Eblenya 2:9 - Nouveau Testament bété de Gagnoa

⁹ -Mɔ, -anye -ye -a -gɛ -me bhɔ 'lelee 'yli 'a? Zezu kwlilea- 'ɔyi "ku "tɛnye 'tekeyi 'na dɛ "nɔgɔzilia 'yliku. -Mɔ, -dɛmeda, 'ɔ me 'ŋlu "ne 'ɔ 'pɔ -klɔbgɔ. Sɔɔbɛɛza bhɔ? Sɛko -wɛ, 'ɔ 'gbape-, "ne 'ɔ "ku-. "Ne Lagɔ 'na 'nɛne -ko -ylime, Zezu "ku- 'nyakpa 'klekle za.

Eblenya 2:9 Iomraidhean Croise

Matie 16:28

'E bhulɛle 'anye, 'diɛ yɛ -kɛ -lɔ, -wa -ko dɛne 'na -bedia "mɔ -na 'Nyɔkpɔ Yowli -ɔ "kɛ -klɔgbɔnyɔ 'nasɛ yi -wɛ 'ylime 'ye, 'wa -ka "ku.»

Matie 6:28

"Koti za, sɔsa -dlebhɛ "kɛ bhɔ 'anye 'lɔbhɔ -tiaa? 'A wolo- 'kwlɛ "me 'na 'bhabhu -zɛle "ku -naa, 'a -gɛ 'yli -see 'ɛ 'bhoɔ -wɛ. 'Ɛ "ne "kplɛ "ne 'ɛ "ne 'sibhi -kɛ -yese.

Malke 9:1

"Ne Zezu bhulɛloa 'awɔ 'lelee -lɔ sɛne nɛɛ: «'E bhulɛle 'anye, 'diɛɛ yɛ -kɛ -lɔ, -wa -ko dɛne 'na -bedia "mɔ -na Lagɔ 'na 'Kamalezikpɛ -ɛ "kɛ 'bhɛloɛ "me yile- 'ylime 'ye, 'wa -ka "ku»

Luke 9:27

'E bhulɛle 'anye, 'diɛ yɛ -kɛ -lɔ, -wa -ko dɛne 'na -bedia "mɔ -na Lagɔ 'na 'Kamalezikpɛ 'ylime 'ye, 'wa -ka "ku.

Zezu Kli 'na 'Denaade ‑ye Zaa kɛle‑ ne lɛ 1:29

-Zle "kɛ ze ne, Zaa 'na wolo, Zezu yilu lo; "ne 'ɔ yi -lɔ no- nɛɛ: «Lagɔ 'na Zɛbhlɛbhlɛyu, -ɔ "titli 'nyakpa 'klekle 'na "nyinyɔnɔli "ku ne lɛ.»

Zezu Kli 'na 'Denaade ‑ye Zaa kɛle‑ ne lɛ 10:17

To -wa -ame "naa- 'e 'bhale 'neɛ zikpɛ "me, "ne 'e 'yi 'ce "kusɔ ylele-.

Zezu Kli 'na 'Denaade ‑ye Zaa kɛle‑ ne lɛ 12:32

"Ne -ame, 'wa kɛ -ame "nɔgɔ "ku -bizɛ, 'e yi 'ce 'nyakpa 'klekle -ame lo lale-.»

Zezu Kli 'na 'Denaade ‑ye Zaa kɛle‑ ne lɛ 3:16

'A -gɛyli, Lagɔ -wamale 'nyɔkpa kpɛnyee, 'ɛza 'ɔ -sɛ -lɔ 'ɔnɛɛ yu -bholo -kpee. -Se 'nyɔkpɔ 'na -ɔ "kɔ 'dleku kɛle- -wɛ te -kɛ 'kwlɛ bhli, -mɔ 'ɔ "kɛ zikpɛ 'na -ɛ -ka "kubhiɛ -wɛ yle.

Zezu Kli 'na 'Denaade ‑ye Zaa kɛle‑ ne lɛ 8:51

-Ɛɛ, gbɛklɛklɛ 'ye 'e bhulɛle -lɔ 'anye: 'Nyɔkpɔ kɛ 'neɛ bhulɛweli 'yukwli -fo, "ne 'ɔ 'cɛ 'plome "zo ne, 'ɛ nyɔ -wɛ, "ɔ -ka 'ce 'kwiɛ yle gou.»

Zezu Kli 'na 'Denaade ‑ye Zaa kɛle‑ ne lɛ 8:52

"Ne Zufonya yi -lɔ Zezu bhulɛle- nɛɛ: «-A -yi -la -dɛme sɛ -gbɔ zuzu -nyɛnye -ko -lɔ -eyi keyi. Ablame "ku-, "ne "guɔkwɔmenya "ku -me 'lelee, "ne -eyi, -e no -lɔ nɛɛ 'nyɔkpɔ kɛ -neɛ' bhulɛweli 'plome "zo- ne, "ɔ -ka 'ce "ku.

Nonoli 2:33

Lagɔ -kɔmo "nɔgɔ "me 'ɔyi yɔko, lilikwɛlɛ -gbɔsɔ "ku. "Ne 'ɔ 'nyɔ- Zuzu Wlewle -nyɔ 'na weli -ye 'ɔ -bhulɛ 'awɔ -wɛ. "Ne "ɛ Zezu 'nabhɛ yi 'lelee -lɔ -anye "ɛ Zuzu Wlewle -wɛ "nyɛ -me. Sɛgbɛɛ -ye 'a -gɛ 'yli, "ne -ye 'a 'no "me -wɛ.

Nonoli 3:13

Ablame 'na Lagɔ, Izake 'na Lagɔ, Zakɔbo 'na Lagɔ, 'a To 'wɔ 'na Lagɔ -kwa 'ɔnɛɛ "kulɔbhɔnyɔ Zezu 'ŋlu. "Ɛ Zezu -wɛ 'a -plo 'awɔ, 'a -sɛ 'awɔ 'ɔnɛɛ lo Pilate 'yliku. "Ne Pilate 'yɔbhɔ nɛ -se 'ɔ "kɔ nɛ 'yi 'tale.

Wlomɛnya 5:18

Sɔbhɔ za, 'nyɔkpɔ -bholo 'na 'nyinyonoli 'na 'ylime, gbo -lu -lɔ 'nyakpa 'klekle. "Ɛ sɛbhele -wɛ, 'nyɔkpɔ -bholo 'na nonoli -ɛ ŋwinɛle- "me -wɛ 'na 'ylime 'nyakpa 'klekle "zo- -lɔ "meŋwinɛlenya, 'ɛwɛ "me, 'wa -ylele -lɔ zikpɛ.

Wlomɛnya 5:8

-Mɔ, -see Lagɔ -tua -anye 'ɔnɛɛ -waleɛ 'ylime ne lɛ: Klise "ku- -anyɛɛ za, 'ɛ -ko "ɛ -soɔ, "ne -a -noɔ -na nɛ -mlɛ 'nyinyonolinonya 'waa.

Wlomɛnya 8:3

Moyize 'na -Lɔ "ne nɛ 'bhɛle- "ne 'ɛ "kɛ -ɛwɛ no, sɛko -wɛ, 'nyɔkpɔ 'na kosɛ "ne "me 'tɛ-, -mɔ, Lagɔ -no. 'Ɔ 'lebhe- 'ɔ Yowli, "ne 'ɔ yi -lɔ 'nyinyonolinonya 'na ku "ku 'libhi, -se 'ɔ "kɛ 'wanɛɛ 'nyinyonoli 'na 'galu 'di. Lɔbhɔ 'ye Lagɔ -luale -lɔ 'nyinyonoli -ɛ ko 'nyɔkpɔ "me -wɛ gbo.

Wlomɛnya 8:32

'Ɔ Yowli 'nabhɛ, Lagɔ "no -kɛ 'kplɛkplɛɛ 'na -gwe "ku -sɛ, -mɔ, 'ɔ -plo -anye 'klekle za. Zaa, sɔɔbɛɛza 'ɔ -ka bhɔ -li 'klekle -anye "fu kɔ 'je, 'ɔ Yowli "bhaa.

2 Kolɛtenya 5:15

'Ɔ "ku- 'nyakpa 'klekle za, -se -yɛyɛnya 'wayigɛsɛ 'na 'gbo 'toa kɛ 'plɛle-. -Mɔ, 'wa "kɛ -kɛ Klise -ɔ "ku- "ne 'ɔ 'yi 'wanɛɛ za gluzɔ 'wlo -wɛ za yamale-.

2 Kolɛtenya 5:21

Klise "ne 'awɔ 'nyinyonoli 'wlime -kɛ, "ne Lagɔ yu -lɔ -anyɛɛ 'nyinyonoli 'na gbo 'wlime 'gbli-. Zaa, -dɛme'nadɛne "ku, Klise "me, Lagɔ "zoa- -anye "meŋwinɛlenya.

Galatenya 4:4

-Sɔɔdɛku, "tɛnye -ylɛ lɛ ne, Lagɔ -lebhe 'ɔ Yowli. 'Ŋɔnɔ -gwɛlo -lɔ "ne 'ɔ "zo me nɛ Moyize 'na -Lɔ 'plome.

1 Timote 2:6

Lagɔ 'na 'yli -ye 'ɔ di- -wɛ ylɛ lɛ ne, 'ɔ -ple 'ɔnɛɛ zikpɛ, -se 'ɔ "kɛ 'nyakpa 'klekle 'na 'nyinyonoli 'na gbo fle. Klise 'na 'desɛweli "tɛnye 'na -ye Lagɔ -sɛ lɔbhɔ "me -wɛ -lɔ.

Eblenya 1:9

-E -wa -ɛ ŋwinɛle- "me -wɛ, -e "ne "nyɛnye -wa. 'Ɛnɛɛ za Lagɔ, -neɛ' Lagɔ -tɔ -lɔ -eyi 'ɔnɔ "ku, "ne 'ɔ yi -lɔ -eyi -jajo 'na 'ŋwɛnɛ -kpe 'wli slu-. 'Ɔ -wamale -eyi -elua 'glɛme "ne 'ɛ -zi "ku.

Eblenya 10:5

-Ɛwɛza, -sɔɔdɛku Klise "kɛ zikpɛ ne "ku yi -wɛ, 'ɔ -bhulɛle -lɔ Lagɔ nɛɛ: «-E "ne 'yɔbhɔ -gbɔ 'wa 'wlɛ bɔbɔli "ne "nyɛnyɛ -bɛɛ', -mɔ, -e "zoa- -ame 'nyɔkpɔ.

Eblenya 11:5

Enɔke -kɛle 'awɔ Lagɔ 'dleku, zaa 'wa gblɔ- 'awɔ "nɔgɔ "me -se 'ɔ te -kɛ 'kwiɛ yibhlele-. 'Wa -kɔ 'awɔ yle, sɛko -wɛ Lagɔ -kɔmo -lɔ 'ɔyi yɔko. Lagɔ-bɔgo nɛɛ: Enɔke 'gblɛ- 'awɔ "nɔgɔ "me. -Mɔ 'ɛ lɛ- -me 'lele sɛne: -Sɔɔdɛku, 'ɔ -na nɛ 'gblɛ -wɛ, Enɔke 'nɛne 'awɔ Lagɔ -gɛ.

Eblenya 12:2

-A wolo- Zezu "ku 'yiɛ. 'Ɔɔ gbɔ "ne -a kɛle -lɔ 'dleku, 'ɔɔ "kɛ -lɔ gbɔ "ne -anyɛɛ 'dlekukɛleɛ "kɛ -lɔ "me "tamale-. Zezu 'ŋunu- "ku -gbɔ 'ɔ yi klowa "klo kule, zu "no lɔbhɔ-. "Naa-, 'ɔ -gɛ nɛ "kle 'ŋwɛnɛ -ɛ "kɔ 'lɔbhɔ -wɛ 'yli, "ne -dɛmeda, 'ɔ gli- Lagɔ 'na lilikwlɛ -gbɔsɔ "ku.

Eblenya 2:7

'E 'kwlilea- 'nyɔkpɔ "ku "tɛnye 'tekeyi 'na dɛ "nɔgɔzilia 'yliku, "ne 'ɔ yi -lɔ 'ŋlumeɛ -nyɛ -klɔgbɔ "bhaa 'pɔ-.

Eblenya 7:25

-Ɛwɛza, 'ɔ "kɛ -lɔ -wa 'nyiɔ Lagɔ yɔko -wɛ 'fuɔ -godogodo 'ɔnɛɛ 'kwɛle-kwɛleɛ "me. "Naa-, Zezu -yɛ 'gbligbli -godogodo, 'ɔ yi 'wanɛɛ za Lagɔ bhubhɔ -godogodo.

Eblenya 8:3

Bɔbɔnyɔ "yitɔ, 'wa -sɔ lɔbhɔ -se 'ɔ "kɛ -li -ye 'wa "nyɛ -wɛ Lagɔ 'ylime tua -se 'ɔ "kɛ bɔbɔ-. Zezu, 'ɔyi 'lelee, 'ɔ yi Lagɔ 'na 'nyɛ "nyɛ -bɛɛ' slu-.

1 Piɛle 1:21

Klise "me 'ye 'a -kɛ -lɔ Lagɔ 'dleku, -ɔ 'goliɔ- 'kwiɛ "me, "ne 'ɔ 'nyɔ- -lɔ 'ŋlumeɛ. 'Ɛnɛɛ za 'a "zo -lɔ 'anyɛɛ 'dlekukɛleɛ "ne 'anyɛɛ 'dletɛleɛ Lagɔ "me.

1 Zaa 2:2

'Ɔyi, 'ɔ -sɛ lɔbhɔ 'ɔyi bɔbɔli "ku, -see Lagɔ "kɛ -anyɛɛ 'nyinyonoli 'na 'gbo 'yi 'tale-. -Anyɛɛ 'nyinyonoli 'ɛyikɔ 'ye 'ɛ "ne -kɛ -noɔ, -mɔ, -glɔnya 'klekle 'na 'nyinyonoli 'ye Lagɔ 'tale me -lɔ 'yi.

'Ylikloylɛleweli 19:12

'Ɔnɛɛ 'yli sɛ dɛle sɛgbɛɛ -kosu, "ne 'ɔ -su -maflɛ 'na -gbagbo 'wli. 'Tɔ 'kɛleɔ yɔko "ne 'nyɔkpɔ "ne -yi, 'ɔyi -bholo -kpee -yi -lɔ.

'Ylikloylɛleweli 5:9

'Wa 'di nɛ lo lele nɛɛ: -E -kɛ "bɔgo -wɛ 'na "ku libhisɛ, "ne 'ɛnɛɛ 'gwaledɛ 'na 'vulusɛ. "Naa-, 'wa 'lɔbhɔ- -eyi "ne -e "ku-. -Neɛ' dlu "me -e 'jeti- 'nyakpa. Gbɔgbɔgbo 'klekle, 'nyakpa 'klekle, -glɔ 'klekle, "ne 'dodo ne "ku 'na konya 'klekle, -e 'joa- Lagɔ kɔ.