Eblenya 3:5 - Nouveau Testament bété de Gagnoa

⁵ 'Ɛ kɛ Moyize yɔ, Lagɔ 'na "kulɔbhɔnyɔ -ɔ "tɛle- 'ɔnɛɛ libhɔ 'klekle 'dle -bhudu "me yɔ 'awɔ -lɔ. "Ne 'ɔ "kɛ 'awɔ -lɔ -ye Lagɔ "kɛ bhulɛ -wɛ 'na -ɔyeɛdɛ "zo.

Eblenya 3:5 Iomraidhean Croise

Matie 24:45

«'Ɔ -noɔ bhɔ "kulɔbhɔnyɔ 'na "namanɔ "ne "nɛnenyɔ yɔ 'a? 'Ɔnɛɛ -ye "bhenyɔ -sɛ lɔbhɔ nɛɛ: 'E 'je- -eyi libhɔ ne kɔ, -se lɔbhɔ kɛ ylɛ ne, "nyɛ "kulɔbhɔnya 'na -vinoa -wɛ lilɛ.

Matie 25:21

'Ɔnɛɛ "bhenyɔ nɛɛ: Libhɔnonyɔ 'na "namanɔ -ɔ tɛle- 'ɔnɛɛ libhɔ 'dle 'ye -e -noɔ -lɔ. 'Wa 'je- -eyi -bɛɛ' 'tekeyi kɔ 'na -see -e 'sɛ- -wɛ -tua 'nyakpa 'ylime -gbɔ -e tɛle- -neɛ' libhɔ 'dle. -Dɛmeda, 'e yi -eyi -bɛɛ' 'na "yitɛ "ku kulɛle-.

Luke 12:42

Anyinɛnyɔ nɛɛ: «-Ɔ -noɔ bhɔ "kulɔbhɔnyɔ 'na "namanɔ "ne 'nɛnenyɔ yɔ 'a? 'Ɔnɛɛ -ye "bhenyɔ -sɛ lɔbhɔ nɛɛ: 'E 'je- -eyi libhɔ ne kɔ, -se lɔbhɔ kɛ ylɛ ne, "nyɛ "kulɔbhɔnya 'na -vinoa -wɛ lilɛ.»

Luke 24:27

"Ne 'ɔ yi -lɔ Moyize "ku cile-, "ne "guɔkwɔmenya 'klekle 'wɔ. "Ne 'ɔ yua -lɔ -ɛ kɛleɔ- Lagɔbɔgo "me 'ɔnɛɛ za -wɛ zɔ sibhalea- 'tee.

Luke 24:44

"Ne Zezu yua -lɔ bhulɛle- nɛɛ: «-sɔɔdɛku 'e -ko -na nɛ 'anye 'glɛme -wɛ 'na weli -ye 'e -bhulɛle nɛ 'anye ne lɛ: -Ye 'wa kɛle- 'klekle 'neɛ za Moyize 'na gbagbɛ "me, "guɔkwɔmenyɔ "ne bhubhɔweli "me "kɛ 'yli 'wlole za yɛ -lɔ.»

Zezu Kli 'na 'Denaade ‑ye Zaa kɛle‑ ne lɛ 5:39

'A 'vea Lagɔweli "me 'tee, "naa- 'a -kɛ 'dleku -gbɔ 'a 'yi zikpɛ 'na -ɛ -ka "kubhiɛ -wɛ "me ylele-. "Ne "ɛ Lagɔweli -bhele -wɛ, 'ɛɛ bhulɛ -lɔ 'neɛ "kukoweli.

Nonoli 28:23

Zufonya -nyɛ Pɔle "bhaa -sɛ lɔbhɔ 'yli -bholo -se 'wa "kɛ "ku 'sibhɔle. "Ɛ -zle -wɛ, 'wa -zimale Pɔle 'na sueme kpɛnyee. 'Zegbakpɔme -kaa kugbedɛku, Pɔle -bhulɛ Lagɔ 'na 'Kamalezikpɛ 'na "kukoweli. Pɔle -bhulɛ Zezu 'na "kukoweli -se 'wa 'cɛ "me 'no -wɛ. Moyize 'na -Lɔ -nyɛ "guɔkwɔmenya 'na "bɔgo -wɛ 'klekle, sɔbhɔ 'ye 'ɔ bhulɛ nɛ -lɔ 'ɛnɛɛ weli.

Nonoli 7:37

'Ɔyi Moyize -wɛ, 'ɔ -bhulɛle -lɔ Izlayɛleyua nɛɛ: Lagɔ yi 'anye 'glɛme "guɔkwɔmenyɔ -sɛ, sɛgbɛɛ -ame.

Wlomɛnya 3:21

-Mɔ, -dɛmeda, Lagɔ "ne -Lɔ "me ylɛle "ne 'ɔ "kɛ -anye "meŋwinɛlenya "zoa-. Moyize 'na -Lɔ "ne "guɔkwɔmenya -bhulɛ -me 'ɛnɛɛ weli.

1 Kolɛtenya 4:2

-Ye 'wa 'yɔbhɔle -tia "ɛ libhɔ -wɛ 'na 'yukugɛlenya "me lo -noɔ -lɔ 'dletɛleɛ yɛ.

1 Timote 1:12

'E bhɛle Anyinɛnyɔ Zezu Kli. 'Ɔ -kɛ -ame 'dleku, zaa 'ɔ libhi- -ame 'ɔnɛɛ libhɔ "me "ku, "ne 'ɔ yi -lɔ -ame 'kwɛmetamaleɛ 'nyɛ.

Eblenya 1:1

-Watɔ -ce, "guɔkwɔmenya "me 'ye Lagɔ -bhulɛle 'awɔ -lɔ -a 'to 'wa 'to 'wɔ, "ne 'ɔ 'titliloa 'awɔ -lɔ 'yukwli "me -godogodo.

Eblenya 3:2

Moyize tɛle- 'awɔ Lagɔ-bhudu "me 'dle. "Ɛ sɛbhele -wɛ Zezu tɛle- -me 'awɔ Lagɔ -ɔ "zoɔ- bɔbɔnyɔ "yitɔ -wɛ 'dle.

Eblenya 3:4

-Bhudu 'klekle -kɛ 'sɔbhɔnyɔ, -mɔ, -ɔ sɔbhɔ- li 'klekle, Lagɔ yɔ -lɔ.

Eblenya 8:5

Bɔbɔnya ne, bɔbɔledɛ "me 'wa no -lɔ libhɔ, "ɛ bɔbɔledɛ -wɛ, -ɛ -ko "nɔgɔ "me 'na -didale yɛ -lɔ. "Naa-, -sɔɔdɛku Moyize ci- -gligbɛ -sɔbhɔ "ku -wɛ, Lagɔ -bhulɛlo nɛɛ: -E -gɛ 'yli, 'no -kɛ -see 'e -tuɛ -eyi 'ylime tlo 'vli -wɛ.

Eblenya 9:24

"Naa-, Klise "ne se bɔbɔ-bhudu -ye 'nyakpa sɔbhɔ- -wɛ "me -plɛ. "Ɛ soɔ 'na bɔbɔbɔbɔ-bhudu, "nɔgɔ "me -nɛ 'ce 'na 'didale yɛ -lɔ. -Mɔ, "nɔgɔ "me 'nabhɛ 'ye Klise 'gblɛ- -lɔ -se 'ɔ "kɛ -anyɛɛ za -dɛme Lagɔ 'yliku 'sibhɔ.

'Ylikloylɛleweli 15:3

'Wa 'bhle Moyize, Lagɔ 'na "kulɔbhɔnyɔ -nyɛ 'bhlɛbhlɛyu "bhaa 'na lo nɛɛ: Anyinɛnyɔ Lagɔ -ɔ 'bhɛle- 'klekle -neɛ' nonoli 'kpɔ- "ne 'ɛ -le 'ŋwana "ku. -Glɔ 'klekle 'na -klɔgbɔnyɔ, -neɛ' -gwe 'je "me "ne 'ɛ -ko -kpee.