Eblenya 3:1 - Nouveau Testament bété de Gagnoa

¹ -Nyɔsɔwanye, Lagɔ la- 'anye, zaa, 'a wolo- Zezu "ku 'tee. Lagɔ -lobho -lɔ, 'ɔ -noɔ -lɔ bɔbɔnyɔ "yitɔ nyɔ 'na Denaade -a -sɛle -glɔnya yɔ.

Eblenya 3:1 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 17:3

"Ɛ zikpɛ 'na -ɛ -ka "kubhiɛ -wɛ -noɔ -lɔ nɛɛ: 'Wa yibhlele- -eyi, -eyi -mɔɔ -noɔ -diɛnadiɛ 'na Lagɔ yɔ -wɛ, -se 'wa yibhlele- -me 'lelee Zezu Kli -ye -e -lebhe -wɛ.

Zezu Kli 'na 'Denaade ‑ye Zaa kɛle‑ ne lɛ 20:21

"Ne Zezu yua -lɔ "kusɔ bhulɛle- nɛɛ: «"Kuwɔtɛ ko 'anye 'glɛme! See- -ame To -lebhe -ame -wɛ, sɔbhɔ 'ye lebhe me -lɔ 'anye.»

Zezu Kli 'na 'Denaade ‑ye Zaa kɛle‑ ne lɛ 20:27

"Ne 'ɔ yi -lɔ Toma bhulɛle- nɛɛ: «'Dia- -neɛ' sɔwleyɛ dɛ, -se wolo- 'neɛ kɔmne, 'dia- -neɛ' kwlɛ -se 'fɛ -ame gbɛce -zɔ. Te 'kpɛle-, -mɔ, kɛle- 'dleku.»

Nonoli 1:15

'Yli -bholo "me, Zezu 'na 'dlekukɛlenya 'na -zakpɛ "zo- 'awɔ 'wli, 'wa yi 'awɔ glo 'gbeplo yle. "Ne Piɛle yua -lɔ 'glɛme "ku -sɔ, "ne 'ɔ yi -lɔ no nɛɛ:

Wlomɛnya 11:17

Izlayɛle -ko sɛgbɛɛ 'gloglo su 'na "namanɔ -nyɔ 'na 'klɛ 'na -bedi 'wa 'di- "ku. -Eyi, -e -ko sɛgbɛɛ 'kwlɛ "me 'na -suklɛ, "ne 'wa yi -lɔ -eyi 'gloglosu yɔko glɛ-. -Dɛmeda, -e 'bhɛle- -se -e "kɛ 'ŋu -ɛ 'bhale 'ɛnɛɛ -kpulu "me -wɛ "ku 'libhi me "ɛ -suklɛ -wɛ 'wɔ 'nasɛ.

Wlomɛnya 15:27

'Waa- -no -lɔ -gbɔ 'wa "koa kwɛle-, -mɔ, "kle 'na dɛku, 'wanɛɛ 'gɛgbo 'wa -kɛ nɛ -lɔ. Zufonya 'na -jɔlo 'ye Lagɔ -ylɛle -lɔ "me "ne 'ɔ yi -lɔ -wa "ne zufonya 'waa -wɛ 'ŋu 'pɔ. 'Ɛza, 'wa "koa -lɔ 'wanɛɛ 'ye 'wa -kɛ -wɛ "me kwɛlele-.

Wlomɛnya 15:8

'Anye 'ye 'e bhulɛle -lɔ, weli -ye Lagɔ -ple -wɛ, 'ɔ "ne 'bhɛ -kɛ "ku. 'Ɛza, Klise "zo- -lɔ zufonya 'na "kulɔbhɔnyɔ. -Se weli -ye Lagɔ -plele 'awɔ -a 'to 'wa 'to 'wɔ kɔ -wɛ "kɛ 'yli 'wlole.

Wlomɛnya 9:24

"Ɛ 'nyakpa -wɛ, -anye 'waa -lɔ. 'Ɔ la- -bedia zufonya 'glɛme, "ne -wawɛ, -wa "ne Zufonya 'waa -wɛ 'glɛme.

1 Kolɛtenya 1:2

-anye kɛle- lɛ Lagɔgligbɛ -ɛ -ko Kolɛte -wɛ "ku, "ne Lagɔ "zoa- 'wlewle Zezu Kli "me -wɛ, "ne -ye Lagɔ la -se 'wa "kɛ 'wlewle ko, "ne -wa "tule Anyinɛnyɔ Zezu Kli 'na 'tɔ "me moɔ 'klekle -wɛ "bhaa, -ɔ -noɔ 'wanɛɛ "Bhenyɔ "ne -anyɛɛ "Bhenyɔ yɔ -wɛ,

1 Kolɛtenya 10:17

-See "fɔlɔ -yle -bholo "ne -a lile 'gɔme -wɛ, sɔbhɔ -anyɛɛ ku -yle me 'lele -lɔ -bholo. "Naa-, "fɔlɔ -bholo -wɛ 'ye -a li -lɔ zɛ.

1 Kolɛtenya 9:23

'E no "ɛ -ɛwɛ 'klekle Lagɔ 'na 'Denaade za, -se 'ɛnɛɛ 'ŋupɛɛ 'na 'cibhɛ "kɛ -kɛ -ame "ku yi -me.

2 Kolɛtenya 1:7

'Dletɛleɛ -ye -a -kɛ 'anyɛɛ za "me -wɛ 'kpɔ. -Se 'anye 'wɔ "bhaa -a 'gbapele- 'gɔme -wɛ, "ɛ sɛbhele -wɛ -ye Lagɔ "kɛ -lɔ 'anye 'dlekutamaleɛ -bhele -wɛ "nyɛ me.

2 Kolɛtenya 9:13

'Anyɛɛ "nyɛnyɛɛ "me 'ye 'a -tua -lɔ 'nyakpa 'ylime -gbɔ 'a -glɛ Lagɔ 'glɛ, "ne 'a "zo -lɔ Klise 'na 'Denaade 'plome, "ɛ kɛ -soɔ -ko ne, 'klecɛnya 'na 'kwleyia yi Lagɔ 'ŋlu 'kwa- 'ye 'a 'dliloa- 'anyɛɛ -klɔgbɔ -wɛ za, "ne 'a 'dlile- -me 'nyakpa 'klekle.

Efɛzenya 3:6

'Denaade za, -wa "ne zufonya 'waa -wɛ -nyɛ zufonya "bhaa 'dlile -li "bhle 'gɔme Klise 'na "ku-koleɛ "me. Ku -bholo 'wa "zo- -da -lɔ, Lagɔ 'na weli -ye 'ɔ -plele Zezu Kli "me -wɛ, 'wa -ko -me 'ɛnɛɛ didi "me.

Efɛzenya 4:1

-Ye 'e 'yɔbhɔle 'anye lo "ne 'e piɛle "ku ne lɛ, -ame 'mɔɔ -ko -jiɛ "me Anyinɛnyɔ za -wɛ: Anyinɛnyɔ 'na 'laweli -ye 'a 'no- "me -wɛ, 'a 'nɔŋo "ku.

Efɛzenya 4:4

Ku -yle -bholo -kpee, "ne Zuzu Wlewle -yle -bholo -kpee. Lagɔ la- -me 'lelee 'anye 'dletɛleɛ -bholo -kpee "ku.

Filiponya 3:14

'E guɔ -se 'e "kɛ -ye 'wa 'piɛ- -wɛ yle, -se 'e "kɛ -ye Lagɔ lale -anye "ku "nɔgɔ "me, Zezu Kli 'na 'tɔ "me -wɛ yle.

Kolɔsenya 1:12

'a bhɛle To: 'Ɔɔ -gbɔ -lɔ "ne 'a yi -lɔ -li 'na -ye 'ɔ -sɛ lɔbhɔ 'wlewle 'wanɛɛ "ku, 'ɔnɛɛ 'kamale zikpɛ "me 'na zle "ku -wɛ yle.

Kolɔsenya 1:22

-Mɔ, -dɛmeda, Lagɔ "bhaa 'a seliɔ- 'gbo 'ɔ Yowli 'na 'kwiɛ "me, -ɔ 'gbape- 'nyɔkpɔ sɛku -wɛ. Lɔbhɔ 'na dɛku, 'a yi Lagɔ 'yliku -ko 'wlewle, 'wlele, "ne 'a -ka 'nuɔsɔbhɔledɛ kɛle-.

Kolɔsenya 3:12

Lagɔ -tɔ 'anye, 'ɔ 'yɔbhɔ -gbɔ 'a "zo 'ɔnoa, "ne 'ɔ -wa 'anye. Zaa, 'a 'piɛ "bhle 'dle -se 'a 'kɛle- 'nyɛze 'dle, -se 'dlezɔ ko 'anye foo, 'ɛ "zo -zigbadle, -bɔŋodle.

1 Tesalonikenya 2:12

'Ɛza, -a "zo- -lɔ 'anye 'de "me, "ne -a "tamalea- -lɔ 'anye 'kwɛme. "Ne -a yi -lɔ 'anye kɔ 'titli- -gbɔ 'a ko -see Lagɔ 'yɔbhɔ -wɛ, 'ɔyi 'ɔɔ la- -lɔ 'anye -gbɔ 'a "kɛ 'ɔnɛɛ 'Kamalezikpɛ "me plɛ, -se 'a "kɛ 'ɔnɛɛ 'ŋlumeɛ 'na 'didi "me ko -me.

1 Tesalonikenya 5:27

-A bhubhɔ -kɛ 'anye Anyinɛnyɔ 'na 'tɔ "me, -gbɔ 'a zɛle -kɛ "ɛ "bɔgo ne "me, "nowlia 'klekle 'yliku.

2 Tesalonikenya 1:11

'Ɛnɛɛ 'ylime, -a bhubhɔ -lɔ 'anyɛɛ za 'yiɛ "ne -a "ne diɔle- -lɔ, -ye -a 'yɔbhɔle -anyɛɛ Lagɔ ne lɛ: Lagɔ gbɔ -se -a 'sa 'ɔnɛɛ 'laweli kɔ -wɛ, 'a "kɛ sɔbhɔ 'ayi slu-. -Se 'ɔ kwɛle- 'anye -ɔnɛɛ' 'bhɛloɛ "me. -Se "nɛne 'na -ye 'a no -gbɔ 'a kɛ no -wɛ, 'a 'cɛ no, 'anyɛɛ Lagɔ 'na 'dlekukɛleɛ gbɔ -se 'a "kɛ -li 'na -li no.

2 Tesalonikenya 2:14

Lagɔ 'na 'Denaade -ye -a -sɛle 'anye -wɛ, 'ɛ bhulɛle -lɔ 'anye nɛɛ: 'Ɔ -sɛ lɔbhɔ 'anye -se 'a "kɛ Anyinɛnyɔ Zezu Kli 'na 'ŋlumeɛ 'na 'didi "me ko -me.

1 Timote 6:12

To 'na- -to 'ye -e 'na 'gwe -kɛ, Lagɔ 'na 'dleku 'kɛle- -to 'ye -e -na 'gwe -kɛ, -se Lagɔ "bhaa 'a "kɛ "ku kole- -godogodo 'na dɛ. -Ɛwɛza Lagɔ la- -lɔ -eyi -tiaa. 'Nyakpa -gbagboa 'yliku, -e 'ŋunu -gbɔ -e -kɛ Lagɔ 'dleku.

1 Timote 6:2

'Wanɛɛ "bhenya kɛ Lagɔ 'na 'dlekukɛlenya 'waa ne, 'wa te no nɛɛ 'wa -ko Lagɔgligbɛ 'bhle "me zaa 'wa -koa "zo, -mɔ, "nowlia 'wa -noɔ. Lɔbhɔ 'na dɛku, 'wa yua "ku lɔbhɔ 'tee 'nabhɛ. "Naa-, "ɛ "bhenya -ye 'wa lɔbhɔ "ɛ soɔ "ku -wɛ, Lagɔ 'na -wawayua 'waa -lɔ zɛ. -Ye -e "kɛ sloa "ne -ye 'wa "kɛ 'kɔkɛle ne lɛ.

2 Timote 1:9

Lagɔ 'fuɔ- -anye, "ne 'ɔ yi -lɔ -anye la- -se -a "kɛ 'ɔnoa "zo. -Anyɛɛ -ye -a no -wɛ za 'ɛ "ne -kɛ -noɔ, -mɔ, 'ɔyigɛsɛ 'yɛbhɛ -lɔ -gbɔ 'ɛ ko sɔbhɔ. Fu 'ye 'ɔ 'je- -lɔ -anye kɔ Zezu Kli "me, -sɔɔdɛku 'wa -na zikpɛ 'wlɛ- -wɛ.

2 Timote 2:7

-Ye 'e bhulɛle -eyi ne, glole 'dle, -se Anyinɛnyɔ 'cɛ 'ce -eyi "me 'noa- 'klekle.

Eblenya 10:19

-Nyɔsɔwanye, -a -yi sɛ -gbɔ -a yi bɔbɔledɛ plɛ, sɛko -wɛ, Zezu slu- 'ɔnɛɛ dlu siɛ.

Eblenya 10:21

"Ne -a -kɛ bɔbɔnyɔ "yitɔ -ɔ -gɛ Lagɔ 'na -bhudu 'yuku.

Eblenya 10:23

-A bhulɛ- -ye -a tɛle- 'dle -wɛ 'na weli, 'kwɛme te -anye yɔle-. "Naa-, Lagɔ kɛ weli -ple ne, 'ɔ "ne 'bhɛ "ku.

Eblenya 13:22

-Nyɔsɔwanye, 'a 'piɛ "bhle 'dle -se 'a "kɛ -kɛ "ɛ 'kwɛme -tamaleweli ne 'yukwli fo. "Naa-, 'neɛ "bɔgo -ye 'e kɛle- 'anye "ku ne "ne "me tlo.

Eblenya 2:11

Zezu 'pla -lɔ 'nyakpa 'wlele 'wanɛɛ 'nyinyonoli za. Zaa, 'ɔ 'pla 'wlele "ne -wa "zo- 'wlele -wɛ 'klekle, To -bholo 'wa -kɛ -lɔ. -Ɛwɛɛ za zu "no 'lɔbhɔ -lɔ -se 'ɔ "koa 'ɔ "nowlia la.

Eblenya 2:17

-Ɛwɛza, 'ɔ "kɛ nɛ -lɔ 'ɔ "nowlia 'wlole -li 'klekle "me -se 'ɔ "kɛ bɔbɔnyɔ "yitɔ 'na -ɔ -ko 'nɛne "ne -ɔ tɛle- lagɔlibhɔ 'dle, -se 'ɔ "kɛ 'nyakpa 'na 'nyinyonoli 'na gbo "ku 'titli.

Eblenya 3:12

-Nyɔsɔwanye, 'a 'luɔle- 'ayi "ku! 'Anye 'glɛme 'nyɔkpɔ te 'dle -nyɛnye -ɛ "ne 'dleku -kɛ -wɛ kɛle-, -se 'ɔ te Lagɔ -ɔ -yɛ gbligbli -wɛ keyi 'glɛ.

Eblenya 3:14

"Naa-, Klise "bhaa -a no -da -lɔ -dɛme 'gɔme libhɔ, -a kɛ -kɛ -anyɛɛ "kucidɛ "ku 'na 'dletɛleɛ -ye -a -kɛ 'awɔ -dee -a "zole- 'dlekukɛlenya kɔ -kɛ klekle -kaa "kubhiɛ dɛku.

Eblenya 6:20

'Ɛ -doɔ 'ye Zezu -plɛ -lɔ, 'ɔɔ -gɛ -lɔ -anyɛɛ 'yuku -se 'ɔ "kɛ -anyɛɛ -gwe sɛ, "naa- bɔbɔnyɔ "yitɔ yɔ -lɔ Mɛcisedɛke 'nasɛ.

Eblenya 7:26

Zezu -noɔ -lɔ bɔbɔnyɔ "yitɔ 'na 'ɔ "kɛ nɛ -anye 'yliku -ko -wɛ yɔ. 'Ɔ -ko 'wlewle, 'ɔ "ne gbo 'wlime -kɛ, "ne 'ɔ "ne 'nyinyonoli 'wlime -kɛ, 'ɔ -ylile 'nyinyonolinonya "guɔ, "ne Lagɔ yu -lɔ "nɔgɔ "ku jilɛ-.

Eblenya 7:28

Bɔbɔnya "yitia -ye Moyize 'na -Lɔ -sɛ lɔbhɔ -wɛ, 'nyakpa 'waa -lɔ, 'wa "ne "me 'tɛ-. -Mɔ 'ye Lagɔ -sɛ lɔbhɔ 'ɔnɛɛ weli-pleɛ -ɛ 'bhale -Lɔ 'beme -wɛ, 'ɔ Yowli -ɔ 'yiɛ- 'wli -godogodo 'na dɛ yɔ -lɔ.

Eblenya 9:11

-Mɔ, Klise, 'ɔyi, -li 'na -li -ɛ -ko lɔbhɔ "kle -wɛ 'na bɔbɔnyɔ "yitɔ "ku 'ye 'ɔ -yi -lɔ. 'Ɔ -ylɛle -gligbɛ -ɛ -zi "ku "ne 'ɛ yiɛ- 'wli -wɛ "me, 'nyakpa 'na 'sɔ "ne sɛbhɛ-, 'ɛ sɛ zɔ nɛɛ 'ɛ "ne zikpɛ ne "ku 'na 'wlɛ 'wlɛ -bɛɛ' yɛ.

Eblenya 9:15

-Ɛwɛza, Klise -ko -lɔ 'mɛnenoɛ -lele 'na 'jijeku, weli -lele. 'Ɔ "ku- -se 'ɔ "kɛ 'nyakpa -wa -yle gbo -sɔɔdɛku tɛtɛ -mɛnenoɛ -ko nɛ lɔbhɔ -wɛ 'na 'galu 'di. Zaa, -ye Lagɔ la- -wɛ yi -li 'na -li -nyɔ 'na weli -ye Lagɔ -ple 'awɔ -wɛ -yle.

1 Piɛle 2:9

-Mɔ, 'anye, 'anye -noɔ -lɔ 'ɔnɛɛ 'nyakpa -ye 'ɔ -tɔ 'waa, 'anye -noɔ -lɔ -klɔgbɔnyɔ 'na bɔbɔnya 'na -gligbɛ 'waa. 'Anye -noɔ -lɔ 'nyakpa 'wlewle 'waa. 'Anye -noɔ -lɔ 'nyakpa 'ye Lagɔ -tɔ 'waa, -se 'a "kɛ -li 'na "yitɛ -ye 'ɔ no -wɛ 'na 'de -sɛ. 'Ɛza, 'ɔ la- -lɔ 'anye -gbɔ 'a 'bha- titiɛ "me, -se 'a "kɛ 'ɔnɛɛ zle -namanɔ "ku yi.

1 Piɛle 3:5

Bhlɛme, 'dlekukɛle -ŋwenea -wa tɛle- 'awɔ Lagɔ 'dle -wɛ 'nɛne 'awɔ "ɛ soɔ, "naa-, 'wa "zo 'awɔ 'wa 'luwlia 'plome.

1 Piɛle 5:1

-Dɛmeda, 'e bhulɛle "yitia -wa -ko 'anye 'glɛme -wɛ. -Ame "yitɔ 'ye 'e -noɔ -me -lɔ 'anyɛɛ sɛ. 'E 'ye- Klise 'na 'gbapesɛ 'na dɛ, "ne 'e yi 'ɔnɛɛ 'ŋlu -ɛ "kɛ yi -wɛ 'na dɛ 'ye me.

1 Piɛle 5:10

'Anyɛɛ 'gbapeɛ -ka "me 'gwlɛ. -Mɔ, Lagɔ -ɔ -wa 'anye -wɛ, 'ɔ la- -lɔ 'anye -se 'a "kɛ 'ɔnɛɛ 'ŋlu -ɛ "ne "nenidɛ -kɛ -wɛ 'na dɛ 'ye, Zezu Kli "bhaa 'na "kukoleɛ "me. "Naa-, 'ɔ yi gbɔ "ne 'a -ka 'nuɔsɔbhɔledɛ kɛle-, "ne 'a yi "me "tamale-, "ne 'a yi 'kwɛme "tamale-, "ne 'wa -ka 'ce -la 'anye 'siɛ 'bhle.

1 Zaa 1:3

"Ɛ zikpɛ ne, -a 'ye- 'ylime, "ne -a 'no- -me 'ɛ 'de. -A 'sɛle me 'lelee 'anye 'ɛnɛɛ 'de. Sɔbhɔ "ku, 'anye 'wɔ "bhaa, -a "kɛ "ku 'kole-. 'Gɔme, -anye "ne To "ne 'ɔnɛɛ yu Zezu Kli "bhaa -a yi "ku 'kole-.

Zude 1:1

-Ame, Zude, Zezu Kli 'na "kulɔbhɔnyɔ "ne Zake -ɔ "nɔwli, 'e 'kɛle -ye -a To Lagɔ la- -wɛ "ku. 'Ɔ -woa "ne 'ɔ -suloa Zezu Kli "me.

'Ylikloylɛleweli 17:14

'Wa -nyɛ 'bhlɛbhlɛyu "bhaa yi 'ce gwe "ne 'ɔ yua lu, sɛko -wɛ, 'ɔɔ -noɔ Anyinɛnya 'na Anyinɛnyɔ yɔ, "ne 'ɔɔ -noɔ -klɔgbɔnya 'na -klɔgbɔnyɔ yɔ. 'Wayi 'ye Lagɔ la-, "ne 'ɔ -toa, -wa -kɔ 'dleku -wɛ "bhaa yua 'ce lu.

'Ylikloylɛleweli 18:20

"Nɔgɔ "me 'na konya 'wa no 'ŋwɛnɛ, -see "ɛ 'du ne -bhiɛ "ku -wɛ za! "Ne -anye 'lelee, -wa -noɔ Lagɔ -noa 'waa -wɛ, "kɔlepɔnya, "ne "guɔkwɔmenya, 'a 'no -me 'ŋwɛnɛ, "naa-, Lagɔ -bhlelo gbo, "nyɛnye -ye 'ɔ -no 'anye -wɛ za.