Efɛzenya 1:8 - Nouveau Testament bété de Gagnoa

⁸ 'Diɛɛ, Lagɔ 'yiɛle- -anye 'ɔnɛɛ "nɛne "ku. 'Ɔ 'nyɛ- -anye "nanoɛ "ne 'ylimeyamaleɛ 'klekle.

Efɛzenya 1:8 Iomraidhean Croise

Matie 11:19

'Nyɔkpɔ Yowli -yi, 'ɔ li "ne 'ɔ "nɔmɔ, "ne 'wa no 'lelee -lɔ nɛɛ: Mɛnɛmɛnɛnyɔ yɔ -lɔ, "ne 'ɔ -noɔ 'lelee -lɔ nogbinɔmɔnyɔ yɔ, 'ɔ -nyɛ -lɛposanya "ne "nyinyonolinonya "bhaa 'wa -ko -lɔ 'titoa "me. -Mɔ 'ylime 'yamaleɛ 'na nonoli "me 'wa yibhlele -lɔ 'ɛnɛɛ "me ŋwinɛleɛ.»

Wlomɛnya 11:33

Lagɔ 'kpɔ 'diɛɛ! 'Ɔnɛɛ 'ylimeyamaleɛ, "ne 'ɔnɛɛ 'dlepɔsɛ tlo 'diɛɛ "me kpɛnyee, 'nyɔkpɔ "ne 'bhɛle- "ne 'ɔ "kɛ 'ɔnɛɛ 'dlepɔsɛ yibhlele-, 'nyɔkpɔ "ne 'bhɛle "ne 'ɔ "kɛ 'ɔnɛɛ -ye 'ɔ no -wɛ "me 'no. Lagɔbɔgo nɛɛ:

Wlomɛnya 5:15

-Mɔ, 'ɛ "ne -kɛ -bhele yɛ, Lagɔ 'na -ye 'ɔ "nyɛ "fu, "ne Ada 'na 'nyinyonoli. Ada 'na 'nyinyonoli 'na 'ylime 'nyakpa -kwleyia "ku-. -Mɔ, Lagɔ 'na -ye 'ɔ "nyɛ "fu -wɛ 'kpɔ "ne 'ɛ -zi "ku. "Ɛ -jɔlo -wɛ, 'nyɔkpɔ -bholo "me 'ye 'ɛ -ylɛle -lɔ, 'ɔɔ -noɔ -lɔ Zezu Kli yɔ. "Ne sɔbhɔ za, 'ɔ -ŋwenia -me -li "namanɔ 'nyakpa -kwleyia "ku.

1 Kolɛtenya 2:7

-Anye, -a -sloa Lagɔ 'na 'ylimeyamaleɛ -ɛ zizɔ- 'awɔ "ku -wɛ. -Mɔ, zikpɛ "ne 'awɔ -le, "ne Lagɔ 'sɛa -lɔ lɔbhɔ 'ɛ 'ylimeyamaleɛ ne -se 'ɛ -kɛ -anye 'ŋlu 'kwa.

Efɛzenya 1:11

"Ne Klise "me, Lagɔ 'nyɛ- -anyɛɛ 'popoɛ 'na dɛ. "Ne 'ɔ -sɛ -lɔ -anye lɔbhɔ "kle 'ɔnɛɛ -ye 'ɔ 'yɔbhɔ nɛ -gbɔ 'ɔ "kɛ no -wɛ za. 'Ɔ 'ŋunu- "ku -gbɔ 'ɔ yi no "ne 'ɔ 'yɛbhɛ.

Efɛzenya 1:7

Klise "me, 'ɔnɛɛ 'dlu -ɛ -slu 'siɛ -wɛ "me, "nyɛnye 'bha- -anye 'wlime "ne -anyɛɛ 'nyinyonoli 'na gbo "taleɔ- 'yi, Lagɔ 'na "nɛnekoɛ 'kpɔ kpɛnyee 'na 'ylime!

Efɛzenya 1:9

'Ɔ -tua -anye -ye 'ɔ "kɛ nɛ no "ne 'ɛ -ko -diɛɛ "me -wɛ 'ylime. 'Ɔnɛɛ "nɛnekoɛ "me, 'ɔ -sɛ nɛ lɔbhɔ "kle -ye 'ɔ no -gbɔ 'ɔ "kɛ no -wɛ Klise za.

Efɛzenya 3:10

Zaa -Dɛmeda, Lagɔgligbɛ za, "nɔgɔ "me 'na "cifia "ne -wa -kɛ 'bhɛloɛ -wɛ yi Lagɔ 'na "nanoɛ yibhlele-. "Ɛ "nanoɛ -wɛ -see Lagɔ -sloɛ -wɛ -zu kpɛnyee.

Kolɔsenya 2:3

"naa-, Klise 'ɔyikɔ "me 'ye -a yle -lɔ "nanoɛ -nyɛ 'ylimeyamaleɛ "bhaa.

'Ylikloylɛleweli 5:12

'Wanɛɛ lobhleweli 'tɛ- "me, 'ɛ nɛɛ: 'Bhlɛbhlɛyu -ye 'wa 'di- 'wli "ku bɔbɔ -za -wɛ -kɛ 'bhɛloɛ, -klɔgbɔ, 'ylimeyamaleɛ, 'kwɛmetamaleɛ, "kuwezeleɛ, 'ŋlumeɛ "ne 'ŋlukwɛɛ 'na yle -sɛ.