Efɛzenya 1:20 - Nouveau Testament bété de Gagnoa

²⁰ Lagɔ -tua 'ylime Klise "me, -sɔɔdɛku 'ɔ 'wloɔ- gluzɔ -wɛ, "ne 'ɔ 'jilɔ- "nɔgɔ "me 'ɔnɛɛ lilikwlɛ -gbɔsɔ "ku.

Efɛzenya 1:20 Iomraidhean Croise

Matie 26:64

Zezu nɛɛ: «-Mɔɔ 'gbɔ -kɛ -lɔ sɔbhɔ. -Mɔ, 'e bhulɛle -dɛme 'anye nɛɛ: 'A yi 'Nyɔkpɔ Yowli 'ylime 'ye, 'ɔ 'gli- Lagɔ -ɔ 'bhɛle- -li 'klekle 'na lilikwlɛ -gbɔsɔ "ku. 'Ɔ yi 'ce "nɔgɔjatlɛ "me 'kwlile-.»

Matie 28:18

Zezu 'nyua- yɔko, 'ɔ nɛɛ: «'E -yle 'bhɛloɛ 'klekle "nɔgɔ "me "ne dodo ne "ku.

Malke 14:62

Zezu nɛɛ: «-Ɛɛ, 'ɔyi 'ye 'e -noɔ. "Ne, 'a yi 'ce -zlewɛ 'Nyɔkpɔ Yowli 'ylime 'ye 'ɔ 'gli- Lagɔ -ɔ 'bhɛle- -li 'klekle 'na lilikwlɛ -gbɔsɔ "ku. 'Ɔ yi "nɔgɔjatlɛ "me 'kwlile-.»

Malke 16:19

Anyinɛnyɔ Zezu "kɛ bhulɛ "bhuɔ ne, 'ɔ 'gblɛ- "nɔgɔ "me. 'Ɔ 'gli- "bhle Lagɔ yɔko, lilikwlɛ -gbɔsɔ "ku.

Zezu Kli 'na 'Denaade ‑ye Zaa kɛle‑ ne lɛ 10:18

'Nyɔkpɔ "ne -ame 'neɛ -zikpɛ kɔ -sɛ. -Mɔ "mɔ 'bhale- -lɔ -ayigɛsɛ "me. "Naa-, 'e -kɛ 'bhɛloɛ -se 'e 'cɛ "me 'bhale-, "ne 'e -kɛ 'bhɛloɛ -se 'e 'cɛ "kusɔ "kulibhile. -Ame To 'na -ye 'ɔ no -gbɔ 'e no yɛ -lɔ.»

Zezu Kli 'na 'Denaade ‑ye Zaa kɛle‑ ne lɛ 10:30

-Ame -nyɛ -ame To "bhaa, -bholo 'ye -a -yle -lɔ.»

Nonoli 10:40

-Mɔ, Lagɔ 'wloɔ- gluzɔ 'yli ta -zle "me, "ne 'ɔ yu -lɔ bhulɛle- -gbɔ 'ɔ 'tua- 'ɔyi -glɔnya 'ylime.

Nonoli 26:8

'Anye zufonya, sɔɔbɛɛza 'a "ne bhɔ 'dleku -kɛ -gbɔ Lagɔ yi -glukonya 'golia 'a?

Nonoli 4:10

Zaa, 'anye 'klekle -wa 'gli- dɛne, "ne -anye Izlayɛleyua, 'a yibhlele- sɛ -gbɔ Nazalɛte 'na yu Zezu Kli -ye 'a -kole klowa "klo, "ne Lagɔ yu gluzɔ 'wloa- -wɛ, 'ɔnɛɛ 'tɔ "me za "ɛ 'nyɔkpɔ ne -yamale -lɔ, "ne 'ɔ 'nyegbe- lɛ -zeka -dɛne 'anye 'yliku.

Nonoli 5:31

"Ne 'ɔ yu -lɔ 'ɔyi lilikwlɛ -gbɔsɔ "ku -jilɛ. "Ne 'ɔ yu -lɔ Kamalenyɔ "ne 'Fuɔnyɔ "zoa-. -Se Izlayɛleyua "kɛ kɔ 'bheliɔ-, -se Lagɔ "kɛ 'wanɛɛ 'nyinyonoli 'na gbo 'yi 'tale-.

Wlomɛnya 1:4

Zuzu Wlewle "me, Lagɔ 'jilɛ- 'ɔnɛɛ 'bhɛloɛ 'ɔ Yowli "me. -Sɔɔdɛku, 'ɔ -sɔ -glukonya 'glɛme -wɛ. Anyinɛnyɔ Zezu Kli yɔ -lɔ.

Wlomɛnya 8:34

-Ɔ "koa bhɔ gbo 'lua-? 'Nyɔkpɔ "ne 'bhɛle! "Naa-, Zezu Kli "ku- "ne 'ɔ 'wlo- 'lelee gluzɔ, 'ɔ -ko Lagɔ 'na lilikwlɛ -gbɔsɔ "ku, "ne 'ɔ bhubhɔ -anyɛɛ za.

Efɛzenya 1:3

-A 'kwa Lagɔ 'ŋlu Anyinɛnyɔ Zezu Kli 'ɔ To! 'Ɔ 'pɔ- -anye 'ŋu "ne 'ɔ 'nyɛ- -anye Zuzu Wlewle 'na 'ŋupɛɛ 'klekle, "nɔgɔ "me Klise "me.

Filiponya 3:10

-Bɛɛ' 'na -ye 'e 'yɔbhɔ -wɛ -yle -bholo -kpee: 'E "kɛ Zezu Kli yibhlele- 'tee, "ne 'bhɛloɛ -ɛ -gbɔ "ne 'ɔ yi gluzɔ 'wlo -wɛ. -See Klise 'ye- 'kle -wɛ, 'e yi sɔbhɔ 'na "kle 'ye -gbo 'ŋunu -me. "Naa-, 'e 'yɔbhɔ -gbɔ 'e "kɛ 'ɔnɛɛ sɛ "ku me.

Kolɔsenya 1:16

"Naa-, 'ɔyi "me 'ye Lagɔ 'wlɛle- -lɔ -li 'klekle, "nɔgɔ "me, "ne Dodo ne "ku, -li 'na -ɛ -gɔ 'yli, "ne -ɛ "ne 'yli -gɔ -wɛ, -wa 'tɛ- 'kwɛme, "ne zuzu -wa 'kamalea, "ne -wa -kɛ 'bhɛloɛ -wɛ. -Ɔ 'wlɛ- -lɔ 'klekle, "ne 'ɔ 'bhe- -lɔ.

Kolɔsenya 3:1

Klise "bhaa 'wa -goliale -lɔ 'anye -glukonya 'glɛme, 'a -yi sɛ. Zaa, 'a tɛle- "nɔgɔ "me 'na -li 'siɛ, -dee Klise -ko, "ne 'ɔ 'gli- Lagɔ 'na lilikwlɛ -gbɔsɔ "ku -wɛ.

Eblenya 1:3

Lagɔ 'na 'ŋlu lelo "ku. "Ɛ yu ne -noɔ -lɔ -diɛnadiɛ -ye Lagɔ -noɔ yɔ, "ne 'ɔnɛɛ bhulɛweli 'na 'bhɛloɛ -su -lɔ zikpɛ. 'Ɔ bhudua- lɛ 'nyakpa 'wanɛɛ 'nyinyonoli za "bhuɔ ne, "ne ɔ yi -lɔ "nɔgɔ "me Lagɔ -ɔ -kɛ 'bhɛloɛ 'na lilikwlɛ -gbɔsɔ "me 'gli.

Eblenya 10:12

-Mɔ Klise 'ɔyi, 'ɔ -sɛ bɔbɔli -bholo -anyɛɛ 'nyinyonoli za "bhuɔ ne, 'ɔ yi -lɔ Lagɔ 'na lilikwlɛ -gbɔsɔ "ku 'gli -godogodo 'na dɛ.

Eblenya 13:20

Lagɔ 'nyɛ -lɔ -anye "kuwɛtɛɛ. 'Ɔ -sɛ -lɔ Anyinɛnyɔ Zezu, -ɔ -noɔ wliagɛlenyɔ "yitɔ yɔ -wɛ -glukonya 'glɛme. 'Ɔnɛɛ dlu -ye 'ɔ slu- siɛ -wɛ -gbɔ -lɔ "ne -a yi -lɔ 'mɛnenoɛ -ɛ -ka "kubhiɛ -wɛ yle.

Eblenya 2:9

-Mɔ, -anye -ye -a -gɛ -me bhɔ 'lelee 'yli 'a? Zezu kwlilea- 'ɔyi "ku "tɛnye 'tekeyi 'na dɛ "nɔgɔzilia 'yliku. -Mɔ, -dɛmeda, 'ɔ me 'ŋlu "ne 'ɔ 'pɔ -klɔbgɔ. Sɔɔbɛɛza bhɔ? Sɛko -wɛ, 'ɔ 'gbape-, "ne 'ɔ "ku-. "Ne Lagɔ 'na 'nɛne -ko -ylime, Zezu "ku- 'nyakpa 'klekle za.

1 Piɛle 1:3

-A 'dile Lagɔ lo keyi, Anyinɛnyɔ Zezu Kli 'ɔ To! 'Ɔnɛɛ "nɛnekoɛ "yitɛ "me, 'ɔ -gwɛlele -anye "kusɔ, Zezu Kli 'na -gluzɔwloɛ "me. 'Ɛneɛɛ za -a -kɛ 'dletɛleɛ 'na -ɛ -ka lɛ "kubhiɛ ne,

'Ylikloylɛleweli 1:17

'E kɔ 'ylime 'ye ne, 'ɔyi 'yli "ku 'ye 'e -bhli -lɔ sɛgbɛɛ "ku- 'ye 'e "ku-. 'Ɔ 'piɛ- -ame lilikwlɛsɔ "ku, "ne 'ɔ yi -lɔ no nɛɛ: Te 'se "gu! 'Mɔɔ -noɔ -lɔ tɛtɛnyɔ, "ne bebhiɛlenyɔ yɔ,