Efɛzenya 1:18 - Nouveau Testament bété de Gagnoa

¹⁸ 'Ɔ vulu 'anyɛɛ 'dle "ku -se 'a "kɛ 'ɔnɛɛ zle 'ylime 'ye. 'Ɛ kɛ -soɔ -ko, 'a yi 'ce 'dletɛleɛ -ye 'ɔ 'je 'anye kɔ -sɔɔdɛku, 'ɔ la 'anye -wɛ yibhlele-. 'A yi 'ce -klɔgbɔ-li 'na "namanɔ -ye 'ɔ -sɛ lɔbhɔ -wa -noɔ 'ɔnoa 'waa -wɛ za yibhlele-.

Efɛzenya 1:18 Iomraidhean Croise

Matie 13:15

"Naa-, "ɛ 'nyakpa -wɛ 'gba- 'wanɛɛ 'yukwli "ku -se 'wa te -kɛ gbo 'no, 'wa 'gba- 'wanɛɛ 'yli "ku -se 'wa te -kɛ siɛ 'ye, sɛko -wɛ, 'wa "ne 'yɔbhɔ -gbɔ 'wa kɛ kɔ 'bheliɔ- -se 'e "koa yamalea-!

Malke 10:17

-Sɔɔdɛku Zezu -sɔ "ku -gbɔ 'ɔ "kɛ me -wɛ, 'nyɔkpɔ -bholo -guɔ "ne 'ɔ yi -lɔ Zezu 'dle "me 'sibhɔ, "ne 'ɔ yu -lɔ -kokomini 'dle "me 'pɔle. 'Ɔ nɛɛ: «Sloanyɔ "namanɔ -ye 'e "kɛ bhɔ no "ne 'e "kɛ bhɔ zikpɛ 'na -ɛ -ka "kubhiɛ -wɛ yle 'a?»

Luke 24:45

'Wa 'cɛ "me 'no za 'ɔ yi -lɔ 'wanɛɛ 'wugɔŋo "ku vulu-.

Nonoli 16:14

'Wanɛɛ 'glɛme 'na -bholo 'pa- 'awɔ Lidi, lokwi 'na "namanɔ -zɛle -ɛ 'tɛ- 'kpɛ "ku -wɛ 'ye 'ɔ 'pɔ 'awɔ -lɔ 'pɔlo "ku. Tiatile -du "ku 'na 'ŋuyu yɔ 'awɔ -lɔ "ne 'ɔ lɔbhɔ 'awɔ -lɔ Lagɔ "ku "plomezoɛ "me. "Ɛ 'ŋɔnɔ -wɛ -fo 'awɔ -anye 'yukwli, "naa-, Anyinɛnyɔ -vulu 'awɔ 'ɔnɛɛ 'dle "ku -se 'ɔ "kɛ 'awɔ -kɛ Pɔle 'na -ye 'ɔ bhulɛ 'awɔ -wɛ "me 'no.

Nonoli 26:18

-Se -e "kɛ 'wanɛɛ 'yli "ku -vulu, -se 'wa "kɛ titiɛ "me 'bha, 'se 'wa "kɛ zle "ku 'sibhɔ. -Se 'wa te -kɛ -la Sata 'na 'bhɛloɛ "me ko, -se 'wa "kɛ Lagɔ lo 'yli. -Wa -kɛ -ame 'dleku -wɛ, 'wanɛɛ 'nyinyonoli 'na gbo yi "ku 'titliɔ-. "Ne 'wa yi Lagɔ 'na "gugbɛ 'na 'cibhɛ yle -me, -wa -kɛ -ame 'dleku -wɛ 'nasɛ.

Wlomɛnya 11:29

"Naa-, Lagɔ "ne libhile 'ɔnɛɛ -jɔlo -ye 'ɔ 'je kɔ -wɛ "kusɔ "ku, "ne 'ɔ "ne 'pɔ -ye 'ɔ la- -wɛ 'kwlɛ "me.

Wlomɛnya 2:4

Lagɔ -ko 'nɛne kpɛnyee, "ne 'ɔ 'piɛ "bhle 'dle kpɛnyee, "ne 'ɔ -yi wosɛ. 'Ɛ "ne no bhɔ -eyi -bɛɛ'? -E "ne bhɔ sɛ -yi -gbɔ Lagɔ 'na "nɛnekoɛ yi 'gbɔ "ne -neɛ' zikpɛ yi kɔ 'bheliɔ-?

2 Kolɛtenya 4:4

"ne -wa "ne Lagɔ 'na weli 'dleku -kɛ, Sata, dodo ne "ku 'na lagɔ gba- 'wanɛɛ "nɛnoɛ "ku. 'Ɛza, 'wa "ne zle -ɛ -ko 'Denaade "me, "ne 'ɛ -noɔ Klise 'na 'ŋlu 'na -ylo yɛ -wɛ 'yli -gɛ. 'Ɔyi, -ɔ -noɔ Lagɔ 'na 'wlole yɔ -wɛ.

2 Kolɛtenya 4:6

Lagɔ nɛɛ: Zle le titiɛ 'jijɛku. 'Ɔyi -bhele -wɛ -le -lɔ -anye 'dlezɔ. 'Ɔ "kɛ gbɔ -se -a "kɛ Lagɔ 'na 'ŋlu -ɛ le Klise 'na "klo -wɛ yibhlele-.

Galatenya 5:5

-Anye -wa -kɛ Lagɔ 'dleku -wɛ, -a -kɛle 'dleku -gbɔ, Lagɔ yi 'ce -anye "me ŋwinɛlenya "zoa-, Zuzu Wlewle -gbɔ -lɔ "ne -a -wo -lɔ, "ne -a 'piɛ- -lɔ "bhle 'dle, "ne -a "tɛlo- -lɔ 'dle.

Efɛzenya 1:11

"Ne Klise "me, Lagɔ 'nyɛ- -anyɛɛ 'popoɛ 'na dɛ. "Ne 'ɔ -sɛ -lɔ -anye lɔbhɔ "kle 'ɔnɛɛ -ye 'ɔ 'yɔbhɔ nɛ -gbɔ 'ɔ "kɛ no -wɛ za. 'Ɔ 'ŋunu- "ku -gbɔ 'ɔ yi no "ne 'ɔ 'yɛbhɛ.

Efɛzenya 1:7

Klise "me, 'ɔnɛɛ 'dlu -ɛ -slu 'siɛ -wɛ "me, "nyɛnye 'bha- -anye 'wlime "ne -anyɛɛ 'nyinyonoli 'na gbo "taleɔ- 'yi, Lagɔ 'na "nɛnekoɛ 'kpɔ kpɛnyee 'na 'ylime!

Efɛzenya 2:12

'A yibhlele- -kɛ 'sɛ -gbɔ 'ɛ "tɛnye -wɛ "me, 'a 'tlole- 'awɔ -kɛ Klise dɛ, "ne 'a -noɔ 'awɔ -lɔ 'lowlinya 'waa, 'a "ne nɛ Izlayɛleyua 'glɛme -ko; "ne Lagɔ 'na 'mɛnenoɛ -nyɛ 'ɔnɛɛ weli -ye 'ɔ ple -wɛ, 'ɛ "ne nɛ 'anye -nɛ yɛ, 'a -ko nɛ "ɛ dodo ne "ku -wɛ 'a "ne nɛ -bɛɛ' 'dle tɛle- "ne 'a "ne nɛ Lagɔ -yi.

Efɛzenya 3:16

'E bhubhɔ -se 'ɔ "kɛ 'anye 'kwɛme 'tamalea. 'Ɔnɛɛ Zuzu za, 'ɔnɛɛ 'ŋlumeɛ 'kpɔ kpɛnyee zɛ. 'Ɛ -kɛ sɔbhɔ -ko ne, 'a yi 'ce 'kwɛmetamale -klecɛnya "zo,

Efɛzenya 3:8

-Ame Pɔle, 'mɔɔ -noɔ -lɔ 'klecɛnya 'klekle 'na 'glɛme 'na yu yɔ. -Mɔ 'ɛ -ko "ɛ -soɔ "ne 'e -yle lɛ -jɔlo ne: 'E "kɛ -wa "ne zufonya 'waa -wɛ Klise 'na -klɔgbɔ -ɛ "ne "nenidɛ -kɛ -wɛ 'na 'de -sɛle.

Efɛzenya 4:1

-Ye 'e 'yɔbhɔle 'anye lo "ne 'e piɛle "ku ne lɛ, -ame 'mɔɔ -ko -jiɛ "me Anyinɛnyɔ za -wɛ: Anyinɛnyɔ 'na 'laweli -ye 'a 'no- "me -wɛ, 'a 'nɔŋo "ku.

Efɛzenya 4:4

Ku -yle -bholo -kpee, "ne Zuzu Wlewle -yle -bholo -kpee. Lagɔ la- -me 'lelee 'anye 'dletɛleɛ -bholo -kpee "ku.

Efɛzenya 5:8

'Diɛɛ, -watɔ 'na dɛku, 'a -ko 'awɔ titiɛ "me, -mɔ, -dɛmeda, Anyinɛnyɔ "bhaa "ne 'a -kole -lɔ "ku, zaa, zle "ku 'ye 'a -ko -lɔ, 'a 'slu 'ayi zle "ku 'na yua 'nasɛ.

Filiponya 3:14

'E guɔ -se 'e "kɛ -ye 'wa 'piɛ- -wɛ yle, -se 'e "kɛ -ye Lagɔ lale -anye "ku "nɔgɔ "me, Zezu Kli 'na 'tɔ "me -wɛ yle.

Kolɔsenya 1:12

'a bhɛle To: 'Ɔɔ -gbɔ -lɔ "ne 'a yi -lɔ -li 'na -ye 'ɔ -sɛ lɔbhɔ 'wlewle 'wanɛɛ "ku, 'ɔnɛɛ 'kamale zikpɛ "me 'na zle "ku -wɛ yle.

Kolɔsenya 1:23

-Mɔ, 'a "tamale- "me 'dlekukɛleɛ "me. 'A te 'se 'Denaade 'guɔ 'ylile-: 'Ɛyi -ye -a "tɛle- -lɔ 'dle. 'Wa -sɛle -wa -ko dodo ne "ku 'klekle -wɛ 'de, 'a 'no -me "me, "ne -ame Pɔle, 'e yi -lɔ "ɛ 'Denaade ne 'na "kulɔbhɔnyɔ "zo.

Kolɔsenya 1:27

'Ɔ 'yɔbhɔ nɛ -gbɔ 'ɔ "koa -ɛ 'nunadleku ne 'na "kpɔmalesɛ, "ne -klɔgbɔpɔsɛ 'sloa-. "Ɛ -ɛ 'nunadleku ne 'nyakpa 'klekle -nɛ yɛ -lɔ, 'ɛɛ ne lɛ: Klise -ko 'anye -jijɛku "ne 'ɔyi "me, 'a -kɛ 'dleku -gbɔ 'a yi Lagɔ 'na 'ŋlumeɛ 'na dɛ "ye.

Kolɔsenya 1:5

"Naa-, 'a "tɛle -ye Lagɔ -sɛ lɔbhɔ 'anyɛɛ za "nɔgɔ "me -wɛ 'dle. -Ye 'Denaade -ɛ -noɔ gbɛklɛklɛ -weli yɛ -ylɛ 'anyɛɛ -moɔ -wɛ, 'ɛɛ -gbɔ -lɔ "ne 'a yi -lɔ "ɛ 'dletɛleɛ ne yibhlele-.

Kolɔsenya 2:2

'E 'yɔbhɔ -gbɔ 'wa "tamale 'dleku, -se 'wa -kole "ku 'ŋwɛnɛsɛ, -se 'wanɛɛ "nanoɛ 'kpɔmale-, -se 'wa "kɛ Lagɔ 'na -ɛ zizɔ- "ku -wɛ yibhlele-, Klise -noɔ -lɔ -ɛ zizɔ- "ku -wɛ yɔ,

Kolɔsenya 3:15

Klise 'na "kuwɛtɛ ko 'anye 'dlezɔ! "Kuwɔtɛ -wɛ za Lagɔ la- -lɔ 'anye, -se 'a "kɛ "ku- -bholo "zo. 'A 'bhɛle- Lagɔ -godogodo.

1 Tesalonikenya 2:12

'Ɛza, -a "zo- -lɔ 'anye 'de "me, "ne -a "tamalea- -lɔ 'anye 'kwɛme. "Ne -a yi -lɔ 'anye kɔ 'titli- -gbɔ 'a ko -see Lagɔ 'yɔbhɔ -wɛ, 'ɔyi 'ɔɔ la- -lɔ 'anye -gbɔ 'a "kɛ 'ɔnɛɛ 'Kamalezikpɛ "me plɛ, -se 'a "kɛ 'ɔnɛɛ 'ŋlumeɛ 'na 'didi "me ko -me.

1 Tesalonikenya 5:8

Zaa, -anye -wa -noɔ zle "ku -noɔ 'waa -wɛ, -a 'slu- -ayi 'tee, -se 'dlekukɛleɛ -nyɛ 'ŋwɛnɛmekɛleɛ "bhaa "zo -anyɛɛ "meplakoti, -se -a 'gbli 'dletɛleɛ 'na dagbulɛ 'wlime, -se -a "kɛ -kɛ 'po me.

2 Tesalonikenya 1:11

'Ɛnɛɛ 'ylime, -a bhubhɔ -lɔ 'anyɛɛ za 'yiɛ "ne -a "ne diɔle- -lɔ, -ye -a 'yɔbhɔle -anyɛɛ Lagɔ ne lɛ: Lagɔ gbɔ -se -a 'sa 'ɔnɛɛ 'laweli kɔ -wɛ, 'a "kɛ sɔbhɔ 'ayi slu-. -Se 'ɔ kwɛle- 'anye -ɔnɛɛ' 'bhɛloɛ "me. -Se "nɛne 'na -ye 'a no -gbɔ 'a kɛ no -wɛ, 'a 'cɛ no, 'anyɛɛ Lagɔ 'na 'dlekukɛleɛ gbɔ -se 'a "kɛ -li 'na -li no.

2 Tesalonikenya 2:16

-Se Anyinɛnyɔ Zezu Kli, 'ɔyigɛsɛ "ne -a To Lagɔ, -ɔ -wa -anye, -ɔ 'nyɛ- -anye -jɔlo, 'ylime siɛ- 'na -ɛ -ka lɛ "kubhiɛ -nyɛ 'dletɛleɛ "namanɔ "bhaa.

1 Timote 6:12

To 'na- -to 'ye -e 'na 'gwe -kɛ, Lagɔ 'na 'dleku 'kɛle- -to 'ye -e -na 'gwe -kɛ, -se Lagɔ "bhaa 'a "kɛ "ku kole- -godogodo 'na dɛ. -Ɛwɛza Lagɔ la- -lɔ -eyi -tiaa. 'Nyakpa -gbagboa 'yliku, -e 'ŋunu -gbɔ -e -kɛ Lagɔ 'dleku.

Tite 2:13

'A -ya no "ɛ -li -wɛ 'wɔ -kaa -se zle "namanɔ -ye -a tɛle- 'dle -wɛ "kɛ 'ce yi. "Ɛ -zle -wɛ, Lagɔ "yitɔ, "ne "Bhenyɔ Zezu Kli 'wa "kɛ 'ce -lɔ 'wayi -klɔgbɔsɛ 'nyakpa 'ylime 'tua.

Tite 3:7

-Se 'ɔnɛɛ -jɔlo -wɛ "kɛ -anye "meŋwinɛlenya "zoa- Lagɔ 'yliku, -se 'dlekukɛleɛ "me, -a "kɛ zikpɛ -ɛ -ka "kubhiɛ -wɛ yle -me.

Eblenya 10:32

'Anyɛɛ 'dle 'sibhɔ- -watɔ 'na -ɛ 'ple -wɛ "ku. -Sɔɔdɛku, 'anyɛɛ 'yli -vuluɔ "ku "ne 'a 'no- Lagɔ 'na weli "me -wɛ, 'a "tamale- "me "yitɛ "ku, 'a 'gbape- 'kpenyee, -mɔ, 'a 'gwele- 'ayi kɔ.

Eblenya 6:4

-A wolo 'nyakpa -wa -bhlile "kusɔ 'wanɛɛ zikpɛ -gɔgɔ "me -wɛ "ku: Lagɔ 'na zle -leloa "ku. 'Wa 'ye- "nɔgɔ "me 'na -jɔlo nu "ne 'wa -yle Zuzu Wlewle.

1 Piɛle 1:3

-A 'dile Lagɔ lo keyi, Anyinɛnyɔ Zezu Kli 'ɔ To! 'Ɔnɛɛ "nɛnekoɛ "yitɛ "me, 'ɔ -gwɛlele -anye "kusɔ, Zezu Kli 'na -gluzɔwloɛ "me. 'Ɛneɛɛ za -a -kɛ 'dletɛleɛ 'na -ɛ -ka lɛ "kubhiɛ ne,

1 Piɛle 3:9

-Ɔ no 'anye "nyɛnye 'wli -wɛ, 'a 'to "nyɛnye 'wli no -me, "ne -ɔ 'yli 'anye -wɛ 'a 'to 'yli -me. -Mɔ, 'a no -gbɔ: «Lagɔ "pɔ -eyi 'ŋu!» "Naa-, -sɔɔdɛku Lagɔ la- 'anye -wɛ, 'ɔ "kɛ 'anye 'ŋu "pɔ za yɛ -lɔ.

1 Piɛle 5:10

'Anyɛɛ 'gbapeɛ -ka "me 'gwlɛ. -Mɔ, Lagɔ -ɔ -wa 'anye -wɛ, 'ɔ la- -lɔ 'anye -se 'a "kɛ 'ɔnɛɛ 'ŋlu -ɛ "ne "nenidɛ -kɛ -wɛ 'na dɛ 'ye, Zezu Kli "bhaa 'na "kukoleɛ "me. "Naa-, 'ɔ yi gbɔ "ne 'a -ka 'nuɔsɔbhɔledɛ kɛle-, "ne 'a yi "me "tamale-, "ne 'a yi 'kwɛme "tamale-, "ne 'wa -ka 'ce -la 'anye 'siɛ 'bhle.