Efɛzenya 1:4 - Nouveau Testament bété de Gagnoa

⁴ -Sɔɔdɛku zikpɛ -namlɛ 'wlɔ- -wɛ, Lagɔ -tɔ -anye Zezu Kli "me, -se -a "kɛ 'wlewle ko, -se 'ɔyi 'yliku, -a te -kɛ 'nuɔsɔbhɔledɛ kɛle-, -se -a "kɛ 'ɔnɛɛ -waleɛ "me ko.

Efɛzenya 1:4 Iomraidhean Croise

Matie 24:22

Lagɔ "mɔ nɛ -kɛ "ɛ 'yli -wɛ "ku -sɛ ne, 'nyɔkpɔ -cɛ nɛ nu "po! -Mɔ, 'nyakpa -ye Lagɔ 'ɔyigɛsɛ -sɛ lɔbhɔ -wɛ za, 'ɔ -sɛ -lɔ "ɛ 'yli -wɛ "ku -dudu.

Matie 24:24

"Naa-, 'nyakpa yi 'wayi Ŋwlɛŋwlɛnya la, "ne "guɔkwɔmenya -gbeyia yi yi, "ne 'wa yi zɛzɛ "yitɛ "pɔ. "Ɛ zɛzɛ yi 'kpɔmale- kpɛnyee 'na 'ylime 'ɛnɛɛ 'bhɛloɛ 'ɛ yi nɛ -kɛ 'nyakpa -ye Lagɔ -sɛ lɔbhɔ 'nabhɛ -wɛ 'kwlɛ bhlia-.

Matie 24:31

-Jɔgwe "yitɛ yi 'ce 'gbɔ "ne 'Nyɔkpɔ Yowli "kɛ -lɔ 'ɔnɛɛ "nɔgɔzilia -nɛme, -se 'wa "kɛ 'ɔnɛɛ -ye 'ɔ -sɛ lɔbhɔ dodo ne "ku -dawli -mɔɔnɔ -wɛ dɛbhele 'wli "zole, 'wa 'bhale kɔpɛ "ku, lili -kwlɛ "ku, 'yuku "ne 'beme.»

Matie 25:34

"Ne -klɔgbɔnyɔ "kɛ 'ce -lɔ -wa -ko lilikwlɛ "ku -wɛ bhulɛle- nɛɛ: 'Anye -ye -a To Lagɔ 'pɔ- 'ŋu -wɛ, 'a yi, 'e 'je 'anye 'Kamalezikpɛ -ye Lagɔ 'jijalea- 'wli zikpɛ 'na "kucidɛku 'anyɛɛ za -wɛ kɔ.

Zezu Kli 'na 'Denaade ‑ye Zaa kɛle‑ ne lɛ 10:16

'E -kɛ wlia 'na vinoa -wa "ne "ɛ -pi ne "me -ko -me -wɛ. 'Wayi -wɛ 'e yua 'lelee slu- -me, "ne 'wa yi 'neɛ weli 'yukwli fo. Lɔbhɔ 'na dɛku, wlia 'na -zakpɛ yi 'ce -bholo yle, "ne 'wanɛɛ 'yukugɛlenyɔ "kɛ 'ce 'lelee -lɔ -bholo -kpee yle.

Zezu Kli 'na 'Denaade ‑ye Zaa kɛle‑ ne lɛ 15:16

'Anye "ne -ame -tɔ, -mɔ -ame 'mɔɔ -tɔ -lɔ 'anye. 'E -lebhe 'anye -se 'a "kɛ bhi tlo, bhi 'na "namanɔ. Lɔbhɔ 'na dɛku, -li 'klekle -ye 'a "kɛ -ame To zlɛ- 'neɛ 'tɔ "me -wɛ, 'ɔ 'yi 'anye kɔ 'je.

Zezu Kli 'na 'Denaade ‑ye Zaa kɛle‑ ne lɛ 17:24

To, 'e 'yɔbhɔ -gbɔ -dee 'e -ko -wɛ, 'nyakpa 'na -ye -e 'je- -ame kɔ -wɛ 'wɔ "bhaa -a "kɛ lɔbhɔ 'gɔme -kole. -Se 'wa "kɛ -neɛ' 'ŋlu -ye -e 'je- -ame kɔ -wɛ 'ylime 'ye. "Naa-, -e -na nɛ -mlɛ zikpɛ 'wlɛ-, "ne -e -wamale 'awɔ lɛ -ce -ame.

Nonoli 13:48

"Ɛ weli -wɛ kɔ 'ye 'ŋwɛnɛ 'lɔbhɔ nɛ -lɔ -wa "ne Lagɔ -yi -wɛ, "ne 'wa 'kwa 'awɔ -lɔ Anyinɛnyɔ 'na weli 'ŋlu "ne -ye Lagɔ -sɛ lɔbhɔ zikpɛ 'na -ɛ -ka "kubhiɛ za -wɛ yi -lɔ 'dlekukɛlenya "zo.

Nonoli 15:18

'Ɔ -gbɔ "ne 'wa -yibhlele "ɛ -li -wɛ. -Sɔbhɔ 'ye -ɛ -ko 'ce -lɔ -godogodo.»

Nonoli 18:10

-Ame, 'e -ko -eyi keyi, 'nyɔkpɔ "ne 'bhɛle "ne 'ɔ "kɛ yi kɔ 'sa, "ne 'ɔ "kɛ -eyi 'nyɛze -ziɛ, sɛko -wɛ 'ɛ 'du ne "me 'na 'nyakpa -wa 'yɔbhɔ -ame -wɛ 'zu kpɛnyee.»

Wlomɛnya 8:33

-Ɔ "kɛ bhɔ -ye Lagɔ -tɔ -wɛ 'wɔ gbo 'lua-? 'Nyɔkpɔ "ne 'bhɛle! "Naa-, Lagɔ "zoa- "meŋwinɛlenya.

1 Kolɛtenya 1:8

'Ɔɔ "kɛ -lɔ 'anye 'kwɛme "tamalea- -kaa "ne 'ɛnɛɛ 'wlisɛledɛ "kɛ -lɔ ylɛ. -Se Anyinɛnyɔ Zezu Kli 'na yizle, 'nyɔkpɔ 'te "kɛ 'anye 'nuɔ sɔbhɔ.

Galatenya 5:13

-Nyɔsɔwanye, 'wa la- 'anye -gbɔ 'a "kɛ kɔ 'yele. -Mɔ, 'ɛ 'kɔyeleɛ -wɛ te -kɛ -gbɔ -se 'a te -kɛ 'ayi -se 'a 'pɔ "nyɛnye "ku 'dle -slu! -Ye 'a "kɛ no ne lɛ, 'a lɔbhɔlɔbhɔle- "ku -waleɛ "me.

Galatenya 5:22

-Mɔ, Zuzu Wlewle 'na -ye 'ɔ 'nyɛ ne lɛ: -Waleɛ, 'ŋwɛnɛ, "kuwɔteɛ, 'dlebhlepiɛ, "nɛnekoɛ, "kulɔbhɔɛ, -alua 'na 'dlekukɛleɛ,

Galatenya 5:6

'Nyɔkpɔ -nyɛ Klise Zezu "bhaa 'wa "kɛ "ku -kole ne, 'ɔ 'diɔ- "ku 'oo, 'ɔ "ne "ku 'diɔ- 'oo, 'ɛ "ne -bɛɛ' "me -ko! -Mɔ, 'ɛnɛɛ 'ɛ zi lɛ "ku -noɔ -lɔ -gbɔ -a 'tua -anyɛɛ 'dlekukɛleɛ 'na -se -a -wɔ -wɛ 'ylime.

Efɛzenya 2:10

'Diɛɛ, Lagɔ -no -lɔ -anye, 'ɔ 'wlɛ- -lɔ -anye, Klise Zezu "me, -se -a "kɛ -kɛ -li 'na -li no, -li 'na -li -ye 'ɔ -sɛ 'awɔ lɔbhɔ "kle -wɛ no.

Efɛzenya 3:17

Klise 'ko 'anye 'dlezɔ 'dlekukɛleɛ "me! 'E 'yɔbhɔ -gbɔ 'a mi -kpulu -se 'a kɛlekɛlele kɔ -se 'anyɛɛ -waleɛ "tamale- "me.

Efɛzenya 4:2

'A 'kwliale- 'ayi "ku, 'a wɔtɔ- 'dle, -se -a 'piɛ "bhle 'dle, 'a -sluslule 'ŋwɛnɛsɛ.

Efɛzenya 5:2

'A -kɛle 'ŋwɛnɛ "me, Klise 'nasɛ: 'Ɔ -wamale -anye, "ne -ɔ 'bhale- 'ɔnɛɛ zikpɛ "me 'anyɛɛ za, sɛgbɛɛ 'nyɛnyɛ -bɛɛ' "ne bɔbɔle -bɛɛ' -ɛnɛɛ 'ŋoni -le lɛ Lagɔ 'ŋwɛnɛ "ku ne.

Efɛzenya 5:27

'Ɔ 'yɔbhɔ -gbɔ 'ɔnɛɛ Lagɔgligbɛ 'ɛ me 'ŋlu 'ɔyi 'yliku, 'ɛ te 'fe -kɛle, -se 'ɛ te 'nyoɔ-, 'ɛ 'te slowli kɛle-. 'Ɔ 'yɔbhɔ -gbɔ 'ɛ ko 'wlewle -se 'ɛ te 'nuɔsɔbhɔledɛ kɛle- gou.

Filiponya 2:15

'Ɛɛ "kɛ -lɔ gbɔ "ne 'a -ka -lɔ 'nuɔsɔbhɔledɛ kɛle-, "ne 'a "kɛ -lɔ Lagɔ 'na yua -wa -ko lɛ -kpee "zo, dodo ne "ku 'na 'nyakpa -gbeyia 'glɛme. 'Wayi 'glɛme ne, 'a -ko sɛgbɛɛ "nɔgɔ "me 'na -zeli -ɛ le.

Kolɔsenya 1:22

-Mɔ, -dɛmeda, Lagɔ "bhaa 'a seliɔ- 'gbo 'ɔ Yowli 'na 'kwiɛ "me, -ɔ 'gbape- 'nyɔkpɔ sɛku -wɛ. Lɔbhɔ 'na dɛku, 'a yi Lagɔ 'yliku -ko 'wlewle, 'wlele, "ne 'a -ka 'nuɔsɔbhɔledɛ kɛle-.

Kolɔsenya 2:2

'E 'yɔbhɔ -gbɔ 'wa "tamale 'dleku, -se 'wa -kole "ku 'ŋwɛnɛsɛ, -se 'wanɛɛ "nanoɛ 'kpɔmale-, -se 'wa "kɛ Lagɔ 'na -ɛ zizɔ- "ku -wɛ yibhlele-, Klise -noɔ -lɔ -ɛ zizɔ- "ku -wɛ yɔ,

Kolɔsenya 3:12

Lagɔ -tɔ 'anye, 'ɔ 'yɔbhɔ -gbɔ 'a "zo 'ɔnoa, "ne 'ɔ -wa 'anye. Zaa, 'a 'piɛ "bhle 'dle -se 'a 'kɛle- 'nyɛze 'dle, -se 'dlezɔ ko 'anye foo, 'ɛ "zo -zigbadle, -bɔŋodle.

1 Tesalonikenya 3:12

Anyinɛnyɔ 'kpɔmalea- 'ŋwɛnɛ -ye 'a -kɛ 'alua za, "ne 'nyakpa 'klekle za "me -wɛ "ku 'yiɛ! "Ɛ -waleɛ -wɛ 'ɛ 'wlole- -kɛ -see -anye -a -wa 'anye -wɛ!

1 Tesalonikenya 4:7

"Naa-, Lagɔ "ne 'se -anye la- -gbɔ -a "kɛ -ayi 'fe 'pla-, -mɔ, 'ɔ 'yɔbhɔ -gbɔ -a ko 'wlewle.

2 Timote 1:9

Lagɔ 'fuɔ- -anye, "ne 'ɔ yi -lɔ -anye la- -se -a "kɛ 'ɔnoa "zo. -Anyɛɛ -ye -a no -wɛ za 'ɛ "ne -kɛ -noɔ, -mɔ, 'ɔyigɛsɛ 'yɛbhɛ -lɔ -gbɔ 'ɛ ko sɔbhɔ. Fu 'ye 'ɔ 'je- -lɔ -anye kɔ Zezu Kli "me, -sɔɔdɛku 'wa -na zikpɛ 'wlɛ- -wɛ.

2 Timote 2:10

-Ɛwɛza, 'e 'sa -lɔ 'ɛyi 'klekle kɔ -ye Lagɔ -sɛ lɔbhɔ -wɛ za, -se 'wayi, 'wa "kɛ -kɛ 'po Zezu Kli "me, -se 'wa "kɛ -kɛ 'lelee 'ŋlu "mɔme -godogodo 'na -ɛ "ne lɛ 'nɛnidɛ -kɛ ne.

2 Timote 2:19

Lagɔ 'na 'jijɛgblɛ -ye 'ɔ sibhi- -yɛ gbligbli. 'Ɛnɛɛ "ku 'na weli -ye 'wa kɛle- ne lɛ: «Anyinɛnyɔ -yi -wa -noɔ 'ɔnoa 'waa.» "Ne 'lelee «-ɔ kɛ no -gbɔ Anyinɛnyɔ -nɔ 'ye 'ɔ -noɔ ne, 'ɔ 'ylile- "nyɛnye "guɔ.»

Zake 2:5

'A 'fo 'yukwli, -awale 'wanye, Lagɔ "ne bhɔ -glɔnya 'yliku "ɛ 'nyɛzenya -wɛ lɔbhɔ -sɛ 'a? 'Ɔ 'yɔbhɔ -gbɔ 'ɔ "koa -klɔgbɔnya "zoa- 'dlekukɛleɛ "me, -se 'wa "kɛ Lagɔ 'na 'Kamalezikpɛ -ye 'ɔ -sɛ lɔbhɔ -wa -kɛ 'ɔnɛɛ 'ŋwɛnɛ "me -wɛ za yle.

1 Piɛle 1:2

To Lagɔ -tɔ 'anye "kle -see 'ɔ no -gbɔ 'ɛ -ko yɛ -lɔ. 'Ɔ "zoa- 'anye 'ɔnɛɛ -gligbɛnya 'wlewle 'ɔnɛɛ Zuzu Wlewle "me, -se 'a "kɛ Zezu Kli 'plome "zo, -se 'ɔnɛɛ 'dlu -ɛ slu- 'siɛ -wɛ 'a "kɛ -kɛ "me ko -me. Lagɔ 'pɔ 'anye 'ŋu, -se 'ɔ "nyɛ 'anye "kuwɛtɛ 'na -ɛ zi "ku -wɛ.

1 Piɛle 1:20

Lagɔ -namlɛ zikpɛ 'wlɛ "ne 'ɔ yu -lɔ -tɔ, "ne 'anyɛɛ 'nɛne 'na 'ylime, 'ɔ yu -la -lɔ -dɛme 'nyakpa sloa-, bebhiɛle "tɛnye ne "me.

1 Piɛle 2:9

-Mɔ, 'anye, 'anye -noɔ -lɔ 'ɔnɛɛ 'nyakpa -ye 'ɔ -tɔ 'waa, 'anye -noɔ -lɔ -klɔgbɔnyɔ 'na bɔbɔnya 'na -gligbɛ 'waa. 'Anye -noɔ -lɔ 'nyakpa 'wlewle 'waa. 'Anye -noɔ -lɔ 'nyakpa 'ye Lagɔ -tɔ 'waa, -se 'a "kɛ -li 'na "yitɛ -ye 'ɔ no -wɛ 'na 'de -sɛ. 'Ɛza, 'ɔ la- -lɔ 'anye -gbɔ 'a 'bha- titiɛ "me, -se 'a "kɛ 'ɔnɛɛ zle -namanɔ "ku yi.

2 Piɛle 3:14

-Ɛwɛza, 'dle -glɛ 'titoa nye, -dee 'a -wo -mlɛ "ɛ 'yli -wɛ, 'a 'gwele- kɔ -se 'a "kɛ 'wlele ko, -se 'a te -kɛ 'nuɔsɔbhɔledɛ kɛle- Lagɔ 'yliku, "kuwɛtɛ "me.

1 Zaa 4:16

"Ne -anye, -a -yibhlele Lagɔ 'na -waleɛ -ye 'ɔ -kɛ -anyɛɛ za "me -wɛ, "ne -a -kɛle 'ɛ -waleɛ -wɛ 'dleku. Lagɔ -waleɛ yɔ -lɔ. -Waleɛ kɛ 'nyɔkpɔ "me -ko ne, 'ɔ -ko Lagɔ "me "ne Lagɔ -ko "me.

'Ylikloylɛleweli 13:8

Dodo ne "ku 'na 'nyakpa 'klekle yu 'ce "zo, -mɔ nyɔ 'wɔ 'na 'tɔ kɛleɔ- zikpɛbɔgo "me -see zikpɛ "mɔ 'awɔ 'wlo "ne "bhle -ko -me. "Ɛ "bɔgo ne, 'bhlɛbhlɛyu -ye 'wa 'lɔbhɔ- bɔbɔ -za "ne 'ɔ yi "ku -wɛ 'bhe- -lɔ.

'Ylikloylɛleweli 17:8

"Ɛ nɛmɛ -ye 'e 'ye- 'ylime -wɛ -le 'awɔ, -mɔ, 'ɔ "ne -la -le, 'ɔ yi "kuduku 'bha "ne 'ɔ yi -dee 'ɔ "kɛ "kubhiɛle- -wɛ me. "Ne dodo ne "ku 'na konya -nyɔ 'wanɛɛ 'tɔ "ne zikpɛbɔgo ne "me kɛleɔ- "kucidɛku -wɛ, 'wa kɛ "ɛ nɛmɛ -wɛ 'ylime 'ye-, 'ɛ yua geji "ku -sɛ, "naa-, 'ɔ -le 'awɔ, -mɔ, 'ɔ "ne -la -le, 'ɔ yi 'ce "kusɔ yi.