Efɛzenya 1:7 - Nouveau Testament bété de Gagnoa

⁷ Klise "me, 'ɔnɛɛ 'dlu -ɛ -slu 'siɛ -wɛ "me, "nyɛnye 'bha- -anye 'wlime "ne -anyɛɛ 'nyinyonoli 'na gbo "taleɔ- 'yi, Lagɔ 'na "nɛnekoɛ 'kpɔ kpɛnyee 'na 'ylime!

Efɛzenya 1:7 Iomraidhean Croise

Matie 20:28

'Wa "kɛ 'Nyɔkpɔ Yowli "ku lɔbhɔ- za 'ɔ "ne zikpoku -yi, -mɔ, 'ɔ "kɛ 'lɔbhɔ- za 'ɔ -yi -lɔ, -se 'ɔ "kɛ 'ɔnɛɛ zikpɛ "me 'bhale-, 'nyakpa -kwleyia 'na zeti -za.»

Matie 26:28

"Naa-, -ɛne 'neɛ dlu yɛ -lɔ, 'ɛɛ -noɔ -lɔ 'neɛ 'mɛneledlu yɛ, 'ɛɛ slu- -lɔ 'siɛ -se 'ɛ "kɛ nyakpa -kwleyia 'na 'nyinyonoli 'na gbo 'bhia-.

Matie 6:12

'Tale- -anyɛɛ "nyɛnye -ye -a no -eyi 'wli -wɛ 'yi, -see -anye 'nabhɛ -a 'tale "nyɛnye -ye -alua -no -anye 'wli -wɛ 'yi.

Malke 14:24

"Ne 'ɔ yua -lɔ bhulɛle- nɛɛ: «-Ɛne 'neɛ dlu yɛ -lɔ, 'ɛɛ -noɔ -lɔ mɛneledlu yɛ 'ɛɛ slu- -lɔ 'siɛ 'nyakpa 'klekle za.

Luke 1:77

-se -e "kɛ 'ɔnɛɛ -gligbɛnya 'wanɛɛ Popoɛ "ne 'nyinyonoli 'na gbo 'yi 'tale- -de -sɛle!

Luke 24:47

'Ɔnɛɛ 'tɔ "me 'wa yi 'nyakpa bhulɛle- -se 'wa "kɛ kɔ 'bheliɔ-, -se 'wanɛɛ 'nyinyonoli 'na gbo "kɛ 'yi 'taleɔ- -glɔ 'klekle "ku, 'ɛ 'bhale- Zeluzalɛme.

Zezu Kli 'na 'Denaade ‑ye Zaa kɛle‑ ne lɛ 20:23

'Nyakpa -nyɔ 'na 'nyinyonoli 'na gbo 'a 'tale- 'ce 'yi -wɛ, Lagɔ 'yi 'ce 'yi 'tale- -me. -Mɔ, 'nyakpa -nyɔ 'na 'nyinyonoli 'na gbo 'na lo 'a -sɛ 'ce -wɛ, Lagɔ yi 'ce 'ɛnɛɛ lo -sɛ -me.»

Nonoli 10:43

"Guɔkwɔmenya 'klekle -wa bhulɛ 'ɔnɛɛ dɛku -wɛ nɛɛ: 'Nyɔkpɔ 'na 'ɔ -kɔ 'dleku, 'ɔnɛɛ 'tɔ "me, 'ɔ nyɔ -wɛ 'na 'nyinyonoli 'na gbo yi 'ce 'yi 'taleɔ-.»

Nonoli 2:38

"Ne Piɛle yua -lɔ bhulɛle- nɛɛ: «'A 'bhelia- 'anyɛɛ kɔsɛ kɔ, -se -ɔkɔkokɔko yle batɛme, Zezu Kli 'na 'tɔ "me, -se Lagɔ "kɛ 'anyɛɛ 'nyinyonoli 'na gbo 'yi 'tale-, -se 'a "kɛ Zuzu Wlewle yle.

Nonoli 20:28

Zaa, 'a 'slu "kɛ 'ayi 'tee, -se 'a 'slu -me "kɛ 'lelee Zuzu Wlewle 'na wlia 'ye 'ɔ -kulɛle 'anye "ku -wɛ 'tee, -se Lagɔ -gligbɛ 'ye 'ɔ sɔbhɔ- 'ɔyigɛsɛ 'ɔ yowli 'na dlu nu -wɛ "kɛ -kɛ 'anye 'fuɔ.

Nonoli 3:19

'A 'bhelia- 'anyɛɛ -kosɛ -nyɛnye kɔ. -Se 'a 'yli Lagɔ lo, -se 'ɔ "kɛ 'anyɛɛ 'nyinyonoli 'na 'gbo "ku 'titli.

Wlomɛnya 2:4

Lagɔ -ko 'nɛne kpɛnyee, "ne 'ɔ 'piɛ "bhle 'dle kpɛnyee, "ne 'ɔ -yi wosɛ. 'Ɛ "ne no bhɔ -eyi -bɛɛ'? -E "ne bhɔ sɛ -yi -gbɔ Lagɔ 'na "nɛnekoɛ yi 'gbɔ "ne -neɛ' zikpɛ yi kɔ 'bheliɔ-?

Wlomɛnya 3:24

'Ɔnɛɛ 'nɛnekoylime, Lagɔ "zoa- -lɔ "fu "meŋwinɛlenya, Zezu Kli, -ɔ 'di- 'wanɛɛ 'nyinyonoli 'na 'galu -wɛ "me.

Wlomɛnya 3:25

Lagɔ -sɛ -lɔ Zezu Kli bɔbɔli "ku, -se 'ɔ "kɛ 'nyinyonoli 'na gbo "ku 'titli 'ɔnɛɛ dlu 'na 'siɛ -sluɛ "me. 'Ɔnɛɛ 'kwiɛ "me 'ye Zezu 'pɔ- -lɔ -wa -kɔ 'dleku 'klekle "ne 'wa -no 'nyinyonoli -wɛ 'na nyɛzedle. Soɔ, Lagɔ 'yɔbhɔ -lɔ -gbɔ 'ɔ kɛ 'ɔnɛɛ "meŋwinɛleɛ 'nyakpa 'ylime -tua, bhlɛ "me, -dee 'nyakpa no 'awɔ 'nyinyonoli -wɛ, Lagɔ "noa 'awɔ gbo ylea-, "naa-, 'ɔ 'piɛ 'awɔ 'wanɛɛ za "bhle 'dle. -Mɔ, -zeka, Lagɔ -tua -se 'ɔ "zoa- "meŋwinɛlenya 'ylime, 'ɔyi 'yliku. "Naa-, 'ɔyi, 'ɔ ŋwinɛle- "me, "ne 'ɔ libhi 'nyakpa 'na -wa -kɛ Zezu 'dleku -wɛ "ku "meŋwinɛlenya 'nasɛ.

Wlomɛnya 9:23

-Mɔ -wawɛ, 'ɔ -tua -see 'ɔ -kɛ 'nyɛzedle 'ylime. 'Ɔ 'yɔbhɔ nɛ -gbɔ 'wa yibhlele- 'ɔnɛɛ 'ŋlu "yitɛ, 'ɔ -jijaloa 'wli "kle -se 'wa "kɛ "ɛ 'ŋlu -wɛ yle.

1 Kolɛtenya 1:30

"Naa-, 'ɔ gbɔ -lɔ "ne Klise Zezu "bhaa -a yi -lɔ "ku 'kole-, "ne Klise yi -lɔ -anyɛɛ dɛku 'ylimeyamaleɛ -ɛ 'bhale Lagɔ "me -wɛ "zo. "Ne 'ɔyi "me, Lagɔ yi -lɔ -anye "meŋwinɛlenya "zoa-, "ne -a yi -lɔ 'wlewle ko, "ne 'ɔ yi -lɔ -anye 'nyinyonoli 'na 'galu 'yli -sɛ.

2 Kolɛtenya 8:9

"Naa-, 'a -yi Anyinɛnyɔ Zezu Kli 'na -jɔlo. 'Ɔyi, -klɔgbɔnyɔ, 'ɔ "zoa- 'ɔyi 'poɛnyɔ 'anyɛɛ za, -se 'ɔnɛɛ 'poɛ -wɛ "me, 'a "kɛ -klɔgbɔnya "zo.

Efɛzenya 1:14

"Ɛ Zuzu Wlewle ne -noɔ -lɔ -li -ye Lagɔ "kɛ -anye kɔ 'je -wɛ 'na tɛtɛnɔ yɔ. -A 'yi 'ce slu -zle -a -kɛ 'ce "nyɛnye "me 'bha gou. Zaa, -a 'dile Lagɔ lo keyi -se -a 'kwɔ 'ŋlu.

Efɛzenya 1:18

'Ɔ vulu 'anyɛɛ 'dle "ku -se 'a "kɛ 'ɔnɛɛ zle 'ylime 'ye. 'Ɛ kɛ -soɔ -ko, 'a yi 'ce 'dletɛleɛ -ye 'ɔ 'je 'anye kɔ -sɔɔdɛku, 'ɔ la 'anye -wɛ yibhlele-. 'A yi 'ce -klɔgbɔ-li 'na "namanɔ -ye 'ɔ -sɛ lɔbhɔ -wa -noɔ 'ɔnoa 'waa -wɛ za yibhlele-.

Efɛzenya 1:6

Zaa, 'a -ya 'dile Lagɔ lo keyi, 'ɔnɛɛ -jɔlo "yitɛ -ye 'ɔ 'nyɛ- -anye 'ɔnɛɛ -wawayu "me -wɛ za.

Efɛzenya 1:8

'Diɛɛ, Lagɔ 'yiɛle- -anye 'ɔnɛɛ "nɛne "ku. 'Ɔ 'nyɛ- -anye "nanoɛ "ne 'ylimeyamaleɛ 'klekle.

Efɛzenya 2:4

-Mɔ, Lagɔ 'na "nyɛzedlekɛleɛ tlo- "me, "ne 'ɔ -kɛ -anyɛɛ za 'ŋwɛnɛ "yitɛ "me.

Efɛzenya 2:7

Sɔbhɔ "ku, 'ye 'ɔ -tua -lɔ -anye 'ɔnɛɛ "nɛnekoɛ 'ylime Klise Zezu "me, Lagɔ 'yɔbhɔ -gbɔ 'ɔ "kɛ -anye 'ɔnɛɛ "nɛnekoɛ -ɛ "ne wɔkɔle -bɛɛ' -kɛ -wɛ 'ylime -tua -godogodo 'na dɛ.

Efɛzenya 3:16

'E bhubhɔ -se 'ɔ "kɛ 'anye 'kwɛme 'tamalea. 'Ɔnɛɛ Zuzu za, 'ɔnɛɛ 'ŋlumeɛ 'kpɔ kpɛnyee zɛ. 'Ɛ -kɛ sɔbhɔ -ko ne, 'a yi 'ce 'kwɛmetamale -klecɛnya "zo,

Efɛzenya 3:8

-Ame Pɔle, 'mɔɔ -noɔ -lɔ 'klecɛnya 'klekle 'na 'glɛme 'na yu yɔ. -Mɔ 'ɛ -ko "ɛ -soɔ "ne 'e -yle lɛ -jɔlo ne: 'E "kɛ -wa "ne zufonya 'waa -wɛ Klise 'na -klɔgbɔ -ɛ "ne "nenidɛ -kɛ -wɛ 'na 'de -sɛle.

Filiponya 4:19

'Neɛ Lagɔ yi 'anye -li 'klekle -ye 'a 'yɔbhɔ -wɛ kɔ 'je, Anyinɛnyɔ 'ŋlumenyɔ Zezu Kli 'na 'tɔ "me, "naa-, -Klɔgbɔnyɔ "yitɔ yɔ -lɔ, 'ɔnɛɛ -klɔgbɔ "ne nɛnidɛ -kɛ.

Kolɔsenya 1:14

"Ɛ yu ne "me, -anyɛɛ 'galu diɔ-, -anyɛɛ 'nyinyonoli 'na 'gbo "taleɔ- 'yi.

Kolɔsenya 1:27

'Ɔ 'yɔbhɔ nɛ -gbɔ 'ɔ "koa -ɛ 'nunadleku ne 'na "kpɔmalesɛ, "ne -klɔgbɔpɔsɛ 'sloa-. "Ɛ -ɛ 'nunadleku ne 'nyakpa 'klekle -nɛ yɛ -lɔ, 'ɛɛ ne lɛ: Klise -ko 'anye -jijɛku "ne 'ɔyi "me, 'a -kɛ 'dleku -gbɔ 'a yi Lagɔ 'na 'ŋlumeɛ 'na dɛ "ye.

Kolɔsenya 2:13

'Anye, 'a "ku- 'awɔ 'anyɛɛ 'nyinyonoli 'na gbo "me, "ne 'a "ne 'awɔ 'lelee "ku diɔ- zɛ. -Mɔ, 'ɛ -ko sɔbhɔ "ne Lagɔ 'nyɛ- 'anye zikpɛ Klise "me, "ne 'ɔ 'tale- -anye 'klekle 'na 'nyinyonoli 'na gbo 'yi,

Kolɔsenya 2:2

'E 'yɔbhɔ -gbɔ 'wa "tamale 'dleku, -se 'wa -kole "ku 'ŋwɛnɛsɛ, -se 'wanɛɛ "nanoɛ 'kpɔmale-, -se 'wa "kɛ Lagɔ 'na -ɛ zizɔ- "ku -wɛ yibhlele-, Klise -noɔ -lɔ -ɛ zizɔ- "ku -wɛ yɔ,

1 Timote 2:6

Lagɔ 'na 'yli -ye 'ɔ di- -wɛ ylɛ lɛ ne, 'ɔ -ple 'ɔnɛɛ zikpɛ, -se 'ɔ "kɛ 'nyakpa 'klekle 'na 'nyinyonoli 'na gbo fle. Klise 'na 'desɛweli "tɛnye 'na -ye Lagɔ -sɛ lɔbhɔ "me -wɛ -lɔ.

Tite 2:14

'Ɔ -ple 'ɔnɛɛ zikpɛ -anyɛɛ za, -se -anyɛɛ 'nyinyonoli 'na gbo "kɛ bhiɛ. 'Ɔ 'yɔbhɔ nɛ -gbɔ 'ɔ "kɛ nɛ -anye -zakpɛ -bholo "me 'wlewle "zoa-. 'Nyakpa -wa "kɛ 'ɔnoa "zo- -wɛ, -wa -ko lɔbhɔ -godogodo -se -wa "kɛ -li 'na -li no.

Tite 3:6

Lagɔ -ŋwɛnea -anye "ɛ Zuzu Wlewle ne "ku, -anyɛɛ 'Fuɔnyɔ Zezu Kli "me.

Eblenya 9:22

-Lɔ "me 'na dɛku, 'ɛyi 'klekle, dlu -wɛ zoɛ- -lɔ 'wlele. -Mɔ, dlu "mɔ 'siɛ 'mɛneɔ- ne, 'nyinyonoli "ne "ku 'titliɔ-.

1 Piɛle 2:24

Klowa "klo, 'ɔnɛɛ ku "me 'ɔ 'libhi- 'ɔyigɛsɛ -anyɛɛ 'nyinyonoli "ku. 'Ɛza, -a "kɛ -lɔ 'nyinyonoli 'na nonoku 'nyɔkɔ-. "Ne -a "kɛ -lɔ zikpɛ 'na -ɛ 'nɛne Lagɔ -gɛ -wɛ "ku -ko. "Naa-, 'ɔnɛɛ 'gbapegbapeɛ "me 'ye -a -yamale -lɔ zɛ.

1 Piɛle 3:18

"Naa-, Klise 'ɔyigɛsɛ "ku- "ku -bholo, 'nyakpa 'na 'nyinyonoli za. 'Ɔyi, -ɔ "ne 'nyinyonoli -no -wɛ "ku- -wa -no "nyɛnye -wɛ 'na 'ylime, -se 'ɔ "kɛ 'anye Lagɔ 'na -gwe "ku 'sibha-. Klise, 'wa 'lɔbhɔ- "ne 'ɔ "ku-, "ne Zuzu Wlewle yu -lɔ golia-.

1 Zaa 2:12

'Na yua 'nye, "bɔgo ne 'ye 'e "pɔ 'anye "ku ne "me, 'e bhulɛle 'anye nɛɛ: «Lagɔ 'tale 'anyɛɛ 'nyinyonoli 'yi Zezu 'na 'tɔ "me.»

1 Zaa 2:2

'Ɔyi, 'ɔ -sɛ lɔbhɔ 'ɔyi bɔbɔli "ku, -see Lagɔ "kɛ -anyɛɛ 'nyinyonoli 'na 'gbo 'yi 'tale-. -Anyɛɛ 'nyinyonoli 'ɛyikɔ 'ye 'ɛ "ne -kɛ -noɔ, -mɔ, -glɔnya 'klekle 'na 'nyinyonoli 'ye Lagɔ 'tale me -lɔ 'yi.

1 Zaa 4:10

Zaa, -waleɛ -se 'ɛ sɛ bhɔ zɔ 'a? -Anye "ne Lagɔ -wamale-, 'ɔyi, 'ɔ -wamale- -lɔ -anye. 'Ɔ -wamale- -anye kpɛnyee za 'ɔ -nɛme -lɔ -anye 'ɔ Yowli. 'Ɔyi, 'ɔ 'bhale- 'ɔnɛɛ zikpɛ "me -anyɛɛ za, 'ɛnɛɛ za Lagɔ 'tale -lɔ -anyɛɛ 'nyinyonoli 'na gbo 'yi.

'Ylikloylɛleweli 14:4

'Wayi, 'wa "ne 'wayi 'fe -pla 'ŋwenea "bhaa, "naa- 'wa ŋwɛne- "klo, 'wa -gɛlele 'bhlɛbhlɛyu -mee 'ɔ me 'klekle -wɛ. "Naa-, 'wa -jetua 'nyakpa 'glɛme -se 'wa "kɛ 'glogloli 'na tɛtɛnɛ -ye 'wa 'nyɛ Lagɔ "ne 'bhlɛbhlɛyu -wɛ "zo.

'Ylikloylɛleweli 5:9

'Wa 'di nɛ lo lele nɛɛ: -E -kɛ "bɔgo -wɛ 'na "ku libhisɛ, "ne 'ɛnɛɛ 'gwaledɛ 'na 'vulusɛ. "Naa-, 'wa 'lɔbhɔ- -eyi "ne -e "ku-. -Neɛ' dlu "me -e 'jeti- 'nyakpa. Gbɔgbɔgbo 'klekle, 'nyakpa 'klekle, -glɔ 'klekle, "ne 'dodo ne "ku 'na konya 'klekle, -e 'joa- Lagɔ kɔ.