Eblenya 7:8 - Nouveau Testament bété de Gagnoa

⁸ Bɔbɔnya -ye 'wa 'je -li 'na kogbɔ -nɛ kɔ -wɛ, 'nyakpa 'na -wa "kɛ 'yli -bholo "me "ku 'waa -lɔ. Mɛcisedɛke -yle -me 'lelee "ɛ -li -wɛ 'na kogbɔ -nɛ, -mɔ, 'ɔyi, 'ɔ -yɛ gbligbli 'yiɛ, -see Lagɔ-bɔgɔ lɛ -wɛ.

Eblenya 7:8 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 14:19

-Dee -glɔnya -ka -la -ame 'ylime 'yele -wɛ "ne -la dɛtlo. -Mɔ, 'anye, 'a yi 'ce 'neɛ -yɛyɛnɔ 'ylime 'ye "ne 'a yi 'ce yamale- -me.

Zezu Kli 'na 'Denaade ‑ye Zaa kɛle‑ ne lɛ 14:6

"Ne Zezu yu -lɔ no nɛɛ: «-Ame 'mɔɔ -noɔ -lɔ -gwe -nyɛ gbɛklɛklɛ "ne zikpɛ "bhaa yɔ. 'Nyɔkpɔ "ne 'bhɛle- 'ɔ "kɛ To yle, 'ɔ "mɔ -ame "me -ylɛle.

Eblenya 3:16

-Ɔ 'no- bhɔ Lagɔ 'na weli? -Ɔ gba- bhɔ 'ɔnɛɛ 'dle "ku? 'Nyakpa 'klekle -ye Moyize 'wloa- Ezipte -du "me zɔ -wɛ 'waa -lɔ.

Eblenya 5:6

Lagɔ yi 'lelee -lɔ no nɛɛ: Bɔbɔnyɔ 'ye -e -noɔ -lɔ -godogodo 'na dɛ Mɛcisedɛke 'nasɛ.

Eblenya 6:20

'Ɛ -doɔ 'ye Zezu -plɛ -lɔ, 'ɔɔ -gɛ -lɔ -anyɛɛ 'yuku -se 'ɔ "kɛ -anyɛɛ -gwe sɛ, "naa- bɔbɔnyɔ "yitɔ yɔ -lɔ Mɛcisedɛke 'nasɛ.

Eblenya 7:23

-Ɛ gbɔ "ne 'ɛ "ne -bhele yɛ ne lɛ: Levi 'na bɔbɔnya -zu kpɛnyee, sɛko -wɛ, 'kwiɛ "ne 'yɔbhɔ -gbɔ 'wa "zo bɔbɔnya -godogodo 'na dɛ.

Eblenya 7:7

'Ɛ "ne -la "sɔ -nyɛ ta yɛ, "yitɔ pɔ- -lɔ yu 'ŋu.

Eblenya 7:9

Levi 'na -gligbɛ "ku 'na 'nyakpa, 'wa 'je -lɔ "ɛ Izlayɛleyua -li 'na kogbɔ -nɛ kɔ. 'Ɛ -ko sɔbhɔ, "ne 'wa yi no -gbɔ Levi, 'ɔyi 'lelee, 'ɔ -ylɛle Ablame "me, "ne 'ɔ yi -lɔ -lɛpo 'peɛle-.

Eblenya 9:27

'Nyɔkpɔ "kule "ku -bholo -kpee, "ne Lagɔ "kɔ -lɔ gbo 'bhlele, lɔbhɔ kɛ -ylɛ ne.

'Ylikloylɛleweli 1:18

"ne -ɔ -yɛ gbligbli yɔ. 'E "ku- nɛ, -mɔ, 'a -gɛ 'yli, 'e -yɛ -godogodo 'na dɛ. 'E -su 'kwiɛ "ne "kuduku 'na 'safɛ.