Eblenya 4:9 - Nouveau Testament bété de Gagnoa

⁹ 'Ɛ sɛ zɔ nɛɛ: Lagɔ 'na 'nyakpa za nyɔpɔledɛ -le -mlɛ 'yiɛ. 'Ɛ 'wlole- 'yli 'gbɔsɔ -zle 'na nyɛpɛ nyɛpɛɛ.

Eblenya 4:9 Iomraidhean Croise

Matie 1:21

'Ɔ yi 'widiyu gwɛle-, "ne -e yu Zezu ziɛle-, "naa-, 'ɔɔ "kɛ 'ce -lɔ 'ɔnɛɛ -gligbɛnya 'fuɔ, "ne 'ɔ "koa 'ce -lɔ 'wanɛɛ 'nyinyonoli 'na gbo 'wlime -sɛ.»

Tite 2:14

'Ɔ -ple 'ɔnɛɛ zikpɛ -anyɛɛ za, -se -anyɛɛ 'nyinyonoli 'na gbo "kɛ bhiɛ. 'Ɔ 'yɔbhɔ nɛ -gbɔ 'ɔ "kɛ nɛ -anye -zakpɛ -bholo "me 'wlewle "zoa-. 'Nyakpa -wa "kɛ 'ɔnoa "zo- -wɛ, -wa -ko lɔbhɔ -godogodo -se -wa "kɛ -li 'na -li no.

Eblenya 11:25

-Mɔ, 'ɔ 'ŋunu- "ku -gbɔ Lagɔ 'na yua "bhaa 'wa yi 'gɔme gbapele-, "ne 'ɔ yi nɛ -kɛ 'ɔnɛɛ zikpɛ no 'nyinyonoli "me "tɛnye 'tekeyi 'na dɛ, -mɔ Lagɔ 'ye 'ɔ "kɛ nɛ -lɔ 'plome -sɛ.

Eblenya 3:11

'Neɛ' 'kɛle ne "me, 'e "zo- -biɛ: 'Wa -ka 'ce 'neɛ nyɔpɔledɛ 'plɛ "kpɛ!

Eblenya 4:1

-Mɔ, Lagɔ -plele -anye weli kɔ: -A yi 'ce 'ɔnɛɛ nyɔpɔledɛ plɛ, "ne "ɛ weli -ye 'ɔ -ple ne -ko lɔbhɔ yiɛ. Zaa, 'a 'luɔ- -kɛ, "naa-, -anye 'glɛme 'nyɔkpɔ te -kɛ 'dle 'pɔ -gbɔ -zle -fla za 'ɔ -ka "bhle plɛ -me!

Eblenya 4:10

"Naa- -ɔ -plɛ Lagɔ 'na nyɔpɔledɛ -wɛ, 'nyɔpɔ 'ye 'ɔ nyɔpɔ -me 'lelee -lɔ, 'ɔnɛɛ libhɔ -ye 'ɔ -no -wɛ za, sɛgbɛɛ Lagɔ 'na -se 'ɔ -nyɔpɔ 'ɔnɛɛ libhɔ za -wɛ.

Eblenya 4:3

-Anye, -a -kɛle 'dleku, zaa -a 'bhɛle -se -a "kɛ Lagɔ 'na nyɔpɔledɛ -ce -plɛ 'ɛnɛɛ za 'ɔ -bhulɛ -lɔ sɛne nɛɛ: 'Neɛ 'kɛle ne "me, 'e "zo- -biɛ: 'Wa -ka 'ce 'neɛ nyɔpɔledɛ -ye 'e -sɛ lɔbhɔ 'wanɛɛ za -wɛ plɛ "kpɛ! 'Ɔ bhiɛ- lɛ zikpɛ 'wlɛ -kɔ ne, Lagɔ bhiɛ- 'ɔnɛɛ libhɔ kɔ.

Eblenya 4:8

Zozue kɛ 'awɔ -gbɔ "ne 'nyakpa kɛ 'awɔ nyɔpɔ- ne, Lagɔ -ka nɛ 'yli 'na -vinɛ 'na weli -bhulɛ.

1 Piɛle 2:10

-Watɔ -ce, 'a "ne 'awɔ Lagɔ 'na -gligbɛnya 'waa, -mɔ, -dɛmeda, 'anye -noɔ -lɔ 'ɔnɛɛ -gligbɛnya 'waa. -Watɔ -ce, Lagɔ "ne "pɔ 'awɔ 'anyɛɛ 'nyɛzedle, -mɔ, -dɛmeda, 'ɔ 'pɔ 'anyɛɛ 'nyɛzedle.

'Ylikloylɛleweli 14:13

"Ne 'e yi -lɔ weli -ɛ 'bhale "nɔgɔ "me -wɛ "no, 'ɛ nɛɛ: "Kɛle, -dɛmeda, 'ŋwɛnɛ 'lɔbhoa -mlɛ, -wa -nyɛ Anyinɛnyɔ "bhaa 'wa -kole "ku "ne 'wa "ku- -wɛ. Zuzu Wlewle nɛɛ: 'Diɛɛ, 'wa yi 'nyɔpɔ-, "naa-, 'wanɛɛ nonoli -gɛleloa zɛ.

'Ylikloylɛleweli 21:4

'Ɔ yi 'ce 'ylime 'na miɛ 'klekle siɛ- "ne 'kwiɛ -ka 'ce -la 'lele-, -gbuduwuɛ, "mekpɛɛ, "ne 'gbapegbapeɛ -ka 'ce -la 'lele-, "naa-, zikpɛ -gɔgɔ -bhiɛ "ku zɛ.