yu -lɔ yle. "Ne 'wa yi -lɔ -jajo -no -ku 'ci.

Luke 15:32

-Mɔ, -zeka "ne "me, -a yi 'na -jajo "ne 'ŋwɛnɛ no. "Naa-, 'e "nɔwli -ɔ -ko doɔ -wɛ "ku- nɛ, "ne 'ɔ yi -lɔ glɔ-. 'Ɔ -bhli nɛ 'kwlɛ "ne 'ɔ yi -lɔ yleɔ-.

Zezu Kli 'na 'Denaade ‑ye Zaa kɛle‑ ne lɛ 10:10

'Winyɔ yi 'wiyli -za, 'wli "ku -di -za "ne li -nyimɔ -za 'ɛyikɔ. -Mɔ, -ame 'e -yi -se 'nyakpa "kɛ zikpɛ yle, -se 'ɛ "kɛ lɔbhɔ 'ple.

Zezu Kli 'na 'Denaade ‑ye Zaa kɛle‑ ne lɛ 14:6

"Ne Zezu yu -lɔ no nɛɛ: «-Ame 'mɔɔ -noɔ -lɔ -gwe -nyɛ gbɛklɛklɛ "ne zikpɛ "bhaa yɔ. 'Nyɔkpɔ "ne 'bhɛle- 'ɔ "kɛ To yle, 'ɔ "mɔ -ame "me -ylɛle.

Zezu Kli 'na 'Denaade ‑ye Zaa kɛle‑ ne lɛ 5:21

-See To sɛ -glukonya glu "ne 'ɔ 'nyoa zikpɛ -wɛ, sɔbhɔ 'ɔ yowli "nyɛ me -lɔ 'nyakpa 'na -ye 'ɔ -wa -wɛ zikpɛ.

Zezu Kli 'na 'Denaade ‑ye Zaa kɛle‑ ne lɛ 5:25

-Ɛɛ, gbɛklɛklɛ 'ye 'e bhulɛle -lɔ 'anye: Lɔbhɔ yi -kɛ ylɛ, "ne lɔbhɔ -ylɛ "bhuɔ 'nabhɛ, -dee -glukonya "kɛ Lagɔ Yowli 'na weli 'no, "ne -wa 'cɛ 'no -wɛ yi 'ce "po.

Wlomɛnya 8:2

Sɛko -wɛ, Zuzu Wlewle 'na -Lɔ, -ɛ "nyɛ zikpɛ Zezu Kli "me, -sɛ -ame 'nyinyonoli 'na -Lɔ "ne 'kwiɛ 'na 'galu 'yli.

1 Kolɛtenya 15:45

Lagɔbɔgo "me -ye 'wa zɛle "me ne lɛ: «Ada, 'tɛkɛ 'nyɔkpɔ -fu -ɔ -yle zikpɛ yɔ -lɔ.» 'Bebhiɛle Ada, Zuzu Wlewle -ɔ 'nyɛ zikpɛ 'yiɔ- "ku.

2 Kolɛtenya 5:14

"Naa-, Klise 'na 'ŋwɛnɛ miɛle -anye 'wli "ku, -sɔɔdɛku, -a 'pɔ -ɛne "ku 'dle ne: 'Nyɔkpɔ -bholo "ku- 'nyakpa 'klekle za, 'ɛnɛɛ za 'nyakpa 'klekle "ku-.

Efɛzenya 4:18

'Wa "ne 'no -ɛ -ko gbɛklɛklɛ -wɛ "me, "ne 'wa "ne Lagɔ 'na zikpɛ -ye 'ɔ 'nyɛ -wɛ "me -ko -me. "Naa-, 'wa "ne -yi. Sɛko -wɛ, 'wanɛɛ 'dle 'gbɔ- "ku zɛ.

Efɛzenya 5:14

"Naa-, -ɛ 'wlo zɔ 'klekle -wɛ, zle "ku 'ye 'ɛ yi -lɔ, 'ɛza 'wa no -lɔ nɛɛ: Glɔ! -Eyi -mɔ 'ŋɔŋo- -wɛ. "Sɔ "ku -glukonya 'glɛme, -se Klise "kɛ -eyi 'ɔnɛɛ zle "ku -lea.

Kolɔsenya 2:13

'Anye, 'a "ku- 'awɔ 'anyɛɛ 'nyinyonoli 'na gbo "me, "ne 'a "ne 'awɔ 'lelee "ku diɔ- zɛ. -Mɔ, 'ɛ -ko sɔbhɔ "ne Lagɔ 'nyɛ- 'anye zikpɛ Klise "me, "ne 'ɔ 'tale- -anye 'klekle 'na 'nyinyonoli 'na gbo 'yi,

1 Timote 5:6

-Mɔ, "kwiziŋɔnɔ 'na -ɔ tɛle 'ɔnɛɛ zikpɛ 'na 'ŋwɛnɛ -lɛbhɛ 'ɛyi kɔ siɛ -wɛ, 'ɔyi -wɛ, 'ɔ "kɛ 'se -yɛ -ce, 'ɔ -ko sɛgbɛɛ -ɔ "ku- lɛ ne.

1 Zaa 3:14

-Mɔ -anye, -a wawale-. 'Ɛza -a -yi -lɔ sɛ: Bhlɛme, -a "ku- 'awɔ, -mɔ, -dɛmeda, -a -yle zikpɛ. "Naa-, -ɔ "ne 'naykpa -wa -wɛ, kwiyɛ "me 'ɔ ylɛ -lɔ 'wli.

'Ylikloylɛleweli 3:1

"Kɛle "nɔgɔzilɔ -ɔ -ko Salededu "me 'na Lagɔgligbɛ "me -wɛ "ku nɛɛ: -Ɔ -kɛ Lagɔ 'na Zuzu gbɔɔsɔ "ne -zeli gbɔɔsɔ 'na weli ne lɛ. 'E -yi -neɛ' nonoli 'klekle, 'e -yi sɛ -gbɔ 'nyakpa 'pɔ 'dle -gbɔ: -E -yɛ, -mɔ, -e "ku-.