Efɛzenya 1:5 - Nouveau Testament bété de Gagnoa

⁵ "Ne -godogodo 'ce, 'ɔ 'yɔbhɔ -gbɔ -a "kɛ 'ɔnɛɛ yua "zo Zezu Kli "me. 'Ɔnɛɛ "nɛnekoɛ "me 'ye 'ɔ 'yɔbhɔle- -lɔ.

Efɛzenya 1:5 Iomraidhean Croise

Matie 1:25

-Mɔ, Mali "bhaa 'wa "ne "ku -kole -kaa "ne 'ɔ yi -lɔ widiyu gwɛle- "ne Zozɛfo yu -lɔ Zezu ziɛle-.

Matie 11:26

To Lagɔ -see -e 'yɔbhɔ -neɛ' 'nɛne -ko -ylime -wɛ sɔbhɔ 'ye 'ɛ -ylɛle -lɔ.

Luke 10:21

"Ɛ -gbabhele -wɛ "me, Zuzu Wlewle 'labha- Zezu 'ŋwɛnɛ, 'ɔ nɛɛ: «'To Lagɔ, "nɔgɔ -nyɛ dodo "bhaa 'na "Bhenyɔ, 'e 'kwa -eyi 'ŋlu, -ye -e zizile- 'ylimeyamalenya "ne "bɔgoyibhlelenya "bhaa 'ylime -wɛ, 'ɛyi 'ye -e -tuɔ -lɔ -wa "ne -bɛɛ' "me -ko -wɛ 'ylime. To Lagɔ -see -e 'yɔbhɔ -neɛ' 'nɛne -ko -ylime -wɛ sɔbhɔ 'ye 'ɛ -ylɛle -lɔ.»

Luke 11:32

Gbobhlezle kɛ 'ce -ylɛ, Ninive 'na 'nyakpa yi 'ce "ku -sɔ, 'wa -nyɛ -zakpɛ ne "bhaa, "ne 'wa yua gbo lua-. "Naa-, Ninive 'na 'nyakpa 'bheliɔ- 'awɔ kɔ, Zonase 'na bhulɛweli kɔ. "Ɛ -dɛne -ɔ -zi Zonase "ku -ko lɔbhɔ.

Luke 12:32

Nyanɔ te 'anye 'lɔbhɔ, -zakpɛ 'tekeyi lɛ, "naa-, 'a To 'je- 'anye 'Kamalezikpɛ kɔ zɛ.»

Zezu Kli 'na 'Denaade ‑ye Zaa kɛle‑ ne lɛ 1:12

-Mɔ, 'wanɛɛ 'glɛme 'na -bedia sɛ- kɔ "ne 'wa -kɛle 'dleku. 'Wayi -wɛ ne, 'ɛ 'nyoa- 'bhɛloɛ -se 'wa "kɛ Lagɔ 'na yua "zo.

Zezu Kli 'na 'Denaade ‑ye Zaa kɛle‑ ne lɛ 11:52

"Ne 'ɛ "ne 'lelee Zufonya 'wayikɔ za yɛ, -mɔ, 'ɔ "kɛ -glɔnya 'wli "zo -se 'wa "kɛ -bholo yle-, 'wayi "ne Lagɔ 'na yua -wa -ŋwɛne -glɔ 'klekle keyi -wɛ.

Zezu Kli 'na 'Denaade ‑ye Zaa kɛle‑ ne lɛ 20:17

"Ne Zezu yu -lɔ bhulɛle- nɛɛ: «Te -kɛ -ame kɔ 'sa! "Naa-, 'e -namlɛ -a "To lo "gblɛle "nɔgɔ "me, -mɔ, -eyi, me -ame "nowlia 'wɔ bhulɛle- -ka -gbɔ 'e me -ame To yle -ka, -ɔ -noɔ -me lɛ 'a To yɔ ne, 'neɛ Lagɔ, -ɔ -noɔ -me lɛ -anyɛɛ Lagɔ yɔ ne.»

Nonoli 13:48

"Ɛ weli -wɛ kɔ 'ye 'ŋwɛnɛ 'lɔbhɔ nɛ -lɔ -wa "ne Lagɔ -yi -wɛ, "ne 'wa 'kwa 'awɔ -lɔ Anyinɛnyɔ 'na weli 'ŋlu "ne -ye Lagɔ -sɛ lɔbhɔ zikpɛ 'na -ɛ -ka "kubhiɛ za -wɛ yi -lɔ 'dlekukɛlenya "zo.

Wlomɛnya 8:23

-Mɔ, 'ɛ "ne -kɛ 'ɛyikɔ yɛ, -anye 'lelee, -a 'kpli me -kɛ 'dlezɔ, -mɔ -a -wo -se -a "kɛ -kɛ -diɛnadiɛ 'na Lagɔ 'na yua "zo, -se -a "kɛ kɔ yele- gou. "Ne, -a -yele nɛ -kɛ Zuzu Wlewle "kle, sɛgbɛɛ tɛtɛ -jɔlo -nyɔ za Lagɔ -ple weli -wɛ.

1 Kolɛtenya 1:1

-Ame, Pɔle, -ɔ "zo- Zezu Kli 'na "kɔlepɔnyɔ -see Lagɔ 'yɛbhɛ -wɛ, 'e -nyɛ -a "nɔwli Sɔsetɛne "bhaa,

1 Kolɛtenya 1:21

"Naa-, zikpɛ ne "ku 'na 'nyakpa -nyɛ 'wanɛɛ 'ylimeyamaleɛ "bhaa "ne Lagɔ 'na 'ylimeyamaleɛ yibhlele-. 'Ɛza, Lagɔ -ylɛle -lɔ 'Denaade -ye 'wa la "kukwɛ -wɛ "me -se 'ɔ "kɛ -wa -kɛ 'dleku -wɛ 'fuɔ.

2 Kolɛtenya 6:18

Anyinɛnyɔ -ɔ 'bhɛle- lɛ -li 'klekle bhulɛ lɛ sɛne: "Mɔ "kɛ -lɔ 'a 'to "zo, "ne 'anye, 'a "kɛ -lɔ 'neɛ 'widiayua -nyɛ 'ŋuyua "bhaa "zo.

Galatenya 3:26

"Naa-, Lagɔ 'na yua 'ye 'a -noɔ -lɔ 'klekle, 'a -kɛ Zezu Kli 'dleku zɛ.

Efɛzenya 1:11

"Ne Klise "me, Lagɔ 'nyɛ- -anyɛɛ 'popoɛ 'na dɛ. "Ne 'ɔ -sɛ -lɔ -anye lɔbhɔ "kle 'ɔnɛɛ -ye 'ɔ 'yɔbhɔ nɛ -gbɔ 'ɔ "kɛ no -wɛ za. 'Ɔ 'ŋunu- "ku -gbɔ 'ɔ yi no "ne 'ɔ 'yɛbhɛ.

Efɛzenya 1:9

'Ɔ -tua -anye -ye 'ɔ "kɛ nɛ no "ne 'ɛ -ko -diɛɛ "me -wɛ 'ylime. 'Ɔnɛɛ "nɛnekoɛ "me, 'ɔ -sɛ nɛ lɔbhɔ "kle -ye 'ɔ no -gbɔ 'ɔ "kɛ no -wɛ Klise za.

Filiponya 2:13

"Naa-, Lagɔ gbɔ "ne 'a no -li 'na -ɛ 'nɛno 'gɛ -wɛ.

Kolɔsenya 1:19

'Diɛɛ, Lagɔ 'glile- -ɔ Yowli "me gou, -se 'ɔ 'yɛbhɛ yɛ -lɔ.

2 Tesalonikenya 1:11

'Ɛnɛɛ 'ylime, -a bhubhɔ -lɔ 'anyɛɛ za 'yiɛ "ne -a "ne diɔle- -lɔ, -ye -a 'yɔbhɔle -anyɛɛ Lagɔ ne lɛ: Lagɔ gbɔ -se -a 'sa 'ɔnɛɛ 'laweli kɔ -wɛ, 'a "kɛ sɔbhɔ 'ayi slu-. -Se 'ɔ kwɛle- 'anye -ɔnɛɛ' 'bhɛloɛ "me. -Se "nɛne 'na -ye 'a no -gbɔ 'a kɛ no -wɛ, 'a 'cɛ no, 'anyɛɛ Lagɔ 'na 'dlekukɛleɛ gbɔ -se 'a "kɛ -li 'na -li no.

Eblenya 2:4

Lagɔ 'nabhɛ -tua -see 'wanɛɛ bhulɛweli -noɔ 'diɛɛ yɛ: 'Nyeanyeali, nonoli -ɛ sɛ geji "ku "ne zɛzɛ 'na -ye 'nyɔkpɔ -ka no -wɛ, "ne 'ɔ yua -lɔ Zuzu Wlewle 'na 'bhɛloɛ 'dlialea- -se 'ɔ 'yɔbhɔ -wɛ.

1 Zaa 3:1

'Na yua 'nye, 'a -gɛ 'yli -see Lagɔ -wa -anye kpɛnyee. 'Ɛnɛɛ za 'ɔ la -lɔ -anye 'ɔnɛɛ yua, "ne -diɛɛ, 'ɔnɛɛ yua 'ye -a -noɔ -lɔ. -Ɛwɛza zikpɛ ne "ku 'na 'nyakpa "ne -lɔ -anye -yi, "naa-, 'wa "ne Lagɔ -yi zɛ.

'Ylikloylɛleweli 21:7

'Wlikutonyɔ yi 'ce "ɛ 'gugbɛ ne yle -me, "ne 'e yi 'ce 'ɔnɛɛ Lagɔ "zo, "ne 'ɔ yi 'ce 'neɛ yu "zo