Efɛzenya 1:13 - Nouveau Testament bété de Gagnoa

¹³ Klise "me, 'anye 'lelee, 'a no- -diɛnadiɛ 'na bhulɛweli "me, 'Denaade -ɛ 'fuɔ 'anye -wɛ. 'Ɛ 'ple- lɛ "bhuɔ ne, 'a 'kɛle- Klise 'dleku, "ne Lagɔ yi -lɔ 'anye 'be "klo "zo. 'Ɛ 'be -wɛ, Zuzu Wlewle -ye 'ɔ 'no -gbɔ 'ɔ yi yi -wɛ yɔ -lɔ.

Efɛzenya 1:13 Iomraidhean Croise

Luke 11:13

'Anye, -wa -noɔ 'nyakpanyɛnyea 'waa -wɛ, 'a 'na "nyɛ 'se 'anyɛɛ yua -li 'na "namanɔ ne. Zaa 'ɛ "kɛ -la zi 'a To -ɔ -ko "nɔgɔ "me -wɛ, 'ɔyi 'ye 'a "kɛ zlɛ "ne 'ɔ -ka bhɔ 'anye Zuzu Wlewle "nyɛ 'a?

Luke 24:49

"Ne -ame, -nyɔ 'na weli -ye -ame To -plele 'anye kɔ -wɛ, 'e yu 'anye -gwe "ku 'pɔ, -mɔ, 'anye, 'a te -na -kɛ "ɛ 'du ne 'bha-, -se 'a "kɛ 'bhɛloɛ -ɛ 'bhale "nɔgɔ "me yle "bhuɔ.»

Zezu Kli 'na 'Denaade ‑ye Zaa kɛle‑ ne lɛ 1:17

Lagɔ 'je- -lɔ Moyize -Lɔ kɔ, "ne 'ɔ 'yi -lɔ -anye -nɛme, -mɔ, -jɔlo -nyɛ gbɛklɛklɛ "bhaa Zezu Kli -nɛme -lɔ.

Zezu Kli 'na 'Denaade ‑ye Zaa kɛle‑ ne lɛ 14:26

'Bemesibhɔnyɔ, Zuzu Wlewle, -ye To "kɛ 'neɛ 'tɔ "me 'anye -gwe "ku "pɔ -wɛ, 'ɔɔ -kɛ -lɔ 'anye -li 'klekle sloa-, "ne 'ɔ "kɛ -lɔ 'anye -ye 'e -bhulɛ 'klekle -wɛ 'dleku 'sibha-.

Zezu Kli 'na 'Denaade ‑ye Zaa kɛle‑ ne lɛ 15:26

'E yi 'ce -a To 'na 'tɔ "me -ɔ "kɛ 'anye kwɛle- -wɛ -gwe "ku "pɔ. Zuzu Wlewle -ɔ 'bhale To "me "ne 'ɔ bhulɛ gbɛklɛklɛ -wɛ yɔ -lɔ. 'Ɔ kɛ -yi, 'ɔɔ "kɛ 'ce -lɔ 'neɛ -ɔyeɛdɛ "zo.

Zezu Kli 'na 'Denaade ‑ye Zaa kɛle‑ ne lɛ 3:33

-Ɔ 'ŋunu- 'ɔnɛɛ bhulɛweli "ku -wɛ, sɛne 'ye 'ɔ no -lɔ nɛɛ Lagɔ, gbaa 'ye 'ɔ bhulɛ -lɔ.

Zezu Kli 'na 'Denaade ‑ye Zaa kɛle‑ ne lɛ 6:27

'A te lilɛ 'na -ɛ 'zu -wɛ za libhɔ "me 'diɔle-. -Mɔ, 'a no lilɛ 'na -ɛ 'nyɛ Lagɔ 'na zikpɛ -ɛ -ka lɛ "kubhiɛ -wɛ 'na libhɔ. "Ɛ lilɛ -wɛ, 'Nyɔkpɔ Yowli 'yi 'ce 'anye "nyɛ; "Naa-, To Lagɔ, 'ɔyigɛsɛ, 'ɔɔ 'jo- -lɔ "ɛ soɔ 'na 'bhɛloɛ -wɛ kɔ zɛ.»

Nonoli 1:4

'Yli -bholo "me, -sɔɔdɛku Zezu -nyɛ 'ɔnɛɛ gɛlenya 'wɔ "bhaa 'wa -ko 'awɔ li dɛku -wɛ, "ne 'ɔ yua -lɔ bhulɛle- nɛɛ: «'A te -na -kɛ Zeluzalɛme -du "me 'bha-, -mɔ, 'a wo- -kɛ -ame To 'na weli -ye 'ɔ -ple -wɛ. -Ame 'nabhɛ, 'e -bhulɛle nɛ 'anye 'ɛnɛɛ weli "kle- nɛɛ:

Nonoli 13:26

"Nowlia 'wanye -lɛ, 'anye 'bhale Ablame 'na -gligbɛ "ku "ne 'anye -ko -dɛne "ne 'a 'gu Lagɔ -gɛ -wɛ, 'anye 'wa -nɛme -lɔ 'popoɛ ne 'na 'de.

Nonoli 2:33

Lagɔ -kɔmo "nɔgɔ "me 'ɔyi yɔko, lilikwɛlɛ -gbɔsɔ "ku. "Ne 'ɔ 'nyɔ- Zuzu Wlewle -nyɔ 'na weli -ye 'ɔ -bhulɛ 'awɔ -wɛ. "Ne "ɛ Zezu 'nabhɛ yi 'lelee -lɔ -anye "ɛ Zuzu Wlewle -wɛ "nyɛ -me. Sɛgbɛɛ -ye 'a -gɛ 'yli, "ne -ye 'a 'no "me -wɛ.

Wlomɛnya 1:16

'E kɛ 'Denaade sɛ, -zu "ne lɔbhɔ -ame. 'Ɛɛ -noɔ -lɔ Lagɔ 'na 'bhɛloɛ -ɛ "kɛ -wa -kɛ 'dleku 'klekle fuɔ -wɛ yɛ, zufonya "bhuɔ, "ne -wa "ne zufonya 'waa -wɛ -ko -da -lɔ lɔbhɔ.

Wlomɛnya 4:11

-Ye 'wa -na nɛ Ablame "ku 'di -wɛ, Lagɔ -yibhlelo nɛ "meŋwinɛlenyɔ "ku. Sɛko -wɛ, 'ɔ -kɛ 'awɔ Lagɔ 'dleku. 'Wa 'du- lɛ "ku "bhuɔ ne, 'ɛ "ku di -be -wɛ tua -lɔ -gbɔ Lagɔ -yibhlelo "meŋwinɛlenyɔ "ku 'ɔnɛɛ 'dlekukɛle -ylime, 'ɛɛ -gbɔ -lɔ "ne Ablame yi -lɔ 'dlekukɛlenya 'klekle -wa "ne "ku 'diɔ- -wɛ 'wa 'to "zo. -Se -wa "ne "ku 'diɔ- 'klekle "ne -wa -kɛ 'dleku -wɛ, Lagɔ yibhleloa -me "meŋwinɛlenya "ku.

Wlomɛnya 6:17

-A bhɛle Lagɔ! Bhlɛme, 'nyinyonoli 'na 'juyua 'ye -a -noɔ 'awɔ -lɔ. -Dɛmeda, 'anyɛɛ 'dle 'klekle zɔ, 'a "zo -ye 'wa -sloa 'nyakpa 'klekle "ne 'a -yle -wɛ 'plome.

2 Kolɛtenya 1:22

"Ne 'ɔ "zo- -lɔ -anye 'ɔnɛɛ be yɔko; "ne 'ɔ yi -lɔ -anye Zuzu Wlewle 'dlezɔ "zo-, "ne "ɛ Zuzu Wlewle ne -noɔ -lɔ tɛtɛ li 'na -ɛ 'nɛne "ne 'ɔ "kɛ -anye kɔ 'je -wɛ yɔ.

2 Kolɛtenya 6:7

Gbɛklɛklɛ 'ye -a bhulɛ -lɔ Lagɔ 'na 'bhɛloɛ "me, -ye -a libhi "ku "ne -anyɛɛ 'gblenya "bhaa -a 'gwe "ne -a zizi -ayi "ku -wɛ -noɔ -lɔ -anyɛɛ Lagɔ 'yliku 'na 'tee 'nɔŋoɛ yɛ,

Galatenya 3:14

'Ɛ ylɛle- "ɛ soɔ, -se -wa "ne Zufonya 'waa -wɛ "kɛ Ablame 'na 'ŋupɛɛ yle -me Zezu Kli "me. Zaa, 'dlekukɛleɛ "me -a yi weli -ye Lagɔ -ple -wɛ yle me. 'Ɛ 'sɛ zɔ nɛɛ Zuzu Wlewle.

Efɛzenya 4:21

'Ɔnɛɛ "ku 'na weli 'wa -bhulɛle bhɔ 'diɛɛ 'anye? -Se 'a -noɔ 'klecɛnya 'waa -wɛ za, 'wa -sloa -lɔ 'anye gbɛklɛklɛ -ɛ -ko Zezu "me -wɛ

Efɛzenya 4:30

Lagɔ "zo- 'anye 'ɔnɛɛ Zuzu Wlewle 'na 'be "klo, zaa, 'a te -kɛ "ɛ Zuzu Wlewle ne 'dle 'nuɔ 'yiɛ. "Naa-, 'ɔyi, 'ɔ 'nyɛ -lɔ 'anye 'dlekutamaleɛ -gbɔ 'yli -bholo "me, Lagɔ yi 'ce 'anye 'nyinyonoli 'wlime -sɛ gou.

1 Tesalonikenya 2:13

'A -gɛ 'yli, sɔɔbɛɛza -a 'bhɛle Lagɔ -godogodo -wɛ, -noɔ -lɔ nɛɛ: -Sɔɔdɛku -a -sloa 'anye Lagɔweli -wɛ, 'a no- "me. 'A "ne -kɛ 'nyɔkpɔsɛ "ku "me no-, -mɔ, Lagɔweli 'nasɛ 'ye 'a no- -lɔ "me, "naa-, Lagɔweli yɛ -lɔ 'diɛɛ, 'ɛ nole -lɔ 'anye libhɔ "me.

2 Timote 2:15

Zaa, "tamale 'kwɛme -se sibhɔ Lagɔ 'yliku; Sɛgbɛɛ 'ɔnɛɛ libhɔnonyɔ 'na "namanɔ -nyɔ 'na libhɔ 'nɛno -gɛ -wɛ. "Ne sɛgbɛɛ 'nyɔkpɔ 'na -ye 'ŋwɛnɛ lɔbhɔle 'ɔnɛɛ libhɔ 'ylime -wɛ, "ne 'ɔ sɛle 'tee Lagɔ 'na 'Denaade -glɔnya -wɛ.

2 Timote 2:19

Lagɔ 'na 'jijɛgblɛ -ye 'ɔ sibhi- -yɛ gbligbli. 'Ɛnɛɛ "ku 'na weli -ye 'wa kɛle- ne lɛ: «Anyinɛnyɔ -yi -wa -noɔ 'ɔnoa 'waa.» "Ne 'lelee «-ɔ kɛ no -gbɔ Anyinɛnyɔ -nɔ 'ye 'ɔ -noɔ ne, 'ɔ 'ylile- "nyɛnye "guɔ.»

2 Timote 3:15

'Ɛ 'bhale -neɛ' yua -di "me, -e -yi Lagɔbɔgo. 'Ɛ 'bhɛle -se 'ɛ "kɛ -eyi "nɛnoɛ sloa. "Ɛ "nɛnoɛ -wɛ "kɛ -lɔ -eyi 'fuɔ, -e kɛ -kɛ Zezu Kli 'dleku -kɛ ne.

Tite 2:11

"Naa-, Lagɔ tua 'ɔnɛɛ -waleɛ -ɛ "kɛ 'nyakpa 'klekle 'fuɔ -wɛ 'ylime.

Eblenya 2:3

"Ne -anye "na? -See -a "kɛ bhɔ "zo "ne 'ɛ -ka -anye yle-, -a kɛ "ɛ 'popoweli "yitɛ -wɛ yɔko ylɛle? "Ɛ 'popoweli ne, Anyinɛnyɔ 'ci- -lɔ 'ɛnɛɛ -sɛ -ku. "Ne 'wa 'no- "ɛ 'popoweli ne "me -wɛ yi 'lelee -lɔ -anye bhulɛle- -se 'ɛ -noɔ 'diɛɛ yɛ.

Zake 1:18

Lagɔ 'yɔbhɔ nɛ -gbɔ 'ɔ "kɛ -anye zikpɛ 'nyɛ 'ɔnɛɛ weli -ɛ -noɔ gbɛklɛklɛ yɛ -wɛ "me. "Naa-, -anye -noɔ -lɔ -li 'klekle -ye 'ɔ 'wlɛ- -wɛ 'na tɛtɛnoa 'waa zɛ.

Zake 1:21

Zaa, 'a 'tale- "nyɛnye "ne -li 'klekle -ɛ pla 'anye 'fe -wɛ 'yi, -se 'dlewɔtɛ "me, 'a 'sa weli -ye Lagɔ "zo- 'anye 'dlezɔ -wɛ kɔ, 'ɛ bhɛle -se 'ɛ "kɛ 'anyɛɛ zikpɛ 'fuɔ.

1 Piɛle 2:10

-Watɔ -ce, 'a "ne 'awɔ Lagɔ 'na -gligbɛnya 'waa, -mɔ, -dɛmeda, 'anye -noɔ -lɔ 'ɔnɛɛ -gligbɛnya 'waa. -Watɔ -ce, Lagɔ "ne "pɔ 'awɔ 'anyɛɛ 'nyɛzedle, -mɔ, -dɛmeda, 'ɔ 'pɔ 'anyɛɛ 'nyɛzedle.

'Ylikloylɛleweli 7:2

'E -gɛ "nɔgɔzilɔ 'na -vinɔ 'yli, 'ɔ 'gblɛ -mee ylo 'bhale -wɛ. 'Ɔ -su -bɛɛ' -ye 'wa "zole -yɛyɛ Lagɔ 'na 'be "klo -wɛ kɔ. 'Ɔ 'kpale "nɔgɔzilia -mɔɔnɔ -wa -yle 'bhɛloɛ -se 'wa "kɛ dodo "ne jinyɛ "nyɛnye no -wɛ "ku nɛɛ: