Efɛzenya 1:10 - Nouveau Testament bété de Gagnoa

¹⁰ -Ɛ "kɛ -noɔ -wɛ, Lagɔ 'yɔbhɔ nɛ -gbɔ 'ɔ 'cɛ yli -ye 'ɔ -sɛ lɔbhɔ -wɛ "me nole. 'Ɔ "kɛ -ɛ -ko "nɔgɔ "me 'klekle, "ne dodo ne "ku 'wli 'yabha-, "cifi -bholo -kpee, Klise zɔ.

Efɛzenya 1:10 Iomraidhean Croise

Matie 25:32

"Ne -glɔ 'klekle "ku 'na 'nyakpa yu 'ce 'yliku 'wli 'yɔbhɔle -ka yi, "ne 'ɔ yua 'ce "me -seselia -bholo -bholo, -see wliagɛlenya 'seselia wlia 'na wlia -nyɛ 'bhlɛbhlea "bhaa "me -wɛ.

Malke 1:15

'Ɔ nɛɛ: «Zle -ylɛ -kɛ lɔbhɔ "bhuɔ, "ne Lagɔ 'na 'Kamalezikpɛ "ne -la 'anye dɛ tlole-. 'A 'bhelia- 'anyɛɛ kosɛ kɔ, -se 'a 'kɛle- Lagɔ 'na 'Denaade 'dleku.»

1 Kolɛtenya 10:11

"Ɛ -li -wɛ 'wɔ -yle -a 'to 'wa 'to 'wɔ, -se -a 'cɛ "ku wolo -se -anyɛɛ 'dle te -kɛ "nyɛnyenodɛ 'plele. 'Wa kɛle- -se 'ɛ "kɛ -anye 'luɔ, -anye -wa -ko zikpɛ 'na "kubhiɛ "tɛnye "me -wɛ.

1 Kolɛtenya 11:3

"Naa-, -ame, 'e 'yɔbhɔ -gbɔ 'a 'no -ɛne "me: -Ɔkɔkokɔko 'na "cifi -noɔ -lɔ Klise yɔ, "ne 'ŋɔnɔ 'na "cifi -noɔ -lɔ 'widi yɔ, "ne Lagɔ -noɔ -lɔ Klise 'na "cifi yɔ.

Galatenya 4:4

-Sɔɔdɛku, "tɛnye -ylɛ lɛ ne, Lagɔ -lebhe 'ɔ Yowli. 'Ŋɔnɔ -gwɛlo -lɔ "ne 'ɔ "zo me nɛ Moyize 'na -Lɔ 'plome.

Efɛzenya 1:22

'Diɛɛ, Lagɔ "zo- Klise -li 'klekle bhozɔ, "ne 'ɔ yu -lɔ Lagɔgligbɛ 'na 'yukugɛlenyɔ "zoa-.

Efɛzenya 2:15

"Ne 'ɔ yi -lɔ Moyize 'na -Lɔ -nyɛ 'ɔnɛɛ gbagbɛ "ne gbɛ "bhaa "ku bhia-. "Ne -wa -noɔ Zufonya 'waa "ne -wa "ne Zufonya 'waa -wɛ "bhaa, Klise yua -lɔ 'nyakpa -lelea -bholo "zoa- 'ɔyi 'wɔ "bhaa 'na "kukoleɛ "me. 'Soɔ -ye 'ɔ 'nɛme- -lɔ "kuwɛtɛ.

Efɛzenya 3:15

'Ɔnɛɛ 'ylime 'ye -gligbɛ 'klekle -yle -lɔ 'tɔ "nɔgɔ "me "ne dodo ne "ku.

Efɛzenya 3:2

'Diɛɛ, 'a 'no- "me, libhɔ -ye Lagɔ 'na 'dle -wɔtɔ -za, 'ɔ no -gbɔ 'e no 'anyɛɛ za, -se -ye 'ɔ no -gbɔ -ɛ "kɛ -noɔ -wɛ "kɛ 'yli 'wlole-.

Kolɔsenya 1:16

"Naa-, 'ɔyi "me 'ye Lagɔ 'wlɛle- -lɔ -li 'klekle, "nɔgɔ "me, "ne Dodo ne "ku, -li 'na -ɛ -gɔ 'yli, "ne -ɛ "ne 'yli -gɔ -wɛ, -wa 'tɛ- 'kwɛme, "ne zuzu -wa 'kamalea, "ne -wa -kɛ 'bhɛloɛ -wɛ. -Ɔ 'wlɛ- -lɔ 'klekle, "ne 'ɔ 'bhe- -lɔ.

Kolɔsenya 1:20

"Ne 'ɔ 'yɔbhɔ -gbɔ 'ɔ "kɛ -li 'klekle -nyɛ 'ɔ Yowli "bhaa 'gbo -selia, 'ɔ Yowli "me, "ne 'ɔ Yowli za. "Ɛ 'ɔ Yowli 'na 'dlu -ye 'ɔ 'slu- klowa "klo 'siɛ -wɛ "me -ye Lagɔ -nɛme -lɔ "kuwɛtɛ, dodo ne "ku, "ne "nɔgɔ "me.

Kolɔsenya 3:11

-Dɛmeda, zufonyɔ "ne -da -le, Glɛkeyu "ne -da -le, "kudiɔnyɔ "ne -da -le, -ɔ "ne "ku diɔ- "ne -da -le. Lowlinya "ne -da -le, 'kwlɛnya "ne -da -le. 'Juyua "ne kɔyelenya "ne -da -le. -Mɔ, Klise -le -lɔ, 'ɔ -noɔ -lɔ 'klekle yɔ, "ne 'ɔ -ko -lɔ 'klekle "me.

Eblenya 1:2

-Dɛmeda, 'bebhiɛle- -yli ne "me, Lagɔ -bhulɛle -anye 'ɔ Yowli "me. 'Ɔ yowli "me 'ye 'ɔ wlɛle- -lɔ zikpɛ, "ne 'ɔyi 'ye Lagɔ -tɔ -lɔ -se 'ɔ "kɛ -li 'klekle slu.

Eblenya 11:40

"Naa-, Lagɔ -sɛ 'awɔ 'lelee lɔbhɔ -bɛɛ' 'na -ɛ 'nɛne "ne 'ɛ zi "ku -wɛ -anyɛɛ za. Lɔbhɔ -wɛ 'na dɛku 'wa -ka nɛ -kpee -ko, -a "mɛ "me -ko -me ne.

Eblenya 9:10

"Naa- lilɛ, no "ne -wa "kɛ 'wlele -ko 'na bhudɔ-bhudɛ, 'nyakpa 'na -gbagbɛ -fu -ɛ -ko nɛ -mlɛ lɔbhɔ yɛ -lɔ, -se 'ɛnɛɛ kɔ 'bhelia dɛku "kɛ ylɛ.

1 Piɛle 1:20

Lagɔ -namlɛ zikpɛ 'wlɛ "ne 'ɔ yu -lɔ -tɔ, "ne 'anyɛɛ 'nɛne 'na 'ylime, 'ɔ yu -la -lɔ -dɛme 'nyakpa sloa-, bebhiɛle "tɛnye ne "me.

'Ylikloylɛleweli 5:9

'Wa 'di nɛ lo lele nɛɛ: -E -kɛ "bɔgo -wɛ 'na "ku libhisɛ, "ne 'ɛnɛɛ 'gwaledɛ 'na 'vulusɛ. "Naa-, 'wa 'lɔbhɔ- -eyi "ne -e "ku-. -Neɛ' dlu "me -e 'jeti- 'nyakpa. Gbɔgbɔgbo 'klekle, 'nyakpa 'klekle, -glɔ 'klekle, "ne 'dodo ne "ku 'na konya 'klekle, -e 'joa- Lagɔ kɔ.