Eblenya 3:6 - Nouveau Testament bété de Gagnoa

⁶ -Mɔ, -dɛmeda, -ye Klise no -wɛ, -see 'ɔ -noɔ yu yɔ -wɛ za yɛ -lɔ, "ne 'ɔ -su Lagɔ 'na -bhudu 'na 'wli. 'Ɔnɛɛ -bhudu -wɛ, -anye 'waa -lɔ, -a kɛ -kɛ 'dlekutamaleɛ kɔ -kɛle "ne -a kɛ -kɛ -ye -a tɛle- 'dle -wɛ "me zligbɔle-.

Eblenya 3:6 Iomraidhean Croise

Matie 10:22

"Ne 'neɛ 'tɔ "me 'nyakpa 'klekle yi 'ce 'anye 'gble, -mɔ, -ɔ kɛ 'ce 'dleku "tamale- -kaa "ne 'ɛ kɛ 'ce -bhiɛ, Lagɔ yu 'ce 'fuɔ.

Matie 16:18

"Ne -ame 'e bhulɛle -eyi nɛɛ: 'Tiyi 'ye -e -noɔ -lɔ, "ne "ɛ 'tiyi -wɛ "klo 'ye 'e "kɛ 'ce -lɔ 'neɛ "me bhubhɔle-bhudu 'sɔbhɔle, "ne 'kwiɛ 'na 'bhɛloɛ -ka 'ce -eyi -bɛɛ' no.

Matie 24:13

-Mɔ, -ɔ kɛ 'ce 'dleku "tamale- -kaa "ne lɔbhɔ kɛ 'ple- ne, Lagɔ yu 'ce 'fuɔ.

Wlomɛnya 11:22

Zaa, 'wolo "ku: Lagɔ -ko 'nɛne "ne 'ɔ 'kɛle yɔko. 'Ɔ 'kɛle yɔko -wa -bhli zɔ -wɛ za, 'ɔ -ko 'neɛ za 'nɛne, -e "kɛ 'ɔnɛɛ zikpɛ 'na "namanɔ "ku -ko, 'ɛ "mɔ -kɛ sɔbhɔ yɛ, 'wa yi 'lelee -eyi "ku 'di me sɛgbɛɛ suklɛ.

Wlomɛnya 12:12

'Ŋwɛnɛ 'lɔbhɔ 'anye, -see 'a "tɛle- 'dle -wɛ za. "Nyɛnye "kɛ 'anye -yle ne, 'a 'piɛ- "bhle 'dle -vlee, -se 'a bhubhɔ 'yiɛ.

Wlomɛnya 15:13

-Se, 'Dletɛle Lagɔ, 'ɔ 'yiɛ- 'anye "kuwɛtɛ -nyɛ 'ŋwɛnɛ "bhaa "ku 'anyɛɛ 'dlekukɛle za! -Se 'anyɛɛ 'dletɛleɛ "kɛ lɔbhɔ 'ple Zuzu Wlewle 'na 'bhɛloɛ "me.

Wlomɛnya 5:2

Zezu "me, -a -kɛ 'dleku, -a yi Lagɔ 'na -jɔlo yle. "Ɛ -jɔlo -wɛ "me 'ye -a -ko -lɔ. -Ɛ -le -anye 'ŋwana "ku -noɔ -lɔ nɛɛ -a -kɛ 'dleku -gbɔ -a yi Lagɔ 'na 'ŋlu yle -me.

1 Kolɛtenya 3:16

'Anye -noɔ -lɔ Lagɔ 'na "mebɔbɔlebhudu 'waa, "ne Lagɔ 'na zuzu -ko 'anye "me. 'A "ne bhɔ 'ɛnɛɛ za 'sɛ -yi bha?

1 Kolɛtenya 6:19

'A -yi sɛ -gbɔ 'anyɛɛ ku Zuzu Wlewle 'na -bhudu "yitɛ yɛ -lɔ, 'ɛ Zuzu Wlewle -wɛ -ko 'anye "me. "Ne Lagɔ 'jo- -lɔ 'anye kɔ. 'Anye "ne 'ayigɛsɛ 'ayi 'bhe-.

2 Kolɛtenya 6:16

Lagɔ 'na -bhudu -nyɛ "fu 'na lagɔ "bhaa, weli -bhele 'wa bhulɛ bha? "Naa-, -anye -noɔ -lɔ Lagɔ -ɔ -yɛ gbligbli 'na -bhudu yɔ. Sɛne Lagɔ -bhulɛ nɛɛ: 'E "koa 'glɛme 'gli, -se 'wa "kɛ -neɛ' 'nyakpa "zo -se -ame 'e "kɛ 'wanɛɛ Lagɔ "zo.

Galatenya 6:10

Zaa, -a -ka -namlɛ "tɛnye -kɛ ne, -a no -li 'na -li -alua 'klekle za, -wa -kɛ me 'dleku -anyɛɛ sɛne -wɛ za -tiaa.

Galatenya 6:9

-A no -li 'na -li, 'kwɛme te -kɛ -anye yɔle-. 'A 'cɛ no yiɛ ne, lɔbhɔ kɛ 'ce -ylɛ, -a yi 'ce -bɛɛ' 'na -bɛɛ' "me ylele-.

Efɛzenya 3:12

Sɛko -wɛ, Klise "bhaa -a -kole "ku "ne -a -kɔ 'dleku. Zaa, -a yele- kɔ -se -a "kɛ Lagɔ yɔko "nyiɔ 'dlekukɛleɛ "me.

Kolɔsenya 1:23

-Mɔ, 'a "tamale- "me 'dlekukɛleɛ "me. 'A te 'se 'Denaade 'guɔ 'ylile-: 'Ɛyi -ye -a "tɛle- -lɔ 'dle. 'Wa -sɛle -wa -ko dodo ne "ku 'klekle -wɛ 'de, 'a 'no -me "me, "ne -ame Pɔle, 'e yi -lɔ "ɛ 'Denaade ne 'na "kulɔbhɔnyɔ "zo.

1 Tesalonikenya 5:16

'Ŋwɛnɛ 'lɔbhɔ 'ce 'anye -godogodo.

2 Tesalonikenya 2:16

-Se Anyinɛnyɔ Zezu Kli, 'ɔyigɛsɛ "ne -a To Lagɔ, -ɔ -wa -anye, -ɔ 'nyɛ- -anye -jɔlo, 'ylime siɛ- 'na -ɛ -ka lɛ "kubhiɛ -nyɛ 'dletɛleɛ "namanɔ "bhaa.

1 Timote 3:15

'E "mɔ -na -kɛ -dɛme -yi, "ɛ "bɔgo ne "kɛ -kɛ -lɔ -eyi sloa, -neɛ' -see -e "kɛ -eyi slu "ɛ Lagɔgligbɛ ne "me. "Ɛ -gligbɛ ne, Lagɔ -ɔ -yɛ gbligbli nɛ yɛ -lɔ, "ne 'ɔ -kɛ -lɔ kɔ, "ne 'ɔ -kole -lɔ "klo, "ne 'ɛ -noɔ -lɔ gbɛklɛklɛ 'na 'gblɛ yɛ.

Eblenya 1:2

-Dɛmeda, 'bebhiɛle- -yli ne "me, Lagɔ -bhulɛle -anye 'ɔ Yowli "me. 'Ɔ yowli "me 'ye 'ɔ wlɛle- -lɔ zikpɛ, "ne 'ɔyi 'ye Lagɔ -tɔ -lɔ -se 'ɔ "kɛ -li 'klekle slu.

Eblenya 10:19

-Nyɔsɔwanye, -a -yi sɛ -gbɔ -a yi bɔbɔledɛ plɛ, sɛko -wɛ, Zezu slu- 'ɔnɛɛ dlu siɛ.

Eblenya 10:21

"Ne -a -kɛ bɔbɔnyɔ "yitɔ -ɔ -gɛ Lagɔ 'na -bhudu 'yuku.

Eblenya 10:23

-A bhulɛ- -ye -a tɛle- 'dle -wɛ 'na weli, 'kwɛme te -anye yɔle-. "Naa-, Lagɔ kɛ weli -ple ne, 'ɔ "ne 'bhɛ "ku.

Eblenya 10:35

Zaa, 'anyɛɛ 'dletɛleɛ te "me yɔle-, 'ɛɛ "kɛ -lɔ gbɔ "ne 'a "kɛ -lɔ 'anyɛɛ "peɛleɛ "yitɛ yle.

Eblenya 11:1

Lagɔ 'na 'dlekukɛleɛ -ko sɛgbɛɛ -ye -e 'yɔbhɔ -wɛ -ko -eyi kɔ "kle, 'ɛ -ko -me sɛgbɛɛ -li 'na -ye -a "ne 'yli -gɛ -wɛ "ne -a 'gbɛ-.

Eblenya 3:14

"Naa-, Klise "bhaa -a no -da -lɔ -dɛme 'gɔme libhɔ, -a kɛ -kɛ -anyɛɛ "kucidɛ "ku 'na 'dletɛleɛ -ye -a -kɛ 'awɔ -dee -a "zole- 'dlekukɛlenya kɔ -kɛ klekle -kaa "kubhiɛ dɛku.

Eblenya 4:11

'Ɛnɛɛ za, -a -ya tɛle- 'siɛ 'dle "namanɔ "me -see -a "kɛ "zo "ne -a "kɛ "ɛ nyɛpɛ nyɛpɛɛ -wɛ yle. -Se 'nyɔkpɔ te -kɛ zɔ bhli -wa -sɛ 'plome -wɛ 'nasɛ.

Eblenya 4:14

-A -kɛ bɔbɔnyɔ "yitɔ, -ɔ zi "ne -ɔ -ylɛ Lagɔ yɔko: Zezu yɔ -lɔ, Lagɔ Yowli. Zaa, -anyɛɛ 'dlekukɛleɛ -a kɛle kɔ -se 'ɛ "tamale- -kɛ "me kpɛnyee.

Eblenya 4:16

Zaa, -a -ya kɛle- 'dleku, -a te "gu -se -a 'nyiɔ- Lagɔ 'na 'leyli -gbɔglo yɔko, lɔbhɔ 'ye -jɔlo -ko -lɔ. 'Ɔyi yɔko, 'ɔ yi -anyɛɛ 'nyɛze 'dle "pɔ "ne -a yi 'ɔnɛɛ -jɔlo yle, -se 'ɔ "kɛ -anye kwɛle- lɔbhɔ kɛ 'ce -ylɛ ne.

Eblenya 6:11

-Ye -a 'yɔbhɔ cuu -noɔ -lɔ -gbɔ 'anye 'glɛme -ɔkɔkokɔko no -li 'klekle -ye 'a tɛle- 'dle -wɛ, 'kwɛmetamaleɛ "me -se 'ɔ -sɛ 'wli. 'Ɛ kɛ sɔbhɔ -ko ne, -li 'klekle -ye 'a tɛle- 'dle -wɛ yi 'ce 'yli 'wlole.

Eblenya 6:18

Welipleɛ "ne zligbɔzligbɛ, -li "sɔ 'na 'ye 'wa -ka kɔ 'bhelia- yɛ -lɔ. Lagɔ -ple weli "ne 'ɔ zligbɔ, zaa 'ɔ "ne 'wlɛ yo. 'Ɛyi -wɛ "tamalea- -lɔ -anye 'kwɛme kpɛnyee, 'ɛza -a 'bha- -lɔ -li 'klekle 'beku -se -a "kɛ 'dletɛleɛ -ye 'ɔ 'je- -anye kɔ -wɛ kɔ 'sa.

Eblenya 7:19

"Naa- Moyize 'na -Lɔ "ne bhi 'na -bhi -tlo. -Mɔ, 'ɛ 'je- -anye 'dletɛleɛ 'na "namanɔ kɔ, "ne 'ɛ 'dletɛleɛ -wɛ "me -ye -a 'nyiɔ -lɔ Lagɔ yɔko.

1 Piɛle 1:8

Zezu, 'a 'no 'ylime 'ye, 'ɛ -ko sɔbhɔ "ne 'a -wɔ. 'A -kɔ -na -dɛme 'ylime 'ye, -mɔ 'ɛ -ko sɔbhɔ "ne 'a -kɔ 'dleku. 'Ɛnɛɛ za, 'ŋwɛnɛ "yitɛ 'yiɛ- -lɔ 'anye "ku, 'ŋwɛnɛ "yitɛ -ɛnɛɛ' weli "ne 'bhulɛ -sɛ -kɛ -wɛ.

1 Piɛle 2:5

Zaa, 'a 'nyiɔ -mo yɔko. -See 'anye 'lelee, -yɛyɛ -tiyi 'nasɛ, 'a "kɛ Zuzu Wlewle 'na -bhudu sɔbhɔ. -Se 'a "kɛ bɔbɔnya 'wlewle 'na -gligbɛ -duku 'jilɛ, -nyɔ 'na bɔbɔli 'ye Lagɔ 'sa- kɔ Zezu Kli za -wɛ.

1 Piɛle 4:17

'Diɛɛ, -gbobhleɛ 'na "ku 'cile -dɛme yɛ -lɔ, "ne Lagɔ 'na -gligbɛnya 'ye 'ɛ 'cile -lɔ "ku. 'Ɔ kɛ -anye "ku 'cile ne, -wa -sɛ 'Denaade 'na 'dleku -kɛle -lo -wɛ -see 'wanɛɛ "kɛ bhɔ 'wlizɔ bhiɛle 'a?

'Ylikloylɛleweli 2:18

"Kɛle "nɔgɔzilɔ -ɔ -ko Tiatiledu "me 'na Lagɔgligbɛ "me -wɛ "ku nɛɛ: Sɛne Lagɔ Yowli -nyɔ 'na 'yli sɛ 'dɛle sɛgbɛɛ -kosu, "ne 'ɔnɛɛ bho -le sɛgbɛɛ 'leyi 'wa 'titli- lɛ -lɔ.

'Ylikloylɛleweli 2:25

-Mɔ, 'anye -ye 'a 'ciɛ- -wɛ, 'a -kɛle kɔ klekle -kaa -se 'neɛ yi dɛku "kɛ ylɛ.

'Ylikloylɛleweli 2:26

-Wa "kɛ 'ce 'neɛ "ku lɔbhɔgbo "ku 'ŋunu- -kaa zikpɛ 'na "kubhiɛɛ, 'wa 'nya -wɛ 'waa- -to -lɔ 'wliku, 'e yua 'ce 'bhɛloɛ -ye 'a To 'je- -ame kɔ -wɛ "nyɛ, "ne 'ɔ yi 'nyakpa 'klekle 'na "bhenyɔ "zo, "ne 'ɔ yua -glasɛ 'slu-. "Ne 'wa yua "ku 'bhia-, sɛgbɛɛ mɛ 'na -slɔ 'wa -wlɛ, "ne 'e yua zegbakpɔzeli kɔ 'je.

'Ylikloylɛleweli 3:11

'E yi -la yi. -Ye -e -su -wɛ 'slu- 'tee, 'nyɔkpɔ te -kɛ -eyi -neɛ' -klɔgbɔ-dagbulɛ 'wlime -sɛ.