Efɛzenya 1:9 - Nouveau Testament bété de Gagnoa

⁹ 'Ɔ -tua -anye -ye 'ɔ "kɛ nɛ no "ne 'ɛ -ko -diɛɛ "me -wɛ 'ylime. 'Ɔnɛɛ "nɛnekoɛ "me, 'ɔ -sɛ nɛ lɔbhɔ "kle -ye 'ɔ no -gbɔ 'ɔ "kɛ no -wɛ Klise za.

Efɛzenya 1:9 Iomraidhean Croise

Matie 13:11

"Ne 'ɔ yua -lɔ sɛne bhulɛle- nɛɛ: «"Naa-, 'anye Lagɔ -gbɔ "ne 'a -yi 'ɔnɛɛ 'Kamalezikpɛ "me 'na diɛweli, -mɔ, 'wayi 'wa "ne -yi.

Luke 12:32

Nyanɔ te 'anye 'lɔbhɔ, -zakpɛ 'tekeyi lɛ, "naa-, 'a To 'je- 'anye 'Kamalezikpɛ kɔ zɛ.»

Luke 2:14

Lagɔ me "nɔgɔ "me 'ŋlu -se dodo ne "ku 'na konya -ye 'ɔ -wa -wɛ 'wa yle "kuwɛtɛ.

Nonoli 13:48

"Ɛ weli -wɛ kɔ 'ye 'ŋwɛnɛ 'lɔbhɔ nɛ -lɔ -wa "ne Lagɔ -yi -wɛ, "ne 'wa 'kwa 'awɔ -lɔ Anyinɛnyɔ 'na weli 'ŋlu "ne -ye Lagɔ -sɛ lɔbhɔ zikpɛ 'na -ɛ -ka "kubhiɛ za -wɛ yi -lɔ 'dlekukɛlenya "zo.

Nonoli 2:23

"Ɛ 'nyɔkpɔ -wɛ, 'a -plolo 'nyakpa -gbeyia kɔ, "ne 'wa yu -lɔ klowa "klo kole-. -See Lagɔ 'yɔbhɔ nɛ 'kle -gbɔ 'ɛ ylɛle- nɛ -wɛ yɛ -lɔ.

Nonoli 4:28

Soɔ 'ye 'wa -no -lɔ -ye -e no nɛ -gbɔ 'wa no "klee 'klekle -neɛ' 'bhɛloɛ "me -wɛ.

Wlomɛnya 11:25

-Nyɔsɔwanye, Lagɔ 'na diɛweli -ɛ zizɔ- lɛ "ku ne, 'e 'cɛ 'anye sloa, -se 'a te kɛ 'dle 'pɔ -gbɔ 'ylimeyamalenya 'ye 'a -noɔ. Izlayɛleyua 'na -bedia "ne 'bhɛle- 'wa 'cɛ "me 'no, "ne 'ɛyi -wɛ yi 'ce "me -gwlɛ -kaa, "ne -wa "ne zufonya 'waa -wɛ "kɛ -lɔ Lagɔ lo 'yli-.

Wlomɛnya 8:28

-A -yi -sɛ -gbɔ -li 'klekle -ɛ -noɔ -wɛ, -wa -wa Lagɔ -wɛ "kɛ 'tee -ko za yɛ -lɔ. "Ɛ 'wayi -wɛ 'ye 'ɔ -la -lɔ -ye 'ɔ "kɛ no -wɛ za.

1 Kolɛtenya 1:21

"Naa-, zikpɛ ne "ku 'na 'nyakpa -nyɛ 'wanɛɛ 'ylimeyamaleɛ "bhaa "ne Lagɔ 'na 'ylimeyamaleɛ yibhlele-. 'Ɛza, Lagɔ -ylɛle -lɔ 'Denaade -ye 'wa la "kukwɛ -wɛ "me -se 'ɔ "kɛ -wa -kɛ 'dleku -wɛ 'fuɔ.

Galatenya 1:12

"Ne 'ɛyi 'nabhɛ 'nyɔkpɔ "ne -ame kɔ 'je-, "ne 'ɔ "ne -ame -sloa, -mɔ, Zezu Kli -ylaleɛ -lɔ -ame 'yli "klo.

Galatenya 1:15

-Mɔ, 'e -ko 'nanɛ -ame "nɔ 'mene, "ne Lagɔ yi -lɔ -ame -tɔ, "ne 'ɔnɛɛ "nɛnekoylime, 'ɔ yi -lɔ -ame la-.

Galatenya 1:16

"Ne 'ɔ yi -lɔ -ame 'ɔ yowli 'yliklo ylalea- -se 'e "kɛ 'ɔnɛɛ "ku 'na 'Denaade -wa "ne Zufonya 'waa -wɛ -sɛle. Zaa, 'e "ne 'se 'nyɔkpɔ lo 'yɔbhɔ- -gbɔ 'ɔ "zo -ame 'de "me.

Efɛzenya 1:11

"Ne Klise "me, Lagɔ 'nyɛ- -anyɛɛ 'popoɛ 'na dɛ. "Ne 'ɔ -sɛ -lɔ -anye lɔbhɔ "kle 'ɔnɛɛ -ye 'ɔ 'yɔbhɔ nɛ -gbɔ 'ɔ "kɛ no -wɛ za. 'Ɔ 'ŋunu- "ku -gbɔ 'ɔ yi no "ne 'ɔ 'yɛbhɛ.

Efɛzenya 1:8

'Diɛɛ, Lagɔ 'yiɛle- -anye 'ɔnɛɛ "nɛne "ku. 'Ɔ 'nyɛ- -anye "nanoɛ "ne 'ylimeyamaleɛ 'klekle.

Efɛzenya 3:11

-Se Lagɔ -waka nɛ "kle -godogodo yɛ -lɔ. -Se 'ɔ -waka -wɛ, sɔbhɔ 'ye 'ɛ 'wlole- -lɔ 'yli Anyinɛnyɔ Zezu Kli "me.

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.

2 Timote 1:9

Lagɔ 'fuɔ- -anye, "ne 'ɔ yi -lɔ -anye la- -se -a "kɛ 'ɔnoa "zo. -Anyɛɛ -ye -a no -wɛ za 'ɛ "ne -kɛ -noɔ, -mɔ, 'ɔyigɛsɛ 'yɛbhɛ -lɔ -gbɔ 'ɛ ko sɔbhɔ. Fu 'ye 'ɔ 'je- -lɔ -anye kɔ Zezu Kli "me, -sɔɔdɛku 'wa -na zikpɛ 'wlɛ- -wɛ.