Eblenya 4:2 - Nouveau Testament bété de Gagnoa

² 'Wa -sɛle -anye 'Denaade -see 'wa -sɛle -me -a 'to 'wa 'to 'wɔ, -mɔ, weli -ye 'wa 'no- -wɛ "noa 'awɔ -bɛɛ' -no. -Sɔɔdɛku 'wa 'no- -wɛ, 'wa "ne 'dleku -kɛle.

Eblenya 4:2 Iomraidhean Croise

Nonoli 13:46

"Ne Pɔle -nyɛ Banabase "bhaa 'wa yua -lɔ 'dle -wɔtɛsɛ bhulɛle nɛɛ: «'Anye 'wa "kɛ nɛ -lɔ "ɛ Lagɔweli bhulɛle- tɛɛ! -Mɔ, 'a -sɛ 'ɛnɛɛ lo "ne 'a 'bhlele -lɔ 'ayigɛsɛ 'ayi gbo nɛɛ: 'A "ne 'bhɛle- "ne 'a "kɛ -zikpɛ 'na -ɛ -ka "kubhiɛ -wɛ yle. 'Ɛza, -a mele- -da -lɔ -wa "ne Lagɔ -yi -wɛ lo.

Nonoli 3:26

'Anyɛɛ za Lagɔ -nɛme -lɔ -tiaa 'ɔnɛɛ "kulɔbhɔyu -se 'ɔ "kɛ 'anye 'ŋu 'pɔ, -se -ɔkɔkokɔko "kɛ "nyɛnye 'na nonoɛ 'beku 'bha.

Wlomɛnya 2:25

'Diɛɛ yɛ -lɔ, -sɔɔdɛku, -e no -ye -Lɔ 'yɔbhɔ lo -wɛ, "kudiɛ -ŋwa sɔbhɔ. -Mɔ, -e "mɔ -Lɔ 'plome "zo, -e "kɛ 'se "ku 'diɔ- 'ce, -e -ko sɛgbɛɛ 'nyɔkpɔ 'na -ɔ "ne lɛ "ku 'diɔ- ne.

Wlomɛnya 3:3

Zaa, -see -a kɛ bhɔ lɛ, zufonya 'na -bedia "mɔ Lagɔ 'na weli 'plome "zo ne, 'ɛyi -wɛ "kɛ bhɔ gbɔ "ne Lagɔ "kɛ bhɔ 'ɔnɛɛ weli "ku 'bha- 'a?

1 Kolɛtenya 13:3

'E 'bhɛle- 'e "kɛ 'neɛ -li 'klekle 'nyakpa 'na -ye ŋɔŋo lɔbhɔ -wɛ 'dlialea-, "ne 'e 'bhɛle- 'e "kɛ 'neɛ ku -kosu 'glɛ 'tle-. -Mɔ, 'e "mɔ 'nyakpa 'na 'ŋwɛnɛ "me -kɛ, 'e -cɛ -bɛɛ' "me ylele-!

Galatenya 3:2

'A sibha 'na 'yukwli dodo weli 'cibhɛ ne "ku: Zuzu Wlewle -ye 'a -yle -wɛ, 'a "zo- -Lɔ 'plome za yɛ "bhaa, -mɔ, 'a -kɛle 'Denaade 'dleku za yɛ?

Galatenya 3:8

"Naa-, Lagɔbɔgo lɛ -me 'lelee sɛne "kle nɛɛ: «Lagɔ yi -wa "ne Zufonya 'waa -wɛ "meŋwinɛlenya "zoa- 'wanɛɛ 'dlekukɛle -ylime. "Ɛ 'Denaade ne "me, Lagɔ -bhulɛle nɛ Ablame "kle: Lagɔ yi 'ce -glɔ 'klekle 'ŋu "pɔ Ablame "me.»

Galatenya 4:13

'A -yi sɛ -gbɔ 'e "ne 'awɔ -yɛ za, 'e -yi -lɔ 'anye 'Denaade 'sɛle -ka 'neɛ 'tɛtɛɛ dɛku.

1 Tesalonikenya 1:5

"Naa-, 'Denaade -ye -a -sɛle 'anye -wɛ, bhulɛweli 'ɛyikɔ "me 'ye 'ɛ "ne 'anye "ku -ylɛ, -mɔ, Zuzu Wlewle 'na 'bhɛloɛ "ne 'ɔnɛɛ 'kwɛlekwɛleɛ "me yɛ -me -lɔ. "Naa-, -ye -a bhulɛ nɛ -wɛ, -a -cɛ nɛ 'dleku -gbɔ "ɛ 'Denaade -wɛ 'diɛɛ yɛ -lɔ. Sɛko -wɛ, 'a -yi -see -a -su nɛ -ayi "ku 'anye 'glɛme, 'a "kɛ nɛ -kɛ 'tee ko 'na 'ylime.

1 Tesalonikenya 2:13

'A -gɛ 'yli, sɔɔbɛɛza -a 'bhɛle Lagɔ -godogodo -wɛ, -noɔ -lɔ nɛɛ: -Sɔɔdɛku -a -sloa 'anye Lagɔweli -wɛ, 'a no- "me. 'A "ne -kɛ 'nyɔkpɔsɛ "ku "me no-, -mɔ, Lagɔweli 'nasɛ 'ye 'a no- -lɔ "me, "naa-, Lagɔweli yɛ -lɔ 'diɛɛ, 'ɛ nole -lɔ 'anye libhɔ "me.

1 Timote 4:8

-E "kɛ -eyi "kɔ "tɔtɔle -se 'kwɛme "kɛ -eyi "tamale ne, 'ɛ 'nɛne, -mɔ, -e "kɛ -eyi "kɔ "tɔtɔle -se -e "kɛ Lagɔ 'dletɛle -wɛ 'nɛne "ne 'ɛ -zi -li 'klekle "ku. "Naa-, -ɔ "tɛle- Lagɔ 'dle -wɛ, zikpɛ 'na -ye Lagɔ 'sɛ lɔbhɔ -dɛme, "ne 'watɔ -wɛ, 'ɔnɛɛ yɛ -lɔ.

Eblenya 11:6

'Nyɔkpɔ "ne 'bhɛle "ne 'ɔ "kɛ Lagɔ -gɛ namale-, 'ɔ "mɔ 'dleku -kɛ ne. -Ɔ 'nyiɔ Lagɔ yɔko 'na -ye 'ɔ "kɛ 'dleku kɛle- ne lɛ: Lagɔ -le, "ne 'ɔ 'peɛle -wa 'tɛlo siɛ -wɛ.

Eblenya 3:12

-Nyɔsɔwanye, 'a 'luɔle- 'ayi "ku! 'Anye 'glɛme 'nyɔkpɔ te 'dle -nyɛnye -ɛ "ne 'dleku -kɛ -wɛ kɛle-, -se 'ɔ te Lagɔ -ɔ -yɛ gbligbli -wɛ keyi 'glɛ.

Eblenya 4:6

-Wa 'no- 'Denaade tɛɛ -wɛ 'wa "ne Lagɔ 'na nyɔpɔledɛ -plɛ, "naa- 'wa -sɛ 'ɛnɛɛ 'plome -zo -lo. -Bedia yi -namlɛ "bhle -plɛ.

Zake 1:21

Zaa, 'a 'tale- "nyɛnye "ne -li 'klekle -ɛ pla 'anye 'fe -wɛ 'yi, -se 'dlewɔtɛ "me, 'a 'sa weli -ye Lagɔ "zo- 'anye 'dlezɔ -wɛ kɔ, 'ɛ bhɛle -se 'ɛ "kɛ 'anyɛɛ zikpɛ 'fuɔ.

1 Piɛle 1:12

-Ye Lagɔ -sloa ne lɛ: 'De -ye 'wa -sɛ 'awɔ -wɛ "ne nɛ 'wanɛɛ yɛ, -mɔ, 'anye nɛ yɛ -lɔ. -Dɛmeda, -wa -sɛle 'anye 'Denaade -wɛ -blialea 'ɛ 'de ne 'du, 'ɛ -nyɛ Zuzu Wlewle -ɔ 'bhale "nɔgɔ "me 'na 'bhɛloɛ "bhaa. "Ne 'ɛ weli ne, "nɔgɔzilia 'wayi -gɛsɛ 'wa 'yɔbhɔ -gbɔ 'wa 'cɛ yibhlele- -me kpɛnyee.