Efɛzenya 1:6 - Nouveau Testament bété de Gagnoa

⁶ Zaa, 'a -ya 'dile Lagɔ lo keyi, 'ɔnɛɛ -jɔlo "yitɛ -ye 'ɔ 'nyɛ- -anye 'ɔnɛɛ -wawayu "me -wɛ za.

Efɛzenya 1:6 Iomraidhean Croise

Matie 17:5

-Mɔ, 'ɔ -le bhulɛ dɛku, "ne "nɔgɔjatlɛ yua -lɔ 'wli mlɔa-, "ne "ɛ "nɔgɔjatlɛ -wɛ "me weli yi -lɔ "bhle 'bhale-, 'ɛ nɛɛ: «-Ɔne 'neɛ -wawayu -ye 'e -sɛ lɔbhɔ 'ŋwɛnɛ -sɛku yɔ -lɔ, 'a 'fo 'yukwli!»

Matie 20:9

"Ne -wa 'ci 'gle 'umgbu "me "ku -wɛ yi -lɔ 'nyiɔ-, "ne 'wa yi -lɔ -ɔkɔkokɔko 'na 'tamayɛ kɔ 'je.

Matie 3:17

"Ne weli yi -lɔ "nɔgɔ "me 'bhale- nɛɛ: «-Ɔne 'neɛ -wawayu yɔ -lɔ, 'ɔyi 'ye 'e -sɛ -lɔ 'ŋwɛnɛsɛ "ku lɔbhɔ.»

Luke 2:14

Lagɔ me "nɔgɔ "me 'ŋlu -se dodo ne "ku 'na konya -ye 'ɔ -wa -wɛ 'wa yle "kuwɛtɛ.

Zezu Kli 'na 'Denaade ‑ye Zaa kɛle‑ ne lɛ 10:17

To -wa -ame "naa- 'e 'bhale 'neɛ zikpɛ "me, "ne 'e 'yi 'ce "kusɔ ylele-.

Zezu Kli 'na 'Denaade ‑ye Zaa kɛle‑ ne lɛ 3:35

To -wa Yu "ne 'ɔ yu -lɔ -li 'klekle kɔ 'je.

Wlomɛnya 8:1

-Dɛmeda, -wa -nyɛ Zezu Kli "bhaa 'wa -kole "ku -wɛ, 'wa -koa -da gbo lua-.

2 Kolɛtenya 4:15

'Anyɛɛ za, -a 'ŋunu -lɔ -li 'klekle 'na gbo "ku. Lagɔ kɛ 'nyakpa -kwleyia 'na 'nyɛzedle 'pɔ -godogodo ne, 'wa "kɛ 'ɔnɛɛ "nɛnekoɛ yibhlele-, 'wa "kɔ bhɛle, -se 'wa "kɔ 'ŋlu kwa 'yiɛ.

2 Kolɛtenya 5:21

Klise "ne 'awɔ 'nyinyonoli 'wlime -kɛ, "ne Lagɔ yu -lɔ -anyɛɛ 'nyinyonoli 'na gbo 'wlime 'gbli-. Zaa, -dɛme'nadɛne "ku, Klise "me, Lagɔ "zoa- -anye "meŋwinɛlenya.

Efɛzenya 1:12

Zaa, -a 'dile Lagɔ lo keyi -se -a 'kwɔ 'ŋlu. -Anye -wa "zo- 'tɛtɛnya 'wa "tɛle- Klise 'dle -wɛ!

Efɛzenya 1:14

"Ɛ Zuzu Wlewle ne -noɔ -lɔ -li -ye Lagɔ "kɛ -anye kɔ 'je -wɛ 'na tɛtɛnɔ yɔ. -A 'yi 'ce slu -zle -a -kɛ 'ce "nyɛnye "me 'bha gou. Zaa, -a 'dile Lagɔ lo keyi -se -a 'kwɔ 'ŋlu.

Efɛzenya 1:18

'Ɔ vulu 'anyɛɛ 'dle "ku -se 'a "kɛ 'ɔnɛɛ zle 'ylime 'ye. 'Ɛ kɛ -soɔ -ko, 'a yi 'ce 'dletɛleɛ -ye 'ɔ 'je 'anye kɔ -sɔɔdɛku, 'ɔ la 'anye -wɛ yibhlele-. 'A yi 'ce -klɔgbɔ-li 'na "namanɔ -ye 'ɔ -sɛ lɔbhɔ -wa -noɔ 'ɔnoa 'waa -wɛ za yibhlele-.

Efɛzenya 2:7

Sɔbhɔ "ku, 'ye 'ɔ -tua -lɔ -anye 'ɔnɛɛ "nɛnekoɛ 'ylime Klise Zezu "me, Lagɔ 'yɔbhɔ -gbɔ 'ɔ "kɛ -anye 'ɔnɛɛ "nɛnekoɛ -ɛ "ne wɔkɔle -bɛɛ' -kɛ -wɛ 'ylime -tua -godogodo 'na dɛ.

Filiponya 1:11

"Ɛ Zezu Kli yi 'anye kwɛle-, "ne 'anyɛɛ nonoli yi "me ŋwinɛle-, lɔbhɔ 'na dɛku, 'nyakpa yi Lagɔ 'ŋlu kwa, "ne 'wa yu bhlegbi "me "zo.

Filiponya 3:9

'E 'yɔbhɔ nɛ -gbɔ 'ɔyi "bhaa -a "kɛ "ku -kole gou, -mɔ 'ɛ "ne -kɛ 'neɛ 'bhɛloɛ "me yɛ, "ne 'ɛ "ne -kɛ 'lelee gbagbɛ 'na "kɔkɛleɛ "me yɛ, -mɔ, Zezu Kli 'na 'dlekukɛleɛ "me. "Meŋwinɛleɛ -ye Lagɔ 'je lɛ 'ɔnɛɛ -wa -kɔ 'dleku -wɛ kɔ "me.

Filiponya 4:19

'Neɛ Lagɔ yi 'anye -li 'klekle -ye 'a 'yɔbhɔ -wɛ kɔ 'je, Anyinɛnyɔ 'ŋlumenyɔ Zezu Kli 'na 'tɔ "me, "naa-, -Klɔgbɔnyɔ "yitɔ yɔ -lɔ, 'ɔnɛɛ -klɔgbɔ "ne nɛnidɛ -kɛ.

Kolɔsenya 1:13

'Ɔ -sɛ -anye titiɛ "me, "ne 'ɔ yi -lɔ -anye 'ɔnɛɛ -wawayu 'na 'Kamalezikpɛ "me 'ylalea-.

1 Piɛle 2:5

Zaa, 'a 'nyiɔ -mo yɔko. -See 'anye 'lelee, -yɛyɛ -tiyi 'nasɛ, 'a "kɛ Zuzu Wlewle 'na -bhudu sɔbhɔ. -Se 'a "kɛ bɔbɔnya 'wlewle 'na -gligbɛ -duku 'jilɛ, -nyɔ 'na bɔbɔli 'ye Lagɔ 'sa- kɔ Zezu Kli za -wɛ.

1 Piɛle 2:9

-Mɔ, 'anye, 'anye -noɔ -lɔ 'ɔnɛɛ 'nyakpa -ye 'ɔ -tɔ 'waa, 'anye -noɔ -lɔ -klɔgbɔnyɔ 'na bɔbɔnya 'na -gligbɛ 'waa. 'Anye -noɔ -lɔ 'nyakpa 'wlewle 'waa. 'Anye -noɔ -lɔ 'nyakpa 'ye Lagɔ -tɔ 'waa, -se 'a "kɛ -li 'na "yitɛ -ye 'ɔ no -wɛ 'na 'de -sɛ. 'Ɛza, 'ɔ la- -lɔ 'anye -gbɔ 'a 'bha- titiɛ "me, -se 'a "kɛ 'ɔnɛɛ zle -namanɔ "ku yi.

1 Piɛle 4:11

-Ɔ bhulɛ -wɛ, 'ɔ bhulɛle- Lagɔ 'na 'tɔ "me. -Ɔ lɔbhɔ -wɛ, 'ɔ lɔbhɔle- Lagɔ 'na 'kwɛme-tamaleɛ -ye 'ɔ 'nyɔ -wɛ "me. -Se Zezu Kli "me Lagɔ "kɛ 'ŋlu me -li 'klekle "me. 'Ɔ 'bhe- -lɔ 'ŋlumeɛ, "ne 'bhɛloɛ -godogodo 'na dɛ! Amɛn.