Efɛzenya 1:11 - Nouveau Testament bété de Gagnoa

¹¹ "Ne Klise "me, Lagɔ 'nyɛ- -anyɛɛ 'popoɛ 'na dɛ. "Ne 'ɔ -sɛ -lɔ -anye lɔbhɔ "kle 'ɔnɛɛ -ye 'ɔ 'yɔbhɔ nɛ -gbɔ 'ɔ "kɛ no -wɛ za. 'Ɔ 'ŋunu- "ku -gbɔ 'ɔ yi no "ne 'ɔ 'yɛbhɛ.

Efɛzenya 1:11 Iomraidhean Croise

Nonoli 13:48

"Ɛ weli -wɛ kɔ 'ye 'ŋwɛnɛ 'lɔbhɔ nɛ -lɔ -wa "ne Lagɔ -yi -wɛ, "ne 'wa 'kwa 'awɔ -lɔ Anyinɛnyɔ 'na weli 'ŋlu "ne -ye Lagɔ -sɛ lɔbhɔ zikpɛ 'na -ɛ -ka "kubhiɛ za -wɛ yi -lɔ 'dlekukɛlenya "zo.

Nonoli 2:23

"Ɛ 'nyɔkpɔ -wɛ, 'a -plolo 'nyakpa -gbeyia kɔ, "ne 'wa yu -lɔ klowa "klo kole-. -See Lagɔ 'yɔbhɔ nɛ 'kle -gbɔ 'ɛ ylɛle- nɛ -wɛ yɛ -lɔ.

Nonoli 20:27

"Naa-, 'ye Lagɔ no -gbɔ 'e sloa- 'anye 'klekle -wɛ, 'e "ne 'se 'anye 'ylime zizile-.

Nonoli 20:32

Dɛme 'na dɛne "ku, 'e kulɛle -kɛ 'anye Lagɔ -nyɛ 'ɔnɛɛ bhulɛweli -ɛ -noɔ 'ŋwɛnɛ yɛ -wɛ "bhaa "ku, "naa-, 'ɔnɛɛ bhulɛweli -wɛ, 'ɛ -kɛ 'bhɛloɛ "ne 'ɛ yi 'ce 'lelee 'anye 'wli "zo. "Ɛ weli -bhele -wɛ kɔ, Lagɔ yi 'ce -ɔkɔkokɔko -jɔlo 'na 'ɛ -ŋwɔ "ku -wɛ kɔ 'je.

Nonoli 26:18

-Se -e "kɛ 'wanɛɛ 'yli "ku -vulu, -se 'wa "kɛ titiɛ "me 'bha, 'se 'wa "kɛ zle "ku 'sibhɔ. -Se 'wa te -kɛ -la Sata 'na 'bhɛloɛ "me ko, -se 'wa "kɛ Lagɔ lo 'yli. -Wa -kɛ -ame 'dleku -wɛ, 'wanɛɛ 'nyinyonoli 'na gbo yi "ku 'titliɔ-. "Ne 'wa yi Lagɔ 'na "gugbɛ 'na 'cibhɛ yle -me, -wa -kɛ -ame 'dleku -wɛ 'nasɛ.

Nonoli 4:28

Soɔ 'ye 'wa -no -lɔ -ye -e no nɛ -gbɔ 'wa no "klee 'klekle -neɛ' 'bhɛloɛ "me -wɛ.

Wlomɛnya 11:34

-Ɔ -yi bhɔ Anyinɛnyɔ 'na 'dlepɔsɛ 'a? -Ɔ "kɔ bhɔ 'de "me "zo 'a?

Wlomɛnya 8:17

Zaa, -a "kɛ Lagɔ 'na yua 'waa ne, -a yi 'ce Lagɔ 'na -li -nyɔ za 'ɔ -plele 'ɔnɛɛ lokoyua weli kɔ -wɛ 'na 'dlidɛ -ko -me, "ɛ -li -wɛ Klise "bhaa -a 'yi 'gɔme -ylele. 'Diɛɛ, -a "kɛ 'ɔnɛɛ 'kplɛkplɛɛ 'na -didi "me ko -me ne, -a yi 'ce 'lelee 'ɔnɛɛ 'ŋlu 'na -didi "me -ko -me.

Wlomɛnya 8:28

-A -yi -sɛ -gbɔ -li 'klekle -ɛ -noɔ -wɛ, -wa -wa Lagɔ -wɛ "kɛ 'tee -ko za yɛ -lɔ. "Ɛ 'wayi -wɛ 'ye 'ɔ -la -lɔ -ye 'ɔ "kɛ no -wɛ za.

Wlomɛnya 8:29

"Naa-, -ye Lagɔ -tɔ "kle "kucidɛku -wɛ, 'ɔ 'yɔbhɔ- "ɛ "kucidɛ 'ce "ku -gbɔ 'wa 'wlole 'ɔ Yowli, -se 'ɔ Yowli "kɛ -gligbɛ "yitɛ "ku 'na tɛtɛyu "zo.

Wlomɛnya 8:30

-Ye Lagɔ -tɔ "kucidɛku 'wɔ -wɛ, 'ɔ la- -moa 'lelee, "ne "ɛ -ye 'ɔ la- 'awɔ -wɛ, "ne 'ɔ yua 'lelee -lɔ "meŋwinɛlenya "zoa-, "ne "ɛ -ye 'ɔ ŋwinɛlea "me -wɛ, 'ɔ yua 'lelee -lɔ 'ɔnɛɛ 'ŋlumeɛ kɔ 'je.

Wlomɛnya 9:11

"Ɛ 'poyua -wɛ -na -nɛmlɛ gwɛleɔ-, "ne 'wa -na -nɛmlɛ "namanɔ -nyɛ "nyɛnye "bhaa no tɛtɛ "ne Lagɔ yi -lɔ Izake bhulɛle- nɛɛ: "Nɔwli "yitɔ yi "nɔwli -digbɔ "ku lɔbhɔ. Lagɔbɔgo nɛɛ: Zakɔbo 'ye 'e -wamale -lɔ, "ne 'e -gble -lɔ Ezayu. 'ɛ -ylɛle "ɛ soɔ, -se Lagɔ 'na -ye 'ɔ no -gbɔ 'ɔ "kɛ no -wɛ "kɛ 'yli 'wlole. Lagɔ -tɔ -ye 'ɔnɛɛ 'dle 'yɔbhɔ -wɛ. -Ye 'nyɔkpɔ no -wɛ 'ye 'ɔ -na "ku wolo. Lagɔ -bholo -kpee, -ɔ la -wɛ 'ye 'ɛ -ko -lɔ kɔ.

Galatenya 3:18

-Lɔ kɛ gbɔ "ne 'wa kɛ 'gugbɛ "ku 'libhi ne, welipleɛ 'ye 'ɛ -na -da "me 'bhale-. "Naa-, welipleɛ kɔ 'ye Lagɔ -tua -lɔ Ablame 'ɔnɛɛ -waleɛ 'ylime.

Efɛzenya 1:14

"Ɛ Zuzu Wlewle ne -noɔ -lɔ -li -ye Lagɔ "kɛ -anye kɔ 'je -wɛ 'na tɛtɛnɔ yɔ. -A 'yi 'ce slu -zle -a -kɛ 'ce "nyɛnye "me 'bha gou. Zaa, -a 'dile Lagɔ lo keyi -se -a 'kwɔ 'ŋlu.

Efɛzenya 1:18

'Ɔ vulu 'anyɛɛ 'dle "ku -se 'a "kɛ 'ɔnɛɛ zle 'ylime 'ye. 'Ɛ kɛ -soɔ -ko, 'a yi 'ce 'dletɛleɛ -ye 'ɔ 'je 'anye kɔ -sɔɔdɛku, 'ɔ la 'anye -wɛ yibhlele-. 'A yi 'ce -klɔgbɔ-li 'na "namanɔ -ye 'ɔ -sɛ lɔbhɔ -wa -noɔ 'ɔnoa 'waa -wɛ za yibhlele-.

Efɛzenya 1:5

"Ne -godogodo 'ce, 'ɔ 'yɔbhɔ -gbɔ -a "kɛ 'ɔnɛɛ yua "zo Zezu Kli "me. 'Ɔnɛɛ "nɛnekoɛ "me 'ye 'ɔ 'yɔbhɔle- -lɔ.

Efɛzenya 1:8

'Diɛɛ, Lagɔ 'yiɛle- -anye 'ɔnɛɛ "nɛne "ku. 'Ɔ 'nyɛ- -anye "nanoɛ "ne 'ylimeyamaleɛ 'klekle.

Efɛzenya 1:9

'Ɔ -tua -anye -ye 'ɔ "kɛ nɛ no "ne 'ɛ -ko -diɛɛ "me -wɛ 'ylime. 'Ɔnɛɛ "nɛnekoɛ "me, 'ɔ -sɛ nɛ lɔbhɔ "kle -ye 'ɔ no -gbɔ 'ɔ "kɛ no -wɛ Klise za.

Efɛzenya 3:11

-Se Lagɔ -waka nɛ "kle -godogodo yɛ -lɔ. -Se 'ɔ -waka -wɛ, sɔbhɔ 'ye 'ɛ 'wlole- -lɔ 'yli Anyinɛnyɔ Zezu Kli "me.

Kolɔsenya 1:12

'a bhɛle To: 'Ɔɔ -gbɔ -lɔ "ne 'a yi -lɔ -li 'na -ye 'ɔ -sɛ lɔbhɔ 'wlewle 'wanɛɛ "ku, 'ɔnɛɛ 'kamale zikpɛ "me 'na zle "ku -wɛ yle.

Kolɔsenya 3:24

"Naa-, 'a -yi sɛ -gbɔ Anyinɛnyɔ yi 'ce 'anye -bɛɛ' 'na "namanɔ kɔ 'je. 'A yi 'ce -li 'na "namanɔ -ye 'ɔ -sɛ lɔbhɔ 'ɔnɛɛ 'nyakpa za -wɛ yle. Anyinɛnyɔ -gbaa -ye 'a lɔbhɔ "ku -wɛ, Klise yɔ -lɔ.

Tite 2:14

'Ɔ -ple 'ɔnɛɛ zikpɛ -anyɛɛ za, -se -anyɛɛ 'nyinyonoli 'na gbo "kɛ bhiɛ. 'Ɔ 'yɔbhɔ nɛ -gbɔ 'ɔ "kɛ nɛ -anye -zakpɛ -bholo "me 'wlewle "zoa-. 'Nyakpa -wa "kɛ 'ɔnoa "zo- -wɛ, -wa -ko lɔbhɔ -godogodo -se -wa "kɛ -li 'na -li no.

Tite 3:7

-Se 'ɔnɛɛ -jɔlo -wɛ "kɛ -anye "meŋwinɛlenya "zoa- Lagɔ 'yliku, -se 'dlekukɛleɛ "me, -a "kɛ zikpɛ -ɛ -ka "kubhiɛ -wɛ yle -me.

Eblenya 6:17

Ablame -nɛ -wɛ, 'ɛ sɛbhele -wɛ yɛ -lɔ. Lagɔ nɛɛ 'ɔ "kɛ 'awɔ Ablame 'na yua 'na yua 'dleku "tamalea-. 'Ɛ yua 'na yua -wɛ "kɛ 'awɔ -lɔ -li -nyɔ 'na weli 'ɔ -ple -wɛ yle, 'ɛza 'ɔ -zligbɔ -lɔ -tiaa.

Zake 2:5

'A 'fo 'yukwli, -awale 'wanye, Lagɔ "ne bhɔ -glɔnya 'yliku "ɛ 'nyɛzenya -wɛ lɔbhɔ -sɛ 'a? 'Ɔ 'yɔbhɔ -gbɔ 'ɔ "koa -klɔgbɔnya "zoa- 'dlekukɛleɛ "me, -se 'wa "kɛ Lagɔ 'na 'Kamalezikpɛ -ye 'ɔ -sɛ lɔbhɔ -wa -kɛ 'ɔnɛɛ 'ŋwɛnɛ "me -wɛ za yle.

1 Piɛle 1:4

"ne -a -wo ŋwɛnɛ "me -li 'na -li 'na -ye Lagɔ -sɛ lɔbhɔ 'ɔnoa za -wɛ. 'Ɔ -woleɛ -anye 'nɔgɔ "me, -dee 'ɛ -ka lɛ nyimɔ, "ne 'ɛ -ka lɛ 'fe plɛ "ne 'ɛ -ka lɛ 'ɛnɛɛ nanoɛ 'siɛbhle.

1 Piɛle 3:9

-Ɔ no 'anye "nyɛnye 'wli -wɛ, 'a 'to "nyɛnye 'wli no -me, "ne -ɔ 'yli 'anye -wɛ 'a 'to 'yli -me. -Mɔ, 'a no -gbɔ: «Lagɔ "pɔ -eyi 'ŋu!» "Naa-, -sɔɔdɛku Lagɔ la- 'anye -wɛ, 'ɔ "kɛ 'anye 'ŋu "pɔ za yɛ -lɔ.