Efɛzenya 1:21 - Nouveau Testament bété de Gagnoa

²¹ "Cifia 'na 'kamaleɛ 'klekle, "ne 'bhɛloɛ 'klekle, 'kwɛmetamaleɛ 'klekle, 'kamalenya "yitia 'klekle, -soɔ 'ye Klise gblua- -lɔ 'wlime. 'Ɔ 'gbli- -ɛ -le "kle -wɛ 'kwlɛ 'wlime, 'ɛ "ne -kɛ -zeka 'na zikpɛ ne 'ɛyikɔ yɛ, -mɔ, zikpɛ 'na -ɛ "kɛ 'lelee yi -wɛ -ko -me -kɛ 'bhle.

Efɛzenya 1:21 Iomraidhean Croise

Matie 12:32

"Ne 'nyɔkpɔ kɛ 'Nyɔkpɔ Yowli 'na welinyɛnye -bhulɛ, 'ɛnɛɛ gbo yi 'ce 'yi 'taleɔ-. -Mɔ, Zuzu Wlewle 'ye 'ɔ kɛ 'dii ziɛ- ne, 'ɔnɛɛ 'nyinyonoli -ka 'ce "ku 'titliɔ- -zeka "ne 'zegbɛ.

Nonoli 4:12

"Ne Piɛle yi -lɔ "kusɔ bhulɛle- nɛɛ: 'Ɔyi -bholo -kpee -noɔ -lɔ 'fuɔnyɔ yɔ. "Naa-, -glɔ ne 'klekle zɔ, Lagɔ "ne -la 'nyɔkpɔ 'na -vinɔ -ɔ "kɛ 'nyakpa 'fuɔ -wɛ lɔbhɔ -sɛ.»

Efɛzenya 2:2

'A -ko 'awɔ 'nyinyonoli "me -sɔɔdɛku 'a -gɛlele 'awɔ dodo ne "ku 'na kosɛ -wɛ. 'A "zo 'awɔ zuzu -nyɛnyea 'na "cifi -ɔ -ko dodo -nyɛ "nɔgɔ "bhaa 'na -jijɛku -wɛ 'plome. "Ɛ "cifi -wɛ, Sata, 'ɔɔ -ko -lɔ -dɛme 'na 'nyakpa -wa "ne "zo Lagɔ 'plome -wɛ 'na zikpɛ "me.

Efɛzenya 3:10

Zaa -Dɛmeda, Lagɔgligbɛ za, "nɔgɔ "me 'na "cifia "ne -wa -kɛ 'bhɛloɛ -wɛ yi Lagɔ 'na "nanoɛ yibhlele-. "Ɛ "nanoɛ -wɛ -see Lagɔ -sloɛ -wɛ -zu kpɛnyee.

Efɛzenya 6:12

'Bhɔ, 'nyakpa "bhaa "ne -a -gba "kɛ -kɛ 'gwe. -Mɔ, zuzu -nyɛnyea 'na 'bhɛloɛ -ɛ -ŋnɛ kpɛnyee -wɛ "bhaa yɛ -lɔ. -Wa -kɛ 'bhɛloɛ "ne 'wa 'kamalea "ne -wa -su 'sabo -titiɛ "me zikpɛ -wɛ 'waa -lɔ, zuzu -nyɛnyea -wa -ko "nɔgɔ -nyɛ dodo "bhaa 'na gbanyede -wɛ "bhaa "ne -a 'gwe -lɔ.

Kolɔsenya 2:10

"Ne 'anye Klise 'na zikpɛ 'ye 'a -ko -lɔ "me gou. 'Ɔyi -ɔɔ -noɔ -kamaleɛ "ne 'bhɛloɛ 'klekle 'na "cifi yɔ -wɛ.

Kolɔsenya 2:15

Lagɔ -sɛ zuzu -wɛ 'wɔ 'na 'bhɛloɛ -nyɛ 'wanɛɛ -kamaleɛ "bhaa kɔ. "Ne 'ɔ yua -lɔ -glɔnya 'ylime -tua sɛgbɛɛ -jiɛnya. 'Ɔ Yowli 'na gluzɔ -wlo "tɛnye -wɛ "me.

Eblenya 1:4

"Ɛ Yu -zi "nɔgɔzilia "ku. "Naa-, Lagɔ -ziɛlo 'tɔ -ɛ 'kpɔ "ne 'ɛ -zi 'wanɛɛ 'tɔ "ku.

Eblenya 2:5

Zikpɛ -ɛ "kɛ yi 'na weli 'ye -a bhulɛ -lɔ. "Nɔgɔzilia 'ye Lagɔ "ne -kɛ "ɛ zikpɛ ne 'na sluslueɛ kɔ 'je-.

Eblenya 4:14

-A -kɛ bɔbɔnyɔ "yitɔ, -ɔ zi "ne -ɔ -ylɛ Lagɔ yɔko: Zezu yɔ -lɔ, Lagɔ Yowli. Zaa, -anyɛɛ 'dlekukɛleɛ -a kɛle kɔ -se 'ɛ "tamale- -kɛ "me kpɛnyee.

1 Piɛle 3:22

'Ɔ 'gblɛ- "nɔgɔ "me, 'ɔ 'gli- Lagɔ 'na lilikwlɛ -gbɔsɔ "ku. -Dɛmeda, 'ɔ -kɛ 'bhɛloɛ "ne 'ɔ zi "nɔgɔzilia 'klekle -nyɛ zuzu 'klekle -wa 'kamalea "ne -wa -kɛ 'bhɛloɛ -wɛ "bhaa "ku.